Yuusuf-Hogaamiye Kooxeed Idaacadda BBC-da oo uu Afduub ku haysto Yuusuf Garaad Cumar oo ah hogaamiye kooxeed u haysta in aan la ogeyn. Posted to the web 20-09-2004 Idaacadda BBC-da oo ah mida ugu caansan raadiyayaasha ku hadla afka soomaaliga ayaa gabtey howsheedii oo isu rogtey goob lagu xayaysiiyo qaar ka mid hogamiya kooxeedyadda ku hardamaya soomaaliya Sida aan ka heley ilo xog-ogaal ah oo ka warhaya qolka yar ee ay Idaacadda BBC-du ugu deeqdey kontomeeyo sanno ka hor dadka ku hadla afsoomaaliga, si ay ula socdaan isbadalka caalamka, ayaa baryahan danbe ku mashquushey in ay kala faquuqdo dadka soomaaliyeed oo ay ka tagto dhexdhexaadnimadii lagu ogaa intii usan Yuusuf Garaad Cumar u noqonin madaxda. Yuusuf Garaad oo ah madaxa tafa tiraha ee laanta afsoomaaliga ayaa si toos ah u cadeysatey inuu u maamusho siduu rabo nusa saacahaas loogu talagaley soomaalidda oo dhan in loogu faa`iideeyo. Wuxuu ka takhalisey dhamaanba dadkii khibradda u lahaa wariyaddanimada ee idaacadda uga soo horeeyey, isagoo keensadey dad ay isaga isu dhaw yihiin isku mabda`na yihiin. Sida dad badan oo aqoon dheeraad ah u leh kana warhaya maamulka qolkaas yar, ay shegeen, waxaa u dhiman oo kaliya Yuusuf Garaad inuu qaato qoriga oo uu dagaalka galo marka loo kuur galo qaabka uu wararka iyo barnaamijyadda idaacada u maamulo, balse waxayba leeyihiin hadii uu soomaaliya xiligan joogi lahaa wuxuu ka mid noqon laha kuwa ugu caansan ee wadda dagaalka. Yuusuf Garaad waxay isu xigaan oo ay jifo yihiin nimanka ay gacan saarka leeyihiin Col. Barre Hiiraale oo ay is hayaan Gen. Morgan, ee .dagaalka qaawan ku soo qaadey degmadda dhoobley, kuwaas gubay matooradii ceelasha ee ay dadku biyaha ka cabi jireen. Si aad maqasheen ama ay saxaafadu soo tabisey wuxuu Yuusuf Garaad is hor taagey inuu soo tabiyo baaq ay soo saareen dadka nabada jecel iyo qaar ka mid ah odayaasha dagaankooda lagu hardamayo oo aan lug ku lahayn dagaalka, isagoo ay ujeedadiisu tahay inuu caalamka ka qariyo nimankaas isku qarinaya boodhka ee ku gabanya diinta islaamka ee sharafka badan. Waxaa taas sii dheer inuu Yuusuf Garaad caadeystey in uu faaf reeb ku sameeyo wararka ay soo dirayaan wariyayaasha xog-ogaalka ah xaqiiqda jirta oo uu kaliya kala baxo inta uu is leeyahay waxay dani ugu jirtaa dadka aad isu dhaw yihiin ee ku faraxlanaya dhiiga islaamka. Yuusf Garaad oo uu adeer u yahay C/qaasim Salaad Xassan oo ah madaxweynaha dawladii lagu soo shuumey magaaladda Carta ee dalka Djabouti ayaa had iyo goor si ba`an u weerara cidii uu arko in ay ka soo haorjeedo maamulka odeygaas iyo waliba qaar kale oo badan. Maalinimadii ay Yuusuf ina dhaga cade iyo Axmed Warsame soo weerareen dhoobley, wuxuu tafatire Garaad si toos ah been uga sheegay cida weerarka ku soo qaadey Dhoobley oo uu ku sheegey in ay ahaayeen oo kaliya Dooxadda Jubba, halka inta badan Ciidankii Col. Barre Hiiraale ay ku sugnaayeen agagaarka Magaaladda Kismaayo oo doonayeen in ay ka difaacaan Gen. Morgan, ayna ahaayeen kuwii soo weeraray magaaladda ciidamo ka amar qaata labada nin Xassan Dahir Aweys iyo Yuusuf Indha cade oo labaduba ay jifo yihiin Yuusuf Garaad.. Si kastaba ha ahaatee wuxuu si badheedha ah oo aan geed ku gabad lahayn tafatire Garaad u joojiyey baaq ay soo saareen qaar ka mid xubnaha Baarlamaanka iyo odayaasha Beesha Absame. Isku soo wada duuboo waxay idaacadaasi noqotey goob ka mid ah goobaha ay xooga ku haystaan hogaamiye kooxeedyadda soomaaliya; Yuusuf Garaadna waa mid ka mid ah hogaamiye kooxeedyadda soomaaliya. Xigasho: SomaliTirbune.com Kismayo.com http://kismayo.com/news/2004/sept/Yusuf%20garad.html