Ku soo Dhawoow
Mareegta Far-Shaxan
  ha moogaan mareegta u ban baxday raadraaca taariikhda, dhaqanka iyo hidaha
  Tifatirayaasha Farshaxan way ka madax banaan yihiin fikradaha gaarka ah ee ku sugan halkan

Maxamed Ibraahim Warsame "Hadraawi" |   | 

  Hordhac
    
    Maxamed Ibraahim Warsame(Hadraawi)waa hal-abuur maanseed,
    oo dabuuubta maansadiisa kala soo dhex baxay dhudhubo
    shareeran iyo dhadhaaabo shuban dhexdood.Maansadiisu waa
    dawan, baaq, hodan, xigmad, murti iyo qaylo dhaan xilliga
    argagixiso jirto. Hadraawi wuxuu maansada ku kala furaa
    aqoontiisa cilmiyeed iyo kartidiisa hal abuurnimo.
    Wuxuu ugu hiiliyaa ninka laga gar daran yahay iyo ninka
    la dulmiyayo.Wuxuu Hadraawi la jaalyahay dadka maxaysatada
    ah, kuwa aan marnaba ka tegen hidahooda,iyo dhaqankooda,
    wuxuu kaloo la jaal yahay dadka diinta u dooda iyo cilmiga
    wax barashada.Hadraawi wuxuu ku lid yahay oo ka soo horjeedaa
    dadka-dadka dulmiya, booba,dhaca, yasa,xaqira, dadka is
    waaweyneeya, dhaqankooda tuura, muslimnimadooda ka taga.
    Hadraawi hal-abuurnimadiisu waa iftiinka xilliga mugdigu
    saameeyo umadda, waa ileyska lagu hirto marka dulmigu uu xaqa
    hadheeyo,waa mid ka talisa aayaha ummada Somaliyeed, waa kala
    hagga ummada Somaliyeed, xagkasta oo la eego, hadday tahay laba
    jacayl lagu kala furdaaminayo iyo laba dagaallagu kala
    dhaqaajinayo,laba gar loogu naqayo, laba wax qaybsanaysa oo
    loogu kala saami tuurayo, qof wax dulmiyaya oo loo sheegayo waxa
    uu qaldaayo,dhinnac kasta oo ummadu ka jilic san tahay
    hal-abuurnimadiisu way ka soo gashay. Waxa Hadraawi yahay
    qarnigan aynu joogno ninka keliya ee Somali u siman aan marnaba
    ka talin in uu hal abuurnimadiisa ku caayo reer, kun dulmiyo
    dad, ku yaso ama xaqiro qof ama dad.Hadraawi waa ninka keliya
    ee Somali soo maray ee aan weli lagu arag isagoo qof ama dad
    ku maagaya maanso ama gabay,marka laga reebo keligii taliyihii
    Maxamed Siyaad Barre,Hadraawi waa ninka keliya ee abwaanimadiisa
    loogu saxeesayo in uu yahay waddani, waa ninka keliya ee
    suugaantiisa aan aan laga helin iin ama qalooc, waa ninka keliya
    ee la odhan karo waa abwaan, hal abuur, suugaan yahan ah,
    Hadraawi waa nin illaahay hibo u siiyey hal-abuurnimada,
    abwaanimada,Magaca Hadraawi wuxuu kula baxay, isagoo aad
    u yar oo Cadan malcaamad ku dhiganaya, ayaa macalinkiisii
    oo nin carab ahaa ayaa wuxuu arkay isagoo caruurtii quraanka
    dhiganaysay jeediyey oo sheeko caruureed uu miyiga ku soo bartay
    uga sheekaynaya,caruurtaas oo carabta ku dhalaytay xiisaynaysana
    sheeko caruureedda, ayaa macalinkii maalin maalmaha ka mid ah
    wuxuu isi soo daba taagay Hadraawiyoo caruurtii laga doonayey
    inay wax akhriyaan sheeko caruureed dabada u haya. Macalinkiisii
    ayaa inta uu dhenged dabada u qabtay ku yidhi.(inama anta hadrun)
    Intaas oo carabiya macnaheeduna yahay waxaad tahay mid hadal badan
    

Amal    Dib U laabo

    
    
     	   Dadku kala ayaan roon
    	   Ama kala aqoon dheer
    	   Ama kala asluub weyn
    	   Hadaan eed la doonayn
    	   Ama deeq Illaahay
    	   Asaraar ka taagnayn
    	   Dadku eexo kaa gelin
    	   Inan yahay la'aantaa
    	   Dumar lama abuureen
    	   Gabadh lama ammaaneen
    	   Jacayl looma ooyeen
    
    	   Geed beer udgoon iyo
    	   Ku dhex-yaal ugbaadoo
    	   Ubax iyo man fuulaay
    	   Ulihii madheedhkee
    	   Iimey ku yaalliyo
    	   Ilo wada xareedoo
    	   Nafta lagu illaawaay
    	   Dayaxoo iftiimoo
    	   Arladoo dhan gadhoo
    	   Afar iyo tobnaadaay
    
    	   Qorraxdoo aroortii
    	   Dhulka soo abbaartoo
    	   Sagal iid dhex joogtaay
    	   Waxaad tahay adduunyada
    	   Dhexda udubka haystoo
    	   Xejiyoo adkeeyoo
    	   Af-gobaadsan maayoo
    	   Qurux lama amaahdee
    	   Ashkir geenyo ugubey
    
    	   Adhaxdiyo laf-dhabartiyo
    	   Sanbabbada agtoodiyo
    	   Ililaha halbowlaha
    	   Eebaa ku mudanoo
    	   Arrintii cuslaatoo
    	   Naftu aammusnaantii
    	   Iimaansan weydoo
    
    	   Amaleey jacaylkii
    	   Soo dhaafyey uurkoo
    	   Afku haysan waayoo
    	   Goortaan ogaadee
    	   Arammidu dillaacdaan
    	   Ooddii ka leexshee
    
    	   Axdi jaba abaal luma
    	   Kaa eegi maayee
    	   Igadh iyo maqaarkeed
    	   Innagoo ahaannaan
    	   Hadalkii ku ururshee
    	   Adiguna dheh aammiin
    
    
    
     	   
     	   
Anuun baa hooyadaa ah   Dib U laabo

Wuxuu yidhi:

    Hunguri calafbaa xukuma
    Hantina dhaqanbaa shushuba
    Dadkana hiddihiisa guud
    Wixii la hayaa dhexyaal
    
    Xaq iyo u-hal-buuxintiisa
    Habboonkiyo waalid tiisa
    Hilbiyo ku-arooridooda
    Siduu uga hawl yaraysto
    Halmaan laga yeeli maayo
    Hawiyo tumashoy dhashayda
    Ka daa gacan-haadiskaaga
    
    Barbaar hanaqaad ku leexday
    Duciyo habaar qaadan waayey
    Cir iyo heeguu noqdaa
    Hadhaysa dhul aan aqoone
    Hoygii madhan wiilashiisa
    Haween dumar baa ka sheegta
    Hablaha kacaybaa u yeedha
    Haldhaa jecel baa u qaybsan
    
    Inaan hadlo maan sugaynin
    Baxnaanana maan horjoogsan
    Hubsiinana maan illaawin
    Hoggeediyo xaajadayda
    Dareenka haloosigiisa
    Hugiisa inaan ka qaado
    Hayaanka fogaaday baa leh
    Markaan cidla hiil ka waayey
    Naftayda halaanhalkeeda
    Waxaan huri waayey sheego
    
    Haantii lulatay dhegayso
    Hoobaanta agtaada taalla
    Hadiinadu baadi weeye
    Hashii korisaa u ciillan
    
    Qofaad halab-saariddiisa
    Daryeelka horseedadiisa
    Dedaallada heensihiisa
    Habeenna ka seexan weydey
    Ku meel maray heegantaada
    Markuu hagar kuu banneeyo
    Dharaar ku haleeli waayo
    Hortaada waxaa yimaadda
    Sidaad ugu heellanayde
    Harraad iyo waa kalkiise
    Hillaac baxayow dhegayso
    Siday talo kaaga hoostay
    
    Calooshu intay ku hoysey
    Hiyigu ku baxnaaninaayey
    Horraadka intaad jaqsiisay
    Dhabtaydu intay ku haysey
    Intaad huwanayd taftayda
    Hobeeya hobey hobeyda
    Intaan dusha kuugu heesay
    Intaan hanad kuugu yeedhay
    Hawraaraha kugu ammaanay
    Intaan hubin kuu xambaaray
    Dartaa u hoggaansanaaday
    Hadhuubada aan ku siiyey
    Habniin adigoo ku diidey
    Intaan hambo kuu daboolay
    Hammuun iyo gaajo qaatay
    Adoo haqab-beel ku seexday
    Intaan hurdo kuu illaaway
    Ilaashay hareerahaaga
    Hungaa i xasuusinaysa
    Hayaydana meel shishaa leh
    Hiloga naftaa aloosan
    Kashaa hinqanaysa goorba'an
    Hankaa i waraysanaaya
    Tolow hebel mee ku foogan
    Aniyo hirashaa is weyney
    Higsiga noloshaa adkaaday
    Adduun iyo haybsigiisa
    Hangool li'idaan ku daayey
    Waxaan ku hagaagi waayey
    Dhankaad ku hagaagsanayde
    Adoo ka hanweyn xaggayga
    Qof kuugu hanweyn dantiisa
    Cid aad ku hallaysay mooyi!
    
    Halyeynnimadaada sheelan
    Habawgiyo dhiirintiisa
    Ayaan halis kuu tusayne
    Intaan kugu hawlo-daaley
    Intaan kugu hoodo-sheegtay
    
    Intaan hebla' kuugu faanay
    Hilaado fog bay lahayde
    Inaan hafarkaaga qaato
    Sidaad ku heshaa da' weyne
    Adiyo habigaaga mooyi!
    
    Habaaska inaad cantuugto
    Adoo hanadaan ka dooratay
    Xaggayga hibaan ku saaray
    Anigu ku habaari maayo
    Huqbaase ku raadinaysa
    Hibaaq xalan maad ahayne
    Hufnaanta dhibtii abuurtay
    Inaanay hadhayn yiqiinso!
    
    Hawaala adduun rabbaa og
    Dadkuna kala hoodo weeye
    Haddeer iyo tii haddeer
    Hadhow iyo tii hadhow
    Hoosiyo sare tii ku raacda
    Anuunbaa hooyadaaya.
    
    
     
Arag Maqal   Dib U laabo
    
     Ergaduu farriintiyo
     Ku adkekeyey heestee
     Egmadaanu kulanoo
     Looxii ilhaankaamkaan
     Sida uurku baalaha
     Indhahayga saaroo
     Warku waa ammaanee
     Adna Maxamed Moogow
     Aakhiro halkay tahay
     Cabdi Qays ogeysii
    
     Ayaadaha Qur'aankiyo
     Araxmaan sidey tidhi
     Hadalkii Illaahay
     Ruuxuu Islaamii
     Sida uu aqoonsaday
    
     Waa ooman hawdoo
     Waa guri abeesoo
     Adeg weeye hoosoo
     Abataq ku yaaloo
     Waa iil madow oo
     Rabbigay adoomaha
     Kaga aar gutaayoo
     Waxa laga arooraa
     Irridaha xabaashoo
     Anban maayo ruuxii
     Qabri lagu adkeeyaa
    
     Marna oogadeeniyo
     Waa oosha guudkoo
     Waa beer udgoon iyo
     Duni wada ilaysoo
     Waa ceel irmaan iyo
     Togag wada ordaayiyo
     Ilo wada xareedoo
     Lagu oon baxaayoo
     Naftu eegmo sugashada
     Ashqaraar ka qaadoo
     Toddobaatan ooryood
     Lala aqal galaayoo
     Rabbigay addoomaha
     Ku abaal marshaayoo
     Dhibta lagu ilaawaa
    
     Afhayaha barbaartow
     Ababshaha dhallaankow
     Taliyaha abwaankow
     Aabaha jacaylkow
     Adigaan ogeyn baan
     Uurkaaga baadhoo
     Ula jeeddadaadaan
     Ka arkaa dhul dheeroo
     Arrintaadu Qaysow
     Af gobaadsi weeyee
    
     Aakhiro Cabdow
     Way aasan tahay
     Iilkay jirtaa
     Aakhiro Cabdow
     Anbatoo luntoo
     Ururkiyo laxaa
     Awrkii cirkay
    
    
     Ku ag-xidhantahee
     Dadku yuu ku eedayn
     Ha dhex gelin ammuuraha
     Isha xidho afkana dhawr
     Arag maqal warkana ood.
    
    
      
Araweelo   Dib U laabo
    
      Ooshu waa halkeedii
      Cirku waa engegan yahay
      Naxariisi kama iman
      Dhulku waa arradan yahay
      Oogadiisu damac ma leh
      Waa abaar dad qalata ah
      Waa sabaan la adhax jabay
      Ma aloosna geedkii
      Afti baana sii tiil
      Dadna waa ogsoonaa
      Anna baanahaygii
      Ku adkaysan waayee
      Sow iimahaygiyo
      Alabkayga lama baran
    
      Olol-reenka hibashada
      Uugaanka baxayaa
      Ma naftii asqowdaa
      Mar labaad arrumisoo
      Agabtii xidhxidhatoo
      Awrkeedu raran yahay
      Ma awaalihiibaa?
      Asmadiyo xanuunkiyo
      Aynfaadku saarraa
      Ma abaabulkii baa?
      Oohowda waallaa
      Ma dabkaan afuufee
      Aasee bakhtiiyaa
      Ololkiisu baxayaa?
    
      Kalgacaylku aafiyo
      Urugiyo dhib badanaa
      Kasha nugul ka adakaa
      Soo aarey nabarkii
      Ma alwadey sidii geel
      Edeg madhan ma deydeyey
      Sida bahal ma oogsadey
      Ma illaday kabtii jaan
      Ma ku jiitey awdalan
      Ma arooryadii baa?
    
      Waabayda udugga leh
      Idin laygu shidi jirey
      Abbaartayda saakana
      Ma adeeridii baa?
      Sidaan aar libaax ahay
      Araggaygu didin jirey
    
      Arraweelo dumareey
      Arrimaha dhexdeenna ah
      Asaraari maayee
      Igu tidhi "ha ii iman"
      Anna waan hubaayoo
      Inaan uurka kaa jaro
      Afar iyo shan goor baan
      Axdi kuugu qaadoo
      Misna oofin waayee
      Isma ogiye goormaan
      Tolow aqalka soo galay?
    
      Ma naftii ku eeddeed
      Obocdeeda karisee
      Ishu kaaga fagantaan
      Usha kaaga reebaan
      Igdhayee sabaayee
      Uubaale geeyeen
      Meelaanay kaa arag
      Ku ilaalinaayaa
      Soo jiidhay ooddii
      Ma adaahidii baa?
      Addinkaaga hoos taal
    
      Aburkiyo xarraankiyo
      Orka iyo mashxaraddiyo
      Alalaaska baxayaa
      Ma ujeeddadaasaa?
      Ma addoonsigeeda?
      Ajar kuugu sugan yahay?
    
      Arxanlaay karkabaddiyo
      Araggaygu murugiyo
      Yaanu umal ku saaqoo
      Anfariir ku geliyiyo
      Kugu noqon af kala qaad
      Arrintayda gabadh yahay
      Nin ambaday ka soo qaad
    
      Naftan oonku shidayee
      Deyn weydey ololkaa
      Amankaaga dhalisee
      Abhin iyo tusaaliyo
      Ergo waaya hadashiyo
      Imisaan karaankay
      La cuskaday aqoonta?
      Ma waxaanan odhannoon
      Ka illaawey baa jira?
    
      Hadday diiddey amarkii
      Ka irdhowdey taladii
      Oggolaatay dala'siga
      Eelka maanigaa dhigay?
    
      Indhahaagu kululaa
      Eebadaadu toganaa
      Warmahaagu adakaa
      Arammida ku haysiyo
      Aanadaadu weynaa
      Yaad ka aarsanaysaa
      Ma nin aabbahaa diley?
      Nin astaamahaagiyo
      Quruxdaada oog iyo
      Ubax dharan ku sheegoo
      Ammaantaada koobaa
      Eed beeli waayee
      Erey tuurleh ruuxii
      Afka kaa yidhaahdiyo
      Utin nimaad ku leedahay
      Waa maxay abaalkii?
    
      Sow ma tihid ilayskiyo
      Iidaanka noloshiyo
      Iimaanka lahashada
      Sidaan kaaga oolaa?
      Immisaan ku jiri baaq
      Heestii ukulidiyo
      Cabashiyo abla-ablayn?
      Xeerkii Islaamkiyo
      Wixii Eebbahay faray
      Olloggayga godobtiyo
      Aanfada ka doortoow
      Aabi loo badheedhiyo
      Ansax maaha digashadu
      Yaan inkaari kugu dhicin
    
      Ashqaraarka kibirkiyo
      Yaanay iiddu kula tegin
      Ha ku tuman aleelaha
      Ha afduubin xaajada
      Isirkeeda doon doon
      Ka ummuli tusaalaha
      Alif macallin weydii
      Bal abuurta dunidiyo
      Shalay iyo awaasheed
      Aashaa dib ugu noqo
      Bal oddoros hilaadaha
      Bal malee wax iman kara
      Berritiyo ayaamaha
      Ifafaale daymood
      Bal iskaa ka sheekee
      Wixi aadmi soo maray
      Taariikhda uur baadh
      Ugub maaha jamashadu
      Ma ishaaran keligey
      Kalgacaylku waa oday
      Asalkiisu waa geed
      Ab abkii lammaanaa
      Nabar oof wareemuu
      La abloobo mooyee
      Abidkii ma qaran jabo
    
      Gabadh yahay addduunyada
      Waxaa loo agaasimay
      Aayatiinka dhaqashada
      Agan maaha gamashiday
      Ma idlaan hankeedii
      Gabno ibo kuryowdoo
      Ablo lagala quustoo
      Maaha laga inaabsaday
      Weli way irmaan tahay
      Waa aroos toddoba baxay
      Oori weeye qurux badan
      Waa ammaano dhaxal gala
      Aayadaa ka soo degey
      Rabbi baa aqoolkiyo
      Abyiddeeda labadaba
      Ka afeeftay beri hore
      Duminteeda ma oggola
      Haddaad siibto udubbada
      Soo dhaafto Alamtara
      Miyaan eedda keligaa
      Cidi kuugu imanayn?
      Maadigaa awoodda leh
      Taladiyo ummuuruhu
      Ma sidaad u aragtaa?
      Ma Illaahay baan jirin
    
      Ula-jeeddadaydii
      Arar baan ku lumiyoo
      Warka waan agmarayoo
      Irbad baan ku qalayee
      Uus-miirka dulucdiyo
      Amba-qaadka geeddiga
      Waxaan guurti ku egmadey
      Hadalkana ku urursaday
      Irrid waliba kuu furan
      Haddaan iisho gabadh yahay
      Marna waa ayaankaa
      Marna waa itaalkaa
      Sheekadayda iib gee
      Aahdayda faallee
      Arladoo dhan gaadhsii
      Unuunkaygu waa hibo
      Kuma haysto aakhiro.
    
      
Axadii   Dib U laabo
    
    
     Waa lay addimey
     Axaddii sidaan
     Kuu eegayee
     Araggeeda taan
     Ku il-doogsadaay
     Ma illawsan tahay
     Axdigaad martiyo
     Meeshaad I tidhi
     Waan imanayaa.
    
     Immisaad farriin
     Ergo soo dirtood
     Oontiyo biyaha
     Hurdo aawaday
     Uga soommanayd
    
     Eed layga keeniyo
     Midna amar Illaahay
     Kuma aad maqnaanine
     Adigayska baaqdee
    
     Haddaad I tidhaahdo iman maayo
     Ma aadeen halkaad ogsooneyd
    
     Anigaa isla hadloo
     Mar waxaan idhaahdaa
     Ku illaawi maysoo
     Way imanne sii joog
     Mar waxaan idhaahdaa
     Axdigaydin dhigateen
     Kola oofin maysee
     Samir Eebbe qaadoo
     Ka fogow agteedaan
     Uurkayga geliyaa.
    
     Arimada jacayl baa
     I hogaaminaysoo
     Misna kuma adkaystoo
     Kama hoydo aydoo
     Naftu olol ma deysee.
     Indhaaga habeenkii
     Ku ilaalinaayoo
     Dhammideed addunyada
     Afarteeda waaxood
     Hadba gees u eegee
    
     Aammusnow habeenkii
     Ug baadka iyo dooggaa
     Tiiraanyo ooyoo
     Idilkood xiddigahaa
     Afar qaaday socodkoo
     Ubax baan guroo
     Soo ururiyoo
     Amranow golii
     Ooddii madhnayd
     Ku ag daadiyoon
     Ku ilaa xidhoon
     Weheshada idhee
    
     Eedaanka diiggoo
     Oogsadey salaadiyo
     Waagoo iftiimaan
     Keligey inaan ahay
     Asaraar ka saaroon
     Addimada cuskadayoon
     Dib u soo arooree
    
     Qof ammaano lumiyoo
     Iibsadey xilkeedii
     Samo uguma aaye
     Aan kala war haynaan
     Ku afgooyey heestee
     Maxay adiga kula tahay?
    
    
     
     
Baaq   Dib U laabo
    
    
    Adigoon cirka u bixin
    Ama boodin leexada
    Ama badaha waaweyn
    Nafta aan ku biimayn
    Baariis adaan tegin
    Ama Boon ka sheekayn
    Barashada dalkaagaa
    Horta laga bogtaayoo
    Beryo laysku hawlaa
    
    Dhulku baaxad sooriyo
    Banan miidhan weeyaan
    Ama waa bus iyo oon
    Ninka buug ku haystow
    Beentaada weeyaan
    
    Balcad Jawhar Shalanbood
    Barakada Qoryooley
    Waxa canab bislaadee
    Baydhabi u gaar tahay
    Boosaaso iyo Beer
    Bixin-Duule Laaleys
    Biyo Guure Kalabaydh
    Beeraha Wajaalee
    Lagu reebay baahida
    Baardheere iyo Jilib
    Waa boqol kun oo mayl
    Dhulka lagu badhaadhee
    Beeyadu ku taallee
    Badar lagu abuuree
    Lagu ridey bariiskee
    Balka lagu tallaalee
    Muuskiyo babaygii
    Barkadeen xareeddoo
    Waxa taa ka sii badan
    Dhulka bari samaadkee
    Beeshaannu daaqdee
    Barta aynu dhaqannaa
    Barqo dhereg ka joogtee
    Iyadoo barwaaqo ah
    Balliyada xareeddii
    Ku bariisanaysoo
    Bidix midig dhan loo dayo
    Barigiyo galbeedkaba
    Waaberi cadceedii
    Soo saartey baallaha
    Bilcilkiyo maraagii
    Shinbiruhu bulxamayaan
    Indhihii basaasow
    Boorame ma aragteen?
    
    Ma ogtahay barbaareey
    Heesaha Barawn tumo
    Adigaan bogga u lulin
    Beerrey Kabeebey
    Bismillaahi Saylici
    Hana-haybsantii bari
    Batar iyo Wareegtaa
    Kuu baadi soocee.
    
    Ma ogtahay barbaarreey
    Qalabkana bud dhumucliyo
    Waran iyo billaawaa
    Kuu baadi soocee
    
    Ma ogtahay barbaarreey
    Barshin iyo darfooley
    Bayluuli xaradhlaa
    Kuu baadi soocee
    
    Ma ogtahay barbaarreey
    Waxa loo buseelaa
    Ama qurux ku caan baxay
    Ama laysku baantaa
    Ama lagu bogsoodaa
    Kal bugtaa ku faydaa
    Kugu deeqa baashaal
    Guri bila ku magac dheer
    Hablaheenna bilicdiyo
    Biligiyo il-waadka leh
    
    Bilcantii shisheeya ah
    Ninka beegsanaayow
    Waxaan kaaga baqayaa
    Inaad baadi noqotee
    Cidla baylah keligaa
    Yaanu bahalku kaa helin
    
    Isu buri geyaankaa
    Barta gogoshu kuu taal
    Bahda lagama maarmaan
    Bud-dhiggaaga koowaad
    Baaqaygu waa kaas.
    
     
Barabaraale   Dib U laabo
    
             Iyadoon bartiro jirin
    		 Wax la yidhi lixlaha biig
    		 Haddii Baashe lagu dilo
    		 Marka qaybta laga baxo
    		 Boolaynta laga dhigo
    		 Shaxda booli-tuugiyo
    		 Sharci boob ah lagu wado
    		 Afar turub nin barashada
    		 Ka bogtaa ku gacan gala
    		 Baandheeyaa weligii
    		 Wax ku beela qaabkaas
    		 Waxa adag ka bowsadey
    		 Isagaana badin kara
    
    
    		 Shaashowdey bilicdii
    		 Ban martoo la garan waa
    		 Badhxantoo la maydhaan
    		 Waxa lagu balllaysimay
    		 Indho buuryo-goyseed.
    
    		 Buurrantu muuniyo
    		 Barkhad kaydsan maahee
    		 Barar taws ah weeyaan
    		 Bugtadiyo xanuunkuna
    		 Haddaan baadhay waa ciil
    
    		 Bahalow shabeelow
    		 Hooy bara baraalow
    		 Waaryaa nin buureed
    		 Bulsho waxay ku leedahay
    		 Beri waxaan ogsoonaa
    		 Adigoon ka soo bixin
    		 Casha boholaheedoo
    		 Dhirta baaxad-weynta ah
    		 Baarkeeda seexdee
    		 Maqlay inad bannaanniyo
    		 Timi badhaha hawdkoo
    		 Bulbullow libaaxii
    		 Boqortooyadiisii
    		 Duhur ugu badheedhoo
    		 Burjigii ka furatoo
    		 Bili qaadi weydee
    		 Beelahanagtaadaan
    		 Kaa soo bariidshoo
    		 Budulkay la soo galay
    		 Barkintaad ku jiiftee
    		 Waxba baadi xoolaad
    		 Beryahaas ma kulanteen?
    
    		 Bahalow Shabeellow
    		 Hoy bara baraalow
    		 Waaryaa nin buureed
    		 Bulsho waxay ku leedahay
    		 Beri waxan ogsoonaa
    		 Adigoo baruurtiyo
    		 Cunin bulad Ammaankoo
    		 Riyahaaga baadhee
    		 Bishan iyo bisheedii
    		 Boqol iyo lag baa maqan
    		 Wanankii Ba-Ceeblee
    		 Badhi iyo leg goormaa
    		 Boholyowgu kuu galay?
    		 Balse waxa la yaab dhalay
    		 Nin barwaaqo haystoo
    		 Ka engegan badhaadhee
    		 Bishmahaagu Caarrow
    		 Maxay kuu basaaseen
    		 Ma buskaad is-marisaa?
    
    		 Bahalow Shabeellow
    		 Hoy bara baraalow
    		 Waaryaa nin buureed
    		 Bulsho waxay ku leedahay
    		 Dadka baylahdiisiyo
    		 Baloolleyda tebiska ah
    		 Koromada berdaa-le'eg
    		 Iyo dibida beyga leh
    		 Barbarriiji weligaa
    		 Tarab tarab u boqol goo
    		 Isku biirso liqanyada
    		 Isku baano yeelkaa
    		 Balse waxa la yaab dhalay
    		 Barta aad ku qalatiyo
    		 Baradaaada caydha ah
    		 Raqi kama cidhaantee
    		 Ma laftaad burbursaa.
    
    
    		 Bahalow Shabeellow
    		 Hoy bara baraalow
    		 Waaryaa nin buureed
    		 Bulsho waxay ku leedahay
    		 Badda iyo nafleydii
    		 Balliyada ku noolayd
    		 Bogan waaye jiifkoo
    		 Wadnahaa babbanayoo
    		 Beerkaa legdamayee
    		 Xaggay bayr ka yeesheen
    		 Biyahana ma joogtaa?
    
    		 Bahalow Shabeellow
    		 Hoy bara baraalow
    		 Waaryaa nin buureed
    		 Bulsho waxay ku leedahay
    		 Maxaa haadda buubtiyo
    		 Baqayaha daruuraha
    		 Balwadiisu noqoteen
    		 Wax la baratamaa jirin
    		 Ama booddo lagu qaban
    		 Baqdintaada awgeed
    		 Bogga uga qadhqadhayaan
    		 Miyaad baalal leedahay?
    
    		 Bahalow Shabeellow
    		 Hoy bara baraalow
    		 Waaryaa nin buureed
    		 Bulsho waxay ku leedahay
    		 Bari iyo Galbeedow
    		 Haddaad baahdey aashaa
    		 Qalwo bogox ku leedahay
    		 Bidixdana ku furan tahay
    		 Midigntana badhkaa yaal
    		 Nin boqol ku tala-galay
    		 Dhankee kaaga baydhaa?
    		 Dhinaceed u badan tahay?
    		 Barbarkee ka maqan tahay?
    
    		 Bismillaahi yaahuu-
    
    		 Degelyohow barkuma-taal
    		 Bulsho waxay ku leedahay
    		 Bisiq iyo xangeyiyo
    		 Banji iyo dharkayniyo
    		 Bilcilkaaga hawliyo
    		 Dhirta boocda mooyee
    		 Tolow baad la daaqiyo
    		 Miyaan cawsna kaa bixin?
    
    		 Degelyoho barkuma-taal
    		 Bulsho waxay ku leedahay
    		 Beertaadu hoog iyo
    		 Bacad iyo habaas iyo
    		 Bacow iyo qaniin iyo
    		 Badso io shirqool iyo
    		 Burso iyo khiyaaniyo
    		 Beeraadka samihiyo
    		 U buseelka godobtiyio
    		 Boqon goynta nabaddiyo
    		 Booraanta jarankiyo
    		 Boholaha asaydiyo
    		 Cabsi iyo ma been baa?
    		 Biyaheedu dhiig iyo
    		 Xinjir bururinteediyo
    		 Ma baroorta dumarkaa?
    
    		 Balka iyo sabuulkuna
    		 Ma banbaane ololiyo
    		 Waran iyo billaawiyo
    		 Baaruudda huguntiyo
    		 Birta lagu idlaadaa?
    
    		 Baaq baaqu daab iyo
    		 Bishil iyo ma soofaa?
    		 Waxa lagu bislaystiyo
    		 Badarkeedu dhimashiyo
    		 Baga iyo ku digashiyo
    		 Ma busaarad dhegalaa?
    
    		 Bahalow Shabeellow
    		 Hoy bara baraalow
    		 Waaryaa nin buureed
    		 Bulsho waxay ku leedahay
    		 Beryahaagan ka horow
    		 Bahda habar-dugaag yahay
    		 Marka ay biciidkiyo
    		 Koran buuran loogtaan
    		 Inta boodhku qariyaa
    		 Waxba yay badhkoodiyo
    		 Helin bawdo hiliblee
    		 Kolay biixii ruugaan
    		 Marka biidhi-qaatiyo
    		 Qawluhu is-boobaan
    		 mid afkii ka buux samay
    		 wax ka bililiqaystaan
    		 badanaa ma qadi jirin
    		 raqda baallaheediyo
    		 badka kama maqnaan jirin
    		 saw tan Buulalleydii
    		 ku bakhtiday ag-taadii.
    
    
    		 Burrusow Dameerow
    		 Biyo ceel ma keenow
    		 Hadba dhaan ku biirow
    		 Beelaha aroorka ah
    		 Iska daba boqoolow
    		 Bulsho waxay ku leedahay
    		 Geela baadi soocdiyo
    		 Sumaddiyo birqaabka leh
    		 Boodaanta wada xidhan
    		 Meeyey baarqabkiisii
    		 Baqal looma tu'iyee
    		 Yaa baacso kugu yidhi?
    
    		  
Beeraad   Dib U laabo
    
    
    Aan baab tusaala ah
    Ku bireeyo heestee
    Waxa iga ballaysina
    Bismillaahi waa kow
    Cabdiyow ba'lagu yidhi
    Beertii jacaykow
    Haddii siinki buuq iyo
    Badhax iyo cindiid dhalay
    Kaftankeenna balliyo
    Ba'ba aan u rogannee
    Waynoo baloolley
    Lugta bidix ka jaamee
    
    Barni iyo Saluugliyo
    Basradii Hargaysiyo
    Burco Saxarladeediyo
    Cabdiyow ma beenayn
    Ballankii Suleekhee
    Sed bursiinyo doon baa
    Beled-weyn I geysoo
    Badhidaan leggeedii
    Is lahaa ku biirsoo
    Waxaan buuxi leeyahay
    Haantii barwaaqee
    Bi'I waaye Qaysow
    Hawshayda kala quban
    Xilka aan u baydnahay
    Barashada xusuusta leh
    Ha ka dhigin bar kuma taal
    
    Ana baadi hadaftoo
    Iska badalli roortiyo
    Hayga dhigin nin biya-dhacay
    Sheekada bu'deediyo
    Baaceeda sii raac
    Gunta hoos u sii baadh
    I baxnaani saaxiib
    
    Ruuxaad ba'iisiyo
    Iintiisa baratee
    Bedenkiyo calooshiyo
    Kuu baadha feedhaha
    Boogtiisa Qaysow
    Lama sii banneeyoo
    Bacda lagama jeexee
    I banbaani saaxiib
    
    Beerlula warkeediyo
    Buundada korkeediyo
    Baaxaa deggaygiyo
    Kalgacaylka beermiyo
    Taliyaha I badhi-furay
    Berigaas wixii dhacay
    Bandhiggii nin joogow
    Sheekada ka bogatoo
    Uma baahnid faallee
    Adiguba barbaartiyo
    Bulshadaad la socotoo
    Barbar baad ka saarayd
    Baabuurka dhoofoo
    Batarkiyo ciyaartaba
    Adigaa ka boodee
    Cabdiyow baroortuba
    Ka badh weeye meydkee
    Beybeysigaagiyo
    Beeraadka iga daa.
    
    Ragna biime weeyee
    Taladii bir lagu jaro
    Hadday baydu furatoo
    Xadhkaheedu buubaan
    Lama baraq nuglaadoo
    Bishmahaaga Qaysow
    Baqe lama qaniinee
    Waxa loo badheedhaa
    Biyo dhiijinteedee
    Haddaad bayr ka leedahay
    Biyo jira kashaadiyo
    Buro adiga kugu taal
    Boholiina lagu dhacay
    Ma bir baynu xidhannaa.
    
    Iska booqi maayoo
    Bulxanka iyo qayladu
    Wax bilaasha maahee
    Beesheenna weyn baan
    Ku baxaan baxaayoo
    Hadba dhinac ka booqdaa
    Hablaheenna biligiyo
    Bilic lagu majeertee
    Loo soohay baarkaa
    Timahaa ka badannoo
    Iyagaan bad iyo webi
    Ugu baaqayaayoo
    Anna biligta laafyaha
    Baxsanaanta jaahaan
    Ku baarugaayoo
    Hadba tii I baabtee
    Boholyow I gelisaan
    Kalgacaylka Boodhari
    Ku bariidiyaayoo
    Boogaha jacaylkaan
    Siiyaa badhkeedee
    Waxa kuu bushaara ah
    Berritana Jamaamiyo
    Baar-Dheere iga eeg
    
    Ido boqol kun gaadhoo
    Barqanaaya doog baan
    Hadba baal u rogayaa
    Bahalaha ka rebayaa
    Barkan maayo gacantoo
    Baashaali maayee
    Cabdiyow bal ila soco
    
    Aan baab gunaanada
    Ku bisleeyo heestee
    Waadigan ba'iyo siin
    Labadaba bilkeedee
    Anna baadi doonkiyo
    Budulkaan ku joogaa
    Belo waa danbaysaa
    Ha is boobin saaxiib.
    
Baladweyn   Dib U laabo
    
      Bi'i waa jacaylow
      Boodhari inuu diley
      Been baan u haystee
    
      Bi'i waa jacaylow
      Boog aan la dhayinoo
      Cidi baanan karino
      Beerkiyo wadnaa iyo
      Bogga kaaga taalliyo
      Inuu yahay bir caashaqu
      Been baan u haystee
    
      Webigoo butaacoo
      Beeraha waraabshoo
      Dhulka baadku jiifoo
      Dhirta ubaxu buuxshoo
      Canabkii bislaadoo
      Badarkiyo galleydii
      Laga tuuray baalkoo
      Bulladiyo ciyaaraha
      Lagu waa bariistoo
      Beeluhu gu' joogaan
      Sow beri-samaadkii
      Beled Weyne maan tegin
    
      Dhanka bari magaalada
      Sow boqorad joogtoo
      Biyo dahab la moodoo
      Cilicdii haweenkiyo
      Bili loo dhameeyoo
      Timo boqonta joogoo
      Baal gorey la moodoo
      Baarkana casaankii
      Bidix midig is gaadhoo
      Bul-cad lagu xiddeeyoo
      Badh ku xeexanaysoo
      Barkanaysa qaaroo
      Huwanaysa baaloo
      Igu beertay lahashoon
      U buseelay maan baran
    
      Sow goor barqa ahoo
      Bishu ay siddeed tahay
      Aniga iyo Beer luli
      Isku maannu soo bixin
    
      Sow bariidadaydii
      Iyo bedashadeedii
      Buundada ciyaartee
      Beled Weyn ku taallee
      Biyo lulata guudkood
      Badhtankeeda maahayn
    
      Sow bixiso weeyee
      Ballan maanu dhiganoo
      Beeri joog imay odhan
    
      Sow bayd go'aygii
      Layguma bushaareyn
      "maantaa la baxayaa
      bulshadii imay odhan"
    
      Sow waa bastey oo
      Socod beegsan maayee
      Ina baaja caawoo
      I baxnaansha maan odhan
    
      Sow taliye baasoo
      Ba'anoo war-moogii
      Taydii ma beenayn
    
      Sow badiba kooxdii
      Goortay badheedhee
      Baabuurki fuulleen
      Anna baal kamaan korin
    
      Boholyow daraaddii
      Sow baraq nuglaantii
      Belo lagu ducaystiyo
      Baryo kumaan maqnaynoo
      "Biri may xumaatoo
      batroolka daadshoo
      ka wadaa bukoodoo
      bogsan waayo" maan odhan
    
      Sow beriga waagiyo
      Barqo kulul dhexdoodii
      Geed baaxad weynoo
      Dherer iyo ballaadh-loo
      La yidhaahdo Baaroo
      Bilig dheer hirkiisii
      Ma bidhaan sanaynoo
      Bulxankiisa yeedhiyo
      Ma maqlaynin baaqii
    
      Sow baaxad soorii
      Iyo laba boglayntii
      Maan noqon bestey oo
      Bacadkii ma dheelliman
    
      Sow galab-baqoolkii
      Annagoo barwaaqiyo
      Meel baadle joognoo
      Tumanayna Beerrey
      Sow maan baraarugin
    
      Riyo beena weeyee
      Sow baalla daymii
      Baabuur lalaahyood
      Haad baalle mooddoo
      Fananaaya buur dheer
      Isma odhan ka boodoo
      Nafta sow ma biimayn
    
      Nin Banaadir joogoo
      Beled-Weyn la haystoo
      Waxaan ahay la baabee
      Sow baadi doonkii
      Weli baafi maan ihi
    
      Beled-Weyn Allahayow
      Ka dhig xiro badhaadheed
    
      Beerlula Allahayow
      Belaayada hareer mari
    
      Beled-Weyn Allahayow
      Ka dhig guri barwaaqeed
    
      Beerlula Allahayow
      Beryo samo ku noolee
    
      Beled-Weyn Allahayow
      Ka dhig beerta raaxada
    
      Beerlula Allahayow
      Ka barii wax yeellada.
    
    
      
Bulsho   Dib U laabo
    
      Talooy go'an baydahaa
      Xujooy taran bedenbedkaa
      Hawooy balaggaa furfuran
      Sengow dhimay badalligaa
      Biddoow camalkaa ku sheeg
      Badeey adigana muggaa
      Hirkaagiyo baaxaddii
      Buraashad miyaan ku dhuray
      Ballaadhkiyo mowjaddii
      Bilaale miyaan dardaray
      Shantaa hore bidix lisee
    
    
      Caroog kulul baa balwadey
      Babtiisii baa la naxay
      Dad baa isu soo bulladay
      Dhankee babbisadu jirtaa
      Baquhu yuu saaran yahay
      Ninkee boholaha Xargaga
      Balbalo u daboolan tahay
    
    
      Bulshaale wad buu sidaa
      Bahdoon buu maaggan yahay
      Ul boocuu ugu tukubay
      Berdaa lagu kala negaa
      Dhexdoodii buu ka baxay
      Dhammaa beydbeydsigii
      Ban weyn baa layska helay
      Fallaadhuhu gun iyo baar
      Bartii shiishkay hayaan
      Biciidkuna wuu arkaa
      Xaggeese la beegsadaa
      Badbaado miyay dhacdaa
      Belaaydu yaab lahaa
      Wax bay buun buunisaa
      Nin jeeday bararisaa
      Shantaana ballaysinkii dheh
    
    
      Bulshoy adigaa milga leh
      Ninkii boojimo ku yidhi
      Shalaad barataannu nidhi
      Bayluulida haw furfurin
      Bariidana kaama geyo
    
    
      Ninkii ballankaaga qaaday
      Ka baaqday xilkaad u dhiibtay
      Ka baydhay ujeedadaada
      Ku boobay adoo sabool ah
      Ku wiirsaday baaba'aaga
      Adoo bogan waayey taada
      Ninkii u buseelay raaxo
      Huwaday bulbushii libaaxa
      Buruudkiyo shaashka qaatay
      U booday cirkaa dusheenna
      Bilkeeday laboontidiisa
      Buurtuu koray waarin mayso
      Heddiisana baajin mayso
      Kub iyo bawduu ka jabi
    
    
      Shantaana umal fool bashiishtay
      Berdaanka xusuusta ii dheh
    
    
      Bulshooy adigay boqraday
      Beerkayga adaa gogladey
      Bogeyga adaa huwadey
      wadnaha adigaa barkaday
      bishmaha adigaa furfura
      Markii lagu bililiqaysto
      Markii baaqagu yeedho
      Ayaan boholyoow gabyaa
      Dareenku baraarugaa
    
    
      Bulshooy adigay boqrday
      Adaa bili igu shakalay
      Baruudka adaygu xidhay
      Haddaan ahay wiil bir kulul
      Burjiga adigaa iska leh
      Badheedhka adaa i faray
      Dagaalka adaa i baday
      Belaayo haddaanay dhicin
      Dantaada haddaan la bi'in
      Haddaan baradaadu guban
      Miyaynu is baran lahayn
    
    
      Haddaan wanka badhida weyn
      Baraarkana loo qalqalin
      Ninkii cunay booligaaga
      Haddaan buro loogu darin
      Saboolka haddan la badin
      Haddaan boqol ruux la korin
      Dhulkii beeraha lahaa
      Haddaan basanbaas ka dhicin
      Bal iyo xaab laga idlayn
      Dadkii qabay berisamaadka
      Haddaan badhax loo shubshubin
      Barwaaqadu tuugsi noqon
      Haddaan badar loo kaltamay
      Biyaha sixin looga dhigin
      Basaasta ninkii huwaday
      Badhaadhnay haddaanu oran
      Naftiisana been ku furan
      Miyaynu is baran lahayn
    
    
      Haddaan waa kuu beryaa
      Bayuur iyo ummal ku tarin
      Haddaan berritiyo sed maqan
      Bushaara lagaaga dhigin
      Baxnaanadu kugu adkaan
      Haddaan sida Baar-caddaa
      Baloolliyo badowyaley
      Naftaadu ku ciil belbelin
      Qabiilka haddaan la bilin
      Haddaan boodhka laga tuntumin
      Haddaan is bahaysigeenna
      is biirsiga wada-jirkaaga
      Budh iyo xoog lagu furfurin
      Bartaada haddaan la dhicin
      Bukaanka haddaan la nicin
      Haddaan bogso lagu daweyn
      Miyaynu is baran lahayn
    
    
      Barbaarta haddaan la layn
      Billaawuhu dhiig matagin
      Ninkii ku bud dhigi lahaa
      Haddaan baqayuhu ka lalin
      Halyeyga badbaadadaada
      Haddaan bahaluhu ku shirin
      Haddaan bir ma geydadaada
      rasaas loo berentensiin
      Waraabuhu baan ka dhigan
      Baroorta qofkii lahaa
      Haddaanu u rogan bil-khayr
      Belaayo xijaab ka dhigan
      Wixii hadhay baylahdaada
      Haddaan buntukh loogu talin
      xanuun lagu baraq nuglayn
      Nin bayr lihi salow ku gelin
      Miyaynu is baran lahayn
    
    
      Basaas iyo oon dartii
      Haddaan dhulku baali noqon
      Haddaan sida bagagidii
      Banaadir indhuu ka nixin
      Bariiso haddaan la qixin
      Boqoolku is daba taxnaan
      Bugaan bugtu gelin Xijaas
      Badroolka haddaan la yu'an
      Hablihii boqorkiyo dhacalaha
      Baftada lagu wada yiqiin
      Haddaan baxsadkooda dheer
      Baxreyn laga soo qab qaban
      Haddaan boqorrada Carbeed
      Amiirada baalka xidhan
      Kun jeer baryo loogu tegin
      Miyaynu is baran lahayn
    
    
      Haddaan bari ina qalayn
      Haddaan bogox ina fantayn
      Beelahaa ageheenna yaal
      Haddaynaan buro ku noqon
      Tukii baallaha caddaa
      Adduunyadu baadideenna
      Bannaanada kaga xeroon
      Boogteenniyo dhaawaceenna
      Haddaan baga laynna odhan
    
    
      
Ceel Walwaaleed   Dib U laabo
    
        Wahe dhalashadaadaan
    	Farxad waalan gaadhoo
    	Weedhkiyo dabaylaha
    	Ama weriyahaagii
    	Goortaan waraystaa
    	Werwer ii dhammaadoo
    	Wahab layga qaadoo
    	Lugtu weerar mooyee
    	Wahsigii illowdoo
    	Wadar iga lib-haysaan
    	Wiil curad sidiisaan
    	Wanan kuu bireeyoo
    	Waayeel duceeyaan
    	Wacayoo u yeedhee
    	Walqashaadii maadaa
    	Cunay waaxyaheedii?
    
    	Weger iyo ka waaweyn
    	Tani waa ka waasacan
    	Hadday ceel Walwaaleed
    	Ku go'aan wadaamuhu
    	Waan-waani dhacantee
    	Wadnahaan farta ku hayaa.
    
    	Inkastaanu weydeyn
    	Waranlaha ilaashaa
    	Waadaasha xooluhu
    	Iyadaa waraabaha
    	Wehelkeeda mooddoo
    	Woohowda diiddee,
    	Waddo halaq nin moog baa
    	Waabay ka leefee,
    	Wed hadday ka nooshahay
    	Waageed ha gaadhoo
    	Waxaraaha raacdaan
    	Wakhti kuugu simayee
    	Goormaad wadaadkiyo
    	Weliyada sidoodii
    	Ii waaninaysaa
    	Wacdi ii furaysaa
    	Werdi ii rogeysaa
    
    	Weger iyo ka waaweyn
    	Tani waa ka waasacan
    	Hadday ceel Walwaaleed
    	Ku go'aan wadaamuhu
    	Waan-waani dhacantee
    	Wadnahaan farta ku hayaa.
    
    	Isla-weyn qabkeedaa
    	Wiyil aan jaraysnayn
    	Ugu wadha maqaarkoo
    	Lugta webi u geliyee,
    	Haddaan weel gun laga tolin
    	Waayaha adduunyada
    	Xog-ogaal la weydiin
    	Ruuxii gu'kaa weyn
    	Lagu odhan wax ii sheeg
    	Taladaadu wiilooy
    	Dalab waayi maysoo
    	Qofna waari maayee
    	Mudanaha walaalkaa
    	Haddii weerar lagu dilo
    	Isha lalama waabtee
    	Weerkiyo baroorta
    	Dadka lala wadaagaa.
    
    	Weger iyo ka waaweyn
    	Tani waa ka waasacan
    	Hadday ceel Walwaaleed
    	Ku go'aan wadaamuhu
    	Waan-waani dhacantee
    	Wadnahaan farta ku hayaa.
    
    
    
        
Cajeb   Dib U laabo
    
        Cajebey cajiibeey
    	Cawo iyo ayaaneey
    	Caqligaad xadaysaa
    	Caku barashadaadii
    	Iyo caabuqaagee
    	Sida faras cag fududoo
    	Cadda-horor yaqaannoo
    	Gulufkiyo colaadaha
    	Ninka lihi cad-goostaa
    	Raggu kuu cugtamayaa
    	Anna caashaqaagaan
    	Hadba weel u culayaa
    	Cimri-dherer hadhkaagaan
    	Riyo kula caweeyaa.
    
    	Dhulka oo cagaaroo
    	Cosobkii dul-saarraa
    	Isagaan car-jabin weli
    	Cabbanaan daraaddeed
    	Ciidda hoose raantiyo
    	Kula ciiray fooddoon
    	Cagta meel la saaroo
    	La cuskado lahaynoo
    	Calcalyada xareeddii
    	Halka godan cuslaysiyo
    	Fiid-cawl horraantii
    	Cirka oo daruuruhu
    	Midab wada cillaaniyo
    	Ku dhigeen canjiidaha
    	Xilli ay cadceeddii
    	Dhar cashmiira xidhan tahay
    	Sagal caasha saaraad
    	La wadaagtey caanoo
    	Haddaan caawo kale jirin
    	Cidi kaama garateen
    
    	Geed cal iyo buur dheer
    	Carro-hodan ku yaalloo
    	Cokanoo irmaanoo
    	Dhirta kale ka caynoo
    	Cimilada agtiisiyo
    	Rugtu qurux ku caan tahay
    
    	Dusha sare caleentii
    	Laamaha is-celisoo
    	Hoobaan casuus lihi
    	Cartamayso dhinacyada
    	Ubaxuna tin iyo cidhib
    	Kaga dhigay cabbaadhyada
    	Shimbiraha ka ciyayaa
    	Intay heeso curiyeen
    	Isku camal wareereen
    	Dabadeeto carashada
    	Markii laysku cayn go'ay
    	Isu ciidan doonteen
    
    	Halcabbaara goortay
    	Isu calan walleeyeen
    	Cadho kala maqnaayeen
    	Cadcaadiigsi geedkii
    	Ciddiyaha ku qariyeen
    	Codka luuqda heestiyo
    	Carrabkoodu kala tegay
    	Carcaraha is daba maray
    	Cudur jirey ku baaba'ay
    
    	Dhallin caana diiddoo
    	Guryihii ka caagtiyo
    	Cadraddiyo barbaartii
    	Sida goob ciyaareed
    	Ugu soo carraabeen
    	Calaf waa halkiisee
    	Hadallada cawayskaas
    	Ku calmaday u badan tahay
    
    	Carshigaa nasahan baad
    	Biyo wada cabteenoo
    	Haddaan lay cadaabayn
    	Rabbi ii cadhoonayn
    	Dadku in ku caashaqo
    	Madowgiyo caddaankuba
    	Ku caleemo saaraan
    	Sow kuma canaanteen.
    
    
        
Daalacan   Dib U laabo
    
    Maansadani waa maansadii labaad ee
    silsilladda Deelley ee uu Gaariye
    Bilaabay.
    wuxu yidhi Hadraawina:
    
    
    Ma da'furin ogaalkay
    Xaska dabada maan gelin
    derejada ilhaamkiyo
    hibadii dalaysnayd
    uma dhiibin duudduub
    Weli Dalawadaydii
    Doobigeedi may dhimin
    Dibu-dhigasho mooyee
    Wax is doorshey may dhicin
    Afartaa xan durugtiyo
    Danni jira wax sheeggii
    
    
    rag hadduu dagaal galo
    Danta guud xilkeediyo
    U dareero fuullaan
    Ashkir deeddan badiyaan
    xakamaha la doontaa
    Duullaanka kama hadho
    
    
    gaarriyoow dugaalkiyo
    Shaxda Delebka taallee
    Daawashiyo cayaarba leh
    Sirmaqabe ku diirsaday
    Aniguna hog baan degey
    Digba waa digteedee
    Deelleydu waa laba
    
    
    Afartaasi waa duud
    Arrin wadata diirkeed
    Dulmar gabaygu lee yahay
    
    
    marka dooddu kulushahay
    daldaloollo muuqdaan
    Doogashada qabiilkiyo
    Dacar iyo ladh soo kaco
    Nabaradu dillaacaan
    dadku kala qaloodaan
    Marka dhidar ku daadego
    Booraan dahsoonoo
    Hilbo laga diqoodoo
    Damac-beelay yaalliin
    Dabadeedna uuskiyo
    Duufkiyo xumaystii
    debedda ula soo baxo
    Dadku shaamareeraan
    Neecaw delleganoo
    Doorsoontay uriyaan
    Waxan ahay dareenkii
    Noqon jirey daruurtee
    Sidii roobka di'i jirey
    Dalka wada dhammayn jiray
    
    
    Indhaweyto daaf iyo
    Cudur daansha socodoo
    Duulduulay baa jirey
    Daacuunse maahee
    Asal-tira-ma doorshuhu
    Duraygay abuureen
    Ma og tahay nin doorkiyo
    Inta neceb dir soocee
    Derejeysa qarankiyo
    Durdurrada aqoontiyo
    Qalinkiyo Dawaadiyo
    Deelleyda curatiyo
    Innagaa ka daba tegi
    Durbaankay tuntumayaan
    Dawankaynu sidannaa
    sida danaba u baab'in
    Dugsadaha qabiilkiyo
    Dib-ka-naaxa shaac baxay
    Diga-rogashadeennii
    Iyo dawladnimadii
    Dib inay u celiyaan
    Qorshahayga kuma darin
    Nin kastaa ha duudsiyo
    Ama dala'si haw xado
    Ama duurka haw xulo
    Ama dabinno haw dhigo
    ama duhur ha weeraro
    Ama damac ha dhaafsado
    Gobannimadu waa degel
    Dayax iyo iftiin nool
    Dumimeyso weligeed
    Anigaa dabka u sida
    Dal-jirkeedi baan ahay
    ninka xagal-ka-daaciyo
    Goldaloola iga hela
    Isaga iyo digtoonkii
    Anigiyo dagnaantay
    Taariikhdu duuggeed
    Diiwaanka qarankiyo
    Wixii deyn cad ii qoran
    Dirirtiyo rogaalkay
    
    
    Dahabka iyo maartiyo
    lacag aan Dur wadannoo
    Laba daabac sidatiyo
    Dalaga iyo beeraha
    dacalada Shabeelliyo
    webiyada dugsaniyiyo
    Danbarsada labeentiyo
    Dirirradu habaaskiyo
    Dusha sare ka maydhaan
    Daarahan casuustaleh
    Kolba midab la doortiyo
    Diibka lagu mariimee
    Shanta Datsun yaalliin
    Hanti aan dal dheer iyo
    laga keenin dibadaa
    Karti iyo dedaaliyo
    dardar lagula soo bixin
    Duullaanna loo gelin
    Duco waalid soo hoyn
    Carshigana ka soo degin
    Deeqdaa la yaabka leh
    Ninka weel darsanayee
    digashada saboolkiyo
    Ku darsaday badheedhaha
    Miyaan eedi daba ool
    Godobtiisu dedanaa
    
    
    Bulshadeenu waa duul
    Daacad iyo xishood badan
    Dun xariira weeyaan
    Cidna uma darraadaan
    Dar Allay ku dhaqantaa
    Dareen waw dhegweyn tahay
    Ogow doqonse maahee
    Qofka maamul dalabliyo
    Dabbaal-joogto hoosiyo
    Dibindaabyo ugu maqan
    Degdeg uma tilmaamaan
    Nabar kulama duulaan
    Dib bay ugu muddaystaan
    Dulmigiisu waw kayd
    
    
    Afartaa dun quruxliyo
    Diillimaha Biciidkiyo
    Dildilaha farshaxankiyo
    sida delebka ma dhigay
    Mid kalaase ii dihin
    weli dooddu ii furan
    
    
    Maansadan dabayshiyo
    Duufaan sidiisii
    Dalandool u socotee
    Dalladii qabiilkiyo
    Xidhan waranki deyllaa
    Laga furay daboolkii
    lagu gado dukaamada
    Miyaan xeer dabbaaliyo
    Sharci laba-dibleeyiyo
    Dar u qaybsan loo hayn
    Toloow daaya yaa yidhi
    Duumadan xanuunka leh
    Kuwa luuqda daba dhigay
    Denbi miyaanu qabanayn
    
    
    Dulucdiyo ujeeddada
    Runta aan u daadego
    Ducda hadalku waa hee
    Inta gaajo doob tahay
    Derbi tahay laxaad weyn
    Dufan-jecesha ururtiyo
    Dibna-leeftatarantee
    Doorka maanta soo baxay
    Dabatadu sad roon tahay
    waxa yaal daldalayaan
    Danyartiyo saboolkuna
    Diingaraaro jiifaan
    Dadku kala sarreeyaan
    In qabiilku dabar-go'
    Ama dumo ha eegina
    Cilmi diidayaa jira
    
    
    Deegaanta noloshiyo
    Darantiyo samaantana
    Ninkii doonayoow taas
    Daw loo maraa jira
    Umad yahay daryeelkaa
    isku duubnidaa iyo
    Adigiyo dedaalkaa
    Dawadaadu waa taas
    Dhan hadday ka debecdana
    Gabbalkaa dam weeyaan
    Ma dardaaran baa hadhay
    Deexashada tusaalaha
    Ama talada deeqda ah
    Miyaad dood ka leedahay
    
    
    Geenyadaydi Daalacan
    Dabar saari maayee
    Dibso aan idhaahdoo
    Dagagara ayaamee
    Sulmakii darbane mee
    Dalandaliska Naylaha
    Doonnanteenan boqorka leh
    Deelleyda baaqa ah
    Darka laaska beeshiyo
    Duunyadu isugu timi
    Dalbashada wadaantiyo
    Adaa doojinteediyo
    Haya dawliskeedoo
    Dulqulaalka xanankiyo
    Dogobkiyo Huuddiyo
    Waxa tahay Bir-daaqeen
    Ardaydiisa dooddiyo
    deeqsiiya hadalkee
    Sangahaagi Doolaal
    mar labaad ha dananee
    majaraha u sii daa
    Sheekadu ha durugtee
    Dawi Maxamed Xaashoow
    Aniguna ku dayashada
    Haddaan dayro kaa dhigo
    Anaa daawadii furay
    Waa innoo dantaas guud
    Deelka-xeel-la'aaneed
    Carrab dalab-la'aaneed
    
    
        
Daalo   Dib U laabo
    
        Daaloo korkeedii
    	Figta iyo daruuruhu
    	Isku soo durkeenoo
    	Ceeryaamo daahii
    	Ku dallaalimaysoo
    	Dirir gaaxdey mirayoo
    	Todobaad ku da'ayoo
    	Danabkiyo hilllaacii
    	Isu daba mareenoo
    
    	Onkodkuna dayaankii
    	Dhulka dakharo yeeloo
    	Casar gaaban daadkiyo
    	Durduradu kulmeenoo
    	Isku soo darmeenoo
    	Isla dulundulceeyeen
    	Jarar moosa dumiyeen
    	Hadba daw samaysteen
    	Shinbiruhu mar duuleen
    	Marna soo degeenoo
    	Damaloo dhan qariyeen
    	Dananka iyo foorida
    	Darandoori heeseen
    	Dayaxiyo cadceedduna
    	Dacallada ka joogaan
    	Isha daawanaysaa
    	Kola daali maysee
    	Bal aan daaha aan rogey
    	Halal kale ku sii daro
    
    	Dal ahaanna waa gobol
    	Dullo iyo baannanba leh
    	Badna way la deris thay
    	Duni weeye cimiladu
    	Dardarteeda dhigatoo
    	Waxa loogu daray taas
    	Inta qurux u damac roon
    	Cirku dooba kama dhigo
    	Degmo weeye hodanoo
    	Dooxooyin madhaxliyo
    	Deegaan ma guurtiyo
    	Ilo wada darrooriyo
    	Doog aan is dhalan rogin
    	Dayib geed la magic baxay
    	Dahab hoosta yaallaa
    	Dalag looga dhigayoo
    	Cudur kama dilaacoo
    	Dulin kama abuurmoo
    	Dabar-gooye kama dhicin
    
    	Waa degel qabow oo
    	Qorrax diib is marisoo
    	Jidhka aan damqayn baa
    	Loo soo deldelayoo
    	Dadku kuma gabooboo
    	Nimankii Darwiishkii
    	Kula jiray dagaalkoo
    	Weli doob la moodaa
    	Birta daabka haystoo
    	Gala duullinmaadkoo
    	Iyagaa dorraatiyo
    	Taariikhda duuga ah
    	Dhul fog looga doontaa
    
    	Duunyadiisu waa geel
    	Daran iyo tigaad cuna
    	Ido deexda lagu dhaqo
    	Ardo lagu dabbaal dego
    	Carro weeye dihinoo
    	Dirka magac ugaadheed
    	Lagu soo dareershoo
    	Farow iyo dibtaag baa
    	Derrimaha ku fara badan
    	Cawl-aan didaynoo
    	Cidi aanay dilinoo
    	Qofna aanu dabannoo
    	Dibindaabyo aragoo
    	Dannigii ka ba'ay baa
    	Dugsanaysa xoolaha
    
    	Dad ahaanna waa qaran
    	Waa duul is wada dhalay
    	Qalo iyo dir sooc ma leh
    	Dab dhexdooda kama huro
    	Weligood ma diriraan
    	Isma doca-doceeyaan
    	Dumar kama baroortaan
    	Dooxatiyo wereentiyo
    	Budhcad duusha kuma maqal
    	Daandaansi ma oggola
    
    	Xumo uma dulqaataan
    	Nabaddana ma diidaan
    	Deeq kuma masuugaan
    	Doodna waa yaqaanniin
    	Diricyaa ka kacay badan
    	Damdamtiyo mashxaraddiyo
    	Sacabkana ma daayaan
    	Danna kama fogaadaan
    
    	Nin dabali wadatoo
    	Waxaan ahay dalxiis iyo
    	Doolaalo keentoo
    	Deg-deg baa I soo galay
    	Dibna waan u kacayaa
    	Dunta gabaygu leeyahay
    	Kama xulan hal-doorkii
    	Dulucdiina kama bogan
    	Balse daymo halacsiga
    	Kolley doorkan manta ah
    	Halkaas aan ku dagagaro
    
    
    
        
Daahyalay   Dib U laabo
    Ka dib markii silsidladi caanka ahayd ee Deelley oodaha
    jabsatay, nidaamkii dalka ka talin  jirey wuxuu si
    toos ah iyo si  dadban labadaba isugu dayey inuu
    silsiladaas wedka iyo waabeeyada    ku noqotay u helo
    talo iyo xeel uu ku joojiyo ama farsamooyin
    uu ku kala daadiyo  Markuu sina ugu guulaysan waayey
    ku talo-galkiisii ee ku hungoobay qorshayaashii ka hor tagga
    Deelley ayuu 8-dii Maarso 1980, Xuskii Ururka Haweenka, Golaha
    Murtida iyo Maddadaalada ka     hanjabay Jananku,(Siyaad Barre)
    kuna dhaartay in ragga Deelley hormuudka ka ah ee tiriya ama
    maamulaya la layn doono, qaar kalena la xidhxidhi doono.
    
    Heestan Daahyaley oo soo baxday 11-kii Maarso 1980, waxay ka
    jawaabeysey go'aankaa doqonka ah waxayna nidaamkaa u sheegaysaa
    in go'aanka shacbiga Somaliyeed beeninayo go'aankiisaas.
    
    
    	Daalacan warkeedii
    	Iyo faraskii Doolaal
    	Dalan-doolka maansada
    	Dar-dartiyo wacdarihii
    	Sida danab u laba dhacay
    	Dadku maqalyey shaalle.
    	Dedda kaca rogaalkiyo
    	Daahyaley car-caraaheed
    	Maantana dinaahyaha
    	Dayax Weerar baa sida
    	Gaarriyow ku soo durug
    	Malmalkiyo dab-qaadkii
    	Iyo weliba deebaaq
    	Dabray oo haddana furay
    	Misna daah kalaan rogey
    	Deelley wankeed qalan
    	Daaheedu waa furan
    	Hibashada dareen kacay
    	Degmadeenna beer-qaad
    	Sida daadka maanshee
    	Hal-abuurku duunkiyo
    	Dhul damqaday ka faalloo
    	Ninba garashadiis direy
    	Darka cagaha soo geli
    	Sii durugtay sheekadu
    	Dumarkiina soo biir
    
    	Rag darmaano soo fuul
    	Ragna dalawadiisii
    	Iyo doobigii keen
    	Ragna deer-cadkiisoo
    	Baar-baq dooblyayaa wado
    	Bandhigii ku soo daa
    	Nin dameero soo horay
    	Yaan la odhan denbuu galay
    	Billay duunyadiis tahay
    	Waxes iga dardaarana
    	Ninka daaqasanaayow
    	Dafac laa gosheediyo
    	Dixda hayska joogtee
    	Yaanay nagu dannaaniyin
    	Ama geela naga didin
    	Nirgo daaddah baradaa
    	Derrimaha madheedhka leh
    	Sida digirin jiifee
    	Yaanay naga danbaabidhin
    	Doqon yahay masayrkiyo
    	Danni lagu abuuree
    	Deeqdii Illaahay
    
    	Deelqaaf ka mudataay
    	Adigiyo dangaladaa
    	Da'kastaydin qooqdaan
    	Waxa aydin dihataan
    	Daratiyo ma caal baa?
    
    	Maansada dunteediyo
    	Waxa lagu dir-soocdaa
    	Degelkiyo dhirteedee
    	Heellada ma danadiyo
    	Dibowgaa ka gurataan?
    	Murtidiinnu dakhariyo
    	Dalab iyo lanlaamiyo
    	Daldaloolo badanaa?
    	Ma dareere miirtiyo
    	Duddun bahal galeenaa?
    	Dardartii aftahankiyo
    	Dilladii farshaxankiyo
    	Dux abwaan ma sidatoo
    	Diiftii saboolkiyo
    
    	Daal baa ka muuqdee
    	Gabaygaba ma ducashiyo
    	Dawersaa ku keentaan?
    
    	Mise dagan ma dhaaftiyo
    	Duul baa ka gadataan?
    	Dhul dellegan ka soo xada
    	Mise luuq dahsoon iyo
    	Suuqa doqon ma garatiyo
    	Ku-dhacdaa ka dayataan?
    	Marka geel dar loo horo
    	Diin maxawgu heestaan?
    	Haddii reerku lama dego
    	Meel daaq ka dheer yahay
    	Degel oomman furan yahay
    	Dadka guriga joogiyo
    	Waxay duunyo haystaan
    	Diihaalka wada qabo
    	Daruurana ka hooraan
    	Meel durugsan goortaas
    	Maxaa daanka oo qudha
    	Ula doogsin carartaan?
    	Gudin-yahay dulbaaxdiyo
    	Dufan lagu afeeyee
    	Dareenkeedu laaciyo
    	Milicsiga ku deexdee
    	Danbarsiga cadceediyo
    	Dabayoodka luunka leh
    	Weligeed ku darartaa
    	Maxaad doodad beeshiyo
    	Danta qaranku leeyahay
    	Dusduskaaga foofkiyo
    	Damac uga hor marisaa?
    
    	Noloshaba ma dirashiyo
    	Damqashada calooshiyo
    	Dalqadaa ka barateen?
    	Midha-Daray raggiinaa
    	Duudduub ku liqayow
    	Kolley geedka duuggiyo
    	Taariikh la daastiyo
    	Laga diirto magac hadha
    	Sida diirta xagatoo
    	Dadnimada arradisee
    	Dib maxaa u dhigateen
    	Duniduba ma maantaa?
    	Dab cunaannu idin nidhi
    	Maansadu dan guud iyo
    	Dalka hanashadiisiyo
    	Dadka wada-jirkiisiyo
    	Dawna way ku socotaa
    	Dawladnimou samafala
    	In kastoo dirkeediyo
    	Dulucdeedu saas tahay
    	Misna loo dardaar weri
    	Ka hor yimi nin diiddani
    	Deri iyo u yeel tuur
    	Dunjigeeda maydhaan
    	Xistegeedu daba gure
    
    	Dibinada shirqoolka ah
    	Inta boholo loo dedey
    	Kaga gudubtey daanshood
    	Digashadu ma saamayn
    	Dhibta waw dul leedahay
    	Dibin daabyo hoosiyo
    	Dabra, weerar caabbiya
    	Duullaanna waw hadhay
    	Dibso aan nidhaahnoo
    	Ha dekaanto mooyee
    	Dabarkeeda geenyada
    	Geedkee ka diirraa
    	Qorshahaba laguma darin
    	Doc wareenka sheelka ah
    	Iyo saymo dawdilan
    	Kuma dagato maansadu
    	Xinka way ku darartaa
    	Kulka way u dirantaaa
    	Dabka way ku carataa
    	Haddii jeedal lagu dayo
    	Deeddankay ku badisaa
    	Dakharada la yeeliyo
    	Hubka lagula daalee
    
    	Ha ku debecdo lagu wado
    	Dardar bay ka qaadaa
    	Haddii dayro laga dhigo
    	Derejaabay tolataa
    	Calan bay deldelataa
    	Haddii seyga laga dilo
    	Doqon geesigeedii
    	Ninka daray billaawaha
    	I dumaal tidhaahdoo
    	Dakanada illowdoo
    	Danka kale u durugtoo
    	Diga-rogata maahee
    
    	Timahaabay dabataa
    	Dunta waxay ku xidhataa
    	Wiil dardaarankeed qaba
    	Magaciis Dulmane yahay
    	Duqa dhalay sabool yahay
    	Danyar hooyadiis tahay
    	Inta xeerka dumisyo
    	Deni waa ka garanuug
    
    	Dacwadayda Ciinow
    	Dire dire umaan tiring
    	Deel-qaaf ka xeel dheer
    	Uma jeeddo daw dhaaf
    	Daandaansi kama wado
    	Ka da'weyni ruuxaas
    	Derejiyo xil-qaadkeed
    	Nin u dudaya maan ihi
    	Damac wayga xaaraan
    	Dilla gabay ku faankiyo
    	Doqonniino hadalkiyo
    	I dayaay wax kum falo
    	Maba lihi dareenkaas
    	Waxa qalinka igu diray
    	Dadku way tirsanayaa
    	Deyna waa ka maqan yahay
    	Dana jirena waan ahay
    	Danyartiyo saboolkiyo
    	Anigiyo doc-wadhantuna
    	Isku digato miihine
    	Daawaannu leenahay
    	Diilalyada cuslaysiyo
    	Daalaa-dhacoodaan
    
    	Aniguna damqanayaa
    	Xaq haddaan ku daakiro
    	Ma deyrkii Maakaan gubey?
    
    	Danbarkiyo karuurkiyo
    	Caanaha durduurta ah
    	Dadku haw sinnaadeen
    	Haddii laygu dilo taas
    	Taariikhdu duugeed
    	Dirirrada sidkod go'ay
    	Door-roone haw hadho
    	Dibna mooyi saw noqon
    	Dal Allee Dharkaynow
    	Haddaad maanta dagan tahay
    	Ninka duunyo kaa wada
    	Afka kama daboosheen
    	Maxaad deelka maansada
    	Dacar iyo dhunkaal iyo
    	Duumo uga arkaysaa?
    	Maxaad uga didaysaa?
    	Uga dhigi wax kuu daran.
    	Armay doorba kuu tahay.
    
    	Haddaan waawey roob da'ay
    	Dayra-dhaafka jiilaal
    	Guri laga dugaashado
    	Aqal laba deryaala ah
    	Dadabtiisu nooshahay
    	Celin kara daroorraha
    	Docaha iyo raartiyo
    	Dhan kastaba ka dalab tiran
    
    	Ummadduna dugsoonkaas
    	Dermo qaran ku jiifaan
    	Bulshadoo dar hoogiyo
    	Taalla dooxa geerida
    	Hadii daad u soo galo
    	Miyaan waayey deelkiyo
    	Dareensiinta dhiillada
    
    	Duunyo waa la foofshaa
    	Daaqna waa la geeyaa
    	Doorna waa ilaashaa
    	Isha daymadeediyo
    	Digta luuqdu waw wehel
    	Duhurkaa la ururshaa
    	Tiro lagu dabbaalaa
    	Dabadeed la hooyaa
    	Kol hadday dareeraan
    	Deegaanta raacaan
    	Dildilaan ku goosmaan
    	Wax daryeela waayaan
    	Daaha hiimammowga ah
    
    	Maqal daaqda lagu tebo
    	Cawa-daran la raad guro
    	Dibjirtaye ma been baa?
    
    	Shilna wayna daan-weyn
    	Demmanaanta kama foga
    	Xoolaha dayacanta ah
    	Inuu daayo mooyee
    	Kam durugsanaan karo
    	Doon-doonisteediyo
    	Day-dayashadeeduna
    	Darayada libaaxiyo
    
    	Ninka damalka ka hadhsaday
    	Deleb waw gudboon tahay
    
    	Haddaan waayey doobkii
    	Xilka doonnantiisa ah
    	Dayrada u noqon laa
    	Danyar habaqlaheeddii
    	Duddo habalku kala tago
    	Miyaan waayey deelkiyo
    	Daba socodka qaylada
    	Hayin sida dadweynaha
    	Dalaggiyo dhaqaalaha
    	Duuggiyo wixii nool
    	Haddii layska dabo galo
    	Hadduu aar dalaafiyo
    	Arko belo ku soo diran
    	Nafta dawdab roorka ah
    	Daran doorri orodkiyo
    	Durdurada ka buuxsado
    	Maatada derderan iyo
    	Deli iyo jar kala dhaco
    	Dooggaan la maarayn
    
    	Dibna looga soo kaban
    	Didmadiisu keentee
    	Haddaan waayey dabarkii
    	Dhacdo lagu daweeyoo
    	Lagu dagagaraa jirin
    	Miyaan waayey doohdiyo
    	Doobirtii la odhan jirey?
    
    	Danta guud mudnaanteed
    	Gobonnimo daryeelkeed
    	Damaciyo hankaygii
    	Haddaan waayey dawgaan
    	Is lahaa ha lagu dego
    	Berri degel ma dhaafaan
    	Dadka wada jirkiisiyo
    	Isku duubnidiisii
    	Lagu doorshey reer reer
    	Kala daadsan laga dhigay
    	Mus duleedku xanan yahay
    	Qarannimadu dagan tahay
    	Gudahana dab kaga kacay
    	Dawankiyo carooggiyo
    	Miyaan waayey Daalacan
    	Sengehayga Doolaal
    	Ama faras dirkiisa ah
    	Dayax-weerar oo kale?
    
    	Ragga daawadii furay
    	Ama daacaddi jaray
    	Ama qaranka duudsiyey
    	Hantidii dadweynaha
    	Dacallada ka buuxsadey
    	Dalku eed ku leeyahay
    	Rag la deydeyaayoo
    	Dedan oo qarsoonoo
    	Damacooda xeel iyo
    
    	Ku darsaday tab hoosoo
    	Wixii deyn ku soo baxa
    	Berri diidi karayoo
    	Dufankiyo karriinkii
    	Iska duugey maahee
    	Sida buurta Daalood
    	Dal fog bay ka muuqdaan
    
    	Diricaasi waa kuma?
    	Dawdar weeye shalay jirey
    	Durba sawkan jeedladay
    	Dhistay aqallo daah weyn
    	Tolow duubka yaw xidhay
    	Hadmuu tobanka doonyood
    	Dekedaha ku soo xidhay
    	Hadmuu dunida gaarkeed
    	Intuu daawashaw tegey
    	Demesh iy wixii yiil
    
    	Sida daad u soo rogey?
    	Kaftankaas dareenka leh
    	Danyartaa ku heestee
    	Dadka maanigaa baray
    	Derejada hummaaga ah
    	Magacyada dul-saarka ah
    	Dorraad soo gadaal baxay
    	Maxaa laygu digayaa?
    
    	Dooddaa aan ku soo xidho
    	Bi'I waaye deylooy
    	Adna darayga hays dhigin
    	Xaajadu dalluun iyo
    	Dalow bay ka lulataa
    	Ha ka tuurin daaddeys
    	Anna hay dardaar werin
    	Deelleyna aan faro
    	Duco iyo sidii roon
    	Dawgaagu waa sahan
    	Dadku waa abbaartaa
    	Isku dira bahdeediyo
    	Kala dila ha noqonnine
    	Isku dara ha lagu dhaho
    	Nin xumaa daneeyoo
    	Waxa jira damqanayee
    	Yaanu xagal ka daac iyo
    	Gol daloolo kaa helin
    	Xidho duubka nabadeed
    	Daacaddiyo runtaba sheeg
    	Daaraanta magacaw
    
    	Cadowgaagu duurkiyo
    	Hadduu doogga cawskiyo
    	Dareemada ka badan yahay
    	Adiguna dab baad tahay
    	Digo shidan hadduu yahay
    	Adna daad socdaad tahay
    	Damal adag hadduu yahay
    	Adna danab dhacaad tahay
    	Baaruudda duushiyo
    	Dubbe culus hadduu yahay
    	Derbi soo ceshaad tahay
    	Mugdi lagu dayoobiyo
    	Gudcur dama' hadduu yahay
    	Qorrax duluca furatiyo
    	Dayax buuxsamaad tahay
    	Hadduu aw dillaaliyo
    	Qalin duurre faashiyo
    	Yahay fiqi dammiinana
    	Cilmi durugsan baad tahay
    
    	Dulin dhiigga miirtiyo
    	Dulmi hilan hadduu yahay
    	Xaq dillaacay baad tahay
    	Nin qabiil daftiisiyo
    	Sita daramalkiisoo
    	Ku dan qaba hadduu yahay
    	Qaran dawladaad tahay
    	Hadday daana daaniy
    	Dawliil ku heesaan
    	Waxyi soo degaad tahay
    	Inta dunidu raarkiyo
    	Deyrka hoose leedahay
    	Qof dulmani ku nool yahay
    	Ilays daaran baad tahay
    	Wed jiraana kuma dilo
    	Anigana bir danantiyo
    	Dabran iyo melmelan iyo
    	Deldelaad ha lay sudho
    Duuggaygu waa adi
    
        
Dabahuwan   Dib U laabo
    
    	1. markay dani meeday tidhi
    	2. maxaan talo meel ka deyey
    	3. markaay dani maaha tidhi
    	4. weydiiyey qof meel ka deyey
    	5. markay dani maaha tidhi
    	6. ku laabtay halkaan ka deyey
    	7. markay dani maaha tidhi
    	8. ka sii deyey meel la deyey
    	9. Maxay doqoniiino tidhi
    
    	10. ruuxaan jirin raad ku doon
    	11. intaan isku duubay been
    	12. ka buuxsaday labada dacal
    	13 maxay runi daadi tidhi
    	14. maxaaan arrin dawlis dheer
    	15. ma diidoo la soo qoqoray
    	16. ku daabacan baal madow
    	17. ku daawaday meel madow
    	18. wax aan duluc sii ridnayn
    	19. indhuhu ku daraandareen
    
    	20. Maxaan dogob beer is idhi
    	21. daruuro u soo sasabay
    	22. daryeelka ku maal is idhi
    	23. biyuhu uga sii dareen
    	24. Wax aan degdeg jeer ku liqay
    	25. maxay shishe ii damqeen
    	26. kashayda dalooshadeen
    	27. muxuu hadba shay dellegan
    	28. dareensigu soo tuf yidhi
    	29. Ummuuraha duur xulka ah
    
    	30. duunkayga maxaan qodqoday
    	31. weydiiyey su'aal da'weyn
    	32. dibnuhu iga aamuseen
    	33. Dal xiiska maxaan bilqaday
    	34. maxaan farax deeddankii
    	35. maxaan sida daad jirfaday
    	36. maxaan hadba daaf qulqulay
    	37. maxaan hadba deex susumay
    	38. maxaan deli jeer ka dhacay
    	39. maxay jarar soo dedelan
    
    	40. doolaaladu fuul i tidhi
    	41. dushooda markaan u baxay
    	42. ha soo degin laygu yidhi
    	43. Maxaan dihin weel la galay
    	44. ku dayga maxaan ummuur
    	45. daboolka ka qaad is idhi
    	46. cabsidu iska daa i tidhi
    	47. indhuhu dib u soo noqdeen
    	48. Maxaan dhilay doog lingaxan
    	49. hal daahan maxaan furfuray
    
    	50. inaan dib u sii xidhxidho
    	51. garaadku ku daalay yidhi
    	52. Maxaan dardaraa habeen
    	53. anoo daba jooga raad
    	54. dedaalku i soo xidhxidhay
    	55. dakaanka anoo jiljilan
    	56. muxuu dayax soo mirkacay
    	57. degaan kale ii furfuray
    	58. dayaan igu soo gilgilay
    	59. Maxaan qoday doox sal weyn
    
    	60. maxaan helay deeq mug weyn
    	61. wax uu dad jeclaan lahaa
    	62. u waayey wax soo daldala
    	63. Wakhtigu boqol doocsanaa
    	64. dersuu kugu beerayaa
    	65. durduur kugu siinayaa
    	66. dardaaran adoo qabuu
    	67. dagaal kugu beerayaa
    	68. dil buu kugu oogayaa
    	69. markaad deldelaad gashuu
    
    	70. haddana kugu diidayaa
    	71. dorraato wuxuu ka yidhi
    	72. intuu ku diruu haddana
    	73. dabbaal kugu sheegayaa
    	74. Rugaha dunidaa busho ah
    	75. indhaha deyayaa xujo ah
    	76. docaa laga eegayaaa
    	77. deymaa lagu eegayaa
    	78 danaa laga eegayaa
    	79. u daana cid baa taqaan
    
    	80. ka daana cid baa taqaan
    	81. ta doora Rabbaa yaqaan
    	82. ka dooro adaa yaqaan
    	83. dildilo rogan baad tihiin
    	84. sidaad isu doorisaan
    	85. ayaad isu doorataan
    	86 markay dihatay dhul tahay
    	87 markay dihatay dhir tahay
    	88 markay duhur tiigsi tahay
    	89. ayay dalandool caddahay
    
    	90. duf bay ku sarbeeban tahay
    	91. dabay ku aleelan tahay
    	92. lafiba diirkeed qodnayd
    	93. Dal iyo magac bay lahayd
    	94. dad iyo mudan bay lahayd
    	95. duunyiyo mahad bay lahayd
    	96. diin iyo dhaqan bay lahayd
    	97. duug iyo dhaxal bay lahayd
    	98. dan iyo tacab lahayd
    	99. dedaal xejiyey lahayd
    
    	100. xadhkiyo dabar bay lahayd
    	101. aqoon durugtay lahayd
    	102. xil daacada bay lahayd
    	103. duleed jiratay lahayd
    	104 duggaal hanatay lahayd
    	105 daw iyo marin bay lahayd
    	106. dareer taxan bay lahayd
    	107. dardaaran cad bay lahayd
    	108. dabool adag bay lahayd
    	109. digtooni horey lahayd
    
    	110. dabaylo hadday ruxaan
    	111. durbaan weriyey lahayd
    	112. awaal deyis bay lahayd
    	113. dawiyo kabashay lahayd
    	114. xidhiidh degsan bay lahayd
    	115. dagaag sharafay lahayd
    	116. duciyo nabad bay lahayd
    	117. caqiibo danbay lahayd
    	118. han iyo dugsashay lahayd
    	119. deeq iyo hirashay lahayd
    
    	120. duddiyo gacal bay lahayd
    	121. dareen xidid bay lahayd
    	122. xormiyo deris bay lahayd
    	123.dul iyo magan bay lahayd
    	124. xishood dedan bay lahayd
    	125.dux iyo soddoh bay lahayd
    	126. dumaashi dhan bay lahayd
    	127. dad kala guran bay lahayd
    	128. rag iyo dumar bay lahayd
    	129. nin door taliyey lahayd
    
    	130. marwiyo degel bay lahayd
    	131. duq iyo garashay lahayd
    	132. haween darbban bay lahayd
    	133. barbaar diran bay lahayd
    	134. habliyo dardaray lahayd
    	135. halyey diriray lahayd
    	136. darmaan boqran bay lahayd
    	137. duud iyo oday bay lahayd
    	138. da' weyn iyo da' dhexay lahayd
    	139. da'aad yaryar bay lahayd
    
    	140. is daadihin bay lahayd
    	141. deryaale cad bay lahayd
    	142. dalaandaliyey lahayd
    	143. horweyn dalmaray lahayd
    	144. irmaan dararey lahayd
    	145. hal iyo dalawey lahayd
    	146. wan dool culus bay lahayd
    	147. sal iyo daab bay lahayd
    	148. dallaayad saray lahayd
    	149. shishiiyo duluc bay lahayd
    	150. wixii dumey bay lahayd
    
    	151. Iskuuladu waa dayeyn
    	152. dammiinnimaday dhigaan
    	153. dartay uma soo lug go'in
    	154. duruustu falkay tiqiin
    	155. daktoor cadoway sideen
    	156. digrii nacabey sideen
    	157. xaq bay garba duubayeen
    	158. Diintay gibil saarayeen
    	159. waxay dedayeen amuur
    
    	160. dhibteedu dib iigu tiil
    	161. waxay docfaruurayeen
    	162. dedaal abid soo taxnaa
    	163. Xafiisyadu waa dullayn
    	164. dulmay ka horseed yihiin
    	165. dikteetarraday dhalaan
    	166. direyska wedkay tolaan
    	167. dardaaran shishay qabeen
    	168. dalkay shil u loogayeen
    	169. dadkay u shidhaynayeen
    
    	170. dardaar werin meel u tiil
    	171. nin bay u danaynayeen
    	172. dugaagnimaday dhalaan
    	173. indhaha dannigay dhalaan
    	174. intii daran bay dhalaan
    	175. xadhkaha doqonkay tidcaan
    	176. naftay damac raaciyaan
    	177. wax bay daba qaadayaan
    	178. qofkii biyo diid yaqaan
    	179. darleefyey ninkay baraan
    
    	180. sagaashan dabeecadood
    	181. hadday kol ku soo degaan
    	182. diihaal iyo saar gumeed
    	183. ma aamino deeq ka weyn
    	184. inay laba duul dhintaan
    	185. Dukaamadu waa nuxuus
    	186. sun iyo dacar bay hayaan
    	187. daraandariyey hayaan
    	188. dareen xagatay hayaan
    	189. dalaaqda Tusmay hayaan
    
    	190. waxay demesh soo rogeen
    	191. waxay diric raarayaan
    	192. durraaxad u heesayaan
    	193. waxa lagu doonayaa
    	194. wax aanan u daafad hayn
    	195. waxaan diro lay carree
    	196. wax soo degay lay cusbee
    	197. ka dooro intaan lahaa
    	198. ka sii dar intaan lahaa
    	199. ku sii dil ayuu lahaa
    
    	200. ninkii digashada badnaa
    	201. Daaruhu tayo waa ka gaal
    	202. dulmay taran leeyihiin
    	203. bar duunyo ah waa ka caydh
    	204. waxay ku dul nool yihiin
    	205. nin daaqsada xoolo nool
    	206. dubbaha fakhrigay tumaan
    	207. waxay derbi jiifiyeen
    	208. barbaarkiyo doobka nool
    	209. carwada dibjirkay dhalaan
    
    	210. hadday kugu soo durkaan
    	211. ducaa laga hoos galaa
    	212. maxay damal weyn shiteen
    	213. maxay qudhac deebiyeen
    	214. waxay dab sudheen dhirtii
    	215. dhulkay midab dooriyeen
    	216. bal eeg degelkii hufnaa
    	217. bir iyo waxa daasad yaal
    	218. bal eega dalkii xalaa
    	219. waxay lafo daadiyeen
    
    
    	220. Shil baa dunidii ka dhacay
    	221. daacuun halisaa ku fiday
    	222. duufaan simay baa la tegay
    	223. doofaarrada aan gudnayn
    	224. diinlaawaha gaalku dhalay
    	225. maxay dulin faafiyeen
    	226. maxay samo duudsiyeen
    	227. maxay godob daaqsadeen
    	228. maxay denbi xoogsadeen
    	229. maxay dabar soo xardheen
    
    	230. maxay dabin soo shaqleen
    	231. danbeed maran soo asleen
    	232. Waxay dumiyeen aqoon
    	233. ilaa dura soo taxnayd
    	234. waxay damiyeen ilays
    	235. u daaran qof meel lahaa
    	236. waxay kala daadiyeen
    	237. daryeel isu dheelli tiran
    	238. naf daahira bay legdeen
    	239. docdeeda xun dhiiriyeen
    
    	240. dan bay canlabeebiyeen
    	241. dawgeedu xidhiidhsanaa
    	242. waxay iga soo duween
    	243. jidkaan isku daawan jiray
    	244. waxay dibad yaaliyeen
    	245. nin tiisa u door ahaa
    	246. in loo dawaray rabeen
    	247. da'diisa nimaan baryeen
    	248. waxay ka dhigeen dadkii
    	249. af iyo labadiisa daan
    
    	250. duugii ubadkay cuneen
    	251. wixii jiray bay dubteen
    	252. dusuud madhan bay dhigeen
    	253. halkii beri doobi yiil
    	254. waxay danbas tuumiyeen
    	255. rugtii digo loo yiqiin
    	256. duxdii noloshay tireen
    	257. waxay debciyeen naftii
    	258. waxay dacwadheen hankii
    	259. waxay isku soo dareen
    
    	260. dadkii kala caagganaa
    	261. intii gabadh diib lahayd
    	262. daf iyo kaman baa la tegay
    	263. dhulkii darrimaha lahaa
    	264. deegaantiyo baadku yiil
    	265. dabaylo cas baa ka kacay
    	266. dorraatiyo guulihii
    	267. dallaallimadii dhisnayd
    	268. wixii dalag meersanaa
    	269. daaduun qaxay baa ka dhacay
    
    	270. wixii duluglaa ka nool
    	271. dibnuhu dhubbad qaadayeen
    	272. Dagaalku sal buu lahaa
    	273. daad soo jabay baan intaas
    	274. gacmaha ku dabbaal lahaa
    	275. anigu dirir maan hanbayn
    	276. doodayduna may hinnayn
    	277. hub baa lagu diidanaa
    	278. waxay igu soo dabreen
    	279. halkay ila doonayeen
    
    	280. aniyo debad baanu nahay
    	281. cidlaan dildillaamayaa
    	282. daleel madhan baan tubnahay
    	283. sas iyo dala'asaan qabaa
    	284. dareen dhidar baan gashaday
    	285. dugaag falan baan qorrahay
    	286. daaraantuna way fogtahay
    	287. duullaankuna waa sidii
    	288. Haddaad liqday daacadii
    	289. adaa damacow yaqaan
    
    	290. sidaad uga dayn baxdee
    	292. ku sii dar tu kaa daran
    	293. Cilmigan dib u heego dhaca
    	294. cilmigan dul ka xaadiska ah
    	295. cilmigan sam dawdarka ah
    	296. caqligu ka daboolanyahay
    	297. bukaankiyo daafka qaba
    	298. gumaysigu diin u yahay
    	299. Ilaah lagu diidan yahay
    
    	300. Islaam la dagaalka ah
    	301. Danaysigu weel u yahay
    	302. dirsoocu u aabe yahay
    	303. daandaansigu guul u yahay
    	304. dabkiyo wada hawsarka ah
    	305. dilkiyo wada dhiig cabka ah
    	306. duullaankiyo boobka jecel
    	307. cilmigan dalandoolka badan
    	308. Damiirku ka meydka yahay
    	309. khaansiirkiyo duufka cuna
    
    	310. dillaalkiyo tuugga dhala
    	311. daydaygiyo jeelka qaba
    	312. wanaaggu ka dayro yahay
    	313. xumaantu u doorantahay
    	314. dadkiyo simay xoolihii
    	315. raggiyo dumarkii furfuray
    	316. intuu dumarkii is baday
    	317. raggii dumar qaar ka dhigay
    	318. af-duubkiyo qoolka taxan
    	319. Run baa lagu daahayaa
    
    	320. Dijaal korayaa qaarsoon
    	321. Dalaal iyo been madow
    	322. ninkii run ku doonayow
    	323. abuurtu dumaal miyaa
    	324. ma duur iska beermay baa
    	325. ma baadi dibbootey baa
    	326. dabaylo xagaa miyaa
    	327. ma doonni hallawsan baa
    	328. dusheedu ma goob jin baa
    	329. durbbaan iyo jaas miyaa
    
    	330. dawliil iyo quus miyaa
    	331. ma buur lagu daalayaa
    	332. ma boog damaqdaa wadnaha
    	333. ma doonis calool bugtaa
    	334. nin tiisu u diirantahay
    	335. ma suu u dullaynayaa
    	336. ma shay laga daawadaa
    	337. garaadka nin daymo dhow
    	338. ma Daarwin siduu yidhaa
    	339. daayeer nin ka soo farcamay
    
    	340. ma suu u dareemayaa
    	341. miyaanay dastuur lahayn
    	342. kitaab iyo diin lahayn
    	343. miyaan laga sii danbayn
    	344. sidii daraygii miyaa
    	345. midhii daraygii miyaa
    	346. duudduub ku liq yaa ku yidhi
    	347. Nin diidey inaad run tahay
    	348. ku dooday inaanad jirin
    	349. Rabbow dunidaada bilan
    	350. dunteeda ma sheegi karo
    
    
    	351. Daayeerka waxaa ka yimi
    	352. waxaan dad habboon ahayn
    	353. innagu dir kalaynu nahay
    	354. duudkii Nebigaynu nahay
    	355. deeqdii Rabbi baynu nahay
    	356. xil iyo derejaynu nahay
    	357. dar loo buriyaynu nahay
    	358. ka sii daray baynu nahay
    	359. Ilaah ka durkaynu nahay
    
    	360. Islaam dilan baynu nahay
    	361. dugaag u dhacaynu nahay
    	362. ka daatay muskaynu nahay
    	363. Ibleys didsadaynu nahay
    	364. doofaarada aan gudnayn
    	365. u doortay runtaynu nahay
    	366. xaqay garbba duubayaan
    	367. ku diirsanayaynu nahay
    	368. diin laawaha gaalku dhalay
    	369. ku dayday ayaynu nahay
    
    	370. dayeysan ayaynu nahay
    	371. Sidee duni loogu lumay
    	372. maxaa dad ku soo lug go'ay
    	373. maxaa ku hungoobey duul
    	374. diihaal kula soo dhex dhacay
    	375. maxay duluc guud martaa
    	376. maxay dersi yeedhisaa
    	377. maxay nin u deexataa
    	378. Iadnaan ugu duur xushaa
    	379. hadhow xagal daacisaa
    
    	380. maxaa degdeg wiil ku yimi
    	381. dusheeda ku foos burburay
    	382. jid uu nin ku daaqay ciin
    	383. maxay dabadiis dhigtaa
    	384. nin aan ka danbbayn karayn
    	385. maxay doqon loogataa
    	386. maxay laqan dooxataa
    	387. maxay danab liicisaa
    	388. maxay dabar liilisaa
    	389. maxay dildillaacisaa
    
    	390. ammuur kuu dabool lahayd
    	391. maxay digdig soo xidhaa
    	392. maxay sado daadisaa
    	393. maxay amar duulisaa
    	394. maxay dardar loodisaa
    	395. maxay diric quusisaa
    	396. maxay kibir daalisaa
    	397. maxay damac beenisaa
    	398. maxay nin dabbaal yaqaan
    	399. dalluun ku waraabisaa
    
    	400. maxay daldaloolisaa
    	401. deeqdeeda hadhuub lahaa
    	402. maxay lur u sii dirtaa
    	403. ku sii dar ninkii yaqaan
    	404. maxay dab ku sii shiddaa
    	405. ninkaanay daweyn karayn
    	406. Adduunyadu waa daryeel
    	407. daryeelka wixii ku nool
    	408. dad bay magantiisa tahay
    	409. dardaaran cad baa ka yaal
    
    	410. daymiyo garashay rabtaa
    	411. hog loo dayo bay rabtaa
    	412. Runteeda qofkii duwaa
    	413. xaquu kaga dayro yahay
    	414. dawgeeda haddaan la marin
    	415. daliil rabbi looga dhigin
    	416. deynkeeda waxaad guddaa
    	417. mar aanad u daafad hayn
    	418. ninkii dabinkeeda gala
    	419. dib bay u xusuusisaa
    
    	420. digniino horoo badnaa
    	421. Abuurtu dahaysanaa
    	422. sir iyo duluc raaranaa
    	423. daabkeedu aroorsanaa
    	424. degaandeg ballaadhanaa
    	425. dawgeedu aloosanaa
    	426. rugaanrugo durugsanaa
    	427. muggeedu daruuranaa
    	428. dijaallada soo if baxay
    	429. weelkay darayaan yaraa
    
    	430. damiinka waxaa ka dhigay
    	431. amuurahan daalka badan
    	432. siday u dul cararayaan
    	433. kashii demman bay legdaan
    	434. siday wax u duufsadaan
    	435 daliil uma si hayaan
    	436. Hubkooda dayaanka dheer
    	437. markay darandoorriyaan
    	438. cid bay ku dullaynayaan
    	439. cabsay dad ku beerayaan
    
    	440. korkeena inay degaan
    	441. dusheenna ka soo hadlaan
    	442. waxay ugu duur xulaan
    	443. kasheenna inay darbaan
    	444. hankeenna inay dilaan
    	445. jidkeenna inay duwaan
    	446 dawaafka is dhaafayaa
    	447 duullaanka cirkee socdaa
    	448. dedaal iyo maaha guul
    	449. daryeel kuma baadhayaan
    
    	450. wanaag kuma doonayaan
    	451. inay cilmi daalacshaan
    	452. aqoonta ku sii durkaan
    	453. wixii dedan qaawiyaan
    	454. dantoodu ka sii gun dheer
    	455. rugaa dirir saaranyahay
    	456. waxay u docaynayaan
    	457. dayaxa u hadhaynayaan
    	458. dagaar u cagaynayaan
    	459. inay run ku duudsiyaan
    
    	460. xaqiiqada daahsudhaan
    	461. adduunyada dooriyaan
    	462. iyagu u daliil noqdaan
    	463. Nin diidey Inaad Run tahay
    	464. ku dooday inaanad jirin
    	465. Rabbow dunidaada bilan
    	466. ammaan kuma daaqi karo
    	467. Haddaan Runi diiddanayn
    	468. haweeney dumaal ku timi
    	469. waxay derejeyn lahayd
    
    	470. inay gabadh doonnan
    	471. diddii hungurow diddii
    	472. kal daaf hagayaay diddii
    	473. dhegaade danow diddii
    	474. dareenka bukow diddii
    	475. adduunyadu maaha dool
    	476. dijaallada soo if baxay
    	477. haddaanay war deeqa hayn
    	478. sidaan u dayaaba waa
    	479. docdaan u kacaaba waa
    
    	480. dushaydiyo hoostu waa
    	481. Daliil iyo waa Yiqiin
    	482. Dallaallimadeeda guud
    	483. siday u dalaysantahay
    	484. siday u degmaysantahay
    	485. siday u duggaashantahay
    	486. siday u dalleensantahay
    	487. siday u dammiin caddahay
    	488. siday u dareersantahay
    	489. sidaanay u daadsanayn
    
    	490. da'deeda la yaabka weyn
    	491. siday uga duug la'dahay
    	492. siday dalandool u tahay
    	493. siday u dekeysantahay
    	494. siday u taqaan didmada
    	495. siday u dareen la'dahay
    	496. siday u daryeelantahay
    	497. siday u darbbaysantahay
    	498. siday u daraandaraan
    	499. siday uga dayriyaan
    
    	500. siday laba duul u tahay
    	501. siday laba deeq u tahay
    	502. siday degel degel u tahay
    	503. siday degel qudha u tahay
    	504. hal doorba hal doorka kale
    	505 siduu ula daawa yahay
    	506 amuurahan laysku dabay
    	507. dawaarahan laysa sudhay
    	508. sidii deleb loo dhigdgigay
    	509. wadaagahan laysu diray
    	510. lammaanahan laysku daray
    
    	511. hadday is daboolayaan
    	512. ilaah dejiyaan maqnayn
    	513. Cadceedu dorraad ma dhalan
    	514. kulkeeda dawaa ku shuban
    	515. if keeda Run baa ku duxan
    	516. dayuxu marin buu hayaa
    	517. xil loo diray buu hayaa
    	518. daw buu ku aroorsanyahay
    	519. dilluu ku hoggaansanyahay
    
    	520. dooggiyo dhirtu maaha baad
    	521. caleen iyo ma aha daaq
    	522. kasii duluc dheer intaas
    	523. waxaa ku dareersan nuur
    	524. Run bay ku dalaysantahay
    	525. Wadduur culus baa ku taal
    	526. daymaan lagu faaqidayn
    	527. dareen akhriyaan la hayn
    	528. indhaha damac baa hor yaal
    	529. waxaan Dahab meel ka gelin
    
    	530. waxaan magac doollar sidan
    	531. diinnaar iyo lacag ahayn
    	532. yaqiin kama sii dayaan
    	533. damiirku hadduu qallalo
    	534. hadduu dufan raadis yahay
    	535. daliilka hortiisa yaal
    	536. waxaa kaga beegan daah
    	537. dadkuna badi waa sidaas
    	538. dakano gacal bay qabaan
    	539. dagaal ramataynoqdeen
    
    	540. dabrrayn iyo weerar bay
    	541. Runtii kaga duuban tahay
    	542. Xaqiiqada daahir ka ah
    	543. dulmay kaga hoos jiraan
    	544. abuurta ma daawadaan
    	545. denbay kala boobayaan
    	546. dushooda ma eegayaan
    	547. dux bay kaga fooraraan
    	548. si bay u dar jiidhayaan
    	549. dunuunuc bukay liqeen
    
    	550. dalqay wax ku eegayaan
    	551. dil bay u hamuumayaan
    	552. dibnay la haliilayaan
    	553. dedaal ma haleelayaan
    	554. daryeel ma hanbbaynayaan
    	555. dardaaran ma dhuuxayaan
    	556. digniin ma dhabaynayaan
    	557. dharaar kama doodayaan
    	558. halkay ku dambbaynayaan
    	559. dayow kama toosayaan
    
    	560. Wax diiddo markay jirtaa
    	561. wax doonkuna meel mar yahay
    	562. naftana dabar baa xaslada
    	563. dibsooduna waa ammaan
    	564. digtooni haddaan la hayn
    	565. dagnaaniba way jirtaa
    	566. dannaani miyuu xunyahay
    	567. markaan danan loo maqlayn
    	568. xilkii dadnimay rabaan
    	569. xuquuq dadnimay rabaan
    
    	570. naf daallina bay rabaan
    	571. inaan dulmigeedu qaban
    	572. dawgii noloshay rabaan
    	573. inay shar ku daydayaan
    	574. xumaan qof ku daalayaa
    	575. wanaag damaciis hayaa
    	576. dammiinka halkii ahayd
    	577. siday uga soo durkeen
    	578. miyay dib u soo noqdeen
    	579. siday u duleed baxeen
    
    	580. ayay u dabayshadeen
    	581. waxay dumiyeen Runtii
    	582. waxay u dumeen Runtii
    	583. markay dumiyeen Runtii
    	584. nin daacad hoggeeda qoday
    	585. miyuu ka danbaynayaa
    	586. intuu bahalaha dugsado
    	587. intuu Dubur hawd ka xulo
    	588. ayuu qofku doonayaa
    	589. dugaaggu inaanu cunin
    
    	590. Naftiisa qofkii dulmiyey
    	591. deyrkaaga Rabbow ka baxay
    	592. muxuu halis daaqayaa
    	593. Addoonku Rabbow ma dayo
    	594. deeqdaada intuu hantiyo
    	595. duntii maqan buu tebaa
    	596. wax uu degdeg kaaga filay
    	597. haddaanay ku soo dul quban
    	598. cadhuu la dakaamayaa
    	599. dibnuhu baryaday karaan
    
    	600. daryeel kama mahad ceshaan
    	601. jiilaal la darbbaysanyahay
    	602. diihaal iyo gaajo kulul
    	603. haddii beri roob ka da'o
    	604. qof doogey markaas illow
    	605. siduu u ducayn yiqiin
    	606. xusuusba ka sii durduri
    	607. Nin duunyadu mool ku tahay
    	608. dadkiisuna maansha yahay
    	609. ayaa misna kuugu duda
    
    	610. waxaanu u daafad hayn
    	611. qofkaad shar u diiddan tahay
    	612. u doortay si kahyr ku jiro
    	613. ayaa misna kuugu duda
    	614. waxaad uga daacad tahay
    	615. Sifaadkaa deyr ma xidho
    	616. dareenku ma gaadhi karo
    	617. garaadku ma duubi karo
    	618. dibnuhu ma macnayn karaan
    	619. qof doonay inuu dhex galo
    
    	620. ku daaley ma dhaafi karo
    	621. Dunjiga khalqigaagu yahay
    	622. haddii gelin laysu dumo
    	623. raggiyo dumar laysu guro
    	624. jinkiyo insi laysku daro
    	625. hadday ku dedaal galaan
    	626. intay dardartoodu tahay
    	627. hadday orod dooddiyaan
    	628. hadday fadal deeddamaan
    	629. muggood daranddoorriyaan
    
    	630. haddii badda loo dardaro
    	631. dawaad milan looga dhigo
    	632. dureemada loo qorqoro
    	633. waxay ku danbaynayaan
    	634. inay dib u soo gurtaan
    	635. Astaamaha dawladnimo
    	636. markay derejiyo Run tahay
    	637. Adaan cidi kaaga dayan
    	638. In daalacan Baad taqaan
    	639. intii dedan Baad ogtahay
    
    	640. horraysana Waad digtaa
    	641. dambaysana Waad sugtaa
    	642. intii daran baad kartaa
    	643. in doora rabbaad u tahay
    	644. dulleynna Adaa ku filan
    	645. daryeella Adaa ku faxan
    	646. Sidaad damacdaaba fudud
    	647. dardaar werintaada guud
    	648. Adaa naxariis ku daray
    	649. dannina boqor baad ka tahay
    
    	650. dayrona Hodan Baad ka Tahay
    	651. denbina Dhaafaad u Tahay
    	652. dulqaadna Allaad u Tahay
    	653. baryana Deeqlaad u Tahay
    	654. Adaan talo kaa degdegin
    	655. dorraato wax kuu ekaa
    	656. Adaan dib u qoomamayn
    	657. Adoo isla doonay laba
    	658. Adaan midi kaa durkayn
    	659. Adaan waxba kaa dibjirin
    
    	660. Adaan damac fuushanayn
    	661. Adaan waxba daba orddayn
    	662. Aday dani kuu dhantahay
    	663. Adaan xagal daac lahayn,
    	664. wixii hadhay baa dellegan
    	665. daalaa dhacu waw astaan
    	666. waxaa doqonniino badan
    	667. intuu dadba kow ka yahay
    	668. waxaan dalab waayi karin
    	669. intuu durey hoog ku yahay
    
    	670. hadduu dib qallooc yaryahay
    	671. naftuu damqayaan is bixin
    	672. sidii dudurkaan socdaa
    	673. sibaan u durdurinayaa
    	674. hortayduna waa derderan
    	675. hareeruhu waa deldelan
    	676. gaadashuna waa damdaman
    	677. aboor iyo waa dundumo
    	678. Dhadhaaba xidh baan tognahay
    	679. darmaan falan baan sudhnahay
    
    	680. dameero jin baan intaa
    	681. dib uun ugu guurayaa
    	682. shax baan degayaa hog hogan
    	683. hog baan ka ilduufayaa
    	684. wadaamo dugeed ayaan
    	685. darroor ka gufaynayaa
    	686. qabyaan ku dul meerayaa
    	687. iyadu daldalool ku nool
    	688. markaan gudin daab u helo
    	689. ayuu dumayaa habeen
    
    	690. dab baan dab cunsiinayaa
    	691. dab baan ku bakhtiinayaa
    	692. ummuur dedan baan haddana
    	693. dabool kale saarayaa
    	694. bar baan kula doodayaa
    	695. Bad aan bado daalin karin
    	696. naf baan isla doonayaa
    	697. is diiddo dhexdeeda taal
    	698. duunkayga baqaa ku jira
    	699. dareen cabsiyaygu badan
    
    	700. hadduu dacaw meel ka ciyo
    	701. didmaan isla boodayaa
    	702. malyuun dakhar baan qabaa
    	703. doogtooda ma ciidmi karo
    	704. waxaan ahay ruux u dagan
    	705. cadaawiyo duullan baas
    	706. kal dooxani way habtaa
    	707. dardaaran haddii la faro
    	708. digniintu hadday caddahay
    	709. dammiinku ma dhuuxi karo
    
    	710. dorraad ma xasuusan karo
    	711. waxaan dibindaabyo falay
    	712. shalay kama daacad noqon
    	713. dantayda wixii ahaa
    	714. haddeerra si dawgu yahay
    	715. dib baan ka illaawayaa
    	716. dad baan ahayoo Rabbow
    	717. kolley denbi way ag yaal
    	718. hawiyo damac baa i sida
    	719. hiyiga falan baa i dira
    
    	720. dareenka xun baa i shidan
    	721. ta ii daran baan jeclahay
    	722. kas baan ahay daymo dhow
    	723. kal baan ahay doonis badan
    	724. inaan dumey maan ogayn
    	725. inaan degey maan arkayn
    	726. dermaan Run ku goobayaa
    	727. dabaylo ibleys wataan
    	728. sidii qori daad la tegey
    	729. wed baan dul sabbaynayaa
    
    	730. intii dabin ii xidhxidhan
    	731. intii belo ii dahsoon
    	732. intii dalag loogu dhaco
    	733. dalluumaha ii qarsoon
    	734. Rabbow debecaaga saar
    	735. Miisaanku doc buu jiraa
    	736. docdii halistuu jiruu !!!
    	737. intaan dawan laysu tumin
    	738. dayaanku intuu negyahay
    	739. intay belo deyrantahay
    
    	740. intay weli duur xul tahay
    	741. duulduulka ku kooban tahay
    	742. hadday tahay maalin daran
    	743. ka sii daran baa jirtee
    	744. intay weli doobir tahay
    	745. dib iyo noqoshaan rabaa
    	746. dan iyo nolol baan rabaa
    	747. dawiyo nabad baan rabaa
    	748. xill daahira baan rabaa
    	749. naftayda inaan u diro
    
    	750. wax uu dugsadaan rabaa
    	751. hankayga inaan ku dayo
    	752. dagaal xaq ah baan rabaa
    	753. deeqdaada Inaan ku helo
    	754. damiir xalan baan rabaa
    	755. deynkaaga inaan ku gudo
    	756. Rabbow ifka nooga door
    	757. dedaalkana noo rumee
    	758. Rabbow danbbe noo ogow
    	759. wixii tegey duudsi yeel
    
    	760. Rabbow dunidaada weyn
    	761. dabaylo fayow ku xeer
    	762. intii dulin baas dhex taal
    	763. Rabbow digo xaadh ku fiiq
    	764. Rabbow magac dawladeed
    	765. intaan dugsan layn yiqiin
    	766. rabow dumi waa hungee
    	767. distuurrada baadilka ah
    	768. intaan xaqa daafacayn
    	769. ka reeb dambas waab dhex yaal
    
    
    	770. Rabbow dalka kaanu nahay
    	771. intii degel muumin yaal
    	772. wanaag ku dallaallimee
    	773. Islaamka kusoo dabbaal
    	774. waxay ku dulloobayaan
    	775. Dijaallada soo if baxay
    	776. qof deymo leh haw shidhayn
    	777. Haweenkuna waa duggaal
    	778. deeqdaada badh bay yihiin
    	779. waxaa lagu daaqayaa
    
    	780. siday u dul leeyihiin
    	781. shar daalacan baa jiree
    	782. iyagu dedan bay dhasheen
    	783. dunuubta ninkay badhxaan
    	784. Rabbow ducadayda sii
    	785. samaa dumar noogu dhiib
    	786. raggana dummaddooda saar
    	787. waxay dumiyeen Rabbow
    	788. haddaanay xumaanta deyn
    	789. Rabbow dalandoolka dhow
    
    	790. shil noo dihin maalintaas
    	791. Rabbow naga sii dabool
    	792. hortaadana noo dalee
    	793. degaankana nooga yeel
    	794. daryeelku halkuu Run yahay
    	795. haddaanay dir sooc lahayn
    	796. falkaagu u daw bannayn
    	797. cibaadadu waa ku daal
    	798. Badbaado qof doonayow
    	799. kashaada dareen ku beer
    	800. dareenka samaa ku beer
    	801. indhaha dib u soo muslimi
    	802. Illaahay dartiis ku eeg
    	803. daliilka hortaada yaal
    
    
    
        
Daalalay   Dib U laabo
    
    	Marka hore dad baan ahay
    	dad dad reebay baan ahay
    	dunji dhalan rogtaan ahay
    	hadba fadal durkaan ahay
    	Nabi dooran baan ahay
    	han dareersan baan ahay
    	hiyi durugsan baan ahay
    	da'da'deed u talisoo
    	ugu damac fog baan ahay
    	Dunidaannu wada naal
    	Noloshaannu deris nahay
    	Dalandoolka geeddiga
    	Dan qudhaan u jeedaa
    	Haddii taas mid lagu daro
    	Ama daadku halis yahay
    	Iinta mudan wax doorshaan
    	Inta daran u leeyahay
    	Dab waxa ku guban kara
    	Intuu daaro mooyee
    	Nimaan xeel ku damin Karin
    	Docse aniga way wehel
    	Iyo dulucda guulaha
    	Intaan daw ku laalla.
    
    	Daray waarayaan ahay
    	Duufaanku ima lulo
    	Dulin hoose ima galo
    	Dardaraale ina rido
    	Digdig beena kuma ruqo
    	Cirka danab ka soo dhacay
    	Deli igama raarrido
    	Kuma dumo tab iyo xeel
    	Dibin daabyo mooyee
    	Digaxaadhku ima tiro
    	Nin danaystay ima tebo
    	Nin darjiidhay kama naxo
    	Nin u go'ay daraadday
    	Isba garey daraadday
    	In dalleemo lagu huro
    
    	Nin dushayda ku xajiyey
    	Iska daansha daanshoo
    	Siduu iigu diran yahay
    	Ayuu iigu dagan yahay
    	Nin Dagaar fog iga koray
    	Anaa daaf u soo roga
    	Marna waxaan dammiintaa
    	Nin dil iigu xidhan geed
    
    	Danni kuma tallaabsado
    	Wax dahsoona uma tago
    	Demmanida shil kama dhigo
    	Ma aqaanno digashada
    	Haddaan lay dardaar werin
    
    	Dib waxaan u dhigan karo
    	Degdegeeda kuma qalo
    	Waxaan daadshey baa jira
    	Intaan daastey baa badan
    	Daymadaydu waa gelin
    	Duur-xulkaygu waa seben
    	Dul-qaadkaygu waa guun
    	Digniintaydu waa boqol
    	Diidmadaydu waa kow
    	Hadday daahdo waa labo
    
    	Dardartiisa gaarka ah
    	Qofna iguma deeqee
    	Dalabtaanan moogeyn
    	Inaan dayro lagu mudan
    	Qofna xagal ka daaciyo
    	Dal-daloolka kuma naco
    	Nin la yimi dedaalkiis
    	Anigaa wax ugu dara
    	Marna waxaan daboolaa
    	Xubnihiisa derida leh
    
    	Dedda kaca hayaan dheer
    	Nin dekaanka ila lumay
    	Inaan soo duwaan furan
    	Hadduu daal la kala dhaco
    	Dul la saaro kuma gabo
    	Uma dudu karaankiyo
    	Waxaan daafad loo hayn
    
    	Doqonkana anaa xila
    	Si aan dawga uga xidho
    	Waracana anaa dira
    	Si daddaabba lagu furo
    	Damacana anaa dhiga
    	Halka dabinku ii yaal
    	Ninka daacad igu nacay
    	Duudsigayga kuma helo
    	Wuxuu doonayee baas.
    
    	Ninka ii darraadow
    	Anba waw darsanayaa
    	Dibin-daabyadaadee
    	Tirtirsiga ha iga deyn
    
    	Carrab dananka laasima
    	Wacdi dowdab lagu yidhi
    	Ninka ii dudubiyow
    	Kuma deexdo hadalkee
    	Wax kaloon daneeyoon
    	Ku damqado ma haysaa?
    
    	Duni aanan weli maqal
    	Nin I daawisiiyow
    	Kuma arag daraandaro
    	Midabbada dalxiiskiyo
    	Ku dalaysan dheehee
    	Dux la'aanta gadantee
    	Wax intaas ka door roon
    	La dugsado ma haysaa?
    
    	Waxaan daanka soo marin
    	Dalqadaaba celisee
    	Wax dareenku iga jiro
    	Ninka ii dardarayow
    	Taas dameero loo sheeg
    	Dirxi iima dhuuntee
    	Midho daray nin jecelow
    	Ku liq adigu duuduub
    	Ninka dayday kaga dhacay
    	Dad intuu u xilan jirey
    	Noloshiisu duug ma leh
    
    	Bad daruuran baan ahay
    	Laygama dabbaashee
    	Ninka doonidaydii
    	Kala degey halkiisow
    	Anba doonnidaadii
    	Kala degey hankaygii
    
    	Damdamtiyo shirqoollada
    	Dirashada dhufaannada
    	Shaxda dalagta lawlaban
    	Waa laygu dagayaa
    	Xadhig qoob la duulaa
    	marba lay debcinayaa
    	nin I deydeyaayow
    	dhuka qaar ha iga deyin
    	nin dorraad ogsoonaa
    	halkii Daado lala maray
    	jidh dubaaxi maayee
    	nin gar iigu dudayow
    	dermno haygu kala bixin
    	duhur lays hor-joogaa
    	la'I deedafeeyoo
    	duqaydiyo wax garadkii
    	dhulka ugu da'weyneyd
    	dunbukh baan u dhiiboo
    	meyd bay dul yaallee
    	miyaan geedka damalka
    	dooyaysan karayaa.
    
    	Naxariisi kuma duxin
    	Dhegihii dorraatee
    	Hadday ii daloolaan
    	Damqashaa ku dhalisee
    	Dayo toobad laga filo
    	Denbigeedu ma oggola
    	Dawliilka hadalkay
    	Nin qabow ku durataa
    	Wax u dihin shar baa jira
    
    	Shacigeeda dura baxay
    	Dawadaydu kuma taal
    	Da'day maanta joogtana
    	Haddii loo kitaab dayo
    	Waxay daaqdo mooyee
    	Waxay deeqdo lama cuno
    	Malaa waa duqawdee
    	Haddii layska deyn laa
    	Dulmigay ku tarantoo
    	Dacawooyinkaa badan
    	Boqol baa ku daba jira!
    	Intuu daalac leeyahay
    	Ninka doonan karayaa
    	Dacwad qoro ma liqi karo.
    
    	Marka deelba deel cuno
    	Anaa tayda diirtee
    	Toban daawo lala galo
    	Derejiyo xil lagu taxo
    	Ama duunyo lagu qubo
    	Uma korin darmaantee
    	Waxaan duullan u cuskaday.
    
    	Inaan duug ku hubin karo
    	Madal iyo shir ila da'a
    	Inaan dood ka odhan karo
    
    	Inaan daahan garan karo
    	Dibnahayga bari karo
    	In la diidi karo yeel
    
    	Anigiyo dedaalkay
    	Inaan door ka filan karo
    	Anoo doogsin cararkii
    	La durduriyey haamaha
    	Inaan roob I daba maray
    	Ufadiisu igu digan
    
    	Debeciyo is dhigashada
    	Haddaan duulo halabsiga
    	Inaan hoos u degi karo
    	Dersi qudha ka dhigo laba
    	Dakharrada kol igu dhacay
    	Misna inaanay doog noqon
    	Ilaa daayin igu shidan
    
    	Daribtayda malabka leh
    	In dugaaggu nici karo
    	Inaan doogistaydiyo
    	Danahayga labadaba
    	Nin direyska igu qaba
    	Dummaddiisa lagu xidhin
    
    	Dad inaanu kala noqon
    	Dangalooyin kala jira
    	Si la dayaba aayaha
    	Dur u tuuran maayee
    	Dufan iyo nin jecelow
    	Rido adigu daabaca
    
    	Laba duni ku kala mudan
    	Doqonkaba u kala mida
    	Waxaan doortay taydee
    	Dirgan waaga hurisada
    	Maqashaa is dadabtoo
    	Dalanbaabi noqotee
    	Dib u guuri maayee
    	Nin da' furay kalkiisow
    	Dalka waan aqaannaa
    	Bahal iga da'weynoo
    	Dad cunii ma joogee
    	Ma didee hargoolow
    	Haygu tumin durbaannada
    	Iyo daasadaa madhan
    
    	Talo duubka lafa furay
    	Degdeggana wax lagu faray
    	Iyadaa durduro falan
    	Sebenkay derderan tahay
    	Xadhko lagu dabbaaliyo
    	Qabashiyo diddii ma leh
    	Dib waxay ka noqotaba
    	Below doorkan maanta ah
    	Adaan daacad kuu ahay
    	Haddii laygu kaa diro
    	Digashaan ka dhigayaa
    	Adna diid nin kula faqay
    
    	Samana waysu dihinnahay
    	Gabadh ii dambaysoo
    	Ii doonnan weeyaan
    	Waxaan dayday leeyahay
    	Degmo lagu aroosiyo
    	Gole lagu dabbaal dego.
    
    	Dibno iima gooyaan
    	Dakanooyinkaygee
    	Laba daw mid iga xidhan
    
    	Iga dayrsan nacasnimo
    	Iga deyran lahashadu
    	Iga duuban googoos
    	Boholyowna iga dedan.
    
    	Ha is deyso qiil ma leh
    	Dushaa layska eegtaa
    	Dib baa laysu eedaa
    	Haba diillin badatee
    	Shaxi duud u kala rogan
    	Siba deleb u kala guran
    	Weligaa ha igu degin
    	Godka daraya qoolka leh
    	Daran doorri nabarrada
    	Xagga hore u dalandali
    	Ha durduuratee sii
    	Ha is daashatee lali
    	Ha is daasatee hubi
    
    	Dadna wada dad maahee
    	Dalladaa habeenkiyo
    	Danbas buu huwanayee
    	Sawnigii rag kala diray
    
    	Kuwa dayrta iyo guga
    	Sida diinka sugayow
    	Anaa daaqa cawskoo
    	Ku higsada daruurtee
    	Ka hadh-gala diraacaha.
    
    	Nimaan diiftu saarrayn
    	Dusha sare ka qolof dhicin
    	Dubatadu ku shaacnayn
    	Nimaan daawa shiillayn
    	Ama degel ku sheellayn
    	Ama dibad ku sheegnayn
    	Daymadaydu suurayn
    	Waxa loogu digayaa
    	Dohdu Waamo maahee
    	Dirir baa ka socotee
    	Firdhisada iskaga durug
    
    	Marka dirir gabaabsiyo
    	Isma dayada dhiifta leh
    	Iyo duraha jiilaal
    	Dayawgiyo kulka is wada
    	Doorsoonka garashada
    	Daaddduunka nugukiyo
    	Doc ku dhiidhigeediyo
    	Dar-wisiisigeediyo
    	Dambabeera ruqankiyo
    	Daabaan u jedankiyo
    	Duul duuka Jaahweyn
    	Anigaa ka doogoo
    	Weligay danbeeyee
    	Dhulka deexda dharabka leh
    	Nin dallaallimaystow
    	Dad anaa ku hadhayee
    	Dhanka kale u diga rogo
    
    	Anoo daaya mooyee
    	Godobteyda daah iyo
    	Dadab yaa ku xidhi kara?
    	Anoo daadsha mooyee
    	Dabka yayga dhiga kara?
    	Haddaan doohba lay barin
    	Dibso yaa I odhan kara?
    
    	Rag dagaal isugu yimi
    	Haddaan guuli kala dirin
    	Ama duubi wada jabin
    	Isma dooda dhuuxdee
    	Marka dhaylo dubantee
    	Digsi xanan kulkaan bado
    	Iska rogo daboolkee
    	Fadhi dagagar yeeshaan
    	Garan dooca hadalkee
    	Debci qori hay faro.
    
    	Dirirtaan dhanna u dhicin
    	Dillo aan cuskanoo
    	Dabar ugu badheedhaa
    	Docna ima hor-taallee
    	Waxaan dani I yeelsiin
    	Is dugaashan maynoo
    	Dalqad baa ka taallee
    	Ilaa laysu dayn baxo
    	Waa duurxul nabadduye
    	Anigoo wax dili kara
    	Duco qaadan maayoo
    	Nolol kuma dardaarmee
    	Haba diirran oloshoo
    	Danba haw gilgilatee
    	Aaway dawladdii Xamar?
    
    	Duqri may maqlaysaa
    	Daratiyo kud iyo caal
    	Durey iyo kul iyo daaf
    	Waxaad duumo hidisiyo
    	Waxaad hayso daacuun
    	Annagaa daweynee
    	Dabaq qudha isugu gee
    	Ha ka tegin duruustey
    	Rag isaga danbeeyeen
    	Isku soo daroo keen
    	Cirka sare badh soo dumi
    	Waxaad hayso soo daa!
    
    	Dala'siga xanuunka leh
    	Dadnimaa ka dhalatee
    	Nolol aan ku dirirree
    	Darxumooyin nagu fala
    	Aan doombir qodonnee
    	Durdurada si naga dhaha
    	Dhirta aanu daaqnee
    	Guba dalagga beeraha
    	Dekedoo dhan naga xidha
    	Aan diinka qalannee
    	Cagta mariya duunyada
    
    	Aan direyska jamannee
    	Dirka maradu leedahay
    	Duni yaanay nagu hadhin
    	Marka salabku deeddamo
    	Daran doorri laba dhaco
    	Ardadaa dillaantee
    	Dadku haysu boodee
    	Ku dalbada hubka is wada
    
    	Dawersaad ku dhaqantaa
    	Dixda dhagaxa yaalliyo
    	Dogob aan ku furannoo
    	Farsamooyin dayannee
    	Keen dabaabadii hadhay
    
    	Cabsi iyo dardaan iyo
    	Dacwad iyo baroor iyo
    	Dugey yeedhi maysoo
    	Hengel waa la daayee
    	Ha mashxarado dumarkuye
    	Deldelaadda boqol boqol
    	Kala daran isugu xidha
    
    	Dacartaa ku shidantee
    	Ha darrooro hilibkuye
    	Daldaloosha xididdada
    	Marka toban la dooxaba
    	Annagaa kun dihannoo
    	Badhba diir u gelinnee
    	Dubta beerka caydiga
    
    	Dunqulaalka madagtiyo
    	Xololaddada ka daba hura
    	Annagaa ku daarroo
    	Qaybo degel gufeynoo
    	Duni kale abuurree
    	Duddun waayi maynee,
    	Idinkaa wax dumiyee
    	Daari yaanay taagnaan
    
    	Idinkaa degdegayoo
    	Nafta doojinaayoo
    	Diihaal la sahayee
    	Dux halkaad ku aragtaan
    	Dardarsada wadaamaha
    	Isku lura daldalashada
    
    	Docolkiyo hareeriga
    	Annagaa ka diirree
    	Furta dahabka ooryaha
    	Iyo duluca gaarida
    	Diriciyo malkhamadaha
    	Kala baxa dukaannada
    
    	Inta lagu dekeeyiyo
    	Inta lagu dingiigsado
    	Inta daabac lagu dhigo
    	In durraaxad lagu simo
    	Adaa dawladee guro
    
    	Anna weliba deeqdaas
    	Waxaan kuugu darayaa
    	Inta igu dul-saarka ah
    
    	Marka ay dibbootee
    	Nin hagraday ka daryshee
    	Dugsi looga leexdaan
    	Daba geli aqaannaa
    
    	Markay ciinka daaqdaan
    	Dabka ugu xiddigiyaa
    	Nin dumaala baan ahay
    	Degel fule ka bara kacay
    	Nin ku diirsadaan ahay
    	Maalintay u daran tahay
    	Marka daawad lala tago
    	Nin didsani iskaga hadho
    	Annagaa ku dirirnoo
    	Halka daranku dhicinoo
    	Sida loogu dabar go'ay
    	Deelley ka tirinnee
    	Nin debcow dhan uga guro
    
    	Dibadda iyo gudahaba
    	Dacallada hor iyo gees
    	Doc kastaba adoo jiga
    	Isu baydh dad-qalatow
    	Isku daya kas iyo maag
    	Inaad xeesha dalabta leh
    	Igu laba dibleysaan
    	Isku duuba qorigiyo
    	Birtaan daabka haystiyo
    	Midigtayda daalacan
    
    	Rabbi derejadiisiyo
    	Deeqdiisa culus iyo
    	Diintaan ku dhaartay
    
    	Culimada ducaysiyo
    	Lagu hubo daliilkee
    	Digrigaan ku dhaabtay
    
    	Xilka dawlanimadiyo
    	Dalka iyo shinkiisiyo
    	Dad leh baan ku dhaabtay
    
    	Dooddigii Mandheeree
    	Laga qaxay dayaankiyo
    	Darban baan ku dhaabtay
    
    	Dhabbad iyo Gal-dogob iyo
    	Digtii warayaal iyo
    	Duman baan ku dhaabtay
    
    	Birjeex deedankeedii
    	Laga diday kulkeediyo
    	Degsan baan ku dhaabtay
    
    	Lixle damacyadiisii
    	Diric Ina Saleebaan
    	Duxan baan ku dhaabtay
    
    	Ifku Xaamud daariyo
    	Khaliif doorrankiisiyo
    	Digan baan ku dhaabtay
    
    	Hurre doonnantiisii
    	Gurey Ina Dawaarriyo
    	Dar kalaan ku dhaabtay
    
    	Islow dara-digiisii
    	Danab Aadan Shiiniyo
    	Dadban baan ku dhaabtay
    
    	Karuur duur-xulkiisii
    	Iyo damalki Koosaar
    	Dedan baan ku dhaabtay
    
    	Dil-dillaanka dhiiggiyo
    	Inta nacabku dooxee
    	Dahan baan ku dhaabtay
    
    	Inta daahya dhagartiyo
    	Ku xidh-xidhan dalluuntee
    	Dabran baan ku dhaabtay
    
    	Dalan-doolka caydhiyo
    	Dingaraarka mudankiyo
    	Dibjirkaan ku dhaabtay
    
    	Inta cadowgu dayrshee
    	Dibadaha u hoyatee
    	Dulman baan ku dhaabtay
    
    	Aqallada daloolee
    	Doolaabo huruddee
    	Dansan baan ku dhaabtay
    
    	Garashada dareenkiyo
    	Inta laga dab-qaatee
    	I dirtaan ku dhaabtay
    
    	Dacar iyo ladh jiifiyo
    	Inta doogta kicisee
    	Damaqdaan ku dhaabtay
    
    	Dhulka hanad ka duuliyo
    	Duriyaan ku geydee
    	Daalacaan ku dhaabtay
    
    	Dar-daraa barbaartiyo
    	Inta dirirta geydee
    	Diran baan ku dhaabtay
    
    	Dedda-ruxanka maankiyo
    	Daaraanta godobtiyo
    	Dunbukhaan ku dhaabtay
    
    	Doodaha sinnaantiyo
    	Dimuqraadinimadiyo
    	Daacadaan ku dhaabtay
    
    	Deebaanka noloshiyo
    	Diiwaanka nabaddiyo
    	Duuggaan ku dhaabtay
    
    	Dil-dillaaca waagiyo
    	Dabka iyio cadceeddiyo
    	Dayaxaan ku dhaabtay
    
    	Qalinkiyo dawaaddiyo
    	Dugsiyada aqoontiyo
    	Dawankaan ku dhaabtay
    
    	Dalawada la maaliyo
    	Daableyda gudintiyo
    	Doobigaan ku dhaabtay
    
    	Darka iyo wadaantiyo
    	Inta doojinaysiyo
    	Dawliskaan ku dhaabtay
    
    	Digirtiyo galleydiyo
    	Durdurrada waraabshiyo
    	Dibigaan ku dhaabtay
    
    	Inta dhididku deeqee
    	Dan xalaala jiratiyo
    	Dubbahaan ku dhaabtay
    
    	Da'da soo kacaysee
    	Dummaddayda xilatee
    	Dagan baan ku dhaabtay
    
    	Hirka Daalalleydiyo
    	Dersan iyo Rashiid iyo
    	Duculdaan ku dhaabtay
    
    	Inta diib is marisiyo
    	Naxariista dunidiyo
    	Dumarkaan ku dhaabtay
    
    	Dab haddaan hunqaacdiyo
    	Haddaad daacdo dhabataba
    	Haddaad adigu doontiyo
    	Haddaad adigu diiddaba
    	Haddaad ii darraatiyo
    	Haddaad ii ducaysaba
    	Haddaad maato dabatiyo
    	Haddaad doobta lalisaba
    	Haddaad doolli noqotyo
    	Haddaad daasas fagataba
    	Haddaad geelal didisiyo
    	Haddaad dylo shabisaba
    	Haddaad faan dudubsiyo
    	Haddaad been daldalataba
    	Haddaad kaara ducatiyo
    	Haddaad geeri dihataba
    	Haddaad dooddi oroddiyo
    	Haddaad deeddan socotaba
    	Haddaad soo durdurisiyo
    	Haddaad xeel la durugtaba
    	Haddaad waalli duushiyo
    	Haddaad maan ku dirirtaba
    	Haddaad daad faruurtiyo
    	Haddaad soo da'fanataba
    	Haddaad duusho kicisiyo
    	Haddaad dawri carisaba
    	Haddaad dawga xidhatiyo
    	Haddaad deyr is marisaba
    	Haddaad buur la deristiyo
    	Haddaad dooxyo qodataba
    	Haddaad doobir shidatiyo
    	Haddaad diina taxataba
    
    	Hadduu dhiigu daatiyo
    	Hadday xaydhi dixataba
    	Hadday guushu degatiyo
    	Hadday daahyo rogataba
    	Hadday qaanso debecdiyo
    	Hadday shiish dellegantaba
    	Hadday Daylo curatiyo
    	Hadday deero tebisaba
    	Adoo dool dhaqaaqiyo
    	Adoo data mooyee
    	Damac waa halkiisii
    	Dabna waa dabkiisii
    
    	Dusdukay ku dheregtee
    	Haddaan daalku dheeraan
    	Gabbal baas u dumin nabad
    
    	Nin dalleensi lagu cunay
    	Haddaan guuto loo dilin
    	Dakharkiiba toban noqon
    	Nin kastoo dun iga qaba
    	Haddaan daab-cad lala dhicin
    	Jannnada durduurta ah
    	Haddaan daadku soo qubin
    
    	Aqalada derbiga dheer
    	Haddaan daaqad laga gelin
    	Ninka dabin ka boodka ah
    	Haddaan diirad lagu helin
    	Haddaan duubka gogoshiyo
    	Lagu dhuuman dalowyada
    
    	Haddaan shaashka derejada
    	Dallacaada laga nixin
    	Dal Allay u kibirtee
    	Haddaan iilka lagu degin
    	Haddaan meydku duurkiyo
    	Derrimaha ka fara badan
    	Sanqadhaa dabayshiyo
    	Haddaan fiinta laga didin
    
    	Fadhigay ku daaqdee
    	Haddaan soodhku dalandalin
    	Halka doobi lala maro
    	Haddaan raacdo daba gurin
    	Dacfalaanka mahaddiyo
    	Dardarsiga barwaaqada
    	Iyo doosha subbaga leh
    	Haddaan laysu dacarayn
    
    	Inta daran intaw daran
    	Haddan duulal lagu falin
    	Haddaan deebta gumuciyo
    	Lagu guban dabkaan shido
    	Duhur laysla wada jiro
    	Haddaan guusha lay deyn
    	Alley-lehe docdaydii
    	Ha Goblamo dad weynuhu.
    
    
    
        
Daryeel   Dib U laabo
    
    	Markaan daafta hoosiyo
    	arko daymo-bogashada
    	ararha la daadshiyo
    	dhirta lagu daleeyiyo
    	waxa buuro daah wayn
    	lagu daabay ciidiyo
    	bado laba dibleeyaa
    	ishu damac i gelisaa.
    
    	Markaan daawashada guud
    	dayixiyo cadceediyo
    	dildilaanka fadadkiyo
    	onkodkiyo dayaankiyo
    	danab laba dhacaayiyo
    	dardaraa hilaaciyo
    	arko hogol darroortaa
    	runtu igu duxdaayoo
    	derejada Ilaahay
    	dib usoo xasuustaa.
    
    	Haddaan doogga cawskiyo
    	deegaantu saarayn
    	dhulku duug ma yeesheen
    	dihaal mareebeen
    	qofna kuma daneysteen
    	Rabiyow dushiisoo,
    	dunidaada eebow
    	adigoon cid dirranbaad
    	todobaad ku dadabtoo
    	iyaddoo dambarisoo
    	sida doonan gabadheed
    	inta timaha loo dabey
    	dunta lugu afmeershaa
    	laga furey daboolkoo
    	dalagkaad ku beertaa
    	ninba weel darsanayaa.
    
    	Inkastuu qof diintiyo
    	dar illaahey jecel yahey
    	labadaan af yeeshaa
    	koley waa dambaabaa
    	hadduu kaa abaal daro
    	dadka kaad u roon-tahey
    	adigaa dul qaatee,
    	Rabiyow hanugu dumin
    	cirka duudka weynoo,
    	Rabiyow aannu nala degin
    	dhulkan aanu daaqnaa,
    	Rabiyow hannugu didin
    	bahalaha derderanoo,
    	Rabiyow hanugu dirin
    	dabeylaha cartamayoo,
    	Rabiyow hanugu dirin
    	duufanadaadoo,
    	Rabiyow hanugu darrin
    	durdurada rogmanayoo
    	Daad xoor hanaga dhigin.
    
    	Rabow duunyo nool baan
    	ka awoow dugsanayoo
    	dibnaheygu caaniyo
    	dux baruurleh mooyee
    	uma baran wax doorshee,
    	Rabiyoow diraaciyo
    	jiilaal dab-kululoo
    	dibad joogta cowshiyo
    	dabar gooya xoolaha
    	Dibirtooda naga hay
    	Raboow roobka deyrtiyo
    	guga doogsintiisiyo
    	Dirirada xareedaa
    	dacalada hanaga marinee.
    
    	Rabow duumadaadiyo
    	inta cuduro duushee
    	Docwareenka feedhaha,
    	sambadada dalooshiyo
    	Dacuun hanugu ridin.
    
    	Rabiyow dagaaliyo
    	dabley gaatamaysiyo
    	doofaarro badan baa
    	musduleedka joogee
    	kuwa diidey nabadiyo
    	belo laga ducaystiyo
    	manaxaan hanoo dagin
    	duulaan hanagu jebin.
    
    	Rabow dowladnimaduna
    	kuma iman dalxiisoo
    	doorroonayaal baa
    	u daldaley naftoodoo
    	dumar baa hugoodiyo
    	dahabkii u iibshoo
    	Doondoonisteedii
    	dhiig baa ku daatee,
    	Rabow dawlad curatoo
    	ubadkeeda deeqdoo
    	dakhrada bogsiisiyo
    	dawa la isku baantiyo
    	ka dhig malabka doocaan.
    
    	Rabiyow dirkeygii
    	gobolaa dambeeyoo
    	u dib jirey caddaawoo
    	darrayada gumeystuhu
    	daran-doori lagu dayey
    	rabiyow ka soo daa
    	Dibin-daabyadoodoo
    	shanta dagal isu keen.
    
    	Rabiyo dadkaygana
    	danwadaag isjeceloo
    	darjaysa qarankiyo
    	bulsho laga dabqaatoo
    	Carro Edeg ku dayatiyo
    	ka dhig ul iyo diirkeed.
    
    	Rabiyow dugaalkiyo
    	dugsi waa dhul hooyee
    	dibad ruux u sahan tegey
    	duli waayi maayee!!
    	nin da'diisa tuugoo
    	dawarsadey asaagii
    	doqoniimo weeyee!
    	dalkayaga Ilaahow
    	dheregiyo daryeel iyo
    	Wax nadeeqa nagu sii.
    
    	Rabow doodda akhiro
    	marka ay durbaankiyo
    	dawanadu is dhaafaan
    	dadku kuu yimaadaan
    	deryka soo fadhiistaan
    	rabiyow hanagu darin
    	inta aad ku digatee
    	u dareerta Naartoo
    	labadaada daraarood
    	rabiyow ta door roon
    	Kuwa dagaya naga yeel
    	Amiin Allahayow
    	Amiin Allahayow!!!
    
    
        
Dayn maayo Heesta   Dib U laabo
    
    	Laabtu way hugmanaysaa
    	Afku way hud-hudayaa
    	Hadal buu I leeyahay
    	Anna waan hor joogaa.
    
    	Wax la hado shil bay roon
    	Wax la helo lib bay mudan
    	Wax la huro naf baw culus
    	Wax la hubo wed baa jira
    
    	Senge hoohadaa baxay
    	Habaqlaa ka daba tegey
    	Inkastay habaaskiyo
    	Ka dhergeen huq iyo ciil
    	Hafashada asqoobeen
    	Boqol jeer hungoobeen
    	Weli way handanayaan.
    
    	Ma hillaabni laan-deyr
    	Ma hagoogni waabay
    	Hagar-daamo kuma jiro
    	Hurin diiddey nabaddiyo
    	Wadar ii heshiisoo
    	Huminaysa dhagar baa
    	Hubku iigu tuman yahay
    
    	Sacabkiyo haloosiga
    	Hogolaha ku soo degey
    	Haradiyo jidhaamaha
    	Waxan hooyi-waalaha
    	Ugu shubay hadhuubbada
    	Dadku inu hamuuntiyo
    	Kaga baxo harraadkee
    	Hilin kale in lala maro
    	Ama hawdka lala xulo
    	Haanraawe daba galo
    	Foolaadka kala hadho
    	Hororradu bakhtiistaan
    	Hiyigayga kuma jirin
    
    	Hiirtaanyo lagu dhacay
    	Haaraanku fara badey
    	Higil iyo faq dheeraa
    	Huradadii la deyi waa
    	Habar wacasho lays gurey
    	Hebel hebel canbaaree
    	Hebel kale ka marag dhigey
    	Nin hayaanka beeshiyo
    	Danta guud ku hawshoon
    	Hafarkiisa lagu dhaqan
    
    	Hilbo ceedhin lagu waab
    	Ninba harag u saynsaab
    	Hataq madaxa loo geli
    	Hoosaaso lagu qaley
    	Beladiila halabsaday
    	Hugunkeedu dami-waa
    	Nin hinaasay deyn-waa
    	Hibashada qumbacashada
    	Hengeshiina furi-waa
    
    	Hor Allaa la tegayaa
    	Wax hanbaysta baan idhi
    	Garta hubiya baan idhi
    	Runta lagama hiishee
    	Xaqa halacsadaan idhi
    	Hawraarsan laga waa
    	Haye way ku adag tahay
    	Wax hallaaba mooyee
    	Wax hagaaga ma oggola
    	Qaska way horseedaan
    	Xanta waw hiloobaan
    	Guusha ay hufnaantiyo
    	Si haboon ku waayaan
    	Xisti bay ku hooyaan
    	Hunguraa wax lumiyee
    	Hawadoodu kama foga
    	Haasaasa maalmeed
    	Murtidoodu huubiyo
    	Hal-dhac bay u badan tahay
    	Ma karaan higgaadiyo
    	Halxidhaale toolmoon
    
    	Haamaha gun-dheerta ah
    	Hilaygiyo lingaxa sudhan
    	Ma helaan sarbeebtiyo
    	Isha hoga-tusaalaha
    	Sugaanta hodanka ah
    	Hindisaha aloolka leh
    	Ereyada hal-doorka ah
    	Hab kalay u weriyaan
    	Hawraar nin tiriyoo
    	Hanaqaada ma oggola
    
    	Ninka hooto-dhegaley
    	Nabar hoos ka tuuroo
    	Dadban igu halgaadow
    	Hangaraarac baan ahay
    	Lugo habay hal iyo laba
    	Kuma hadho tummaatida
    	Dabka aydin huriseen
    	Hakin maayo socotada
    	Hoogaansigaygiyo
    	Hebednimada guudkiyo
    	Hayal-samida muuqiyo
    	Haaheyda malabka leh
    	Ha ku dagan sabaalaha
    	Hayin aan la raranoo
    	Lagu qaadin heeryoo
    	La hoggaansan baan ahay
    	Hamrashada asaaggey
    	Hooyaday iguma dhalin
    	Fula-guulka harawsiga
    	Hanjabaadda kuma dido
    	Hataqaha si dalagta ah
    	Haadaanta kuma jabo
    	Dabin haad ka roor dhigay
    	Yaan hilaaddu kaa lumin
    
    	Halla waa ogeysiis
    	Inta hoogga dacarta ah
    	Ku halaan-halaysaay
    	Hunbanida is gurataay
    	Ladhka soo hinqanayow
    	Nin haadaafa lama odhan
    	Haybta nolosho kaa xidhan
    
    	Nin habsadayna kama tegin
    	Himilada adduunyada
    
    	Nin la hago xil kama dhicin
    
    	Aniguna hed mooyee
    	Inta hibada Eebbiyo
    	Hawraarta maansadu
    	I hareera yaalliin
    	Hal-abuurku ila jiro
    	Hiyigaygu nool-yahay
    	Hammigaygu shidan yahay
    	Hanku igu lammaan yahay
    	Waxa aan higsanayaa
    	Dhul of iiga hirayaan
    	Haasaawe furan yahay
    	Qodob laga hadlaa jiro
    	DEYN MAAYO HEESAHA
    
    	Hollashada mijiiraha
    	Nin hannaanka gabayada
    	Hanan waayey naaskow
    	Hashu waa ammaanee
    	Haaneedka sii daa
    
    	Hogga aad daboosheen
    	Halistaa maleegteen
    	Shilka aad habayseen
    	Habbisada falkiinniyo
    	Isla hela awaytida
    	Habaarkiinnu ima karo
    
    
        
Debed Yaal   Dib U laabo
    
    
    	Deelley karaankeed
    	Inkastaanay duuduub
    	Demmanaha wax ugu odhan
    	Hadalkana u duur xulin
    	Ama daaqsin geel marin
    	Doc qudhay shifeysee
    	Dhanka kale ma daaweyn
    	Nin sharaystay kuma duxin
    	Dhego debecsan kama helin
    
    
    	Ma hirgelin dabuubtii
    	Dooddiina lama garan
    	Ama waa la dala'sadey
    	Lama baanan doogtii
    	Dakharkiina lama dhayin
    	Wuu sii darsanayaa
    	Daldalookii sii korodh
    	Daba-keenna faalkii
    	Ku dayow xiddigiskii
    	Dugtey xeegadiisii
    
    	Dildillaaca maraddii
    	Wax la sii daneeyo
    	La dugsado ka weynaa
    	Misna deylo bixisada
    	Dhaw dhawdu kama degin
    	Gaarriyow dabuubtiyo
    	La dardaarankeenii
    	Doolaalo dheeraan
    	Dira dire ka soo qaad
    
    	Dabaqyada dhunkaasha ah
    	Ninkii duubi kala baxay
    	Durba soo rogaal celi
    	Dooraalayaashii
    	Weli ways dalbanayaan
    	Damac iyo hungurigii
    	Sii durug hankoodii
    	Darka laysu mari waa
    	Xaajada delleganta ah
    	Weli dawliskeedii
    	Dandan buu ku dhacayaa
    
    	Qalinkiyo dawaaddii
    	Weli ways dul-yaalliin
    	Dul-fiqaarna lama dhigin
    	Qubanaha la duudsiyey
    	Isagana dagaal faran
    
    	Daanyeerku laan buu
    	Weli dacalka haystaa
    	Bahal ceedhin deyn waa
    	Anna waxa la ii diray
    	Daaraanta godobtoo
    	Nabarrada damqanayaan
    	Hadba dacar ku noolayn
    	Ilaa daayin abidkay
    	Dawankaan ruxruxayaa
    	Falla waan ku darayaa
    	Marka doobi buuxsamo
    
    	Intaan deebshey gaawaha
    	Danbarsaday irmaantaas
    
    	Adigaa hal-doorkiyo
    	Suugaanta derida leh
    	Dir ku kala kexeeyoo
    	Midba dara-dhigiisiyo
    	Dhirta looga diiriyo
    	Dillo ugu abtiriyoo
    	Dantu waxay u magan tahay
    	Darka fayl is dhaafiyo
    	Daran-doorri shubidee
    	Inta aynu dirirtiyo
    	Dood wadaagga leenahay
    	Dabra celinta xeeshiyo
    	Shax dalaynta togoshada
    	Hindisaha godkaan dego
    	Ku danbee Rashiidow
    	Jire waa ii duufaa
    	Jarta haygu sii deyn
    
    	Intaan deebshey gaawaha
    	Danbarsaday irmaantaas
    
    	Wax la yidhi nin dooloo
    	Beryo dibada meeroo
    	Dani baajin weydaa
    	Caal waa dib ugu kacay
    	Degelkuu cid ku ogaa
    	Fadalkiyo durduradii
    	Wuxuu dacal ka soo galay
    	Dooryaanle waagii
    	Didibkii la oollaa
    	Daaqsin buu ka halacsaday
    	Dayr-dhaaf nin jiilaal
    	Shitay dogobbo waaweyn
    	Waxa duunka hoosiyo
    	Damaciisu kula faqay
    	Ninkaas daartay xaabada
    	Wax u dagamsan baa jira
    
    	Lugihii degdegayuu
    	U duwadey dhankiisii
    	Isla doonasho Illaah
    	Doobku waa walaakii
    	Waa ninkuu dad iyo maal
    	Dummaddiisa kaga tegey
    
    	Durba laysku soo bood
    	Degdeg laysu gacan qaad
    	Wuxu yidhi "bal soo durug"
    	Hadalkana I deeqsii
    	Marmar baan daraaddiin
    	Degdeggiyo kalgacalada
    	Odhan jirey ma duushaa
    	Meel bay dalooshoo
    	Dal tabyaa I haysee
    	Duni waa ku dhaqannoo
    	Dareen lagama waayee
    	Degmadii ma nabad baa?
    
    	"wuxuu yidhi Dareen ma leh"
    	degmadana shil kama dhicin
    	dadna waa fayow yahay
    
    	kuye "dooddigaygii
    	dardartaan u yeellaa
    	imminkaan debcinayaa"
    
    	ninba dabada meel saar
    	warku sii dabayl raac
    	laysu daaddeg toyashada
    
    	Wuxu yidhi "hal ii daran
    	Goreygii dufka lahaa
    	Ma rakaatay doobtii
    	Shinbiraha ma didiyaa?
    
    	Wuxuu yidhi "ku daayaa"
    
    	Maxaa daarey buu yidhi?
    
    	Wuxu yidhin "dabaalkii
    	Lafii Daabbad qaarkood
    	Sow duleedka kama helin
    	Duf ku bexe wedkiisii
    	Doqonniino gurayaa
    	Nacasnimo daldalayaa
    	Dabadeeto eedyaa".
    
    	Wuxuu yidhi dul-badanii
    	"doonnidii la raran jirey
    	ma nafbaa ka daydeen
    	mise wuu dibboodoo
    	dugaag caydha baa helay?
    
    	Kuye "daayinkiisii
    	Denbi dhaaf ha siiyee
    	Sawti duugti loo qalay
    	Ducadii adoogeen"
    
    
    	Wuxuu yidhi "duqeennii
    	Degta inagu sidi jirey
    	Isaguna ma dubuq yidhi?"
    
    	Kuye "seben ummulo doox
    	Dabayaaqadiisii
    	Intii aan duqduba hoyan
    	Dabra weerar nagu dhacay
    	Duullaan ku dhimayaa."
    
    	Wuxuu yidhi "ma Daadana?
    
    	Kuye "daad la orodyaa
    	Daaddeys ka xooryaa
    	Intaan danabadaaddii
    	Ubadkiyo durriyaddii
    	Dahrigaaga laga jaray
    	Subax keliya duudduub
    	Lagu darin xabaalaha"
    
    	Wuxu yidhi "dabayshaday
    	Dayaxay madoobaa
    	Gabbalkay dam weeyaan
    	Da'yartii cuddoonayd
    	Iyagana docdoodii
    	Ma daleel bannaan baa?
    
    	Kuye "duumo xaaqdaa
    	Intaan Dahabadaadii
    	Duulal raacay loo tiring
    	Iyagana ka daba gee
    	Wixii aakhiraw degey"
    
    	Kuye "Dahabadaydii
    	Iyaduna ma duug baa
    	Maxaa loogu daw-galay?"
    
    	Ma dumaashiday baa?
    	Kuye "waaban daalee
    	Sawtii Duleedow
    	Daandaansi keentee
    	Jin dagaagay maagtee
    	Aqalkii ka dumisee
    	Lagu helay danbiga culus
    	Sawtii la doorshee
    	Dalandoolli laga dhigay
    	Intaan xoolo dabar go'in
    
    	Duugowyey xiisii
    	Dirga waayey hadalkii
    	Indhuhuna is daydaye
    
    	Wuxuu yidhi "dad yaa hadhay?
    	Maxaa duunyo weli nool?
    
    	Kuye "duunyadeennii
    	Daratiyo kud weydii
    	Dadna waa anoo qudha".
    
    	Duleedoo aqoonsaday
    	Inaan guul danbaysoo
    	Lagu diirsadaa hadhin
    	Ayaa daymo murugo ah
    	Dibno jiitamaayiyo
    	Deelqaaf ku yidhi ciil
    	Danab iyo warjaaf iyo
    	Daacuun ku kala goo!!!
    
    	Reerkan daaha loo rogey
    	Dubbihii Illaahay
    	Darandoorri ugu dhacay
    	Dam daguugan laga dhigay
    	Miyaad guul darraystow
    	Nabad iyo dardaan iyo
    	Igu tidhi dereen ma leh
    	Waxa duur-xulkaagani
    	Kaa daarran yahay sheeg!
    
    	Dibadyaal kal adakaa
    	Naxariisi kuma duxin
    	Jidh dareen umaba dhalan
    	Damqashada walaalkii
    	Weji duban ku baabi'I
    	Af daboolan kula hadal
    	Ma degdegin jawaabtii
    	Docdan iyo docdaas dhawr
    	Dib xasuusta ugu noqoy
    	Mirashada ku sii daah
    	Dabkii xaabo saarsaar
    	Madax diiran baaqbaaq
    	Taataabey dakharrada
    	Qosol buu ku yara daray
    	Wayska dagagar jiifee
    	Deexashuu la soo kacay.
    
    	Wuxu yidhi "degmadayada
    	Dugsi keliya baa jira
    	Diric keliya baa dhiga
    	Dersi baanu baranaa
    	Dulliga iyo beentiyo
    	Doqonniimo faankiyo
    	Qoqobkiyo dirsociyo
    	Ducadiyo yaboohdiyo
    	Inta laga diqoodiyo
    	Dawersigu ka kow yahay
    	Digashadu u mudan tahay
    	Marka qalin daraalaha
    	Dilla sheega la cuskado
    	Intixaanka loo dego
    	Ka dul dhiga jawaabtiyo
    	Doorkiyo wax-garadkaaa
    	Inta daadataa u badan"
    
    	Wuxu yidhi "degmadayada
    	Dibnahaa la cunayaa
    	Qosolkaa la deexdaa
    	Adigoo il dabayaa
    	Dadku inaanay kaa garan
    	Misna lagu dedaalaa
    	Marka aad Duleedow
    	Sidaad doonto weydaad
    	Sidaad diiddey yeeshaa"
    
    	Wuxu yidhi "degmadayada
    	Si dareenka garashadu
    	Aanu nooga noqon duug
    	Dawrigaan hayin ahayn
    	Ma dagmaha indha qaba
    	Tiisa waw daboollaa
    	Waanu daadahaynaa
    	Wuxu daymo boganlaa
    	Dulmar bay ku gaadhaan.
    
    	Ka dheguu daloolaan
    	Daba gala wixii dhacay
    	Xanta durugsan heli kara
    	Dooca waw gufaynaa
    	Deeqsiinta hadalkana
    	Farahaannu dirannaa
    	Iyagaa ka door roon
    	Dibno sheega godobaha
    	Hayska dagamsanaatee
    	Yeedhow dam weeyaan"
    
    	Wuxuu yidhi "degamadayada
    	Roobabkiii ka di'I jirey
    	Dirirradu ma baahaan
    	Dalka uma sinnaadaan
    	Annagaa daruuraha
    	Deebaanka haynnoo
    	Meeshaanu doonnaa
    	Lagu soo dabbaalaa
    	Dooxaannu seerraa
    	Deyr ooda marinaa
    	Hogolaha darrooraa
    	Marka ay ku daataan
    	Deegaan ka saaraan
    	Waxa doog ka soo baxa
    	Yaa daaqa ma og tahay?
    
    	Inta duunyo dhaqatadu
    	Docol ruug tidhaahdee
    	Markay xaabka daaftiyo
    	Inta dacaydu gaadhiyo
    	Daab gaabta laastaan
    	Dhirta hoose diirtaan
    	Xoolaha dar-leefka ah
    	Jeenyaha dul-saaree
    	Laamaha duxleyda ah
    	Damac fuul ku goostee
    	Daamankaan wax sii marin
    	Dira waxay haleelaan
    	Gawsaha dalqada ku leh"
    
    
    	Wuxuu yidhi "degmadayada
    	Ninka ragga daryeelkiis
    	Ama duubka sharafkiyo
    	Derejada la siiyaa
    	Dabar iyo nac weeyaan
    	Darbbo waw ma dhaafaan
    	Deldelaaddu xeer ma leh
    	Kol haddaan xaq lagu dilin
    	Denbi meesha kama dhicin
    	Deero deero ma hirddiyin
    	Sama diidna loo qaad
    	Meydka waw baroor diiq
    	Dumarkana hugoodiyo
    	Diibkoodu waa weer
    	Dacar bay ku dhaashtaan"
    
    	Wuxu yidhi " degmadaydu
    	Boobka way la dirirtaa
    	In la duro garsoorkiyo
    	In la dumiyo ma oggola
    	Badi waxay danaysaa
    	Dadku inay sinnaadaan
    	Kefedaha dalooliyo
    	Miisaanka dalabta leh
    	Waxa laysu dacal sudhay
    	Dibindaabyo maahee
    	Waa daryeel sida u yaal
    	Danyar loogu tala galay
    	Si aan laysu daba gurin
    	Dulmiguna xaqa u cunin
    	Dayaxaannu awdnaa
    	Qorraxdaannu daahnaa
    	Nuurkaannu damiinaa
    	Mugdigaannu daarnaa
    	Dabadeeto fulinaa
    	Sharcigii dalka u yiil
    	Cir da'furay habeenkii
    	Dallad baa la qaataa"
    
    	Wuxuu yidhi " degmadayada
    	Dahab baaanu shiillaa
    	Lafta dhagax dixeedkiyo
    	Bir-lab aan dubnixinoo
    	Dabcin baannu shiidnaa
    	Derbiyaannu fanannaa
    	Daaraannu taagnaa
    	Digir iyo galley iyo
    	Dalag baanu keennaa
    	Daacaddaannu beerraa
    	In yar oo dalxiiskiyo
    	Weriyaha dan-fulintiyo
    	Marti daansha socotiyo
    	Ragaan lo darraan Karin
    	Lagu dararsho mooyee
    	Isku dubnideedaa
    	Dekedaha la geeyaa
    	Duniday u dhooftaa
    	Dulmigaannu gadannaa
    	Dibadaha ka keennaa
    	Waa daba qabsiye garo.
    
    	Qabqabtiyo durbaannada
    	Daran doorri dhacayaa
    	Diihaal ma reebaan
    	Dayac beel ma haynee
    	Dundumaanu maydhnaa
    	Sida ogaxda diinkaa
    	Daymadu na korisaa"
    
    	Wuxu yidhi "degmadayada
    	Cudurrada dillaacee
    	Aayaadka diintiyo
    	Dadku uu Quraankiyo
    	Daa'inkay ka magan galay
    	Waaba lagu ducaystaa
    
    	Haddaannaan dagaal ridin
    	Ama ciidan soo dumin
    	Dawliil ku naalloon
    	Ama duul xeryo u goyn
    	Ama keenin daacuun
    	Ama daadad soo rogin
    	Webiyada durdurayaa
    	Jiilaal wax naga dilin
    	Daba-dheer na salabayn
    	Diigaanyo nagu dhaban
    	Miyaa daasadaa madhan
    	Dirham noogu dhacayaa?
    
    	Wuxuu yidhi "degmadayada
    	Ruuxii la duugaa
    	Marka laga dareeruu
    	Dardar soo ceshaayoo
    	Dib u soo dhashaayoo
    	Durba loo mashxaradaa"
    
    	Wuxu yidhi " degmadayada
    	Dadku waxay la yaabaan
    	Dan quntaa u fara badan"
    
    	Wuxu yidhi " degmadayada
    	Dibida iyo weylaha
    	Waxa dhala dameeraha"
    
    	Wuxu yidhi " degmadayada
    	Waxa jira Duleedow
    	Habar doobir kululoo
    	Dhererkana Dijaal le'eg
    	Dadabkiyo ballaadhkana
    	Dhirta daray ka xoog weyn
    	Dhakadana il dooftoon
    	Dawo Karin ku leedahay
    	Mar inay wax dihatoo
    	Ubad daaddahaysay
    	Si kastaba u doontoo
    	Markay ciil dellegantee
    	Toddobaatan dayrood
    	Dedan iyo si daalacan
    	Nafta damac u gelisee
    	Baryadii ka daashaa
    	Rabbi deeqsi weeyee
    	Ducadeedi ka aqbalay"
    
    	Da'baa wiil gurracanoo
    	Falanoo derderanoo
    	Denbi iyo xasarad badan
    	Curad guri danbaysana ah
    	Dirqi iyo si fool adag
    	Hoosteeda laga deyey"
    	Iyadoo ha dagantii
    	Digta qalabka reenka leh
    	Kaga dannaninaysoo
    	Demman guulaheedii
    	U dabbaal degeysaa
    	Suul-Cayn durduriyoo
    	Dubur buu ka xulay Hawd"
    
    	Damdamtiyo ciilkii
    	Dib waxaan u dhici Karin
    	Duqdu sow khalaawaha
    	Wax kastaba iskuma deyin
    	Dulucana umay xidhan
    
    	Kolba daw shixnadan bay
    	Sanqadhaha docdeeda ah
    	Hadba ruux la duushaa
    	Markay dayma bogashada
    	Weji dadabka quusta ah
    	Isha daawisiisay
    	Qofkaan duud carrale noqon
    	Daad xoor ku tuurtaa"
    
    	Illaa maalintii dura
    	Sidii bay Duleedow
    	Xaajadu dudduuc iyo
    	Deji iyo dul gee tahay"
    
    	Ninkii dalawadiisii
    	Duhur geed ka seexdee
    	Dib jiree habeenkii
    	Bahaluhu durduurteen
    	Dildillaaca waaberi
    	Dalag dalagta raacdada
    	Ku dul dhacay raqdeedii
    	Runta Magan is diidsii
    	Indhahana dib ula noqoy
    	Ruuxeeda doon doon
    	Dad kaleeto weydii
    
    	Wuxu yidhi " degmadayada
    	Danbbar laguma maalee
    	Dar-xumaa ka oloshoo
    	Dalawadu nin moogow
    	May gabin dadkeedee
    	Waxa loogu daw galay
    	Ninaan daawo xidhinoo
    	Ilaa dalan-dalkiisii
    	Doofaaro dhiqi jirey
    
    	Duluglaha is haystiyo
    	Dibiyada herdamayaa
    	Dixda ay ku shaxayaan
    	Waxa damashi weyneyd
    	Dhirta looga dabar jaray
    	Durba haysu muuqdeen
    	Kibir haysu dooxeen
    	Dacawaa basaastoo
    	Dufan looga shubayaa
    
    	Dooh doohdu waa been
    	Nin dalaafsan baa yidhi
    	Waxay daarran tahay waa
    	Isku didi ibleysow
    	Mid ahaan duxdiisiyo
    	Daribtiisa noo loog
    
    	Degelkaad xusaysaa
    	Ma dal buu ka weyn yahay.
    	Naf adaa u dudayee
    	Afka sow ma hadal deyn
    
    	Kuye "daba-likaalow
    	Alleylehe dad baa ba'ay
    
    	Waxaan doogsin cararkii
    	Diihaal la orodkii
    	Habeenkoo dalool tegey
    	Socodkiyo dawaafkii
    	Didmo caymadkaygii
    	Deli iyo jar kala dhacay
    	Wixii doox rogmanayaa
    	Igu daray badweyntee
    	Daad-xoorta iga dhigay
    	Dalo iyo dir-soor iyo
    	Waxaan diif la golongolay
    	Dalan dool u yeellaa
    	Daalaa dhacaygii
    	Rugtaan soo duggaashadey
    	Miyaa ii darraatoon
    	Ugu imi dardaar werin
    	Maantana degaankay
    	Ma Dagaar u guur baa
    	Iyo diillintii Gurey?
    
    	Wuxu yidhi "Duleedow
    	Dilalyada ku haysaa
    	Amba iima dihinoo
    	Intii ay dabayluhu
    	Hadba meel deleeliyo
    	Daaddeys ku dhigayeen
    	Wixii daad mahiigaan
    	Dal shisheeye kugu furay
    	Dabataan ku noolaa
    	Dhaxan baan dugsanayoo
    	Anba dayro ku ahaa
    	Dibadyaalla kula baxay
    	Dooyeysigaygiyo
    	Dunqulaalka hoosiyo
    	Digsigaan babbinayaa
    	Gacma daalis weeye
    	Dux inaanan kala bixin
    	Malaa daawashada guud
    	Dunjigaygu kugu filan
    
    	Haddaad diidday maandhow
    	Bal ninkaad u tahay deni
    	Iyo xaaji soo degey
    	Saadaasha kugu daray
    	Isna tiisa daymood
    
    	Ninkii duurka caydha ah
    	Duufaan ku soo ridey
    	Halkuu daalac heli laa
    	Markii dayn ku sii go'ay
    	Intuu duubi quusiyo
    	Dib u liqay candhuuftii
    	Dirri-xaradh ku hawshoo
    
    	Wuxuu yidhi " dulmanidaa
    	Misna gacan degganidaa
    	Aaway dawladnimadii
    	Iyo doorarkeeddii
    	Ma dad baan arlada jirin
    	Ma nin baa daraaddii
    	U daddaaba xidhantiin
    	Caku aaran dubatada
    	Iyo dooxatada baas
    	Dabar maad u goysaan
    	Xadhig maa u diirtaan
    	Dibso maa tidhaahdaan
    	Colka wadhaf ku daydaan
    	Nafta deeq u bixisaan"
    
    	Wuxu yidhi " degmadayadu
    	Dareen way ka siman tahay
    	Doogna way gudboon tahay
    	Doorna waw midowdaa
    	Libna way ku dirirtaa
    	Xilla way daryeeshaa
    	Daba gelisyadiisiyo
    	Dad-qal way ka adag tahay
    
    	Danna way wadaagtaa
    	Duddadaa u kala rogan
    	Mana kala dab qaataan
    	Dadab baa ku kala xidhan
    	Kala durugsanaantiyo
    	Digadana nin baa shiday
    	Dawaduu ku huriyaa
    	Rag inay ku damiyaan
    	Dannigoodu farayaa
    	Gaas bay ku darayaan
    	Meel daad u baahnayd"
    
    	Waxes jira Duleedow
    	Dibirrooti kulul baa
    	Dingaraaradiisii
    	Xaska lagula daatee
    	Dakharrada la geystoo
    	Waa daanno culusoo
    	Rag iskaga danbeeyaa"
    	Malaa wayla durugtee
    	Aan soo dabbaalee
    	Tartan laba ku dirireen
    	Dahab loogu beretamey
    	In la seexsho dacawada
    	Danta laga lahaa waa
    	Inuu diinku guul helo
    	Dulmarkiyo ujeeddadu
    	Dadka waxay baraysaa
    	In dedaalku wacan yahay
    	Dhanna dulucda sheekada
    	Duur-xul baa ku yara jira
    	Iyo dala'si laga wado
    	Duqu inaanu dheerayn
    	Sida loogu daran yahay
    	Iyadoo ka diimmoon
    	Dayo moog habaarkaas
    	Awgiis ma daaree
    	Isna duubka hibada ah
    	Doomaarta cawskiyo
    	Daristuu ka jecel yahay.
    	Doqonniimo lama dhayo
    	Hedna lama daweyn karo
    
    	Dadka aad ka dhalatiyo
    	Dalka aad u dhalatiyo
    	Nin la yidhi danta u tali
    	Hadan laga dabqaatiyo
    	Diric iyo fariid noqo
    	Dibin daabyo ku ogow
    
    	Duco iyo xusuus iyo
    	Duug aad ka dhaxashide
    	Xilka daacad ugu hay
    	Ha dullayne gaadhsii
    	Meeshay daraaddeed
    	U galeen dagaakii
    	Diiftiyo kulka lahaa
    	Dib u dhaca ka maaree
    	Dumar iyo rag hawl geli
    	Kartidooda deeqsii
    	Derjow sugnaatoo
    	Guul baa u dagatee
    	Alla doori saw kaa
    	Darka jiidhay Maaweel!
    
    	Waxaan dooddi kaga baxay
    	Hdalkana ku daa idhi
    	Nin dab liqay Rashiidow
    	Dhuxul buu ka daacaa
    	Ma darmaanta booddee
    	Didday baan u jeedaa?
    	Ma daliilka muuqdiyo
    	Dhamac hoos ka darartoo
    	Is dallaallimaysiyo
    	Danbas baan aqaannaa?
    	Halka Deyr wakhtigu dhigo
    	Dib baa looga sheekayn
    	Kaddaraa u magac bixin
    
    	
Dhahar   Dib U laabo
    
    	Dhamme Maxamed Xaashow
    	Ina Xaashi Dhamacow
    	Dhaadmada dareenkiyo
    	Dhacdada iyo waayaha
    	Ninka ila dhadhamiyow
    	Jiilaalku dheeraa
    	Dhulka xaabki ka idlaa
    	Dhalma deys cirkii noqoy
    	Dabka dherigii saarraa
    	Dhagxantii bislayn waa
    	Inkastoo dhir xoogliyo
    	Dhamac yaab leh lagu shiday
    	Ma dhadhaab nuglaadoo
    	Sida dhaylo suulkiyo
    	Lagu goosto dhooshoo
    	Hilib laga dhishaa jira.
    
    
    	Dhamme Maxamed Xaashow
    	Ina Xaashi Dhamacow
    	Dhahar waa ninkiisii
    	Garashadu dhibtiisiyo
    	Dhaawaciisa weeyaan
    	Dhalanteedka beentiyo
    	Dhaymihiisu waa faan
    	Shilka dhacay ma moogee
    	Isagiyo dhanqalantada
    	Dhacantaa u kala rogan
    
    	Wuxu yidhi "dhibaa jira
    	Dadku baahi dhigatoo
    	Lafahooda dhuuxdiyo
    	Dhugatay la jiifaan
    	Arrin aan dhegeystoo
    	I dhacaysa maahee
    	Waxa aad dhafoorkiyo
    	Dhabannada la haysaan
    	Maqashay ka dhegalee
    	Hadday tahay dhismaa guud
    	Ka dardaarmay dhawr jeer,
    	Hadal kuma dhabcaalayn
    	Dharaartiyo habeenkii
    	Dhawaaqaygu ma hakado
    	Waxa weliba ii dheer
    	Dhanbaalkiyo wareegtadu
    	Weligood is may dhimin
    
    	Annaa guusha dhaliyee
    	Dadka wada dhergaan idhi
    	Waxa hadha dhigtaan idhi
    	Dhux-dhux iyo faq hoosiyo
    	Dhagar qabe ha joogee
    	Weli ruux dhammaysoo
    	I dhalliila maan arag
    
    	Dhugashada kormeerkiyo
    	Dhaabaddiyo fagaaraha
    	Dadku sacab is dhaafiyo
    	Dhag-dhag iyo mashxarad bay
    	Igu soo dhoweeyaan
    	Dhan kastaba magaalada
    	Inta ay sar dheer iyo
    	Dhabbo iyo jid leedahay
    	Waxa dheeh farshaxan iyo
    	Sawir wada dhalaaliyo
    	Waxa iigu dhigan faan
    	Dhaayihiinu ha arkaan
    
    	Dhug u yeesha maansada
    	Dhubbad-qaadka heesaha
    	Abwaan dhaartay suu yidhi
    	Miyaa ruux I dhaamoo
    	Lay dhaafsho haysaan?
    
    	Dhallinyariyo waayeel
    	Dhabba aan u hadallee
    	Haddaan dhigo xilkaan sido
    	Yaa u dhiibanaysaan?
    
    
    	Dhamme Maxamed Xaashow
    	Ina Xaashi Dhamacow
    	Kolley buuxsan dhiilkii
    	Toban saniyo dheeraad
    	Lagu dhurayey ciilkoo
    	Lugtu jeeni dhaaftee
    	Dhaadashada ma sugan tahay
    	Dhumuc iyo ma xoog baa?
    
    	Dhillowyahankan geedkii
    	Lagu beeray dhiiggiyo
    	Dheecaanka wadhatada
    	Dhexda tolow iskaga maray
    	Dhirta maw abtiriyaa
    	Sida dhalashadeediyo
    	Dhaqankeedu kala yahay?
    	Mise wuxuu ka dhigan yahay
    	Habartii mar dhooftee
    	Doonnidu la dhacantee
    	Badda dheelligeediyo
    	Dhaxantiyo dabaylaha
    	Dhawawalan ka qaaddee
    	Iyadooy dhaqaaliyo
    	Nafba kala dhaqaaqeen
    	Ka dib dhawr ayaamood
    	Salka dhigatay ciiddee
    	Dhulow kaama kaco tidhi.
    
    
    	Dhamme Maxamed Xaashow
    	Ina Xaashi Dhamacow
    	Cashaday dhaharatee
    	Geelu dhimo hadhuubkee
    	Dhaqayiyo galoof yahay
    	Rag ka dhoofa baa jira
    
    	Dhamac yo hannaan iyo
    	Saddex dhaqan wadaagtoo
    	Isu dheelli tirantaa
    	Dhuuni lagu bislaystaa
    	Gaarriyow dhardhaarada
    	Kol haddii mid laga dhigo
    	Rag dhuyaala baa jira
    
    	Maalintay dhanaan tahay
    	Rag dhirbaaxo guudheed
    	Inta ay ku dhaashtaan
    	Xiddigaha is-dhalan roga
    	U dhufaanan baa jira
    
    	Inta qaran dhiskiisiyo
    	Dhidibkiisu taagnaa
    	Dheeraad nin dooniyo
    	Nin ku dhega xaaqiisoo
    	Dhacsanaayey baa jirey
    
    	Dhederbiga colaaddiyo
    	Rag hadduu dhabiiltamo
    	Fule dhimashadiisaa
    	Dhawr jeer noqnoqotee
    	Wax la yidhi dharaartaas
    	Ninkii dhiirran geeridu
    	Isagay la dhalatee
    	Hasha dhaxal wareegtiyo
    	Dheeha furashadeedana
    	Keligeen dhunkaashiyo
    	Dhugtan kama go'aynee
    	Haddii laysu jilib dhigo
    	Kumanyaal dhigeenoo
    	Waxba dhawrsanaynoo
    	Sida awrka dhaameel
    	Dhoomuhu gubeenoo
    	Dhibta kula wadaagoo
    	Isu dhaarsan baa jira
    
    
    	Dhamme Maxamed Xaashow
    	Ina Xaashi Dhamacow
    	Dhidarkuba xabaalaha
    	Kuma dhaadhaceenoo
    	Kuma dhiirradeen ruux
    	Celinkara dhawaaqee
    	Kolkuu meydka dhiilliyo
    	Dhaqdhaqaaq ka waayuu
    	Hore ugu dhowaadaa
    	Dhinacyadiyo feedhaha
    	Muruqyada ka dheegtaa
    
    	Kol hadduu dhawaaqii
    	Dhicisoobey gabaydii
    	Dheg ka maqal ha joogee
    	Lumay dhaqan galkiisii
    	Sheekadu Dheg-Dheer iyo
    	Dhoor-doolis noqotee
    	Gaarriyow dhammaadkiyo
    	Dhakhso mawgu gudubnaa
    
    	Bulbullahan dhabacashada
    	Ku madhsaday dhallaankii
    	Lafta dhabarka ka habsadey
    	Waayuhu dhirbaaxeen
    	Dhaadhaada taahiyo
    	Dhuun-yeedhis mooyee
    	Sida kale u tamar dhigay
    	Beri buu dhinbiil iyo
    	Dhuxul daba ka kululaa
    	Weli lagaga dhawrsado
    	Xaajadu ha dhabaqdee
    	Dhabba maw abbaarnaa
    	Dadka dhiillo culus iyo
    	Dhakafaar ma gelinaa
    	Wedka maw dhadhaminaa
    	Dhagar maw badheedhnaa?
    
    
    
        
Durdur   Dib U laabo
    
    Maansaba dir bay leedihiyo daabac gooniyahe
    Ninba wuxuu ka doontaa halkuu gaar u daaqsado e
    Dadka uma gudboonee ragbay duuunyadiis tahaye
    Deebaanka ruuxii hayaa lagaga daydaaye
    Kani waa dux iyo sooryo iyo malabka doocaane
    
    Waa dood macaanoo nin ragu lagu daweeyaaye
    Waa gabay da'weynoo sannado dabaqu saarraaye
    Waa doog Massaarriyo ku yaal Doollo iyo Hawde
    Waa damal hadh weynoo midhaa daafta soo dhigaye
    Waa ceel dad liqahoon fudayd loogu daadegine
    Waa danan Ganaanoo fatahay dirirta cawleede
    Waa dayr Shabeelloo dhulkiyo doojey beeraha'e
    Waa daad rogmadey oo hadhsaday dooxadii Herer'e
    Waa duhur Togdheeroo hugmoo kiciyey duufaane
    Waa doonbir lagu oon bixiyo daran Nugaaleede
    Waa Haro Digeedoo biyuhu dhinac ka daateene
    Waa geed Dayibahoo ka baxay sabarka Daaloode
    Waa doobi xoorliyo karuur lagu durduurtaaye
    Waa deer-cad geeloo rintiyo dahabta qaalmoode
    Waa faras dakano raadiyo duullimaad galaye
    Waa geesi ciil dirirayoo doog haruu qabaye
    Waa gabadh da'deed joogta oo guudka loo dabaye
    Waa daraya-muuskiyo dhaclaha Daadi xidhataaye
    Durdur weeye laga dhaansadaa daayin abidkiiye
    
    Waa gabay dihnaayoo wax badan ibo daboollaaye
    Waa gabay duqii aabihii dayro ka ahaaye
    Waa gabay dorraatiyo ogaa dakharradeediiye
    Waa gabay durbaankiila tumay diif la soo kacaye
    Waa gabay ku diirsaday markuu waagu daalacaye
    Waa gabay dagaar iyo ka yimi diillintii Guraye
    Waa gabay dushaa sare jiroo caawa soo degaye
    
    Afartaa daleeyey waxaan dib ugu soo laabtay
    Toban iga dardaarana hadduu hadal wax daaweyne
    Ninka caawa loo dadab dhigow maqal dabuutayda
    Diktoorkaan u maahmaahayow hadalku yuu duulin
    
    Baribaa dadkuba qaawanaa dibad ku noolaaye
    Ooy daaqayeen cawska iyo darista geedaha e
    Dareemada marbay ugu koreen duudka buuraha e
    Dalanbaabi iyo guuldariyo dooga cunidiida
    Danbaa galisay inay raadiyaan nolol ka door roone
    Dugsi iyo markii ay heleen dab i iftiimaaya
    Duunyadiyo markii ay dhaqdeen bahaladii duurka
    Ugaadhiyo markii ay dabteen deeradiyo cawsha
    Beeraha markii ay degeen orodki may dayne
    Damacbaa hogaanka u qabtoo door labaad raraye
    Daar iyo markii ay dhisteen aqalo daah wayn leh
    Markab aan dagayn iyo markii doonyo lagu dhoofay
    Sabarayn dabaashiyo markii qalab lasii daayay
    Nin waliba markuu daadsadee kibir la daanshooday
    Yaa niman dalxiis ugu keceen meel dusheena ahe
    Sawaariikh dilaantiyo rag baa guudka loo diraye
    Duhur kaliya bay sii socdeen daala may arage
    Dayaxay habeenkoo badh tagay degel fadhiisteen
    Maantana dhulkii sii durugsan baa dirirka muuqdaane
    Dabagaabahaa lagu socdaa awrka doobta lehe
    Daalaa-dhac adigoo ahoo cudur ka soo doogey
    Nin tunkiisa daawaday hadduu kuu dardaar weriyo
    Libta looma daayee ushaa lagu dillaacshaaye
    Innagiyo nin dahab sheegtayoo qubaya Doollaarka
    In dagaalku labadeenna yahay dib u xusuusnaada
    
    Afartaa daleeyaye waxaan dib ugu soo laabtay
    Toban igadigniinaan ninkii dagan ogeysiine
    Ninka caawa loo dadab dhigow maqal dabuubtayda
    Diktoorkaan u maahmaahayow hadalku yuu duulin
    
    Dibnaheeda waxa dhaafayee gelaya daankeeda
    Yey qodoni eexaysataa dux u taqaannaaye
    Ma og tahay ninkii doora baa hadalku deeqaaye
    Ma og tahay sursuur daahan baa dabinku yaalaaye
    Ma og tahay dalluun baa ka qodan doox hortaada ahe
    Ma og tahay xadhkaa dadsan aan lana dareemeyne
    Ma og tahay inaad door heshaan lagula doonayne
    Ma og tahay tag kula doodayoo kuu dan laa jire'e
    Ma og tahay shisheeyuhu nin dagan waa kuwii dila'e
    Ma og tahay digtoonaan la'aan dacar inaan leeftay?
    
    Diga-rogadka maanta ah gacmuhu ways dugsanayaane
    Dawgaad banaysaa ka kale deylo soo marine
    Degelkaad furtaa baa ka kale deyr u soo jariye
    Dabka aad shiddaa baa kale saari dogob weyne
    Wadaantaad dar keentaa ka kale laaska soo dariye
    Dagaalkaad gashaabaa ka kale duub u soo xidhane
    Derejada laguu dhiibey iyo guusha kugu deyran
    Ma og tahay dallaallimada waa kugu deyeynaaye
    Caleemaha ninkii daadiyow dan iyo xeeshaada
    Ma og tahay nin daastow inaad dib ugu aayeyso
    
    Afartaa daleeyaye waxaan dib ugu soo laabtay
    Toban uu dalkii sheegtayuu daw u leeyahaye
    Ninka caawa loo dadab dhigay maqal dabuubtayda
    Diktoorkaan u maahmaahayow hadalku yuu duulin
    
    Wuxu yidhi badh baa dibad ku maqan degelladaydiiye
    Cadaawuhu haddaan dooh la odhan dib uma laabmaane
    Shisheeyuhu dux buu iga heloo laygu soo durugye
    Dahab iyo batrool aan dhalaa daaha loo furaye
    Derrimaha madheedhka leh halkuu daaqi jirey geelu
    Doogaygu meeshuu ku yiil waa la duudsiyaye
    Nacabkay wuxuu weli degaa Doollo iyo Hawde
    N.F.D ninkii doonayow daabcad loo tumaye
    Obokh dawyadii laga xidhyoo deyrka lagu gooey
    Sidii geesigii looga diley waa dumaal weliye
    Hadalka laguma dale waxaan idin dareensiiyey
    Ban daleela, degel qaawan iyo ooda kala daadsan
    Guri aan duggaal iyo gabbood daahna lagu reebin
    Guri aan dulsaar iyo lahayn dadabta loo xeero
    Oo aan darrooraha cirkiyo daadka celinaynin
    Guri uu shisheeyuhu degoo daaqi ka idlaystay
    Guri looga sii daray markuu dawladnimo qaatay
    Guri daallin iyo weerar iyo dulin abaareeyey
    Guri ay dabayluhu galaan amase duufaanku
    Maska duula haaway derderan dagan ma dhaafaaka
    Dawac iyo dhurwaa iyo shabeel daacuflaha aarka
    Guri aan dad-qaad iyo orgobe bahalku deynaynin
    Guri duugmay oo aasmayuu daacay udubkiisu
    Guri debed iyo bannaan dhul dheer lagaga soo duuley
    Guri hoosta doofaar qotoo diinku ku caweeyey
    Guri Eebbahay daba qabtiyo doorka iyo xooggu
    Adna aad Diktoorkiisa tahay waxa daweynaaya
    Idinkaa Diblooma u sitee dib uga faallooda
    
    Afartaa daleeyaye waxaan dib ugu soo laabtay
    Toban uu dadweynuhu I yidhi duqayda gaadhsiiye
    Ninka caawa loo dadab dhigaw maqal dabuubtayda
    Diktoorkaan u maahmaahayow hadalku yuu duulin
    
    Rag baa weli dushaa laga rartaa sida dameeraaye
    Daandaansi joogta ah ragbaa loogu daw galaye
    Dibindaabyo niman baa ku lumay debec la'aaneede
    Dacwaddooda niman baa dhegaa laga dabooshaaye
    Dayaxaba rag baan arag siday dab uga baydheene
    Degelkooda niman baanu helin dirirka hooraaye
    Duunyaba rag baan lagu ogeyn xoolo daaq taga'e
    
    Dambarkeeda niman baa ka qaday dihina Maandeeqe
    Niman baa dalluun lagu ridoo daaha loo rogaye
    Niman baa sidii awr dib jirey bahalo dooxeene
    Niman baa halkii lagu deldeley daawasho u yaalle
    Gumaystuhu dirkaa kula dhashy laba-dibleeyeene
    Labadaadi daan iyo afkii daadku kala qaadye
    
    Toban doora, toban daacadoo wada dedaaleysa
    Iyo toban dannaa guud jiroo dayrshey noloshooda
    Iyo toban dadweyna wax ka jira dacawga soo duulla
    Iyo toban billaawaha wax dila daabka wada haysta
    Iyo toban diyaarado watoo ina dul-meeraaya
    Iyo toban sinnaan doonayoo xeerka daba jooga
    Iyo toban sabool daadahshoo midigta deeqsiiya
    Toban dudaya, toban uurka daba toban kaloo doorsan
    Toban didaya, toban duuf-cunoo nacab la daaweysta
    Toban dabata, toban toban duur-xuloo garab ku daaqaaya
    Dushaa toban ka wada fiicannoo duunka milil jiifo
    Iyo toban da'dii soo kacdaba dubata beerkooda
    Dadqal iyo abees iyo orgobe diir wax xaganaysa
    Iyo toban dibnaha leefayoo damacu heeryeystey
    Dib u socod dillaal tuuga iyo daallin iyo gaade
    Toban daallan, toban daahan iyo toban kaloo duuban
    Diif iyo xanuun toban qaboo duumo wada hayso
    Mid dakaansan, mid dayeysan iyo toban deddoonaaya
    Toban dalab leh, toban loo dawero toban daleel jooga
    Toban daasadaa wada sitoo xagal ka daacaysa
    Toban daadsan, dibada mid jira toban dabayl raacay
    Toban xoolo daba joogta oo doogsin cararaysa
    
    Intaasoo is wada doonatoo ul iyo diirkeeda
    Intaasoo gudmaha daabatoo degelka soo oodda
    Intaasoo danaa guud jirtoo daawo wada qaata
    Intaasoo fadhiga deysa oo wada dedaaleysa
    Intaasoo ladnaan wada degtoo daacadda ogaata
    Intaasoo daryeel wada heshoo gaajo dabar goysa
    Intaasoo dagnaan loogu iman ama digtoonaata
    Intaasoo is daba taaganoo cadow la doodaysnin
    Intaasoo dagaal wada gashoo dab iyo baaruud leh
    Taasaa la wada doonayaa dan uga faallooda!
    
    Afartaa daleeyaye waxaan dib ugu soo laabtay
    Toban uu Darwiikhkii I yidhi duqayda gaadhsiiye
    Ninka caawa loo dadab dhigow maqal dabuubtayda
    Diktoorkaan u maahmaahayow hadalku yuu duullin.
    
    
    Wuxuu yidhi darwiishkii Taleex barasho waa doore
    Dagaalkaan abaabuley ragii duubka wada qaaday
    Daaraawiishta nimankii la baxay waxan u sii daayey
    Daliilkii illaah iyo waxaan diinta ugu dhaarshey
    Xeer laba dibleeyiyo waxaan daawo ugu yeeley
    Waxaan daabcad iyo soodh af badan ugu durduuraayey
    Haddii duullan loo baxo waxaan ula dardaarmaayey
    Kolka ay dareeraan waxaan duco u taaraayey
    Waxaan duhur illaahay baryee tiriyey deeqdiisa
    Waxaan Daayimow idhi habeen doqonta oo jiifta
    Darfooley la ii dhigay waxaan gees iga duubay
    Dug madow waxaan keli ahaan umal la dooyaystay
    Dibnahayga waxaan ciil saq-dhexe foolasha u daayey
    Dawankaygu qaylada wuxuu gelinna deyn waayey
    Dood iyo heshiis iyo waxaan nabad u diidaayey
    Waxaan duubi weynow sengaha ugu duulaalayey
    Dirkii Xiin-Finiin iyo waxaan seef isula doontay
    Dabkaan shiday, waxaan gaal cad diley dabatadaan laayey
    Dabayl ii cad goysiyo waxaan kiciyey duufaano
    Danab iyo hillaac iyo waxaan weedh is daba joojey
    Dillaalkiyo gumaystaha waxaan gooyey dabarkooda
    Dulmadoobe iyo Cayn waxaan dhiigga ugu daadshey
    Nolol dalab leh oo jaban waxaan geeri uga doortay
    Gobanimo daryeel baan lahaa dawladnimo taage
    Doorkiyo barbaartaan lahaa dawliska u dhiibe
    Deegaanta Hawd baan lahaa goray ha daajeene
    Maatada ha deeqdaan lahaa sidigta Doolaabe
    Dadkii dhaxal la'aa baan lahaa doogga haw hadho'e
    Shanta kala dab raacdaan lahaa degel ha ooteene
    Dakharada bogsii baan lahaa doogta kugu taalle
    Ha yeeshee sidaan damacsanaa Daayin odhan waaye
    Dagaallamaye daad xoog leh iyo daafi bay ridaye
    Halkii laygu duugiyo anoo jiifa duni hoose
    
    Ayuun baa daboolkii sanqadho iga dul qaadeene
    Calankoo deldelan baa habeen daaha lay furaye
    Danwadaag heshiis iyo israac darammal yeedhaya
    Laba deristayoo guul heshoo dawladnimo qaatay
    Dadkiiyoo xornimo iidayaa daawo lay yidhiye
    Dawaad iyo waraaq baan ka helay meel docdayda ahe
    Hambalyada intaan deexday baan taarar soo diraye
    Dibnahoo qoslaayaan gam'oon seexday dabadeede
    Gabbal dumey habeenkoo dam yidhi aan dayaxu joogin
    Dad bakhtiyey kul iyo dayro-dhaaf diqim wax laynaysa
    Dibindaabyo xeer dabar go'oo doorashiyo beena
    
    Dumar iyo caruur ooyayoo dugeydu yeedheyso
    Xaq daguugmey daa'imo la dhacay dunida oo qiiqday
    Gobannimo daryeel iyo xil iyo daacadnimo weydey
    Dan hallawday guri daad watiyo dawladnimo qaawan
    Calankoo ushii diidayoo daabku celin waayey
    Fin dillaacay doog soo kacdoo arimi soo daacdey
    Ayuun baa dareenkii labaad daaha lay furaye
    Intaasoo darxumo oo dhacdaa daawo lay yidhiye
    Dibin daabyo uurxumo waxaan dugul madoobaado
    Ilmadaydu waxay yaab da'doon ciil isaga duugo
    Garab daar maruun baa carshiga layga soo degaye
    Maruun baa xabaaliii dednaa wada dayaameene
    Dhaaxaan deddiyo taah kacoon soo dingiigsadaye
    Dorraad tawradii dhalatay baa daaha lay furaye
    Allaylehe durbaanki la tumay waan ku diirsadaye
    
    Godkaygaa digniin iyo farriin laygu soo diraye
    Anigoo darmaan fuushan baan soo dabbaal degaye
    Waagoo dillaacaan arkoo duushay dhaxantiiye
    Dayax soo iftiimaan arkoo nuuray dunidiiye
    Dantii oo la helay baan arkoo loo dab shidayaaye
    Deegaan is gaadhaan arkiyo xoolahoo dihine
    Dadkiiyoo badhaadhaan arkoo reebay dacaskiiye
    Dulmigoo carraabaan arkoy daacadii timide
    Dikri iyo Quraan baan maqliyo diin la caabudaye
    Dacar iyo rag dhuxul daacay baa daawo lay yidhiye
    Door-roonayaashiyo raggaan anigu doonaayey
    Duqa Janan Siyaad baan arkiyo dawladii sare'e
    Dihin curatay oo igadh ah bay ii danbariyeene
    Kolkii aan dardugey een dhergaan dooxay hadalkiiye
    Dooddaan u jeel-qabey kolkaan madaxda deeqsiiyey
    Yaan idhi dan baan leeyahoon duubtay gogoshiiye
    Degdeg baan xabaashii ku tegey daal la'aan socode
    Dacallada intaan feytay baan hoos u daadegaye
    Inkastoon dalluun awdan iyo joogo duni hoose
    Albab ii daloolaan carrada diirad ku hayaaye
    Degmadiinnna waxa ii fadhiya duulan la aqoone
    In dardaarankaygii fulaan helay daliilkiiye
    Caawana mid daw iyo jidoo doora iga hooya
    Inay dunidu hawl tahay sidii Daayinkuba sheegay
    In dedaalku dhaxal waara yahay duugna laga dheefo
    
    Inuu samuhu door dhalo hadday daacadnimo raacdo
    Oy dhaqasho ruux doona tahay dib u xasuusnaada
    Circa oo daruuraha marshoo darara mooyaane
    Inaan roob da'aa laago rogin dib u xasuusnaada
    Haddaan meesha doog iyo tayale duunyo lagu raacin
    Inaan doobi loo culan hantida dib u xasuusnaada
    Ruuxaan dantiisiyo aqoon waxa daryeelaaya
    Inuu deeqda Eebbahay ka qaday dib u xasuusnaada
    Daanyeer jarmaadiyo qadhaab gelin hadduu daayo
    Inuu ruuxna soor uga durkayn dib u xasuusnaada
    Hadday dunidu ber dheef lahayd dux iyo haaneedsi
    Dufankii in laga laastay iyo dalaggi hoos yiilley
    Oy maana dabagoosi tahay dib u xasuusnaada
    
    Afartaa daleeyaye waxaan dib ugu soo laabtay
    Waa toban dastoor tawriyoo deelku wada yaalle,
    Ninka caawa loo dadab dhigow maqal dabuubtayda
    Diktoorkaan u maahmaahayow hadalku yuu duulin
    
    
    Dardarta iyo geeddiga socdee meella degi waayey
    Gaadiid dadabtii sidee rarada loo duubay
    Dabageliska baydiyo ratiga caynka lagu duugay
    Baalaha dareeriyo hantida deyr laga leexshay
    Dibnaa sheekadii laga xidhee hadalka loo diidey
    Daabkiyodumaha laysu tumay warank loo deyley
    Daawada la wada qaatay iyo hawsha lagu daastey
    Danta loo dhaqaaqiyo fadhiga dabarka loo gooyey
    Doorkiyo abwaannada kulmee laysla wada doontay
    
    Ma daalaha hoggaanka u hayiyo cuurka daba taagan
    Dabka shidan dayaxa soo bixiyo dirirka loo guurey
    Deegaantu meeshay ku taal doqoni waa mooge
    Dhul dabayshu toban sii dhaxdoo durugsan weeyaane
    Daanshood waxa lagu tagaa boqol diraacoode
    In la duulo mooyee si kale looma ood dego'e
    Digdigtiyo hayaankiyo guclaha deeddankiyo heesta
    Daruuraha in laga dhaansadaa laysku deyeyaaye
    Ma dekaame awr daabbadaa lagu dul joogaaye
    Doox baa la marayaa badweyn dulin ka buuxaaye
    Inkastaad dabbaashiyo taqaan duurka xuliddiisa
    Ood dabin ka bood tahay nimaan cidi dareemeynin
    Waxa daadka lagu dhaafayaa daacaddoo qudhahe
    Ninkastaa dawaar xiimayuu dacalka haystaaye
    Doonnidu ninkii ay riddow dan iyo xeeshaada
    
    Afartaa daleeyaye waxaan dib ugu soo laabtay
    Toban Digriidiinnu tidhi sii diktoorada'e
    Ninka caawa loo dadab dhigow maqal dabuubtayda
    Diktoorkaan u maahmaahayow hadalku yuu duulin
    
    
    Waxay tidhi dalkaan wada aqaan labada daamoode
    Deyn nimaan ku leeyahay hadduu daw I marin waayo
    Waxay tidhi xaqii iga durkaan doonan karayaaye
    Waxay tidhi gammaan doobir leh oon daalin baan ahaye
    Waxay tidhi halkii didib ah baan dibi ku jeexaaye
    Waxay tidhi dixdiyo buurahaan dalag ka beeraaye
    Waxay tidhi durduurtiyo khamriga waan ka daahnahaye
    Waxay tidhi darmaan curatay baa lay dambariyaaye
    Waxay tidhi surwaal duluc-lehoo daadsan ma aqaanne
    Waxay tidhi go'duugaan xidhaa dacal hagoogtaaye
    
    Madaxayga deeb uma oggoli waxaan daweynneyne
    Darro iyo malaas baan timaa ugu dedaalaaye
    Duunyadu hadii ay gudhoo dooga la idlaysto
    Waxay tidhi diraacaha dhacaa ima durreeyaane
    Waxay tidhi dibtaag naaxday baan daban aqaannaaye
    Waxay tidhi galleydaan dubtaa duraha jiilaale
    Digir iyo hadhuudh lay karshaa wayga degayaane
    Dantu waxay I siisaan gutaa Daayin mahadshaaye
    Waxay tidhi digaaggiyo ma cuno hilibka doofaare
    Daribio mud baan kaga baxaa diifta gaajada'e
    Waxay tidhi haddaan guur damcoo dumarka xiiseeyo
    Dabagaab shisheya ah ma geyo imana deeqaane
    Waxay tidhi hablaa diibka-laa aniga ii doonnan
    Intaas hal oo dood ah iyo faallo daba joogta
    Oon Deel ka wada sheegay baan daacad kuu idhiye
    Waanada ha diidina rag waa lal dardaarmaaye.
    
    
    
        
Gabadh Madow   Dib U laabo
    
    		Goonyahaygu waa dhagar
    		guudkaygu waa xeel
    		garayskaygu waa seef
    		guntigaygu waa ciil
    		gudahaygu waa yool
    
    		Weligay gu� iyo dayr
    		guul oomman baan ahay
    		hantidayda gawriyo
    		gabayooxna lgu beer
    		dayaxay u gudubtaa
    		anigana gelgelintiyo
    		garab rarato kama baxo
    		gadh wadeennadayduna
    		giddi inan-la-yaal iyo
    		guur-doonno weeyaan
    		geyaankoodu waa damac
    		utintayda lama gudo
    		gashigayga lama bedo
    		galladayda lama karo
    		dibnahaa ka gaabsada
    		guubaabadayduna
    		kama foga guraa-baas
    		Guuguule yeedhii.
    
    		Badi waan gadoodaa
    		Cidda aan galaaftaa
    		guurtidayda weeyaan
    		anigays gunaanada
    		hadba waxan ku giirtaa
    		guuleedka ii kaca
    		geeddigaygu sahan ma leh
    		geenyo hadaftey weeyaan
    		goob-yaalka milicsiga
    		gabar-gaalka lahashada
    		gacan haadis bay dilay
    		iyo laba gar-daymood
    		gurrantayda bidixdiyo
    		garabkayga midig baan
    		midba gelin u jeestaa
    		ka cabsaday god naareed
    		jannadana ma geli karo
    		gooddigooda ku anbaday
    		duniduna gabaabsiday.
    
    		Tiradaa gedmaysoo
    		i galaa baxaysee
    		maxaa goolal igu maqan?
    		dheeshan laygu goobtee
    		gefka lagu heshiis yahay
    		mee gar-sooreheedii?
    		Geeddu xeer ma leedahay?
    		Mise waa lug iyo gacan
    		labadaba ku garangari.
    
    		Goohu yuu kasoo baxay
    		guurowga yaa wadey,
    		maxaa keenay gabayada?
    		Inaan gabadh madow ahay
    		cadrad lagu gabbood yahay
    		malaa waad i garateen?
    
    		Sheeko gaaban baa tidhi;-
    		"Nin ay gaajo haysaa
    		guri yimi duleedkii
    		soddoh garasho dheer uu
    		gabadheeda qabay baa
    		dhito godollo sheellayd
    		ugu geysey meeshii..
    		..Isaguna guddoon yiri,
    		laysu guud mar toyashada
    		caanaha gadhoodhaa
    		inay guura-guuraha
    		weelka gaararkiisiyo
    		gunta badi ku ururaan
    		waa ged lagu yaqaannee,
    		godankii isugu tage.
    		..Isaguna ka geyn waa
    		inuu dhiilka gororsado
    		gacantana ma dari karo.
    		Isagoo xil-gubashada
    		u daruuray gaashaan
    		Isma gabe wuxu yidhi:-
    		"Markii ay na gelayeen,
    		waa nala gilgilayoo
    		inta nala gun-dhebey baa
    		afka nalaku gaacsaday".
    		..wadnihiisu galow ma leh
    		ku gadaangad ceebtii
    		libintana ku geeraar
    		xeeshiise lagu garay
    		murti guun ah laga reeb.
    
    		Jiiftada gar-dhaladka ah
    		waxan uga gol leeyahay
    		Allahayow gurracanaa
    		marti goor xun socotood
    		gobannimo ku soortood
    		kugu tidhi gun baad tahay!
    
    		Markii aan garaaddaha
    		taariikhda kala guray
    		illaa gogol-dhiggiinnii
    		galabtaad is-wacateen
    		taladana in lay galo
    		Baarliin ku goyseen
    		Ilaa gooshkan maanta ah
    		hadimada i gaadhiyo
    		waxaad geysateen baan
    		gocahsda xasuustee
    		maxaan reer Galbeedow
    		godob kaa tirsanayaa?
    		mise gabawar mooyee
    		tolow maba garowdaan!
    
    		Mxaas gaasas duuliyo
    		guutooyin xoogliyo
    		gurmad leedda-fuuliyo
    		guluf weerar tooxdiyo
    		dabley gaatan socotiyo
    		geba-geba i saarteen?
    
    		Maxaan goor la ssahdiyo
    		habeenkoo gabbala-ridey
    		laba gelin is-raaceen
    		gaaf-meerka socotada
    		iyo guura-bahallaha
    		geesaaska fiintiyo
    		galow fooridiisiyo
    		galayaxa rasaastiyo
    		col gurguuranaayiyo
    		gellimaad ku sara kacay.
    
    		Maxaad gaadde hoosiyo
    		gurrac iyo shirqool iyo
    		tabo igu gantoobteen?
    
    		Maxaad garan-gartaydiyo
    		guryahayga bi'iseen
    		Gacal iyo tol wada yaal
    		gobol gobol u u ooddeen
    		laba aan is-gooyeen
    		kala goonni yeesheen
    
    		Maxaa laba gudboonayd
    		midna garabka siiseen
    		ka labaad u guusheen
    		isku go�a tiraahdeen
    
    		Maxaa wiilal gaammurey
    		intaad ugu guduuddeen
    		ha galgalan tiraahdeen
    
    		Maxaa Gaanni ciidmiyo
    		hanad aan gardaadshoo
    		ku goblamay birayseen
    		golxobkiinnu ku afuray
    		maxaa geesi aan dhalay
    		inta gowrac mariseen
    		gorgor baahan siiseen
    		Maxaa inan gashaantiya
    		gayaxaha ka siibteen
    		milgadeeda gawsheen
    		ka xil baxay gayaankeed
    		maxaad gaari weer xidhan
    		godol-qaad ku daydeen
    
    		Maxaa guul darraystiyo
    		godadliyo hinaasiyo
    		Gocor igu habayseen
    
    		Giiba sow nin ma ahayn?
    		Geeskayga bari yimi
    
    		Maxaad gacan ku dhiigliyo
    		gibil kala tabooriyo
    		garma-qaate dhegaliyo
    		garac igu abuurteen?
    
    		Maxaad good mariidliyo
    		gungumiyo abeesiyo
    		goodaaddo jilifliyo
    		garangoorri socotiyo
    		inta bahal gurguurtiyo
    		belo igaga guurteen.
    
    		Maxaa gegi dabayliyo
    		gocodhaley cagaagliyo
    		galoof iyo candhooliyo
    		geyi lama degaaniyo
    		goonbaar habaasliyo
    		guban lagu asqoobiyo
    		gaajada rugteediyo
    		gabno igu tilmaanteen?
    
    		Goobtii harraadkiyo
    		gurigii cadceeddiyo
    		geedkii saboolkiyo
    		gudcur maararrowliyo
    		yaa go�doonka iga dhigay?
    		adduunyada geddaas faray?
    		gaasiray maxaan ahay?
    
    		Maxaa gocayadiinniyo
    		inta gaawihiinniyo
    		gorof iga milaasheen
    		gudhan iigu yeedheen
    
    		Aaway guuyadaydii
    		geeliyo lo�daydii
    		faraskiyo gammaankii
    		goolashaydi soocnaa?
    
    		Aaway gaaxsantaydii
    		dahabkii guduudnaa
    		macdantii goshaydiyo
    		gebiyada ku duugnayd?
    
    		Warshaddiinna guuxdaa
    		midhahay gadaysiyo
    		miidday guntaysiyo
    		ganacsiga abeerka ah
    		xaggee looga soo guray?
    
    		Guushkay tufaysiyo
    		dheecaanka gabaxliyo
    		xinxiraha galshaystiyo
    		dhiigga gobo�leh yayska leh?
    
    		Immisaa gabaarrey iyo
    		garab-casigu koray?
    
    		Maxaa gaatirtaydiyo
    		galdaloolladaydiyo
    		sida lay gabraartiyo
    		garka laygu laylyiyo
    		gedda lay salaaxiyo
    		googgaa ku sabiddiyo
    		gobortayda barateen?
    
    		Dadku geed adaygiyo
    		gudintay kol iyo laba
    		lafa-geri ku dhuuxaan
    		waxba kuma garaacdee
    		miyaan tiinnu gaagixin?
    
    		Maxaan geystay oo dhimay?
    		maxaan galabsadee falay?
    		anigoo la gamashiyey
    		gondahayga seetadu
    		waxay haar ku gedeftiyo
    		Gurgurkii i saarraa
    		boqol gu�iyo taartaar
    		anigoo gun iyo baar
    		korku wada gunaad yahay
    		anigoo la golongolay
    		sida caynku ii gubay
    		gubuxsiga tallaabada
    		graba-beekay dhowr jeer
    		goob-joogna ka ahaa
    		galab noolba waxa dhacay
    		anoo uur-gululuca
    		la gommoday dhibtaadii
    		adoo gacan togaalaha
    		gardarriyo is-yeel-yeel
    		intaasoo gef muuqdiyo
    		guul darrooyin igu falay
    		maxaad weli guhaaddiyo
    		gaadhka iiga haysaan?
    		maxaa gumuca boodiyo
    		gaara-bidhaantiyo
    		hubka iigu gibisheen?
    
    		Maxaad saymo gadataa
    		dab gamaaray hurisaa
    		Maxaad gawsahaagiyo
    		miciyada golxaystiyo
    		ciddi wada garaara ah
    		shaadh u gelisaa
    		maxaad geda-gedaysaa
    		hadba geed is-marisaa
    
    		Ummad geylameysoo
    		gaarkooda taladii
    		inta ay gorfeeyeen
    		raba inay geyoodaan
    		kuwa jira gadaashana
    		gaadiid u celiyaan
    		intaan gaasha-weyntiyo
    		cawa-darantu soo gelin
    		maxaa geeddigoodii
    		gujis lama filaaniyo
    		gal dad-liqa ku noqoteen?
    
    		Hadba ruuxa goolmoon
    		raba inad gunnaysaan
    		ama guufaf timiriyo
    		galley loogu sama-falo
    		maxaa geeridiisiyo
    		waran iyo gantaal iyo
    		gaalleef u siisaan?
    
    		U gurbaynta noloshiyo
    		gacan-siinta nabaddiyo
    		gudashada sidii roon
    		maxaa kaa gabaanadey?
    
    		Afartaas god madaleed
    		gola-joog ku naanays
    		Gaarriyow ka marag noqo
    		ila gudubtay sheekadu
    		geba gebana doontee
    		bal aan soo gunaanado
    
    		Ninka loo gol leeyahay
    		issagaa is-garan kara
    		sida goosan weer helay
    		igu gaabi tuurtuur
    		igu gado sir iyo caad
    		halkaad gaadho taagtaa
    
    		Aniguna il-galaclaha
    		is-gamaarintaydiyo
    		gadh-salaaxa maahdiyo
    		gama�aan hurdo lahayn
    		goroddaan lalminayaa
    		gabbashiyo ma aha quus
    		gar-naqsaan ku jeedaa
    		talaan gawda ku hayaa
    
    		Inkastaad gamuurteen
    		geedka aan ka beerrahay
    		ma qallalin guntaydii
    		ganto xidid leh baan ahay
    		dab baan soo gadaal-celin
    
    		Gebi-dhaca i haystiyo
    		gaalgaalka dheelliga
    		ku guddoonsan maayee
    		waxaan goobayaa raad
    		jidkii guusha aadmiga
    		gelbiskiyo mashxaradaha
    		gafi maayo hawlaan
    		guryo-samo ku tegi karo
    		gaobannimo ku hanan karo.
    
    		Guntashada xasuusaha
    		gudashada habboonkay
    		gabay gabaygan ciil-tira
    		u ged-baxa falaadkay
    		waxaan geysto magac-dheba
    		Aan lahaanno goorteed.
    
    
    
        
God Madow   Dib U laabo
    
    		Dumar geesi dhaaxay
    		Gooyeen heddiisoo
    		Ragna garabsi moodkood
    		Ka gaboobi maayee
    		Gunburreyda hoosaan
    		Gurrac uga jarmaadoo
    		Darantiyo gulaankaan
    		Gebagebo ku dhaafoo
    		Guban xeebaheedaan
    		Sii maalin gaaloo
    
    		Qorraxdoo godkeedii
    		La gelaysa fooddaa
    		Luguhu I gabeenoon
    		Socodkii gadaashoo
    		Gerriyaad dhexdiisaa
    		Gudcur igu ballaadhoo
    		Garan waa kaskaygii
    		Geesaan u jeedoo
    		Gabaddano naf joogtaa
    		Gogol doonimaysee
    		Dhaxantaan go'aygii
    		Garbaha iska saaroo
    		Good iyo abeesaa
    		Igu soo gurguurtoo
    
    		Gool qawdhamaysaan
    		gondaheeda seexdoo
    		naftu guure mooyee
    		gama yeeliweydoo
    		guntigaan adkayston
    		marada isku giijoo
    		waaygoo duduutaan
    		goodiga abbaaroon
    		eeyi laga hayaamiyo
    		guri madhan is taagoo
    		sida goraya cawshoo
    		galab hoos u jeeddoo
    		gu'barwaaqadiisio
    
    		gaaroodi joogtoo
    		baydiri gantaaliii
    		geed ugula dhuuntoo
    		ku gilgiley falladhoo
    		meel halis ah gooyaa
    		gucle iga dhammaadoo
    		godollaan ordaayon
    		sida awr gabrareed
    		geeddiga higsanayo
    
    		gobolkaan u jeedaa
    		guulluhu I keenoo
    		gabayoox duleedkaan
    		weheshadey go'aygoo
    		anigoo gandoodoo
    		is-guhaadinaayaa
    		waxaan geystey mooyee
    		birta layla gaadoo
    		inantaan gardaadsheen
    		gaadiid sidiisii
    		ku xambaaray guudkaa
    		wedka ii guddoontee.
    
    		Godob-reeb ha joogee
    		Lay diid garawshoo
    		Giddi habar-dugaag baa
    		Waydaydu gaadhoo
    		Gorgorka iyio haadaa
    		Ilmo gabax ka siiyoo
    		Garanuugta aydaa
    		Geedaha ka soontoo
    		Ma hallayn gartaydee
    		Gacal baan u waayoo
    		Golahay lahayd iyo
    		Geedkeeda keenee
    		Guddidaan u dhiibee
    
    		Guudkeed xil-saaraa
    		I gargaari weydoo
    		Gaaliyo Islaamkaan
    		Gacan-siin ka waayoo
    		God madow dhexdiisaan
    		Ku gunaanad seegaa
    		Geeraarku joogaa
    
    		
Gudgude   Dib U laabo
    
    Gedgedoonka maankiyo qalbiga, gocasho soo boodka,
    Xaajada garlayliga jartiyo, Gun u saluugayga
    Gibladiyo mashxaraddayda iyo, farax la goohayga
    Gandoodkayga taahayga iyo, goobo xaradhkayga
    
    
    Gurmadkiyo haloosiga taxmiyo, guluf alooskayga
    Gama'li'ida reenkayga iyo, jiif galgaladkayga
    Goobyaalka caga-jiidka iyo, Meel-ka-gabargaalka
    Gucla orodka seeraarka iyo, geyllan dirirkayga
    Haddaan geestan eegana cabsida, gaarkay igu raaran
    Gabranaanta qoollaalligiyo, mala gorfayntayda
    
    Gadoobnaanta yeelkayga iyo, kala gantoobnaanta
    Garab lida soodhkayga iyo, gooninnimadayda
    Goofkiyo xabaalaha shixnadan, godadka buuxbuuxa
    Cagta go'an lugaa iyo gacmaha, gabawar duugoobey
    Naafada garbaha kaashatee, sumucu gaagaabshey
    Geerida shinkeed dhaaftay iyo, Guri dambayskayga
    Goodaadsigaygiyo hiyiga, garar tallawgiisa
    
    Kol haddaan wadnuhu kuu garrayn, geydha kugu yeedhye
    Garasow anaa kula hadlee, gacalkayow heedhe
    Nafta gororaheediyo haddii, galowda lays taabto
    Geesteyda waafule ninkii, goob ka saahidaye
    Guddoon dhacayna waa doqon ninkii, gaar u faashadaye
    Guri ba'ayna waa cadow ninkii, raarta sii guraye
    Gobannimana waa quus ninkii, gawska dhaafsadaye.
    
    Ummad geeska loo tumay habeen, gocasho soo jeeddo
    Haddii aan tashiga loo golayn, amase gaashaanka
    Fallaadhiyo gabooyaha haddaan, godobta loo taaban
    Iyadoo gadoodiya hadday, fadal garmaammayso
    Hadba nabar gataatiya hadday, gebi dhac tuuryayso
    Galladdeeda oo dhow hadday, gaadhi kari weydo
    Inta gudashadeed tahay hadday, geysan kari weydo
    Iyadoon garaysnayn haddii, gacantu ay daasho,
    
    Gamaarshaa ku dhaca amase way, gabax tidhaahdaaye
    Gabbashay liqdaa amase way, gamashi luuddaaye
    Way kala guddaa amase way, kala go'doontaaye
    Ways gawdhisaa amase way, feedha gurantaaye
    Guushay nacdaa amase way, gubasho oydaaye.
    Inkastoo guddoonkii burburay, loo gudcura joogey
    Inkastoo go'aankii dulliga, geesinnimo diiddey
    
    Inkastoo giyigu waa xormee, gaadhka lagu meershe
    Inkastuu gaggaabkii cuslaa, garangar duul duulay
    Xaajada god-raaca leh haddii, loo gabbala eego
    Sida ay u kala geysan tahay, way gun dheertahaye
    Kol haddaan garaad lagala hadhin, galabba sheeggeeda
    Inta maanku gaajeysan-yahay, guuli waa weliye.
    Gashigayga way dhaqanyihiin, gaasaskii qabaye
    
    Weli gaaf dugsoon bay hurdaan, ganacya weyntiiye
    Dibjirkii gidaarrada hurdaa, laysu soo guraye
    Gebegebe rag lagu keenay baa, layga gadayaaye
    Erey gara haddii loola tago, godol ma waayeene
    Gargaarkoodu wuu dhimi lahaa, guul-darrada taalle
    Lafa gerina wayjebin lahayd, maalin gudeheede
    Gobanimana way dhalin lahayd, loo gudboonyahaye
    Gacalnimana way hubin lahayd , aan la goyn karine.
    
    Weli gumucu meel baydhsan buu, gawda ku hayaaye
    Gariirkaad maqlaysaan ka dhow, goobahaan rabaye
    Gadhqaadkeedu waa leexsanyahay, waana gudayaaye
    Garar loo maleeguu ku ridey, guura socodkiiye
    Guudkeedu waa wada fin iyo, gaatir iyo booge
    Hadday gooli-baadh tahay, waxaa gabay raggeediiye
    Guyaal iyo guyaal bay rarteen , gocorro shaydaane
    Iyadoon goblamin baa haddana , geelo loo hadhaye
    Gol-dalooladeedaa ka badan, galalka ciideede
    
    Gelin looma wada sheegi karo, xaajo geda weyne
    Gawdiidka iyo quusta waa, lagu gumoobaaye
    Mar haddaan hillaab lagu gudbayn, giriftan mooyaane
    Gabgabteedu waa xubin intay, gawrac leedahaye
    Geeddiga cagaa daaliyaa , lagu geyoodaaye
    Gellimaadka hayskaga jirtiyo, goosan habaqlaaye
    Gubuxsiga mar uun bay tirsiga, meel ka soo geliye
    Gargaraaciddeediyo ha deyn, geed ka didinteeda
    Garashadu hadday ruux la tahay , suu u garanaayo
    Garaadkiisu suu qabo haddii, loola garan waayo
    Gardarruu u qaataa ninkii , yidhi garaadkiise
    
    Xaajadu markay gobo'da iyo , gawda culus joogto
    Keligii nin gaashaantay wuu, gola ka fuulaaye
    Gadaashiisa uun baa durbaan, laga garaacaaye
    Labadiisa geesood ma jiro , ruux ku gelayaaye
    Arrin lalama guulee warkuu , gura yidhaahdaqye
    Dadka wuxu u gacan haadiyaa, qof iyo gaarkiise
    
    Gendi iyo dhukaan buu qabaa, cudurro guumeede
    Gogol wuu ku shaashoonayaa, loo gudboonyahaye
    Sida goray fallaagoobey buu, Gooni joogyahaye
    Kol hadduu nin mawd lagu gudbadey, tiisa uga guuro
    Xil uun buu guddoontaye ka baydh, gudashadiisiiye,
    Ka galgaley habaar-qabe halkuu, gool ku cuno weyne
    Nin hadduu tashiga guuto faran, keli ganaanaysto
    Gaaraayucuuntiyo shinnida, gurucya dhaadheerta
    
    Giiryaalayaashiyo fulaa, laguma guuraanka
    Gumarta iyo maajeenta iyo, geed-xunkiyo tuugga
    Gungunnaafka iyo maarta iyo, gocorka aan quudhin
    Kun ninoo guraangura hadduu, goob isugu keeno
    Guufkiyo haddii hooda iyo, giniga loo qaybsho
    Dadka kale intii gudan haddii, gararka loo jiido,
    Ninka gaaban meel dhow haddii, looga geda-sheegto
    Guubaabadeedii haddii, loogu godadleeyo
    
    Hadallada galoofta ah haddii, loogu mala gaaxsho
    Guryo-noqoshadeedii haddii, lagu gawaan-raacsho
    Gabbal daye sidiisii hadday, laba gar-daymooto
    Shimbiraha gabraartiyo hadday, galow wax weydiiso
    Kol hadday galaydh soo kallahay, laabta uga guuxdo
    Garba-raar cadhaysani hadduu, gooyo taladeeda
    Guulkeedu dheeraa sidii, geenyadii Bixine
    
    Weligeed fal baa loo guntaa, lagu guhaamaaye
    Mar uun bay gadooddaa siday, gees lo'aad tahaye
    Galab xiisaheedaa wakhtigu, kaga gaboobaaye
    Ninuun baa ku guuree iyada, geeddi waw weliye
    Marka wiil ku guro Naarta iyo, godadka Yaahuuda
    Ayay kii Jannada geyn lahaa, dayasho goobtaaye
    Marka uu galaa buu iyaga, guba yidhaahdaaye
    
    Markay raar guraysaba nin bay, gudub tidhaahdaaye
    Gabno ugubi way quusisaa, gaawe Cumarowe
    Garab-daar ninkii lagu bokhraa, geedad sare waabye
    Gar-ma-qaatayaashiyo dadkaa beera, ruux gudhane
    Ganbo nimaan la soo bixin haddii, guulo lagu waabo
    Markuu dhaawac geystaba haddii, loo gargarateeyo
    Isagoo canaan lagu gudbiyo, gaarran filanaaya
    Giblo iyo haddii sacabbo lulan, loogu gogol-xaadho
    Keligii inuu guurti yahay, maalintaa gunudye
    
    Marka uu gadaan iyo gadaan, Gacan-togaaleeyo
    Ayuun buu waxaan ganac lahayn, sii gorgoriyaaye
    Seetada nin goostaba, wuxuu gesto lala yaabye,
    Mar hadduu tallaabada gurguro, gaatan iyo booddo
    Dhaaxaa gadaal laysla tebey, wiil galbaday jeere.
    Toojaba waxaa lagu godlaa, say u gaar tahaye
    Gurranidu mar waa dhalasho iyo, gacanba qaabkeede
    
    Marna waa calool garac siddiyo, xaal ku soo gala'e
    Kol haddaanay maankaaga gadin, talana kaa geynin
    Gurracnaanta qiil lagu saxoo, loo gudbaa jira'e
    Gudboonaantu way daalisaa, ruuxa meel gurane
    Nin hadduu go'aankiyo sharciga, gawrac ugu jiido
    Hadba goondhabaaliyo hadduu, Gooddi-furan keeno
    Gacalnimo hal loo yidhi hadduu, gubasho sii beero
    Guudaan haddii uu ku liqo, ereyga geedeysan
    
    Runta wuxu u guul-guulayaa, way gun-dheer tahaye
    Goldaloolo qudha maaha iyo, goonnidaa taliye
    Gedaan loo filayn baa jirtiyo, Geel-la-daaq kale'e
    Hadba geed-is-maris baa u hadha, guul dad leeyahaye
    Miyaan Geeddi-Baabbow arladu, gelina waayeynin.
    Gole miiggan, geed sheegan iyo, garangar muunaysan,
    Gudban iyo cod laba geesa iyo, guurti kala soorta,
    Garnaqsiga mudducigoo tashiga, gooni uga showrey,
    
    Geda labe maddaacaley hadloo, dhaabad Wan geystey,
    kala gurasho meertiyo rogaal, la isla guur guurey,
    Maahmaaho wada guuna iyo, gabayo raac raacay,
    Guddoon dhacay hubaal iyo go'aan , layku gacan qaaday,
    shan god oo murtidu leedihiyo, gororka suugaanta,
    Gedda hadalka loo ruga geshiyo, marin gobaadeed dheh.
    Gobannimadu waa libin ku taxan, geeddi nololeede
    
    Waa gumaro aadmigu hantiyo, guusha ugu weyne
    Guddoonkeedu waa faral siyaal, loo gafaa firine
    Geduun buu ka leeyahay khalqigu, maalintuu gado'e
    marka uu gabaabsiyo xilliga, laga gu'weynaadey
    Ayuun baa ninkii gudan karaa , dhan ugu guuraaye
    Qabyadeedu waa guun intay, gaadho weligeede
    
    Galab noolba ooddeedu waa , gudinta loo hay-ye
    Nin gufeeya mooyiye ma jirin, ruux gunaanadaye
    Gelbiskeeda oo qudha hadduu, tacabku kuu gooyo
    Adigoo gadaashaday hadday , guure kugu dhaafto
    Gommodkiyo yaboohdeedu way, goora badataaye
    Haddii aan gantada loo adkayn, amase gaafaanta
    
    Guddo iyo waxay yeelataa, gulufo shaydaane
    Gaadaa dhexdeedaba ka kaca, maalin gelinkeede
    Gacmaa lagu xejaa amase way, galab dhaqaaqdaqye
    Waa lagu gam'aa amase way, geeri badisaaye
    Gob baa lagu noqdaa amase waa, lagu gumoobaaye.
    Garan maayo maalmaha intuu, soor gad leeyahaye
    
    Mar hadduu gidaad bahal qabaa, gaajo kula ciiro
    Gujo-dhaadhigeediyo hadduu, taabo gorofkeeda
    Waxba kama go'aan ruux ku shubay, xeedho gudaheede
    Hadduu gaar u maamulo qof, waa geel nin leeyahaye
    Inkastoo gantaal iyo wed iyo, gawrac lagu hooyo
    Meel loo gun-raaciyo haddaan, gogol dhig loo yeelin
    Mar haddaan garaad loo lahayn, wayska gubataaye
    Geedkeed ba'waa sixir haddaan, garasho hilayne
    
    Hadduu gaws dhurwaa ruugi karo, waa lafguri taalle.
    Gunti-furey nin caashaqay haddii, guudka loo sudho'e
    Galacdeeda uun baa indhuhu, golongol eegaane
    Giniis iyo hadday kala dhaxlaan, Gaar-la-ababkiisu
    Waa maro gargaranoo adhyaha, lagu gabraartaaye
    Mar hadduu waraabuhu gashado, Giiro waa halise
    Iyadoo gashaantiya sidii, Loola gogol dhaafay
    
    Guurkeedu tuuguu ahaa, Gaabsi iyo beene
    Iyadoo garoobiyo markay, Guudka fidhanaysay
    Inanuu gumaystuhu dhalaa, Gaadhka ka ahaaye
    Gaboowgeeda way doonantahay, gedaha waayeele
    marka ay geyaan sheelataa, garacu yeeshaaye
    Hadba wiil is gaalaynayaa, loo gu'tiriyaaye
    
    Nin dharaar wuxuun laga guntay, guushu jamataaye
    Gobannimadu ruux kuma xidhniyo, Giib ninkii dilaye
    Agaabaynta maalmaha gudbiyo, galaha taariikhda
    Gadood dhacayba sheekuu lahaa, geyfan iyo raade
    Ganba-xoorka waayaha haddii, laysu minan guursho
    Dad uun baa ma guurtada lahaa , goobihii baxaye.
    Gurgurshaagu awr buu ka yahay, rarasho gaadiide
    
    Gadh-wadeenku ruux buu ka yahay, geylan wadareede
    Nin uun baa guddoonsha'e xil waa, laysu gororshaaye
    Galladduna waxay saaran tahay , wax isu geygeyne
    Inkastuu wax galo ama wax gudo , ama wax weyn gooyo
    Inkastuu galool mudhay ka yahay, dhiraha gaagaaban
    Hadduu geel abuuriyo hadduu, gaas cartama beero
    
    Inta ruux wax gaadhsiin karaa, way gun dhowdahaye
    Noloshana galgalaheeda iyo, gebi ahaanteeda
    Waxaan geesi karin baa jiroon, gaar ninawfaline,
    Xaajaba gan baa loo unkaa, talaba waa goore
    Ummadyahay tiraa kaa gedmane , wax isu geygeyso
    Ninkii aad garaaddiyo shaxshaxo, saartay garabkiisa
    Kol hadduu dharaar goonya kulul, kaa gelgelin doontay
    Waxaad galabsatuun baa jiree, gaado kale yeelo
    
    Ninkii aan gondaha kaala dhayin, gololo hawsheeda
    Gardaadkaaga yuu baran inaan, taada lagu gaadhin
    Hadday gibili kaa saarantahay, gocomo hooseeya
    Waxaan geedna kaa qarin indhuhu, yay ka gabargaalin
    Hadba soo gadaal eeg ninkaad, gadato hiilkiisa
    Gol dalooladaaduu nin ogi, galagalaystaaye
    
    Aduun bayse kaa go'an yihiin, maalmahays guraye
    Godan baa la yeeshaa xadhkaha, haysku wada giijin
    Geyigiisa wiilkaan ahayn, gibilka mooyaane
    Gun-dhigiisu meel kaa fog buu, geed ku leeyahaye
    Si aad uga go'daba ruux ku neceb, gaarar kala yeesha
    Guushaada waa lala jiraa, gees ha ka ahaannin
    Godobtaada meelee intaan, gacantu kaa boobin
    Gacalnimada noolee intaan, gocasho kaa oodin
    
    Guddoonkaaga reeree markay, kula gudboonaato
    Gamaaddaada muunee haddaad, geeri huri weydo
    Guntashana xusuusnow waxaad, godolba soo joogtey
    Gurgurshaana haw raran nimaan, gudasho kuu doorin
    Garashana ogsoonow inay, xaaja badan goyso
    geeraarku waa sude hadduu, kuu ged-bixi-waayo
    Adba goor is weydii intuu, gabaygu kaa dhaafo.
    Cir gadoodey, dirir gaamur da'ay, galayax waalaystay,
    Onkodkoo gariirkii ka baxay , galowgu yaab yaabay,
    
    Guulaamo sawsaba kortiyo , dhibic garaaraysay,
    Guluuluco mareegeysey iyo, gabadhle miish-miishtay,
    Fad godladey, mahiigaan dhex galay, mayay ku soo gaadhey,
    Waqal gaaftey jarar soo gabradey , gebiyo soo ciiray,
    Gibil bururtay, gale foos burburay , galangal leexastay,
    Gurdan baxay, xareed-gala1-jabtiyo, godanno midaystay,
    Dadka oo intuu nabad gogladey, godob la'aan toosay,
    Qorraxdoo garayskiyo martii , gees isaga xoortay,
    
    Dayaxoo intuu gaadh ka degey, gacalo muunsooday,
    Tigaaddoo ganbada uunsatoo, shidatay geed-saaqa,
    Marka geela laantiisa dheer, gabantu soo reebto,
    Guryahoo haleelada sidkani,, gaabis ka fooftay
    Marka gorarka naasaha fatahay , goba'da deyn weydo
    Galabuu kulaylkii ka jabay, gubayey jeedaalka,
    Qorraxdoo gollaha kuulatood, gaari wacan mooddo,
    
    Gaaraabidhaankiyo markay, taranto goobaantu,
    Caweys ay gabdhuhu boodayaan, golaha saarreyda,
    Dayaxoo galshada meersadood, geesi ba'an mooddo,
    Xilligay gammaankiyo ifaan , quruxda gaarreydu,
    Dhulka oo galaaluhu simeen, gun iyo baarkiisa,
    Cosobkoo golxada fooraroo, laba gardhaalaystay,
    Qorraxdoo gelgelimaysatoo , goroddu laallaaddo,
    
    dayaxoo goyaal wada cas iyo, shaal galgala qaatay,
    gu'xasilay, gudgudayaal habsadey , adhaxda Gaaroodi,
    Marka awrku goojada ka simo, Gaasa-baya dhaartay
    Qorraxoo guduud lagu bokhroo, meel garba ah saaran
    Dayaxoo intuu garab la baxay, gooddi uga muuqda,
    Gararkiyo taraaraha madow, Kala geddoonkooda,
    Gabbal ururay, waa soo gurguray, labada worood dheh.
    Ged ninkii ogaadaba shillale, guuto loo wacaye
    
    Inta aan gar- waaqsaday intaan, garasho diidaayo
    Inta laygu gaad gaadayaa, iiga geed ba'ane
    Cishaday gabnowdiyo intay, gelinba heerjoogtey
    Girif-giriftu way igu badnayd, gu'iyo jiilaale
    Inaan gaabsho mooyiye cishana, tayda maan gabine
    Galka seefta kuma haysan jirin, maalin gulufeede
    Misna geeladay, gocoraday, iiga gaws kulule
    
    Goonbaartu eelkay dhigtaba, gaari baw xidhane
    Godobteedu waxay saarantahay, meelo aan geyine
    God markaan daboolaba far baa, laygu godayaaye
    Nin gefaaba lay tirinayaa, garasho waa yaabe
    Waxan ahay nin lagu saan gatoon, raadba soo geline
    Garraantayda qaar iyo, lag iyo, gaasas baa necebe
    Gabbashayda duul iyo badh iyo, goosan baan rabine
    Haddaan gaasho yeeshana dar bay, gawl la leedahaye
    Hadba waxaan ku guul seegayaa, lama garaystaane
    
    Garba-duub waxaan ugu xidhnahay, maan gurracaneede
    Inaan geenyo buubsaday haddii, guuxu welijoogo
    Gadaal baaba lay eegayaa, gool tirsaa jira'e.
    Ummadyahay dib uma guuri karo , gooshkan maanta ahe
    Gosha hooyo waa laga koraa, goodir kay tahaye
    Gashi baxana waa lagu dayaa, geed ka hadalkiiye
    Hadday gudubto yeedhaydu waa , sheeko ii gadane.
    Geyigaygu waa kow intuu, waajib ii galo'e
    
    Dhulka kale intaan gaadhi karo, waw gol leeyahaye
    Adduunyada go'doon kagamajiro, garangar loo yaalle
    Garaadkaygu waa dhaafsan yahay , xaajo goboleede
    Dareenkaygu gooddiga sibuu , ii gilgilayaaye
    Guhaad iyo canaan buu hiyigu, ii gab-leeyahaye
    Inta garasho ii meel la'dahay , tayda maan gudane
    Hadba waxan galiilyoonayaa, goobo lay tebaye
    Asaaggay wuxuu galo ayaan , anigu gooyaaye
    Anigiyo kuwii lagu goblamay, waa gudboonnahaye
    Qayrkay intuu guul suntaday, gooni iifarane
    
    Nin kastoo ganbadu saarantahay, dunida guudkeeda
    Gurmadkayga waw baahanyahay, ruux la gaasiraye
    Taydana ninkii igu guntadey, waw gar leeyahaye
    Marba gooha dhiillada halkii, igu galoollaata
    Karaankayga waan geyn intaan, geeri moogahay
    Waxa ina rag ii guulayaa , tiisa gaarka ahe
    
    Anna waxaan go'aansaday inaan, lay gaboodfaline.
    Garawshiiyo jeeraan ka helo, gaanka dunidayda
    Jeeraan galaa baxo arlada, gooddi iyo gooddi
    Jeeraan gufaacada ku tago, meelo geriyaada
    Gaaliyo Islaamkaba ilaa, taydu wada gaadho
    Barigiyo Galbeedkaba ilaa, laygu gacan qaado
    Gurey iyo Islow iyo Hurrow, gabaygu waa beene
    
    Godadleysan maayee tashiga, waan guddoonsadaye
    Waxba yaan indhaha laygu gubin, gaabsi ma aqaanne.
    Gudcur laga tallaabsaday ilays, baadi lagu goobtay,
    Gamas iishay, gaashaan burburay, gawrac laga maarmay,
    Dunidoo giblada iidsanoo, gacal walaalowdey
    Gudboonaanta xeerkeeda iyo, garasho nuurkeed dheh
    
    
    
        
Gol Janno   Dib U laabo
    
    		Wakhtigaa is gurayoo
    		Hadba xaajo godadliyo
    		Ged la soo baxaayoo
    		Garashada damqaayoo
    		Gudgudaa hillaaciyo
    		Geydha iyo fooraha
    		Xasan Ganey ladhkiisii
    		Goljannaa ka dhalatoo
    		Galabta iyo sheekada
    		Gorgor iyo Hargeysiyo
    		Geeskaannu joogntaa
    
    		In dhoweyd guhaankii
    		Gulcub buu dhalaayoo
    		Gorgor iyo wax yaabliyo
    		Tuke hilib gadaayiyo
    		Xuunsho geel la joogtiyo
    		Golli heeryo sidatiyo
    		Rati gorod madow iyo
    		Geesoole boqoriyo
    		Saadaal gurracanoo
    		Gurran waa la filayee
    		Ninkii beesha soo galay
    		Gonad dhigashadiisii
    		Ri garbaa iskaga taag
    		Marna saaryey gaaddada
    		Mar gadhkeeda feedh feedh
    		Afka godan ku kaakici
    		Marna geesaheediyo
    		Kaga weehaya goonyaha
    		Marna caws u soo goo
    		Marna sheemi gaarkeed
    		Ka takooryey gacalkeed
    
    		Gabankiyo haweenkii
    		Iyo gurungurcoodii
    		Gurxan iyo colaad iyo
    		Guulguul u saar-saar
    		Ku gadoodyey beeshii
    		Habeenkiina gaadhkiyo
    		Gaaf-meerka tarantari
    
    		Warka lays galaa bixi
    		Dabadeeto goobtii
    		Gurmadkii isugu tegey
    		Afka gacanta wada saar
    
    		Mar la yidhi ridaa guul
    		Gallad hoose wadatoo
    		Cidi aanay garanayn
    
    		Marna gacal xijaabtoo
    		Gunno iyo xusuus iyo
    		Laga gooyey samahoo
    		Godka lagu illaawoo
    		Isa-soo galluubtiyo
    		Nin gargaar u dudayoo
    		Gibil doorsan lagu sheeg
    
    		Marna aayad gaaroo
    		Xidid iyo gun dheeroo
    		Rabbi soo guddoonshiyo
    		Deg la yaab leh lagu sheeg
    
    		Marna duni gablooshoo
    		Isa soo guraysoo
    		Socotoo gudbaysoo
    		Guuraysa lagu sheeg
    
    		Marna caashaq guunoo
    		Goobaayey beeshoo
    		Rida Garo jeclaadoo
    		Guur-doon ah lagu sheeg
    
    		Googaadu badatee
    		Xasan Gareyna tiisii
    		Biyo gebi ka soo degey
    		Dalka ay ku jeedaan
    		Gurdankooda sii raac
    		Godankiyo ishii doon
    		Gunta hoos u sii baadh
    
    		Gorgorkii xammurraa
    		Gacan haadis ugu yeedh
    		Dadka goonni uga saar
    		Gole xaadhan soo taag
    		Googoos u kala bixi
    		Gobannimo ku sooryee
    		Gelbi oo lugaysii
    		Geyigoo dhan soo mari
    		Gobolkana wax uga sheeg
    		Guji oo wax weydii
    		Fuley baa wax gaadee
    		Go'e yidhi iskeen sii
    		Xaajada gun iyo baar
    		Geeraar ku xadantee
    		Gudbi oo is dhaafsii
    		Ragna galangal soo celi
    		Gabayana ka daba tiri
    
    		Gudcur baa arlada jira
    		Gogoshaa la jiifaa
    		Gama' waa la maqan yahay
    		Goonyaha cabaad iyo
    		Gurxan baa ka baxayoo
    		Reerihii badh baa gudey
    		In la guuro weeyaan
    		Gaadiid ma laylyana
    		Gadh-wadeenka baashuna
    		Gabadh buu ku xidhan yahay
    		Iyaduna galbeed iyo
    		Dhul fog bay go'doonkiyo
    		Gocashada ku joogtaa
    		Wakhti waa is gurayaa
    
    		Goor danboo xisaabtii
    		Geba geba ku dhowdahay
    		Ayaa Gaarriyow qaar
    		Gabrantii dayeysnayd
    		Garaadkii ku soo degey
    
    		Talo laysu geegee
    		Dadku hawlo gaaxdiyo
    		Gale baadi doonkii
    		Gudcur laysla soo taag
    		Gabadhii la weydii
    		Geedka aan tagnuu yidhi
    		Garta jilibka loo laab
    		Hadalkina go'I waa
    
    		Gudcur baanihiisii
    		Markuu soo gunaanadey
    		Guunyo keena buu yidhi
    
    		Gucle orod la soo roor
    		Goolal soocan loo miidh
    		Ahminkiina loo gee
    
    		Gudcur baa hadana yidhi
    		Waxaa goobta keenteen
    		Magtii Giibba maahee
    		Gashigii badh baa hadhay
    		Hasha gabanku maaliyo
    		Gaadiidka beeshiyo
    		Geyigiyo dhuloo idil
    		Waxa geelal joogiyo
    		Inta gorod madowliyo
    		Geesleyda soo tuba,
    
    		Iyadoon la kala gurin
    		Hanti oo dhan loo gee
    		Lagu yidhi guddoon hoo
    		Inantii ma gadan tahay
    
    		Yaa is gaadhey buu yidhi
    		Googarada dumarkiyo
    		Waxa aad go' haysaan
    		Iyo googo lacageed
    		Iska soo guru yidhi
    
    		Guryihii la baadh baadh
    		Guntintii danbaysiyo
    		Kawlkiina loo gee
    
    		Gudcur baa haddana yidhi
    		Xinjir gaatamaysiyo
    		Cadraddiyo gashaantida
    		Inta wiil gantaashiyo
    		Gaashaanka hanatiyo
    		Ordoo geesigiinniyo
    		Gaaridiinna labadaba
    		Goobtan keena buu yidhi
    
    		Codsigaasna loo gee
    		Wuxu yidhi guddoonsadey
    		Gabadhiina waa taas
    
    		Guul-Allaa la wada yidhi
    		Gaaridii la soo hoy
    		Geesigiina loo door
    		Guurkeeda hananlaa
    		Gobolkana xilkiisiyo
    		Geeddigiisa koowaad
    		Gadh wadeenka noqonlaa
    
    		Golihii la dheehee
    		Harrarada la goobiyo
    		Googooska lagu xidhay
    		Gelbiskii rugtii yimi
    		Gurxankiyo mashxaradii
    		Dadku gooli baadhkii
    		Gumucyada rasaasta ah
    		Sida galayax loo tuur
    		Isna goobta quruxda leh
    		Hadba gees u daymoo
    		Guurtidii isugu timi
    		Mahad celin ku gaalgaal
    
    		Markii waagu guubaha
    		Iyo furay garayskii
    		Gaafkiyo xusuustii
    		Inta ubax guduutiyo
    		Duco lagu gunaanadey
    		Gaarriyow halyeygii
    		Hanbalyada la gaadhsii
    		Gacan qaadka lagu dhaaf
    
    		Ka gadaala wiilkii
    		Intuu gaadh u diray qaar
    		Gargaraacyey aqalkii
    		Soo gal baana lagu yidhi
    
    		Gobaad foolku ka hor yimi
    		Isha laysku galac sii
    		Garashaa fogeysoo
    		Gabadhuba ma heellana
    		Wejigeeda guul iyo
    		Gacaltooyo kuma taal
    
    		Gacan qaawan soo fiiq
    		Kaa geysan bay tidhi
    		Xiisihii ka gaagaxay
    		Hogashada gandoodkii
    		Soo laabtay gorodkii
    		Isaguna guhaaddiyo
    		Guul guulka ka hor yimi
    		Gabbashada is weydii
    
    		Waxay tidhi "guntiga xidho"
    		Go'a iga fur "buu yidhi"
    		Gudin iyo hangool iyo
    		Garab qaad is weheshay
    		Tidhi "qabo guddoonshow"
    		Gogol buu ku yidhi keen
    		Ganbadh bay ku tidhi hoo"
    
    		Gargariirka lahashada
    		Cabashada is gabangabi
    		Durba gaajo soo qaad
    
    		Dib u guratay Joogdheer
    		Eeg eegtay guritii
    		Gudur meel halkana yaal
    		Iyo gocay hadoodilan
    		Ugu geysey meeshii
    		Gurracow ku tidhi hoo
    		Isaguna guddoon jidhi
    
    		Baahiduu ugolon golay
    		Gunnadii xujaysnayd
    		Markii u gondaa dhigay
    		Galladii ku rayray
    		Hadduu gaar xil leeyahay
    		Gabadhiiba kuma lurin
    		Kaba goosey hadalkii
    
    		Dadkii soo gadaal noqoy
    		Hadba goosan soo biir
    		Higsi laysku soo gaadh
    		Gawraha duleedkii
    		Gacalkii isugu yimi
    		Golihii la weynee
    		Dhagxan laysku soo gurey
    		Shaxda loo garraaddee
    		Lagu guulyey meeshii
    		Sheekadu gabaabsiday
    
    		Badh gataatigii ciir
    		Galaayuuska hibashada
    		Guuxa hoos ka tuurka ah
    		Gocashada kor loo qaad
    
    		Gorey baa ka ciyey meel
    		"Gurayow war lagu sii
    		gobonimadi waa halis
    		geesku baylah weeyaan"
    
    		Kaalay gawrac neefkaa?
    
    		"Gurigiina dadab ma leh
    		lagu gurey wixii yiil
    		dadkii waa la gaasiray
    		lama gadin xilkoodii."
    
    		"Goosaradihii qaar
    		Gurac kuuma dhiginaa"?
    
    		"Gabadhiina waa ugub
    		iyaduna geyaankeed
    		guumeys ka noqotoo
    		guudkaa u daban weli".
    
    		"Sarar gool wan shilisoo
    		geedaysan hooyaa?"
    
    		Goraygiina yaabyoo
    		Ka gu Qaafo buu yidhi.!!!
    
    		Guray oo xuslinayoo
    		Baahi geylameysiyo
    		Gabaddano eryeysaa
    		Gooddiga ka soo kudey
    
    		Gobaad leexadiisay
    		Meel dheer ka garatoo
    		Waa gaal la joogii
    		Yaradkiyo gabbaatiga
    		Gudcur siiyey berigii
    		Waa ninkii gumeystuhu
    		Marka uu gabraar tago
    		Garanuugta celin jirey
    
    		Isna soo galaydh yee
    		Iyadana talaw go'an
    		Haan bay garaysiyo
    		Ganbo iyo hagoog iyo
    		Googgarad jacfaaniyo
    		Maryo dumar u gelisoo
    		Gunta iyo furkii bay
    		Xinne ugu guduuddoo
    		Waxay tidhi "Gadaan-Dheer
    		Ninka soo gurdamayaa
    		Gabadh doonimaayoo
    		Gogol looma fidiyee
    		Guushkiyo qadhaabkiyo
    		Gawska ugu roonow
    		Dhaxantana wax uga geli
    		Aniguna gadaashiyo
    		Guradaan ka baxayaa
    		Gurigiina waa kaas
    
    		Geyllankii xawaaraha
    		Gurma go'an xaskeediyo
    		Guban raran leh soo jiidh
    		Dadkii qaar galaafaha
    		Gaadada ku soo qaad
    		Gurigii ku soo biir
    
    		Gurrac xadhig ku taandhee
    		Ku gaggabi tumaatida
    		Garba duub iskaga reeb
    		Ginbirkiina soo fuul
    
    		Yidhi yidhi Gobaad yidhi
    		Gacan dhiig leh soo taag
    		Laye gooha soo reen
    		Haantiina kama gurin
    
    		Kol hadduu gobaad iyo
    		Goosarado caammiya
    		Is la helay ninkii Gurey
    		Cidi lama gudboonee
    		Hanbaddii ku gooraan
    		Gufarkii ku naalloo
    		Hadba goobo soo qaad
    		Ku gufee calooshii
    
    		Haki Maxamed geenyada
    		Hash Garaw u yeedh yeedh
    		Godol oo u gaal gaal
    		Gabantana ka yara celi
    
    		Wax la yidhi guyaal hore
    		Bahal geed is-marisaa
    		Maqlay gobol Islaamoo
    		Wadaad gaasa baxay raba
    		Gadh intuu samaystuu
    		Kutub garabka soo sudhay
    		Soo gaadhyey beeshii
    
    		Hadba dadabta loo goo
    		Hadba goolal loo loog
    		Badhi iyo leg loo gee
    		Gallad loogu roonaa
    		Hoosna gaadhku kala socoy
    
    		Gahan gaha abaaraha
    		Sida weerka guuree
    		Hadba reer ku soo gaas
    		Hadba galab carraabaha
    		Masallaha gabboodkiyo
    		Hoos galbeedka soo dhigey
    		Gelin qudha maqnaan waa
    		Guryihii ku fara badey
    		Galgal iyo xasarad keen
    		Gacan dhaafna lagu arag
    
    		Gungunuuska beenta ah
    		Ku galgaley Quraankii
    		Guudaankii dhayi waa
    		Goosan lumay bariin waa
    		Lagu barey gaddiisiyo
    		Naan Geeddi Baabow
    		Nag gunaanadkeediyo
    		Garshada ku dheerayn
    		Misna gogosha loo badi
    
    		Isna laba gar-daaqii
    		Hadba taako sii gudub
    		Ganacsiga ku sii durug
    
    		Guul-darraa ka salaglee
    		Galab buu ka kacay meel
    		Gegi laysu soo baxay
    		Dadkii joogey goobtaas
    		Kadin geela weydii
    
    		Warka Geedi Baabbow
    		Gujo iyo faq hoosiyo
    		Isha laysku gaadhsii
    		Waa dad soo gubtoo jabay
    		Dhegahay gufaysteen
    
    		Sii garooc hankiisii
    		Gu'rin qaalinuu yidhi
    		Yaa godkiisa hoosiyo
    		Geysanaaya aakhiro?
    
    		Shirkii ruux garaaboo
    		Gacan taaga laga waa
    
    		Iyadana ka sii gudub
    		Kuye gacallayaalow
    		Boqol shilin ha lay guro
    
    		Goroddaa la wada lulay
    		Ku go' baana lagu yidhi.
    
    		Gonduhuu u sii degey
    		Kuye geed is-mariskii
    		Gini lagaca yaa hura?
    
    		Laga gaabsey hadalkii
    
    		Wuxuu yidhi galkiisiyo
    		Yaa kitaabka naga gada?
    
    		Gaw baa lawada yidhi
    		Go' boodhka laga tumey
    		La bannee gawaankii
    		Dadku galab carraabaha
    		Badhba gees u siigee
    		Raabe raabe loo guran
    		Golihii ku noqoy keli
    		Goobtaas la kala dhimey
    
    		Isna Geeddi Baallow
    		Galalkiyo khamiiskiyo
    		Garan gari kitaabkii
    		Ged kaluu u diga rogey
    		Miciyii gahaydhiyo
    		Daba goojinaysiyo
    		Gawsihii u sheellaa
    		Gibishii u duubnayd
    		Gashey saamihiisii
    		Gaaleemadii tuur
    		Gafi waa runtiisii
    
    		Dadku gacan macaannaa
    		Gobsanaa furfuranaa
    		Gacaltooyo badanaa
    		Gaarriyow shabeelkaas
    		Gabbal iyo galaal iyo
    		Maxaa gaasho loo qalay
    		Maxaa goobo loo shiray
    		Maxaa guulo loo qoray
    		Taariikhda guunka ah
    		Maxaa baalal loo gubey
    		Immisaa garaaddiyo
    		Billad gaara lagu tolay
    		Immisaa g'sharafliyo
    		Shaal guduudan lagu xidhay
    
    		Gurey baynu haynee
    		Hadda goosh labaadkii
    		Aynnu guulihiisii
    		Isla sii gorfaynoo
    		Gurigii ku noqonnee
    		Markuu guufafkii liqay
    		Ayuu daaca goodlaha
    		Guulaamo kiciyoo
    		Geeribuu ku yidhi tali
    		Waxay tidhi dadku ha gudo
    		Golxobkana u diro sahan
    
    		Dadka gees biciid dheer
    		Guubaabo ugu lali
    		Gurgurshaaga loo yeedh
    		Lagu giiji caynkii
    		Guryo samo allahayow
    		Ku dareeryey geelii
    		Luuqduu ku garan jirey
    		Gosha lagu hayaanshee
    		Goonbaarta wadatiyo
    		Guuguuda hugunkiyo
    		Goofaadhtankii yaab
    		Codka gaban ka xoorka ah
    		Hadba soo gadaal eeg
    
    		Beeshu waa gawaan raac
    		Dayax rogey gadaafaha
    		Gudcurkiina sii baah
    		La is waa go'doonkii
    		Gelliyada dugaaga leh
    		Hadba goosan lagu dhaaf
    		Hadba guura raacii
    		Laba guuto loo reeb
    		Gamas iyo warmaa raran
    
    		Halkan gaban yar baa qalan
    		Halkan geesi baa yaal
    		Halkan gaari baa wadhan
    		Halkan waxa ku gawracan
    		Guurtidii xulka ahayd
    		Dhankan culimo gaariyo
    		Gadh-cas iyo wadaad iyo
    		Golfof iyo raq baa quban
    		Gaadiidku waa naxash
    		Gadh hayuuna waa mawd
    		Waxa geeddi lagu degey
    		Godadkiyo xabaalaha
    		Dhulka hoose loo guur.
    
    		Waxa la yidhi duq guunoo
    		Golxoshoo idlaadoo
    		Lafta dheeri godatoo
    		Gaabshey oo cuslaadaa
    		Guudadley ku soo baxay
    		Mayracaysa galab adhi.
    
    		Gooli baadhka sheekada
    		Haasaawe goo goo
    		Hadalkii gar adag iyo
    		Gendel iyo alool saar
    		Hadba garagar oodee
    		Hadba gooddi kala bixi
    		Galka ulo ku baadh baadh
    
    		Goobyaalka inantii
    		Garan weydey baanuhu
    		Geesuu u dhacayoo
    		Waxay tidhi geddaa hadal
    
    		Aan is guursannuu yidhi
    		Alla yay gujay tidhi
    		Kol hadduu gedmado hadal
    		Goobta waan ka dheelmaa
    		Ayay gololadii tidhi"
    
    		Wuxuu yidhi god bay hadhay
    		Waxay tidhi Gadh Cawsow
    		Adhigaa galbanayee
    		Aan gadaal u soo rogo"
    
    		Isna yidhi ka gaadhsii
    		Guusha maanta kuu dagan
    		God-dalooladiisiyo
    		Guga faraqa haystiyo
    		Gedihiisa qari yidhi
    		Ganbaraashka sii luud
    		Gumar buu ka jaray qodax
    		Geed kaluu ku soo mudey
    		Gabbashada ku soo noqoy
    		Ku soo laabey goobtii
    		Gabadhiina ugu timi.
    
    		Gol castii dhacaysuu
    		Go'a sare hagoogtiyo
    		Gacantiisa ka hadhsaday
    
    		Wuxu yidhi "galoolkaas
    		Maxaa gaari dumareey
    		Gunta hoose kaga mudan?
    
    		Ma gammuun ku jabay baa?
    		Ma fallaadh ku ganan baa?
    		Ma gafuudh maxaadh baa?
    		Ma atoor gadoodaa
    		Geesihii mid kaga tegey?
    
    		Geedka wey u jeedaa
    		Waxa gaar u raacee
    		Guur-doonku sheegee
    		Gunta hoose kaga mudan
    		Indhaheedu gabadhii
    		Markay gaadhi waayeen
    		Waxay tidhi inoo gee
    		Runta aynu gunudnee.
    
    		Fadalkaa la wada gurey
    		Garo oo barbaarkii
    		Gebgebtiyo is waalkii
    		Wuxuu guudka kaga dhacay
    		Hal fadhida gelgelin
    		Sow ka sokaysa geedkii
    
    		Qosol guuli keentay
    		Hayn weydey gabadhii
    
    		Isaguna gilgilashada
    		Gebi dhaca is yidhi toos
    		Misna gudub u soo ciir
    		Gabaxdii is qaban waa
    		Gadhka ciidda kula duul
    		Show illayn gardaadkiyo
    		Garab iyo shanshaa jaban
    
    		Jaljalleecday gegiduu
    		Ku burburay geyaankeed
    		Laye Guud-haldhaaley
    		Garangarisay laafyaha
    
    		Isna gocasho sii dhawr
    		Baalal goof ku yaalliyo
    		Indha gudhay ka daba tuur
    		Dabadeed galgalashada
    		La gurguurey boodhkii
    		Gawdiidsey meeshuu
    		Salka dhigey go'doonkii
    		Ku wadh wadhay gabaahiir
    
    		Waxa hodey garaaraha
    		Golxadiyo cabaadhyaha
    		Goobtaasi hadal ma leh
    		Goolkaasi dhalan waa
    		Guurkaasi beenow
    		Gabow baa da' mehersaday
    
    		Gurey baan xusuustee
    		Gobor iyo turxaan iyo
    		Ninku gaatir badanaa
    		Qudhun buu far geliyaa
    		Marka gacal la yaabuu
    		Guudkiisa mariyaa
    		Gaarriyow ma naagtii
    		Loo maydhay gacantiyo
    		Gambadii la sheegiyo
    		Gabaygii la tiriyaa!!!
    
    		Gol jannaan ka shaxayee
    		Goormaan dawaafkii
    		Tegey webi Gannaaniyo
    		Gabbala dusheenna ah?
    
    		Waxba yaan ku raad gadan
    		Nabarrada I gubayee
    		Gorof legedka hoosiyo
    		Gunta aan u soo dego
    		Xaajadu galoof iyo
    		Nin gawaan ordaayoo
    		Cidla' gelelefaayoo
    		Gariyaad jafaayoo
    		Garab maray abbaartoo
    		Iska gola ka fuuliyo
    		Garo iyo jacayl iyo
    		Gorgor iy ri maahee
    		Murti gooli baadhiyo
    		Gibil saran weeyaan
    		Gudban iyo shax weeyaan
    		Gunaad biiray weeyoo
    		Gumac lala dhacaayoo
    		Umal gaaxdey weeyaan
    		Gubashiyo ladh weeyaan
    		Gocashiyo dan weeyaan
    		Gabay iy xil weeyaan
    		Bahal loo gabbanayoo
    		Nin geddiis yaqaannaa
    		U gurguuraanaayoo
    		Gaadaayo weeyaan
    
    		Xasan Ganey tummaatida
    		Ummaddana gudddonsii
    		Gocorkana ku naafee
    		Gunta taabey eelkii
    		Maansada gef kuma jiro
    		Hasha Gorey siddeedaba
    		Waxa loo gayaxa maray
    		Inay Geeska deeqdoo
    		Saameesho gaawaha
    		Ama garo ama ha garan
    
    		Rag gudboon sal iyo baar
    		Haddii geel isugu jiro
    		Gar maqaate dhega li'I
    		Go'aan wadari leedahay
    		Hadduu goonidiisiyo
    		Gaarkiis u maamulo
    		Keligii nin gob yahay
    		Inta badan gun hoosiyo
    		Garax iyo qadhoon iyo
    		Gaagaab ka wada dhigo
    		Marka loo ged sheegtana
    		Galka seefta kala baxo
    		Wuxuu goosto keligii
    		Ama geysto dabadeed
    		Garashaa ku tidhi yeel.
    
    		Ninka kale gilgilashada
    		Hadduu giirto hibashada
    		Ama goosto dabadeed
    		Gacan inuu ku ciil baxo
    		Dala'siga la gaasiray
    		Garashaa ku tidhi diid.
    
    		Dabadeeto goobtaas
    		Dibno foolku goostiyo
    		Gogoshoo la laaliyo
    		Gama' oo la dayrshiyo
    		Dhulka oo guhaad iyo
    		Gubashiyo xanuun iyo
    		Gulcub lala xarriiqiyo
    		Godob baa ka dhalatoo
    
    		Iyadana go'aan iyo
    		Guubaabo tarantiyo
    		Gurmashaa ka dhalatoo
    		Iyadana gantaal iyo
    		Gaashaan is jiidhiyo
    		Baadidoo is guratiyo
    		Gocondhaa ka dhalatoo
    
    		Iyadana col gulufiyo
    		Galow fooridiisiyo
    		Geesi haadku loogtiyo
    		Gaaridoo hengelatiyo
    		Guryo laga baroortiyo
    		Goblan iyo xabaal iyo
    		Geeri baa ka dhalatoo
    
    		Iyadana go'doon iyo
    		Gacashiyo hagoog iyo
    		Gacal kala fogaadoo
    		Weji gabax is dhaafiyo
    		Nabaddoo gurracantiyo
    		Gob jabtaa ka dhalatee
    		Iga gunud Rashiidow
    
    		Geba gebada heestiyo
    		Gabaygaygan kama wado
    		Gaax-nuux la talintii
    		Gabbal dhacay ka hadalkii
    		Hadda galabta sheekada
    		Waxaan uga gol-leeyahay
    		Samihiyo is garabsiga
    		Berri yaan la gees marin
    
    
        
Gudban   Dib U laabo
    
    		    Waa duni la gaadoo
    			Iyadoon gabow iyo
    			Geerida ka dhow iyo
    			Geeddiba ku talo gelin
    			Seeftii qudh gooyada
    			Galka looga siiboo
    			Soo guur la yidhiyoo
    			Waxay gaaxsanaysiyo
    			Khasnadii guraysoo
    			Daba goosanaysoo
    			Is gunaanadasoo
    			Waagii guduutaba
    			Ged kalaad ku aragtaa
    			Gurrac lagama waayee
    
    			Sheekadu ged iyo xeel
    			Af-gobaadsi weeyoo
    			Raagaa sar-gooyoo
    			Cali baa gardaadshoo
    			Gadihii Qamaan iyo
    			Gabaygii Salaan iyo
    			Gudbantii Darwiishkiyo
    			Murti weeye gibilloo
    			Isku joog gun iyo baar
    			Madabkii is-gaadhiyo
    			Inan gacan farshaxanii
    			Harraray garaariyo
    			Gaashooyin marisiyo
    			Googoos la saaroo
    			Nin gardaadsha mooyee
    			Ruuxii gudaanii
    			Ka sal-gaadhi maayee
    			Googgaa abwaankow
    
    			Gabadh caana nuugoo
    			Gugan maanta dhalatoo
    			Dhul gurguurad mooyee
    			Garanaynin socodkoo
    			Gosha lagu xambaaroo
    			Hayaanka iyo geeddiga
    			Awr loo gureeyoo
    			Gaadiid la saaroo
    			Misna guudka dabatoo
    			Garka aan furaynoo
    			Debcinayn garayskoo
    			Guurguurka noloshiyo
    			Godadkii isdaba yiil
    			Isku garab maraysoo
    			Goormaan lammaanaan
    			Ama lay gelbinayaa
    			Taladeed ku gaw tidhi
    			Waa xaal gurracanoo
    			Gurranoo la yaablee
    			Waxaan uga gol leeyahay
    			Ruuxii gartow sheeg.
    
    			Geel aan irmaan iyo
    			Gabno iyo candhooliyo
    			Madi guuto deeqdiyo
    			Gaaniyo horweyn iyo
    			Awr goola wadannoo
    			Gaban daadahaynoo
    			Gallad ciddi ku qabinoo
    			Lala gelin hadhuubkoo
    			Geedaha aqoonnoo
    			Garow loo bisleeyoo
    			Geeslow Biciidkiyo
    			Garanuugta seenyoon
    			Loo soo gabraaroo
    			Misna guul-darraystow
    			Ganac loo wardheeroo
    			Cidi gaadhi weydoo
    			Ninna goosan waayoo
    			Dhaqankiisu gaar yahay
    			Waa xaal gurracanoo
    			Gurranoo la yaablee
    			Waxaan uga gol leeyahay
    			Ruuxii gartow sheeg.
    
    
    			Waayeel godoodoo
    			Gacalkii ku duuloo
    			Guluf weerar saaroo
    			Gamcihii dhiigii
    			Gororshoo ku maydhoo
    			Ma hadhooyin geystoo
    			Misna loo garaaboo
    			Godob reeb la siiyoo
    			Inan loo guddoonshoo
    			Gudbiyoo is dhaafshoo
    			Gocor aan xil hanan iyo
    			Nin labaad u guurshoo
    			Ka gabbaati qaatoo
    			Yidhi gaari maahayn
    			Waa xaal gurracanoo
    			Gurranoo la yaablee
    			Waxaan uga gol leeyahay
    			Ruuxii gartow sheeg.
    
        
Halabuur   Dib U laabo
    
    		Hal-abuurku waa geed
    		Hufanoo udgoonoo
    		Higil iyo caleen iyo
    		Hoobaani fuushoo
    		Ubaxuna kor iyo hoos
    		Hilqadaha ku dhigayoo
    		Hadh qabow ku darayoo
    		Shinbiruhu hiraabtii
    		Ka haloosiyaanoo
    		Cidi aanay hurinoo
    		Ishu haybta meel dheer
    		Uga soo hilowdoo
    		Higsi lagu yimaaddoo
    		La habaarin weeyaan
    
    		Hal-abuurku waa diin
    		Bulsho hadalladeediyo
    		Haasaasaheediyo
    		Hinqashada dareenkiyo
    		Hibo weeye Eebbahay
    		Hanti aan la gadinoo
    		Halladaad ku gelinoo
    		La hagoogto weeyaan
    
    		Waxa lagu habeeyaa
    		Hiddahaad ku dhaqantiyo
    		Himiliyo ujeeddo
    		Waxa lagu hayaanshaa
    		Hagar li'I dadkaagoo
    		Waxa loogu hiishaa
    		Lama hure dhulkaagoo
    		Haqab-beelka noloshaa
    		Horta lagu yagleelaa
    
    		Hal-abuurku waa roob
    		Hogol weeye curatoo
    		Waa heego diriroo
    		Ka hillaacday meeloo
    		Dadku ruux hilaaddiyo
    		Hindisaha yaqaannoo
    		Jidka toosan hubiyoo
    		Dhakhso ugu hayaamoo
    		Hela doogsinteediyo
    		Qof habaaba socodkoo
    		Ku hungooba weeyaan
    
    		Hal-abuurku waa deeq
    		Waa Haro-Digeedoo
    		Is harraartiyaysoo
    		Dadku ruux hal adagoo
    		Horu socod ku darayoo
    		Ka hirqada xareeddiyo
    		Hawo niman ka qabino
    		Hayin gaadha waayoo
    		Ka harraaddan weeyaan
    
    		Hal-abuurka guul aad
    		Nacabkaa ka hanatiyo
    		Libin aad la hoyatoo
    		Ku haloosiyaysaa
    		Dabka loogu huriyaa
    
    		Marna hoga tusaaliyo
    		Maahmaah hawiranoo
    		Noloshuba ku hiratiyo
    		Murti hodana weeyaan
    
    		Marna haan gun-dheeroo
    		Hilanoo lingaxanoo
    		Habaqlaha dhextaalliyo
    		Halxidhaale weeyaan
    
    		Marna hoy bulsheedoo
    		Ku habboon caweyskiyo
    		Halab lagu bariistoo
    		Laga helo naruuriyo
    		Haasaawe weeyaan
    
    		Marna hugunka uurkiyo
    		Hadimada ku gaadhiyo
    		Hogashada gandoodiyo
    		Hiyi kaca calooshiyo
    
    		Nafta hibashadeedaa
    		Kugu huriyaa naaroo
    		Hal-abuurka nabar baa
    		Hollo kugu yidhaahdoo
    		Dacar kugu hulaaqdiyo
    		Hiirtaanyo murugaa
    		Hadba lagu bakhtiiyaa
    
    		Marna hadashadaadiyo
    		Isha halacsigeediyo
    		Hengelaha jacaylkiyo
    		Waxaa loogu heesaa
    		Hablihii kalgacalkoo
    		Marka aad hawootaa
    		Lau hoodo sheegtaa
    
    		Marna geenyo hororoo
    		Hardaf waal ku socotoo
    		Halis iyo wax yeelliyo
    		Hagar daamo badanoo
    		Heddu saarantahayoo
    		Nin bartaa ka hadhinoo
    		Ku hodeysa weeyaan
    
    		Marna waa hummaaggii
    		Qofka kula hadlaayoo
    		Intuu soo hankaabsaday
    		Iska rogey hillaabtoo
    		Kugu yidhi hankaygiyo
    		Habka maansadaydiyo
    		Hiyigaygu waa kaas
    
    		Hal-abuurku wa awr
    		Sita heeryadiisiyo
    		Hirar kale shisheeyoo
    		Wa hilib mergiyahoo
    		Isagoo hal keliyaa
    		Dadku harag shabeel iyo
    		Ka dhigaan bariiryoo
    		Qof kastaa hab gaaruu
    		U higgaadsadaayoo
    		Waxay ugu habboon tahay
    		Sida uu u haystiyo
    		Halka uu la doontoo
    
    		Gabadh weeye hensaha
    		Hore loogu xidhayoo
    		Shaqalkiyo hagoogtiyo
    		Huga way ku dhalatoo
    		Sida naas hablood buu
    		Horaad iyo danbeed yahay
    
    		Hal-abuurka niman baa
    		Hawraar u bixiyoo
    		Toddobaatan hebeloo
    		Hana-qaad is xigey baa
    		Hasha maali jirayoo
    		Haaneedka Raagaa
    		Qaban jirey hadhuubkoo
    		Cali-Dhuuxna hooduu
    		Ragba kaga horreeyoo
    		Hidda raac Qamaan bay
    		Habar wada jaqeenoo
    		Ha'da gabay Salaan baa
    		Dhigi jirey higgaaddoo
    		Hammi Faarax Nuur baa
    		Ledi jirin habeennoo
    		Hitiqsiga Gamuutaan
    		Hamrashada aqoonoo
    		Mahadhada kal gacalkiyo
    		Hodan iyo xusuusaha
    		Cilmi haadka duuluu
    		Fari jirey hayaydoo
    		Sayid Maxamed hawlaha
    		Halgankiyo dagaalkuu
    		U hor kacay Daraawiish
    		Hurintiisa jiiftaa
    		U ahayd hal-haysoo
    		Ha noolaatadeennii
    		Hubka lagu dagaal galay
    		Murti baa halbowliyo
    		U ahayd hoggaanoo
    		Soomaali hurudday
    		Hoobey ku kicisoo
    		Xamar iyo Hargeysaba
    		Dhagax iyo hangool iyo
    		Heellaa xoraysoo
    		Wallee hoobalkaan jirin
    		Libi sooma hoyateen
    
    		Anna heesta luuqdiyo
    		Hawraarta maansada
    		Kuma xidho hunguriyoo
    		Kama taliyo hoodoo
    		Ummaddaydu haabkay
    		Ugu heellantahay baa
    		Hanti iigu filanoo
    		Hangal-taagga xoolaha
    		Waxa uga han weynahay
    		Hambalyada salaantiyo
    		Hadal haynta magacoo
    		Hindisaha wax sheegiyo
    		Hoga gelinta jiiftada
    		Ma hawaawi tiriyee
    		U horseed tagaayoo
    		Horta waan u sahan shaa
    
    		Marka aan hoggiisiyo
    		Feleggiisa hubiyee
    		Habaskiisu yeedhaan
    		Hudi hudi idhaahdaa.
    
    
    
        
Haatuf   Dib U laabo
    
    			Cilmi sow hoggiisii
    
    			hindisuhu imuu geyn
    			Hambalyiyo salaan iyo
    			Sow hees umaan tirin
    			Hakan uu ku noo yahay
    			Hanti wuxu guddoontee
    			Hor Illaahay ugu tegey
    			Hubi sow is maan odhan
    			Hodan sow ma weydiin
    
    			Sow waa nin hoydoo
    			Ifka taar la haystee
    			Kama helin jawaabtii
    
    			Xalay fiid horaadkii
    			Sow haatufkiisii
    			Hud-hudkii u soo diray
    			Gacan haadiskiisii
    			Kama halacsan sheedoo
    			Hurin bayla socotee
    			Kama hadhin barbaartii
    
    			Sow maan hor-gelinoo
    			Hayhaato maan geyn
    			Dabadeedna haybtii
    			Haye kow ma aan odhan
    			Wuxu yidhi halyeygii
    			Ama haada soo faray
    			Ku billaabay heestii:-
    
    			"Ninka ila hadlaayee
    			ii soo hiloobee
    			hawdkiyo xabaalaha
    			hiilkaygu keenee
    			hambalyada isiiyee
    			hogga iiga yeedhow
    			hab-dhaceeda maansada
    			adigaa higgaadshee
    			anigana war iga hoo"
    
    			"Waxay howli joogtaa
    			ama lagu harraadaa
    			hanad lagu cidhiidhyaa
    			hanti lagu gumeystaa
    			dumar hoodo leeyahay
    			raga hoos u eegaan
    			hoogtada adduunyee"
    
    			"Qofka samir hanbaystaa
    			godka kuma hungoobee
    			ifka hadimadiisiyo
    			dhibtu way horreysoo
    			ma huraanta aakhiro
    			anigaa ku haystoo
    			hogol bay kor joogtoo
    			onkod iyo hillaac baa
    			dusha iga hadheeyoo
    			haro aan g'ayn baan
    			darayaa hadhuubkoo
    			hoobaan bislaataan
    			habaq li'i dhex joogaa
    			ishu halacsanaysaa
    			guri hoos qabow bay
    			halabtaydu taallaa,"
    
    			"Naftu waxaan u habaya
    			sida hooyo wiilkeed
    			naasaa horaadkiyo
    			haaneedka siisiyo
    			nirig hooto nuugoo"
    
    			"Hodan iyo jacaylkeed
    			dani igama haysoo
    			hablo Xuural caynaan
    			haasaawiyaayoo
    			huwanahay taftoodoo
    			lagu yidhi u heesoo
    			geelii hor weyn baa
    			igu soo hormanayoon
    			u hayaa wadaantoo
    			hawl bay sugaysee
    			haye nabad walaalow"
    
    
    
        
Hooyo   Dib U laabo
    
    Hooyooy la'aantaa 
    Aduunyadu hubaashii
    Habeen kama baxdeenoo
    Iftin lama heleenoo
    Dadku uma hayaameen
    Xiddig hawd ka lulatoo
    Sida haad ma fuuleen
    Dayax heego joogoo
    Hubka laguma tureen
    Hawo laguma gaadheen
    Cirka hirar ka muuqdoo
    Hooyoy addoomuhu
    Halkay maanta joogaan
    Adigow horseedoo
    Intaad hanad xambaartee
    Haaneedka siisee
    Horaaddada jaqsiisee
    Habtay baan xisaab iyo
    Tiro lagu heleynoo.
    Marka aad nin hiilloo
    Laga baqo hashiisiyo
    Halyey diran dhashaa baa
    Hooyo lagu xasuustaa
    Marka aad nin hoo-loo
    Gurigiisa habaqluhu
    Isku soo halleeyoo
    Hayntiisa quudhoo
    Hor Illaahay geystiyo
    Lama hure dhashaa baa
    Hooyo lagu xasuustaa.
    Mar aad nin himilada
    Hilin toosan mariyoo
    Hir markii la gaadhoba
    Ku labaad hilaadshoo
    Haga maatadiisoo
    La higsado dhashaa baa
    Hooyo lagu xasuustaa.
    Marka aad nin hoogiyo
    Ka hor taga daalkoo
    Garta hubin yaqaanoo
    Xaqa hoos u eegoo
    Halistiyo colaadaha
    Dabka hura bakhtiiyoo
    Ku haggoogta dhiiggoo
    Dadka kala hagaajoo
    Kala haga dhashaa baa
    Hooyo lagu xasuustaa.
    Markaad hoobal caaniyo
    Hindisaa farshaxanoo
    Hab-dhaca iyo luuqdiyo
    Hawraarta maansada
    Heensayn yaqaanoo
    Rabbi biyo u siiyoo
    Labadaba hannaanshiyo
    Hal-abuur dhashaa baa
    Hooyo lagu xasuustaa.
    Dumar iyo haween baa
    Nolol lagu haweyntaa
    Kuwa lagu hammiyayee
    Sida hawd caleen weyn
    Rag u wada hammuumee
    Ishu calacsanaysaa
    Hablahaaga weeyee
    Marka guur la haybshee
    Gabadh heego dheeroo
    Hoobaan la moodoo
    Karti iyo hubqaadloo
    Quruxdana ka hodaniyo
    Hira laga aroostaa
    Hooyo lagu xasuustaa
    Hooyoy la'aantaa
    Higgaad lama barteenoo
    Hooyoy la'aantaa
    Hadal lama kareenoo
    Ruuxaanad habinoo
    Kolba aanad hees iyo
    Hoobey ku sabinoo
    Hawshaada waayaa
    Hanaqaadi maayee
    Hoygii kalgacalkee
    Naxariistu hadataay. Hooyoy dushaadaa
    Nabad lagu hubaayooo
    Hooyoy dhabtaadaa
    Hurdo lagu gam'aayoo
    Hooyoy taftaadaa
    Dugsi laga helaayoo
    Waxa lagu hal-maalaa
    Hooyo ababintaadee
    Hayin lagu badhaadhaay
    Hogol lagu qaboobaay
    Gogol lama huraaneey
    Dugsigii hufnaantaay
    Hidda lagu arooraay.
    Intaad hooyo nooshahay
    Hambalyiyo salaan baan
    Hanti kaaga dhigayaa
    Hamrashiyo xaq dhowr baan
    Dusha kaa huwinayaa
    Hooyo dhimashadaaduna
    Hooggayga weeyoo
    Hiyiga iyo laabtaan
    Kugu haynayaayoo
    Weligay hoygaagaan
    Ka dul heesayaayoo
    Hengel baan u xidhayaa
    Inta haadka duushiyo
    Idil habar dugaaggee
    Ifka hibo ku noolow
    Aakhiro halkii roon
Hablaha Geeska   Dib U laabo
    
    Ma geyoon ma gamashiyin
    Ma gommodin ma gaagixin
    Ma gabloobin maan gudhin
    Mana gabin halkaygii
    Gabaygiina maan deyn
    Geeraarradaydii
    Imminkaan gardaadshoo
    Weli maan gunaanadin
    
    Murti nimaam gunteediyo
    Baran gogol-dhiggeedoo
    Gonda degi aqoonoo
    Garab-daar lahayn baa
    Gawl-gawla hadalkoo
    Kolba dhinac garoocdee
    Sida Webi Ganaanoo
    Cirka godollo maaloo
    Biyihii ku gaaxdiyo
    Gebiyadii kusoo degey
    Ku darsaday gufaaciyo
    Gullama diriroo
    Galli jabay habeenkii
    Kolba gacan masoo rogay
    Qudhaciyo galoolkii
    Gunta xididka maw jaray
    Dhulka wada galaal iyo
    Gabbalaha makaga tegey
    
    Afartaa geddaydii
    Dhaha laygu garan jirey
    
    Gurmashada dagaalkiyo
    Gulufkiyo colaadaha
    Goobaha naf waagiyo
    Halka laysku gowroco
    Marka gorodda lays daro
    Haddaan dumarku goonyaha
    Guubaabo kicinayn
    Sida galowga dhiilloon
    Illaa geesi qayrkii
    Birta kuma gumaadeen!
    
    Gu� hagaagay oo da�ay
    Dhulka geedo jiifaan
    Gurya-samo barwaaqa ah
    Haddii geeddi lagu furo
    Dhallinyaro is gurataa
    Gurdan raaca fiidkii
    Gole weyn ku kulantoo
    Cagta garan-garkeediyo
    Isu geysa jiibkoo
    Googooska luuqdiyo
    Gedda sacabka loo jaro
    Hablahaa u gaaroo
    Garashada codkoodaa
    Qof gaboobay kicisoo
    Gelbiskiyo mashxaraddaa
    Gama�kaa ilaashee
    Haddaan gabadhi boodeyn
    Illaa gegi cayaareed
    Wax ma dhaanto geriyaad
    
    Haddaan guudka laga jarin
    Gudihiisa xaabkiyo
    Cayayaanka laga gurin
    Marwo dumar garka u xidhan
    Illayn guri dugsoon maleh
    
    Gaadaha habeenkii
    Kelidaa galgalashiyo
    Ged-geddoonka dhalisoo
    Adigiyo go�aagaa
    Hadba dhinac u guuroo
    Barkintaad gabbood iyo
    Gaashaan ka dhigataa
    Haddaan guud haldhaaley
    Kolba gacan la saareyn
    Illayn gogoshu wehel ma leh
    
    Kuma galo adduunyada
    Ninna goonni-socodkoo
    Marwo garasho dheer baa
    Ninka raga u gudinoo
    Iyadaa guddoonkiyo
    Gadh-hayaa naftaadiyo
    Gaadiidka reerkiyo
    Gurgurshaaga noqotoo
    Arrin kula gorfaysee
    Haddaan gaari kula jirin
    Illaa noloshu guul ma leh
    
    Gocashada xanuunka leh
    Waxaan uga goleeyey
    
    Go'i waa barbaareey
    Gobi waxay ku dhaqantaa
    Garab waxay ka dhigataa
    Gallad waxay ku dheeftaa
    Samo waxay ku gaadhaa
    Gololadda haweenkee
    Hiddaheena gaarka ah
    Hablihii gabowgiyo
    Geerida ku sugi jiray
    Hablihii garayskiyo
    Xiran jiray guntiinada
    
    Hablihii gu' iyo dayr
    Sida baarqab golongolay
    Dhexda xarig ku goyn jiray
    Hablihii garaaraha
    Gaatan-socodka laafyaha
    Sida gorayga ciideed
    Gelbin jiray tallaabada
    Hablihii gun iyo baar
    Isha gacalo-eegtaa
    Gama aanay ledi jirin
    
    Hablii talada guunkiyo
    Gunti jirey xishoodkee
    Hadlakoodu gaabnaa
    Hablihii gef hooyiyo
    Qarsan jirey guhaadee
    Haday godolo soomaan
    Haddey gaajo liitaan
    Cidi aaney garan jirn
    
    Hablihii gammaan faras
    Iyo geela ugubka ah
    Guur doon ka bixin jiray
    Hablihii Gargaariyo
    Guuleed ku curan jiray
    Goldaloolo iyo ceeb
    Hablihii ka guban jiray
    
    Hablahaan gankoodiyo
    Hilibkooda gadi jirinee
    Haddii aad gujeysaan
    Guulguul ku leysaan
    Godol qudha ku moodaan
    Gabal kooda dumisaan
    Hadba tooda goosha ah
    Ganacleyda jabisaan
    Dadku gabanaa xooriyo
    Garrac ley yidhaahdaan
    Inagoo gumeyniyo
    Dhaqan guurey weeyee
    
    Gocashada xanuunka leh
    Waxaan uga gon leeyahay
    Godob aabbe faleybaa
    Ubadkiisa gocondhiyo
    Gumarshiga ku noqotee
    Gabi dheer ku dumisee
    Ninka inan ma geyda
    Golqaniin ku maalee
    Guraac kaga daneystow
    Waxaad gaax saneysiyo
    Gashigaad cuneysiyo
    Xumahaad galeysaa
    Ruuxey ka go�an tahey
    Gabadhaada weeyee
    Gafka aad faleysiyo
    Waxaad geysanasaa
    Galabkale ka sheekeyn
    
    Gebagebada sheekada
    Bal aan soo gunaanado
    Guddoonsiiyo jiiftada
    Gabigeed adduunyada
    Gobol-gobol u qaadoo
    Hablo weerar geli kara
    Hablo geela dhicin kara
    Hablo geesi dili kara
    Gobonimana hanan kara
    Hablo talada goyn kara
    Garta madal ka niqi kara
    Garashana iskaga mida
    Quruxdana ka wada gob ah
    Geesteena mooyee
    Gayi kale ma joogaan
    
    
    
        
Hambaber   Dib U laabo
    
    Maansadani waxay ku soo caan baxday ama dadku u yiqiineen
    Hargeysi Ma Toostay Markaa maansada magaceeda dhabta ahi
    waxa weeye"Hambaber" waxayna soo baxday 1982 markii shacabka
    reer Hargeysa ay mudaharaadeen kuna kaceen dawladii Siyaad
    BarreMarkaas oo uu Hadraawi joogay Muqdisho, sidaas ayey
    nagu soo gaadhay maansadu,
    
    Habeenada weysha
    Dhurwaa habarteeda
    Dorraad ku hiraabtay
    Haan-haabadka naaska
    Haaneed ka deyeysa
    
    Nirgaa hugun yuuska
    Halkii lagu ooday
    Hammuunta ka yaw leh
    Riyaa hoganaaya
    Idaa tuban heelka
    Cadceedda hagoogtey
    Haleelada weydda
    Dhaqaaq hidin waaga
    Hareeriga taagan
    Dantaa ku habsiisey
    Inay hakadaane
    Dhulkoo hanad joogo
    Intaan gadadh heerin
    Ka sii degin heerka
    Hadeer la yaqaano
    
    Intaan habqan beeshu
    Huluulaha oodan
    Ku saan go'in hawdka
    Intaan habac jiitan
    Badhkeed ku hallaabin
    Markay habaq baahdo
    Dugaaggu hilbaysan
    Intaan hawa boodka
    Fardaa higil raacay
    Kuwii higsanaayey
    Hummaaggu ka reebin
    Xayeeshku habaabin
    Intaan halladaadka
    Hayaanku is waayin
    Habeenku dhex qaadin
    Hadhow la shallaayin
    Hadaadunka naaftay
    Sidii habas daalka
    Hawaarsadey ciidda
    Anaa hiddiddiida
    Hobey hobe hooda
    Durbaankiyo heesta
    Ku soo hoga geyne
    Adaa hal abuurka
    Tixraaca ha'leyda
    Ujeeddada hoose
    Hawaala yaqaane
    Haruu orod Faarax
    Horweynta jiciirtay
    Hadhaaga u jooji
    
    Haydaartiyo doogta
    Hantaaqada ciilka
    Dareenka huqdiisa
    Qamuunyada haarta
    Caloosha hugmaysa
    Hiirtaanyada raagtey
    Dhinbiisha hulaaqday
    Dabkaan hurin doono
    Colkaan humin doono
    Hargaa igu laalan
    Dhowaan henggel baasta
    Ninkaan huwin doono
    Sabaanka hagaagey
    Barwaaqada hoortay
    Daruur iyo heego
    Waxaa hogol gaaxsan
    Hadhaysay dushayda
    Harooyinka buuxa
    Hoobaanta bislaatay
    Haraaciga daadka
    Caleenta hiraysa
    Indhaa halacdooda
    Hibaaqiyo laaca
    Naftayda hankeeda
    Waxay hibanayso
    Haddii wedku daayo
    Inay heli doonto
    Anaa huba taase
    
    Hambaaber dhowaanta
    Dareen ma hurdaana
    Dagaal wata heeso
    Hidday u lahayde
    Hargeysi ma toostay
    Hogaanka ma diiday
    Harqoodka ma tuurtay
    Inaanay hummaaga
    Hadoodilan yeelin
    Sidii hebel geel ah
    Heshii Nebi Saalax
    Horaadada dhiibin
    Hankeedu ma siiyey.
    Waxay hibanayso
    Ninkay la hadlayso
    Hagaag ma u sheegtay
    Hadday sama weydo
    Inay hantideeda
    Nafteeda hurayso
    Hubaal ma caddaysay
    
    Allaylehe waa hog
    Shax aan la hilmaanin
    Malaa Hugur tiisa
    Waxaabu u haystey
    Inaan hayal toosan
    Harraatii aqoonne
    Maskii Hilqadaale
    Ma soo hardaf boodey
    
    Horaanse u sheegay
    Inaan hadda beeshu
    Hadhiimo ahayne
    Haddeer waxa jooga
    Hadmaan ka afeeftay
    Hasaasaha muuqda
    Wallee hagar daamo
    Falkaagu habeensay
    Higlooy gabbalkaa dhac
    Hangaalli hungaalli
    Hegaan hega gaalli
    Hunjaalli hantoolli
    Bidhaan had-hadowga
    Hiwaali hahoodka
    Jibaanjib hunnuunnu
    Huraalka hiraalka
    Hambaaber mardaali
    Hadeedab mardaadi
    Kallaal himbiriirsi
    Hawaawir hayaayir
    Sadaad herimooya
    Hunnnuushle hannaashle
    Sareedo hamboori
    Hankooble hayooshe
    Falaad habbabbaale
    Hanquusle halowle
    Garaad himhimowle
    Hayaayub xumaanta
    Humbaalle dhaqaaqa
    Hallaallimo soofka
    Hallaasiga sheelka
    Harawsiga qaawan
    Hiliiliqa jeexa
    Higiishis boqoolka
    Galbeed hiyi raaca
    Maraykan ku hiilka
    Shirqool la hadaafka
    Habheeb alalaaska
    Hinraag qayayaabka
    Haraaryada neefta
    Hantaatac ergeynta
    Hagaas caga jiidka
    Walaaac haghagoodka
    Tawaawac higgoodka
    Hamuun taltalawga
    Calaacal hungowga
    Heshiis macaluulka
    Hunfey salsalaaxa
    Hinfaal wax u sheegga
    Wasiiro habaynta
    Hoggaanno samaynta
    
    Hadhuubada daatay
    Hareero ka leefka
    Jalbeebta hal leyda
    Rogaal halalleyda
    Hamaal shaqalkeeda
    Higgaadda shanlleyda
    Halkaan ka abbaaray
    Hadhauudhku Carraale
    Huftoo hufmi waaye
    Maxaad kala haadin?
    Intaas haqab beelka
    Hadhoodho horteed dheh
    Hal baase xasuus ah
    Nin tiisa u heellan
    Haddaan taladayda
    Hayaankiyo beesha
    Hoggaami idhaahdo
    In taydi haallawday
    Annaa huba taase
    Hadhow iyo fullan
    Waxaanan huraynin
    Inaan hadda yeelo
    Ayaa ka hagaagsan
    Qabiil ku hadaaqa
    Hobsheyntiyo faanka
    Masayrkiyo haybta
    Hinaase la boodka
    Holayntiyo maagga
    Hirrooda qab dhaafka
    Tollaay hebel meeyey
    Sidii horror waalan
    Hilbaa igu yaalla
    Halgaad kula duulka
    Colaad hurgumootey
    U sii hangagaarka
    Heleysada dhiiggu
    Markuu heleleyda
    Sidii harawaati
    Hamuun tiro ciidda
    Dagaal lagu hoobtay
    Halyey ku idlaaday
    Ka soo hindiwaaska
    Tabaalada huursan
    Hangoollada qaybta
    Fulaa halistiisa
    U sii gacan haadsho
    Halkay godobtaydu
    Ka soo hullanayso
    Ninkay huntutuulka
    Ku soo hullaanayso
    Inaan dib u haybsho
    Hillaabta ka qaado
    Ayaa ka hagaagsan
    
    Shirqool hadiwaaga
    Hiqlaynta riyaaqa
    Hubsiino la'aanta
    Haloosiga luuqda
    Hawaawi la boodka
    Hanuun la jibboodka
    Dhurwaa halab saarka
    Waraabe u heeska
    Hufnaanta kashayda
    Nin aan hibo saaray
    Xariir ku habsiiyey
    Markuu hal haleelka
    Sidii hurin yey ah
    U soo hal haliilo
    Anoo hadhsan waayey
    I soo hungureeyo
    Inaan hanqalkayga
    Sidii habla weynta
    U soo rogo hoosta
    Inaan af-lahaarka
    Harraati ku diido
    Ayaa ka hagaagsan
    
    Hanraawe I boobay
    Markuu iga haago
    Inuu hadhadaydu
    Hafeefta xanuunka
    Markay hurgumooto
    Hoosaaso afuufo
    Halbawlaha kayga
    Sidaas kula hoydo
    Nin haad I cunsiiyey
    Inaan horror siiyo
    Ayaa ka hagaagsan
    Hawraar iyo sheeko
    Haween laga reebay
    Beraa habar guurtey
    Hayaan rarygeeda
    Culaab iyo haamo
    Waxay hilif saartay
    Haldhaa kici waayey
    Hiyeeda gadh jiidka
    Markuu hollan waayey
    Ayey hindiskeeda
    Halaanhal ku keentay
    Midaan kolkaa haabka
    Markaa lagu haynin
    
    Waxay tidhi "Hoogey
    Hayaay Cabdi-Qaadir
    Hareer qabo awrka"
    Markuu hayinkeedu
    Hagaag isu taagey
    Ayey tidhi " haakah"
    Hebloo gabanteed ah
    Hilowna basteeda
    Malaa u han weynna
    Karaamadan hiirta
    Ku soo hormanaysa
    Hilmaanina weydey
    Wadaadka hoggiisa
    Ka soo hangallaystay
    Siduu ugu hiishey
    Ayaa tidhi "hooyo
    Muxuu horta sheekhu
    Inoo yahay haybta"?
    
    Waxay tidhi "heedhe
    Hibooy ratigeennu
    Markuu hingan waayo
    Ayaan huriwaaga
    Haleel cuskadaaye
    Habeen ma wadaagno
    Haddaan magaciisa
    Dantaydu higgaadin
    Ma soo hadal qaado"
    Ujeediyo haatan
    Nin tiisa u heegan
    Halyeynimadiisa
    Hashiisa ku dheelmay
    Iddiisa ku hoystey
    Inuu hantidayda
    Habaynta xilkayga
    Dhismaa hodankayga
    Hiddaa sharafkayga
    Waxaan nolol haysto
    Horsed ka ahaado
    Ka haayir idhaahdo
    Ayaa ka hagaagsan
    
    Hashayda nin maalay
    Markuu hordhaceeda
    Habniin kaga daalo
    Inaan hanbadiisa
    Hafriinyaha beenta
    Habeedda qalaysan
    Ku hoorsado weelka
    Gobaad ka hillaabto
    Inaan ku hagoogto
    Ayaa ka hagaagsan
    Anoo qaba hawsha
    Habeen iyo maalin
    Intaas sida heeryo
    Habaaska I fuushan
    Inaan ku hungoobo
    Hulleeka madhnaanta
    Hamaansiga quusta
    Hamuun la carrawga
    Heshiis ku ahaado
    Naftayda ka hiisho
    Hugaas doqonniino
    Hurrow nin I saaray
    Inaanan u hoogin
    Calaacal harraaddan
    Xaqayga ku haybsho
    Ayaa ka hagaagsan
    
    Habkii xidinxiidka
    Dugaag huwantiisa
    Horyaal ka ahaaye
    Markii hankakoobka
    La soo helay guusha
    Libtii lala hoydey
    Tukaa yidhi "hoy day
    Hashaan qalay saami
    Hagaagna u qaybi
    Hadhowna I toosi"
    Tukow hayedaadu
    Waxbay huwanayde
    Dantiisa ka haybi
    Qorshii hiyigiisa
    Halkay talo joogtay
    Ka sii wadey hawsha
    Ninkiina hilmaanyey
    Saqdii dhexe hawda
    Ninkii hurdey toosyey
    Hareeraha eegyey
    Raqdii ku hungowyey
    Hanqaar warwareegga
    Hankaag jaljaleeca
    Haqdii samri waayey
    Tukii hanfariirka
    Waldeys kula haadyey
    Gar laysu hankaabsey
    Hamuun gorayaale
    Ninkii Halac-dheere
    Wuxuu yidhi "hoy war
    Intaan hana qaaday
    Hadeer iyo caawa
    Haddee weligayba
    Inaanan hanbaynin
    Horaad u ogayde
    Maxaad igu hiifi" ?
    
    Ninkayse ka hoostay
    Mar bay hawireene
    Ka soo kabey haarta
    Bahaysiga haadda
    Hilbaa cuniddooda
    Habeen gama'iisa
    Inaanu haweysan
    Ayuu han fogaanta
    Halkii kaga dhaartay
    
    Ujeeddiyo haatan
    Rag waa hal adayge
    Heddeyda wedkeyga
    Inaan habalyeeyo
    Tubaa halaq yaalka
    Hog laygu qaniiney
    Ku sii hiradkiisa
    Ka haari agtiisa
    Ayaa ka hagaagsan
    Haddaanan haddaanan
    Haddaanan dhawaaqa
    Hireyda wireyda
    Hayaay ka kacayda
    Jahaadka Hargaysa
    Barbaartu hagayso
    Haweenka godoodey
    Ka qayb gelin hawsha
    
    Haddaanan haddaanan
    Intii isku hiila
    Hargaysiyo Bayla
    Intii la hal maasha
    Bakool hilinkeeda
    Heeraarta Kismaanyo
    Ilaa Hobyo geynin
    Hiiraan u tallaabin
    Runtay la hudmeene
    Haddaanan haddaanan
    Sidii hanqar yeedha
    Hillaac iyo maayad
    Dhulkoo dhan hadhaynin
    Banaadir ka heesin
    Wixii hurda toosin
    Halyeyada ciilka
    Ka haajirey ciidda
    Halkay talo joogto
    U sii farin haadda
    
    Haddaanan haddaanan
    Waxaan huro caawa
    Dhammaan huga xaaska
    Hayla maryahayga
    Sariirta hanbaadha
    Kuraasta hagoogan
    Ashuunka hunbuuca
    Haraaq iyo haadyo
    Waxaan jaqaf haysto
    Haddaanan xaraashin
    Waxay hanti goyso
    Intaan hub u siiyo
    Dadkayga habaynin
    Dagaal u hormaynin
    La soo hadhin guusha
    Hawraartiyo luuqdu
    Cabdow hadalkaygu
    Hawaawi kac weeye
    Ninkii hebel miihi.
    
    
    			
Heego Muuq dheer   Dib U laabo
    
    Is helloo gabadhii is heli-mayno
    Huminnoo taladii hunsami weyday
    Halyeynimadayda kuma hadhin
    Hayntayda yaraatay bay hagratay
    Dan baa ka hor timi heshiiskii
    Hoh iyo caku heegantaydii
    
    Hilowga arradan bir baan ku hiloo
    Kashaydu hubaal ma heellana
    Hengel baan ka sitaa haween dumar
    Markaan ku hungoobay baan huray
    Haankiyo wadnahaa biyaa habaya
    Hantaaqo i gaadhay baan la hurday
    Huq iyo ma filayn hayaan kedisa
    Hayeeshe hayaaydi baa badatay
    Hammiga kalgacaylku waa habaqle
    Hed iyo waa dabayl hab soo tidhi
    Hiyigii lingaxnaa ma huriyeen
    Ma halabsaday geenyadii Hudi
    
    Hindisaa wax kalaan halkawgu socdee
    Hurintaan weheshaan ka hadhiwaayay
    Codkiyo hugunkaa isoo hagay
    Hoosaasada mayla hiishaday
    Haasaasaha muuqda hirigooda
    Caawana hambadaydu waa halis
    
    Horyaalka da'day hadhuub la dhantaay
    Hiddiyo dhaqan baad hagoogantahoo
    Waxaad huwantahay hugii sharafka
    Sidaad u habaysay heensaha
    Hadoodilka muuqa higilkaaga
    Haldhaaga sidiisa hooshaarka
    Hilbaha kugu yaalla heemaalka
    Hanqalkaad la kacdiyo hubkaad sidato
    Hab-joogga timaa hal-qooqa leh
    Hufnaanta xishoodka aad hogatay
    Hawaarta ku saaran heeraarta
    Hilqadaa boqorkiyo hariiryaha
    Habuurka, udgoonka, soo haarka,
    Sidii hayin haamo culus sida
    Hubsiino dhaqaaqa hanashada
    Hormaynta hannaanka laafyaha
    Hal qaadka tallaabadaad hollatay
    Lugtaad hakisaan hoggaansamay!
    
    Dhul habatacay ciidda oo hodantay
    Dhirtoo hamashowday doog hadhsaday
    Xareed hilo iyo harooyin degtay
    Hantidoo dhashay deyladoo horratay
    Haleello maqasheeda heel ku furtay
    Horweyno ku foofay meel hadow leh
    Haloosiga baarqab hoobala
    Higtiisa higgaadda dhiillada
    Haadkii diday keenay hoosiis
    Hibaaq ka dhalaalay Haadaamo
    Hareeri ka muuqday Heegaale
    Hoobaan ka bislaatay Hawd sare
    Dayaxoo himir iyo huruud marsadoo
    Caweys ka hinqaday hoggiisii
    Horseed la socdiyo hoggaanno wata
    Qorraxdoo halabtiyo hillaabta dhigtay
    Daruuro ka hooray hoosteeda
    Fad iyo hogol loolli habar wacatay
    Hillaac iyo heego soo curatay
    Sidii hir fog baan ku soo higsadoo
    Indhuhu ku harraade halacdaada
    
    Hubsiinadu way hagaagsantahee
    Hadhow iyo mooyi hawlo danbee
    Horjooggaagu heello igu dhali..
    
    Hugiyo dharku haybta waa ka badh
    Hablihii kacay qaar hawaa lumisoo
    Xilkii hooyo way ka heermeen
    Hummaagay run moodayaan hodaya
    Hebliyo hebla hiil ka sugimaayee
    Hankaagu ka weyn hinaasaha
    Waxaad haysataa jidkii hore
    Sidaan hubo waad hal adag-tahay
    Hambalyaan kugu siiyay hirashada
    
    Hawraar murtiyeedda hadalkayga
    Waxaan hidiyaaba waa hees
    Hortaada, gadaal, hareeraha
    Hibaan ku daleeyay hilinkaaga
    Habeenkaagu waa mid hooda leh
    Ku hoyo nabad Heego-Muuq-Dheer
    
    
        
Hoobal   Dib U laabo
    
    			Ninka hirarka dhaadheer
    			Dadka kala hadlaayee
    			Qof kastaba la haystee
    			Ugu taga halkiisow
    			Kolley waan hubaayoo
    			Haasaasahaygiyo
    			Waxa aad had iyo jeer
    			La haloosiyeysaa
    			Hibo gaar ah weeyee
    
    			Hiddo maxaad ku dhaqantaa?
    			Hanti maxaad ka leedahay?
    			Hub maxaad ka sidataa?
    			Adduunyadu hir weeyee?
    			Maxaad haabanaysaa?
    			Maxaad haybnaysaa?
    
    			Waxa hoobal lay yidhi
    			Aan kuu higaadshee
    			Hiddo waxaan ku dhaataa
    			Afkii hooyadeennoo
    			Hanti waxaa ka leeyahay
    			Suugaanta hodanka ah
    			Hubna waxaan ka qaataa
    			Hal-abuurka midhahiyo
    			Hannaankiyo sargooyada
    			Qalab lagu hufaayoo
    			Lagu haadiyaayoo
    			Hugunkayga yeedhaa
    			Lagu hawl galaayoo
    			Heellooyinkaygaa
    			Bulsho lagu hagaayoo
    			Ka hallawsan weligii
    			Lagu hoga-tusaayoo
    			Hawraarahaygaa
    			Dhasha lagu habaayoo
    			Dadku hadalladayduu
    			Ka dhigtaa hal haysoo
    			Dhegtu heesahaygay
    			Hanqal taag ku maqashaa
    
    			Hayhaato meelaan
    			Halistiyo wax yeellada
    			Ka arkaa hog dheeroo
    			Hoydayda yeedhaa
    			Nacab soo hillaabtiyo
    			Horror lagu ogaadaa.
    
    			Birta waxa u haystaa
    			Hubka waxaan ku laayaa
    			Qofka himiladaydiyo
    			Neceb horu markaygoo
    			Hagar-daamo taliyee
    			Jecel hadimadaydoo
    			Horsed sheelan baan ahay
    
    			Hammi baa I lumiyoo
    			Hogashiyo wareerbaa
    			Hilbahayga laastoo
    			Haraggiyo laftii baan
    			Ku haddafayaayoo
    			Ma haleelo dhaymaha
    			Ma dhasado kalliilaha
    			Mas ku jiro hoggiisoo
    			Cawa daran la hoydoo
    			Hurdo loo mar dhigay baan
    			Anna haro-walwaaleed
    			Hora hora idhaahdaa
    
    			Inta aan higgaadiyo
    			Hindisaha ku jeedaa
    			Dadku iga hayaamaa
    			Hore layga guuraa
    			Inkastaan u heegnahay
    			Xilka aan hagoognahay
    			Misna habaqlahaygay
    			Haadii ka dheregtoo
    			Hanbo feenna mooyee
    			Hordhac kuma badhaadhoo
    			Hayinkaygu ima geyn
    
    			Weli hogol da'aysoo
    			Haaneedka uma qaban
    			Weligey hal curatoo
    			Duco iyo habaar baa
    			I hareera yaalloo
    			Waxan ahay nin hodanoo
    			Hayntana ka madhanoo
    			Adooigu hamiyayaan
    			Waxba ii huraynoo
    			Halac laygu dhaafiyo
    			Gacan-haadis mooyee
    			Qofna iima hagar baxo
    
    			Adduunyadu hir weeyoo
    			Hanti uma dudaayee
    			Halis igu dardaarana
    			Nafta haysan maynoo
    			Mar qudhay hallowdaa
    			Furataa hoggaankee
    			Dadka ii han weynow
    			Marka aad I hoysaan
    			Waa in lay hagoogtaa
    			Waxan hiil ka geli jirey
    			Ama hoo ka tari jirey
    			Hengel lagu taxgeliyaa
    			Hadhow lay xasuustaa
    			Hebbel lay yidhaahdaa.
    
    
    
        
Hud Hud   Dib U laabo
    
    Boqorkay huq iyo ciil
    Hagardaamo lumisow
    Hadimada kalgacalka leh
    Cilmigii u hoydow
    Heesaha baroorta ah
    Halqabsiga jacaylkow
    Hambalyiyo salaan iyo
    Hibo iga guddoomoo
    
    Kolley waan hubaayoo
    Hawlihii addunyada
    Heshay aayahoodee
    Hal yar aan ku toydee
    Jannadii ma hurudaa?
    Hadh qabow ma jiiftaa?
    Hoobaan ma gurataa?
    Hablo Xuural-caynii
    Sow kuuma heesaan?
    Waxa aad la haysaba
    Hoo kuma yidhaahdeen?
    
    Wedka lama huraayee
    Reer soo hayaamiyo
    Hayin raran ma kulanteen?
    Hor Illaahay adigiyo
    Hodan maysku aragteen?
    Ma is dhaafsateen hadal?
    
    Bal maxaan haweenkiyo
    Dumar ugu hilloobaa?
    Ama kula heshiiyaa
    Ugu hagar la'aadaa?
    Sowtay hir beeniyo
    Ku tuseen hillaacee
    Hogol aan da'ayn iyo
    Hanfi kuu aroorsheen
    Hirwo kuu garaaceen
    Hungo kuugu baaqeen!
    
    Sowtay ku hawleen
    Ku jareen halbowlaha
    Haadaan ku koriyeen
    Hore kuugu riixeen
    Hogga kuu dabooleen
    Hoos kuugu tuureen!
    
    Sowtay ku heereen
    Hengelaa ku saareen
    Gudcur kuu hillaabeen
    Ku dhigeen habaaskee
    Cidla kaaga hoyden
    Hororkiyo waraabuhu
    Hilbahaaga jiiteen
    Haadda iyo xuunshadu
    Hanbadooda feenteen!
    
    Waxaan ugu hamranayaa
    Hooyaa ka dhalatoo
    Naaskii habreed baa
    Iga hiilinaayee
    Wallee hawlahaan galo
    Iyo heegantaan dhigo
    Dumar lama haweysteen
    Ragba ma hungureeyeen
    Hanti lagama dhiibeen
    Guri laguma hoysteen
    Hadal lalama yeesheen!
    
    
    
Isa Sudhan   Dib U laabo
    
    Garan waayey sheekada
    Waxay gacallayaashay
    Geed iigu bixiyeen
    Dhirtu waysku gogol qudha
    Mase wada gudboonee
    Giddi maysku qaadaa
    Kay gaar u jeedaan
    May goonni sheegaan
    Maxay uga gabbanayaan?
    
    Gudub magacu waa hore
    Galbay oo la wada maqal
    Dunidoo dhan wada gaadh
    Gabdhihiina loo sheeg
    Iyadaan god loo deyn
    
    Gibishay I saareen
    Geestee u duubaa?
    Go'a lay huwinayaa
    Ma dhaliil gurracan baa?
    Gumar iyo ma ciin baa?
    Ma ganboor sunaan ahay?
    Gaagaabka cilinka ah
    Ma gadaal bax baan ahay?
    Mise gocondhadaan ahay?
    Mise gawlallaan ahay?
    
    Ma ammaan gayaxan baa?
    Gabre iyo madheedh iyo
    Ma galool mudhaan ahay?
    Mise tolow gobkaan ahay?
    Iyo lama garaacaan?
    
    Ha ka guban mar baan idhi
    Gacan baaban u holladay
    Inaan geysto dhawr jeer
    Misna waxaan gudoonsadey
    Horta inaan u kuur-galo
    Halka loo gol-leeyahay
    Waa goorma goorteed
    Gef dhacaan u haystoo
    Godob baan tirsanayee
    Sow waa gartoodee
    Garas jilif leh baan ahay.
    
    Guudkayga boqorrada
    Garaareeya heesaha
    Gallad qurux cod iyo luuq
    Shimbiraha u gaarka ah
    Gashan labada qaybood
    Haddii ay galaydhkiyo
    Galgalkiyo fadhiistaan
    Geesigooda caan baxay
    Gunta iyo salkaygana
    Goodaaddo nacabiyo
    Maska goodka halista ah
    Inta bahal gurguurtiyo
    Gungumaa ku shiri kara
    
    Waxaan ahay ma guuraan
    Gantadaydu adakaa
    Gaashaan biraan ahay
    Goblan tala adduunyooy
    Gabay jaaba-jaaba ah
    Jajab iyo guraangura
    Geel-kiiska maansada
    Suugaanta gocorka ah
    Xulka inan gumeedka ah
    Ninka maalin gelinkeed
    Moorkoos ka gurayee
    Garcan waayey baan ahay
    Alle gaarrisaniyaa
    Oo maxaase iga galay
    Intuu Gaasir ii wadey
    Googaalihiisii
    Anba ways gujinayoo
    Markuu gooddi meershaba
    Garashaan ku dirayee
    
    Ninku ways galaalee
    Murti wax ka soo go'ay
    Bal aan soo godlee qabo
    
    Isagoo galgaladkii
    La hadlaaya gabadhii
    Wuxuu yidhi guddoonshuhu:-
    
    "Samirkiyo dulqaadkiyo
    naxariista badan bay
    dadku igu ogaadeen
    nafta aad sugaysaan
    ma awoodahaygaa
    yamyam iyo qadaad weyn
    xataa caanaleydii
    booc uga tukubayaan
    markaan diiri waayaa
    laysii qodqodayaa"
    
    "Doofaarka ficil li'I
    naar loogu daayimi
    kol haddii dubbiyo waran
    duunkayga lala dhacay
    yaa dabarka igu xidhay
    horta maan dagaallamo
    anigu maan is daafaco"
    
    "Sow duruustu maahayn
    mudankiyo hal-doorkiyo
    marka geesi laga dilo
    dadku inay fadhiistaan
    waatan geenyadii Diran
    iska soo durdurisee
    duufaanka wadatee
    ma la waayey dabar adag
    iyo wiil dardara qaba
    ma inaan dumaalay
    dantu igu khasbaysaa?
    
    Duqu wuxuu u haystaa
    Dilku inu qardhaas yahay
    Dulmi lagu adkayn karo
    Duqu waxaanu garanayn
    Inuu dhiigga daataa
    Yahay dogobbo waaweyn
    Iyo xaabo lagu daro
    Dabka qoran kulaalee
    Lagu shido dareen guud
    
    Isagoo galgalad kale
    La hadlaaya gabadhii
    Wuxuu yidhi guddoonshuhu:-
    
    "Soddoh yahay la duufsaday
    sowdigaan bannaankiyo
    dibadaha u bixi jirin
    sowdigii dusuuddiyo
    weelkaaga xalan jirey
    yaa ciyaarta kugu daray
    kugu yidhi ku soo bood
    yaase kuu cimaamaday?
    
    Ma Rashiid Gadh-weynaa
    Kugu yidhi ganbooley
    Iyo guuri waayeel
    Garta waa u simanyiin?
    Ma ogtahay xilkaan sido
    Ruuxa soo damaaciya
    Inuu kiis bileys yahay
    Meesha yaan habaaskiyo
    Gabayooxu kugu dilin
    
    "haddaan doonto gaadhsii
    gaarriyiyo Hadraawiyo
    Gunxan iyo Burhaan iyo
    Ninkay Guush yidhaahdaan
    Ama Boobe ugu gee
    Gurigii Taywaan
    Bal aniga wax iga gura
    Horta garanba maynee
    Fara geliya yaa yidhi
    Arrimaha gudahayaga
    Xaggee bay ka kululyiin
    May shaqaalahaygiyo
    Xaajiyo khamsiintiyo
    Caasi waalideyntiyo
    Jinka naagihiisiyo
    Anigiyo darmaanaha
    Isu kaaya daayaan
    Jaas aanu dheellee
    Nin la soo kiraystoo
    Lacag doona baan nacay"
    
    Duqu wuxu jeclaan laa
    Ninkuu doono mooyee
    Dar kaloo ka geesii
    Daf inaanay soo odhan
    Dalan doolka Filibbiin
    
    Isba waxa ku dacal jira
    Dubatada dhallaankiyo
    Diin laawa-yaashee
    Wuxuu ii durkinayaa
    Wuxuu ii arkaa dool
    Nin dabaylo keeneen
    
    Duqu waxaanu garanayn
    Dunidaba sal iyo baar
    Inaan deyrku kala xidhin
    Ama diirku kala gurin
    In dagaalka joogiyo
    Dadku laba bahood yahay
    
    Isagoo galgalad kale
    Dadka gooni ula shiray
    Wuxu yidhi guddoonshuhu:-
    
    " Qarafsiga aroortii
    qadhaab doonashada guud
    qofna looma diidee
    haddii aan quwaax helo
    dadka kalena wada qado
    maxaa lay qaleeyaa?
    Ma wax baan qalloocshoo
    Qarankiyo dalkaan dhacay?
    Ma wax qiiro kiciyoo
    Laga qoomamoodaa?
    
    Dalku lacag ma haystee
    Shilimada ka soo baxa
    Qof haddaan la wada siin
    Qiyaash maashka ugu weyn
    Miyey qaybsamaysaa?
    Haddii laysku wada dilo
    Hadhow yaa mas'uul ka ah?
    
    Haddii berrito lay rido
    Ama geeshku igu kaco
    Anigaan wax meel dhigan
    Sidaan yeeli doonaa?
    Miyaan tuugsan doonnaa?
    Ma waxaydin jeceshiin
    Inaan daasad qaatoo
    Ceebeeyo Filibiin?
    
    Intii ay dhul weynaha
    Raggii dhoofay haysteen
    Sida awr dhufaanaa
    Usha laygu dhaqayoo
    Labadayda dhaban baan
    mid markay dhirbaaxaan
    ka labaad u dhigayoo
    intaas waan dhursugayee
    inta dhiisha qabada ah
    wuxuun iigu dhacayaan
    idinna maa I dhawrtaan?
    
    Wixii roob ku di'I jirey
    Wuxuu doog jilbaha dhigay
    Diihaal ma laqanyoon
    Dibnahaa qallalan weli
    
    Duqu wuxu ka marag kacay
    Danni horeba loo qabey
    In dorraad gumaystuhu
    Dusha sare ka raran jirey
    Duqu waxaanu garanayn
    Kol haddii dabuubtaas
    Dibnihiisa laga helay
    Denbi kale inay tahay
    
    Isagoo galgalad kale
    La hadlaaya gabadhii
    Dadka guud ahaantii
    Wuxu yidhi guddoonshuhu:-
    
    "Tartan xaashi tiris galay
    xujo socota weeye
    xabbad baahan haystaa
    ma xashiish can baan aha
    bilaash-xaytayaashiyo
    markaan naag asay xidhan
    xilka anigu aan sido
    u xayuubbinaayee
    xafiiskayga kuul iyo
    xinne iyo huruud iyo
    lala tegayo googarad"
    
    "Danyartay wad-wadatiyo
    naagtan waalaneey maqal
    dadka kuu gurmanayaa
    shalay daahir yaa shamis
    sawtay I doorteen
    wuxu diino badanaa"
    
    "Doorashadu mar weeyaan
    nin la doortay baan ahay
    sidii baan u doorrahay
    doorashoo dhan waan xidhay
    dabadayna lama furo
    haddii kale dab baa kacay
    imminkana digtoonow
    dib u jeesta oo taga
    ka su'aal ka keenow
    magacaaga ii sheeg
    ama diiddo weeyee
    anti baan ku qorayaa"
    
    duqu wuxu jeclaan laa
    midho daray had iyo jeer
    duuduub in lagu liqo
    waxse aanu kuba darin
    in la yidhi ha laga dayo
    dirxi inu ku hoos jiro
    
    isagoo galgalad kale
    la hadlaaya gabadhii
    wuxu yidhi guddoonshuhu:-
    
    "Madaxnimada Filibbiin
    ma dadkay u siman tahay
    miyaan aniga lay siin
    miyaan Riigan odhan hay
    kun miyaanan shay dilin
    kuman kalena dhaawicin
    kumanyaal xabsiga dhigin
    duqa iga sarreeyaa
    markii uu warkaas helay
    sowkii maqsuudee
    hambalyada qoraalka ah
    deg deg iigu soo diray
    hubka yidhi ha loo raro
    haddii aanan toosnayn
    sow muu cadhoodeen?
    
    Anna ima canaanteen
    Ma duruusihiisaad
    Igu beeninaysaa?
    Dal hadday ku badan tahay
    Deldelaada dhimashadu
    Dabar go'u bannaan yahay
    Hub markaaba soo dega
    Dawladiisu waa caan
    Inaan doorkan maanta ah
    Deeqdas cid kale bixin
    Dunidu way ogsoon tahay.
    Axdiyohow ha lumin
    Ugxan yahay ha dhicin
    Ashkiryohow ha jabin
    Ubax yohow ha dhiman
    Udub yohow galool
    Oggolow dhiggaa
    
    Nin cuskaday Illaahay
    Eebbay ku magan galay
    Kuma qado agtaadee
    Arrimaha Rabbow
    Soo uruuriyeey
    Adduunyoy hadduu
    Nin ku aaminaa
    Helo aayatiin
    Ha lagaa arkee
    Ishaarada nin goba
    Ha ka eexanneey
    
    Iima badan naftaydaay
    Dadku waaya-arag buu
    Hadba awr ku guuraa
    Wax Illaahay kuu qoray
    Cidi oolin maysee
    Ukuntii dillaacdoo
    Ababoo fogaatoo
    Kambalkiyo ardaagaad
    Ku ogeyd ma joogtoo
    Shimbir ay ku nooloo
    Laba baal aroortii
    Urur kale la duushaad
    Umal taah naftaydaay
    Ku ugaadhsanaysaa
    
    Ruuxaan aqoon iyo
    Axdi naga dhaxayn bay
    Dadku igu sidkeenoo
    Eebbow runtii bay
    Asaraarayaanoo
    Qof ammaanaddaadiyo
    Wacadkaaga iibshay
    Addin iigu xidhayaan
    Anna xuural-caynaad
    Rabbiyow abuurtoo
    Amranoo la yaabloo
    Ka qarsoon adduunkoo
    Circa oogadiisiyo
    Abataqan ku nooloo
    Qof ilaasha mooyee
    Cidi aanay aragoo
    Maalmaha Isniineed
    Iyo labada Iidood
    Eedaanka subaxdii
    Dhulka soo abaartoo
    Awliyada jacaylkee
    Arammidu ku mudan tahay
    Marta aqalladoodoo
    Wadne abur tufaayoo
    Olol iyo dab yeeshoo
    Aslanoo casaanoo
    Ooyaaya dhiigoo
    Dhexda eebo kaga taal
    Ku afura tidhaah-daa
    Indhahaysgu haystaan
    
    Ul madheedhahoon
    Hor Illaahay iyo
    Abaal laysu siin
    Orod lagu helayn
    Awood lagu hantiyin
    Ayaan iyo nasiib
    Ma ka adag yihiin?
    
    Adduun iyo kalgacal
    Haday wada ordaan
    Hal-abuur tolow
    Wax ma iibiyaa?
    Beer oodanoon
    Irrid furan lahayn
    Haddii ubax jacayl
    Ula sare ku yaal
    Naf oggoli talooy
    Illinkee martaa?
    
    Nin abwaanahoo
    Ka arradan gacmaha
    Ka irmaan dibnaha
    Tolow Ina Suldaan
    Afku maw gudaa?
    Hadday welli Alliyo
    Uur-ku-baale tahay
    Hadday aawadeed
    Adhaxdiyo wadnaha
    Waxaa iin ku yaal
    Kail-sugan lahayd
    Indhaheeda tolow
    Ilmo lagu samara
    Ma ka iman lahayd?
    Oda lama filee
    Afti iyo haddii
    Ergo loola tago
    Tolow aabbaheed
    Muxuu odhan lahaa?
    
    Urugiyo xusuus baa
    Asaraarka faallada
    Saqda dhexe abuuree
    Umal iyo ladh soo kaca
    Wakhtiyada inkaarta ah
    Maxaa lagu illoobaa?
    
    
    
Indho Badan   Dib U laabo
    
    God abeeso ninkii
    Illinkeeda degow
    Taladaadu iyaa
    Ma allow sahal baa?
    
    Arraweelo markay
    Laba eefka lahayd
    Igadh geela haddii
    Nin aroorsan lahaa
    Amarkeedu hor yiil
    Odhan mayno kolkey
    Awooddii rag dhintay
    Sii agaasimatoo
    Aakhiruu ku maqnaa
    Ugaaskay dhaxashoo
    Arrimii dhacay qaar
    Utintooda haddeer
    Lama oogi karoo
    Abba looma hayoo
    Sheekadaaba iskeed
    Ma amaahan karee
    Halka aahdu ku taal
    Waa la sii axadhaa
    Godob oofa ruqdaa
    Aabudhkeeda riddoo
    Alolkay jaratoo
    Ibahay furatoo
    Aslimayno dhaliil
    Odjamleedi durkee
    Immankaynu hubnaa
    Waxa eegga jirree
    Awgayow taladii
    Ifka maw rogannaa
    
    Naca jooji arbow
    Eela weynta hambee
    Ayaxow ayaxow
    Ayaxow weligaa
    Ayda waad dhilataa
    Eelna waad ka tagtaa
    Aafadaada miyaa
    Aagna looga gudbayn?
    
    Ashkirow farasow
    Aadyar baa la socdaa
    Orod kaagu labbaa.
    
    Ban aroori kaxaa
    Mar ugbaadku simaa
    Dhal aboodi halkuu
    Ogxantiisa dhigtaa
    Aadamuu mar jantaa
    Meel aboor degey baa
    Mar iftiin ka baxaa
    Gole aammus badnaa
    Mar mar baa idhi taas
    Anda-qaad ku bataa.
    
    Ma aqoon ma aqoon
    Ma aqaanno darkii
    Isagii han-hinnaa
    Waxa loo egmadee
    In dhoweydba sidaas
    Afartiisa rugood
    Agab baa la dhigtoo
    Oommanaa fadhiyee
    Ifafaalaha guud
    Abshir baa dhalatee
    Waxaan awda hayaa
    Ma ishaara san baa!?
    Ma abaabul shar baa!?
    Onkod gaaxdey miyaa!?
    Ma cir soo olkamaa!?
    Ma illiilo socdaa!?
    Ma xer tuugi Allaa!?
    Ma hayaan ulan baa!?
    Ma dagaal uganoo
    Laysu eeba gurtaa!?
    Ma col awdalan baa!?
    Ma ibleys qaxaya!?
    Ma insaa ma jinnaa!?
    Ma ardaa ma shinna!?
    Ma aleelo qubtaa!?
    Ma adeeri dhashaa!?
    Ma arraa ma urraa!?
    Ma awaarre kacaa!?
    Ma ufaa ma dabayl!?
    Ma asmaa ma Xanuun!?
    
    Ubaxeey Ubaxeey
    Indh yaab badanaa!
    Kugu eegma batee
    Maxay soo uriyeen
    May ayaamaha qaar
    Kugu soo ururaan
    Immisaa jirey waa
    Oontu kuu tirsanayd
    Immisaa jirey waa
    Arradkaagu sinnaa
    Immisaa jirey waa
    Noloshaadu adkayd
    Immisaa jirey waa
    Ajakaagu furraa
    Immisaa jirey waa
    Abaalkaagu sugnaa
    Immisaa jirey waa
    Ayaankaagu dednaa
    Immisaa jirey waa
    Adduunkaagu madhnaa
    Immisaa jirey waa
    Ishu kaa han-fogeyd
    
    Wax aqoolka haddeer
    Uskag baa ku jiree
    May ayaamaha qaar
    Korka kaa asturaan
    May ayaamaha qaar
    Wuxuun uu illiyaan
    Uurku wuu ku madhnaa
    May waxuun Ubaxeey
    Afka kuugu riddaan
    Adoogaa dabadiii
    May agoonimadii
    Aabbe kaaga noqdaan
    May illaahay hortii
    Irbad kuugu huraan
    Alif waa derejee
    Aqoon may ku geshaan
    Erey may ku faraan
    Loo adeegsado meel
    Aayahaaga hor yiil
    May ammaan ka dhigaan!
    
    Abeer baanad ahayn
    Oogadaan ku billayn
    Awrtan qooqday haddeer
    Abaar ba kulanteen
    
    Ummaddeennu jidkii
    Kii islaamnimadii
    Ahabtii faralkii
    Asalkii dhaqankii
    Isirkeedu lahaa
    Way ka soo ambatoo
    Aarankay dubatoo
    Ubaxeey hablihii
    Ololaa ku socdoo
    Ubaxeey sannadkii
    Boqollaal ugub baa
    Axankooda qashoo
    Ammintiiba kolley
    Inan baa dhimatoo
    Aqal baa dumayoo
    Udub baa jabayee
    
    Arartaydu malaa
    Asaraar ma gashee
    Ubaxeey warar baa
    Agaaha jiroo
    Olloggaaga badh baad
    Xog-ogaal u tahoo
    Adigaaba yaqaan
    Gabdho ooda rogtee
    Ba albaabkan garaac
    Ummul baa hurudee,
    Wax ku oogan xanuun
    Aamanuun gubayoo
    Umal baa shidayoo
    Ammuurii dhacay bay
    La asqaysantahoo
    Ilmahay dihataa
    Xalay eydu cuntoo
    Naxariista illayn
    Anshax baa dhaliyee
    Haddii uurka habreed
    Astaan gaara lahaa
    Hooyadii amranayd
    Arxan goysey markuu
    Xeer illow ku dhacoo
    Ubadkii magantaa
    Haadku eeganayaa
    
    Eerashoy bi'iwaa
    Iil dhexdisa haddaan
    Obocdeedu qubnayn
    Sow ma soo olosheen
    Aaway beer debicii
    Aabi baa lumiyee
    Arladeena miyaa
    Naas irmaani jiraa?
    
    Shan afraad shan afraad
    Birta kii ka aslaa
    Oori deydeyayee
    Aroosow magacaa?
    Ilko dhiigle maxaa
    Lagu aaminayaa
    Dhego awdan miyey
    Odayeyntu gashaa
    Irdha qaado ragow
    Naftaad aasi taqaan
    Waad abuuri kartaa
    
    Rag miyaad Ubaxeey
    Alabkiisa taqaan
    Asaydaada mar buu
    Ashqaraar huwiyaa
    Al-alooska gobeed
    Waa ka aar gudashoo
    Lama ooyo dhurwaa
    Ishinkuu legdadee
    Gabadh iilatay hooy
    Ayaanteeda madow
    Alwadkeeda ninkuu
    Alalaas geliyaa
    Uur ku taallada wuu
    Wuu ka iidsanyahoo
    Iman mayo halkuu
    Ka alaabo gurtee
    Ool waxay ka sidaan
    Ergo waa ta dhahdee
    Eedi hayga hadhee
    Waan afeefanayaa.
    
    Ubaxeey bahalaa
    Ku ilaashanayoo
    Ubaxeey hororaa
    Ku ugaadhsanayoo
    Araraa kugu dhow
    Orgobaa fadhiyoo
    Aarna waa gudayaa
    Iimo kaa deyayaa
    Geenyo aamus taqaan
    Tuugba waa eryadaa
    Mar baa ayrada geel
    Oohow loogu digaa
    Anfariirka dareen
    Adhibaaba didee
    Ahmin baa la gataa
    Hilbahaaga Ardooy
    Lama iibsan karee
    Aanadaada ha deyn
    Rag ul baa celisoo
    Ka adkayso qudhay
    Ammaantaadu tahee
    
    Waa arooryo horoo
    Orka kuu baxayaa
    Amba qaadka salad
    Weeye loo addimoo
    Hadal waa la abyaa
    Waa la soo ururshaa
    Arrintaada marwooy
    Wixii iiga ekaa
    Horaan kuu idhee
    Arbacuunkani waa
    Abhintayda danboo
    Waa ilayska hadeer
    Addinkaagu halkuu
    Ku abaaranyahoo
    Waa ammaano dadeed
    Amarkaan ku faro
    Waa asaaska halkaan
    Ka awaala digoo
    Axdigaas culus baan
    Adhaxdaada furee
    Sheekadaada ogow
    Idlaadkeeda hadhow
    Adduunkaa sugayee
    Af-dhabaandhab haddaad
    Oofin weydo xilkaas
    Way ahaan jirtey saas.
    
    
    
    
    
Jeegaanta   Dib U laabo
    
    Jeegaanta dhalatee
    Cirka lagu dhexroore
    Dayaxoo dhammaysoo
    Dhulka dacal ku haystiyo
    Qorraxdoo dhacaysoo
    Dhiganaysa baallaha
    Midba dhool ku mudataay
    
    Weli waxaan dhafoorkiyo
    Dhabannnada la haystaa
    Heegandan dhaqaaq-joog
    Waxay dheelli-socotaba
    Soo caana dhuratee
    Kugu qabatay dheeggee
    Dhammidaa tin iyo cidhib
    Kugu dherersanaysiyo
    Ta kalee ku dhaaftee
    Dhican kaaga rutatee
    Dhudhun kaa fogaatee
    Ha hillacday dhuuxee
    Dhibic iyo mahiigaan
    Ku dhirbaaxday ciiddee
    Dhirta wada ruxaysoo
    
    Waxa dhaygag ii diley
    Midabadan dhinbiilaha
    Dharka wada xariirta ah
    Dhexda kuugu duubee
    Midba dheeha gaarka ah
    Xubin kaaga dhiibshoo
    Waxa adiga kaadhigan
    Ama baro ku sii dheer
    Qurux kaaga sii dhow
    Middan dhaxanta jiilaal
    Dabka iga dhex shidatee
    Wadnahayga dhilatee
    Dhillow-yahan sidiisii
    Dhan kastaba u raacdee
    Xididdada u dhaaftee
    Dhiiggii ka shubatee
    Xinjirtii ka dhuratee
    Sida dhaanka jiilaal
    Dhabarkayga raratee
    Dhoomaha I saartee
    Jidka aan dhammaanayn
    Igu tidhi ku dhererow
    
    Waxba yaan ku dheeraan
    Arrintayda dhabaqdiyo
    Sunta igu dhalaashiyo
    Dhigtan udubka weydiyo
    Lurka dhaawacaygee
    Dhallinyaro rag iyo dumar
    Dhawr baan aqaannaa
    Dhugatada kalgacalkiyo
    Wada qaba dhukaankoo
    Dheehashada jalleecada
    Isu dhaafi waayee
    
    Dhede xidid ahoo qudha
    Dhaayaha ku wada yaal
    Inkastay dhaqmaadkiyo
    Dhalashada wadaagaan
    Dhayal iyo fudayd baa
    Wed u kala dhaqaajaa
    mid dhacdaa halkeedii
    ta kaleeto dhaxashaa
    nafta laba dharaar qudha
    isu dhiibi laayoo
    sida dhegaha oo kale
    isu dhiman lahaabay
    dantu oodo dhacameed
    midba dhinac u saartoo
    arrintoodu dhiif iyo
    dhul ku foorar joogtaa
    
    kala dhiman adduunyooy
    ninkaad dheriga siisaa
    intuu dhuxusha hoosiyo
    dhardhaarrada ku maqanyaa
    dhagarta iyo geeridu
    dhoobada u qooyaan
    dadba wuxu dhammadaa
    intuu dharabka doogga leh
    dhutis ugu tukubayee
    hadba meel ku dhaxayee
    maxaan kaaga dhololaa?
    
    
    
    
Jiitama   Dib U laabo
    
    Dhudu geenyadaydii
    Dhex-yartii shakaallayd
    Dhirifkiyo wisiisiga
    Dharjadii ku tumatoo
    Jarihii ku dhabatoo
    Dhufsataye u sii daa
    
    
    Magaceedu waa dheel
    Heensaheedu waa dhiin
    Shalmad dhabaq-guduudiyo
    Dhowloosyo dahabiyo
    Sitaac dheeh leh baw xidhan
    Baal dhalalaayaa sudhan
    Kun hal bay u dhagantaa
    Dhanbaal bay siddaa culus
    Dhalandhoolka tiigta ah
    Hadday maagto dheemaal
    Ama dheelmad soo galo
    Dhudhubaha shareerka ah
    Iyo jararka dhiibta ah
    Iyadaa dhanbalatoo
    Dhabbadeeda falatoo
    Tubta sugan ku dhacantoo
    Abataqan dhoweysee
    Dhaxaad humhumatee
    Ma dhan tahay Sarmaanow
    Isma Dhiba ku soo bood.
    
    Sida badowga haw dhiqin
    Dhiiftu way cabudhisaa
    Yaanay dhaadin guul guul
    Xakamaha sal uga dhawr
    Ha la dhicin rakaabbada
    Nabar kulul ka dheeree
    Dhengeddana ha ku adkayn
    Yaanay koora dheelliyin
    Dhacadiidka fara badan
    Dhabarkaa ku daalee
    Dhaqdhaqaaqa tarantari
    Tabahana u dhiib dhiib
    Dhabdhab orodka booddada
    Ha ku dhegin majiiraha
    
    Hadba dhaad isugu taag
    Hadba dheeg iskaga looh
    Uga suul dhabaalee
    Hadba dhinac u diga-rogo
    Dhudhun iyo badh sii soco
    Isku dhereri gaaddada
    Bogga dhaxanta kaga qabo
    Dhulka gacanta saar saar
    Hadba dhagax ka soo qaad
    Dhanka kale ka soo fuul
    Hadba dhool ka muunsood
    Dhoorka raanta tuurtiyo
    Taataabo dhabannada
    
    Dhaw-dhawda kala quban
    Hal-abuurka dhabaqda leh
    Hawraarta kala dhiman
    Tixahaan dhugta lahayn
    Way ku dhega barjowdaa
    Dhudda gabaygu leeyahay
    Ereyada dhexroorka leh
    Suugaanta dhaladka ah
    Kula hadal af dhawrsoon
    Ha ka dheregto maansada
    Dulucdana dhacdo u yeel
    Nin la dhawrayaad tahay
    Waa lagaa dhursugayaa
    Yaan darmaantu kula dhixin
    Dhakhsaheedu waa laydh
    Badi soo dhirbaaxdee
    Dhag-dhagtiyo xawaaraha
    Yaanay dhaafin yoolkii
    Ina Dhamac ku sugi jirey
    Isba waa dhigaygee
    Dhoodaanna tala geli
    
    Dhugashada ayaamaha
    Haddaan dheehdo waayaha
    Sooyaalka dhaxalka ah
    Waxay dhaayo joogeen
    Hadda shalay ma dheerayn
    Waxa dhacay ma fududayn
    Weli dhaar ma beenayn
    Maalmihii dhanaanaa
    Wixii dhiif la soo maray
    Iskastoo la dhabar jabay
    Laysma dhiibin goobii
    Dhederbiga la geylamey
    Mana jirin qof dhawrsaday
    Dhaqan iyo hiddaa jirey
    Dheg la xeeriyaa tiil
    Dhaqashadu hal maahayn
    Dhiigna waa la huri jirey
    Dhumuc waa la ridi jirey
    Badna waa la dhuri jirey
    Guulna waa la dhalin jirey
    Dhiiri buu hubku ahaa
    Dhaadashaa hanku ahaa
    Marka dhabi dhabteed tahay
    Dhidar wayska tegi jirey
    
    Miyaan dheelallaysnahay
    Mise waan dhadhabayaa?
    Dhammaan guulahaygii
    Riyo iyo ma dholol baa
    Ma dhibaad nin bixiyaa?
    Ma runtaan dhacdo ahayn
    Dhagaxtuur ma been baa
    Labadii dharaarood
    Mee ninkii is dhinac sudhay?
    Miyaan daayey dhagartii
    Mise dhiilladaan jirin
    Mise tolow dhalooshaa
    Dhibidkeedu adag yahay?
    
    Dhirta waxa ku jira geed
    Wac wac iyo dhalaal badan
    Dhulka hoose kama baxo
    Dhuuni yaalla kama qado
    Damal dhuumo maaliyo
    Dhamastii hadhka lahayd
    Marka dhuuxu ka engego
    Ma ogtahay dhillowyahan!
    Hadduu dhaashto jiilaal
    Ama dhiibsho laamaha
    Naxariis la kala dhaco
    Dhardharraanta quruxdiyo
    Dhaaddanaanta liqanyada
    Si kaluu u dheegtaa.
    
    Maan dhabtayda faaqido
    Dhubbad-qaad la daba galo
    Cidla maan is kula dhaxo
    Horta ooda dhacameed
    Maan tilmaan ku kala dhigo
    Dhalliishaydu waa tuma
    Dhaymahaygu waa maxay?
    Dhabadaan ku taagnahay
    Hadday laafyo dheer tahay
    Dhowrteedu badan tahay
    mid ka dhow ma helayaa?
    
    Haddaan dhay la heli Karin
    Ama sixin la dhami Karin
    Maan dhunkaal ba heensado
    
    Dheeraad nin haystoo
    Aqalkiisu dhalo yahay
    Nabaddiyo ku dhaqan keed
    Hadduu tuuryo dhaafsaday
    Miyaan kiisa dhagax Karin
    Maan dhadhaabta xaabsado
    
    Hadday dheeshu laba tahay
    Anigiyo dhurwaagay
    Ka dhaxaysey guushii
    Dhiniciisa ka holladay
    Maan dhankayga ka guntado
    Qayl- dhaanta sama-doon
    Nin hadhkiisa uga dhacay
    Dhawaaqayga sahashadey
    Inuu ii dheg taagoo
    I dhegeysto maan baro
    
    Haddii awr dhufaanii
    Isku saydhay dhibidii
    Dhirta maan jejebiyoo
    Anba dhoosha ka cartamo
    Haddii dhoobi fara baxay
    Dhoobeeyey taladii
    Anba maan hengelo dhigo
    
    Nin dhukani hadduu jiro
    Anba maan is dhega maro
    
    Nin dhibtayda magan galay
    Anba dhiillo maan bado
    Dhaawacayga hoog iyo
    Dhimasho maan ku soo bedo
    
    Ninki Dheeha gawracay
    Hadduu dhuuni qaatiyo
    Hubkuu ciidda dhaafsaday
    Dhan kastaba iskaga xidhay
    Xilli aanu dhaadeyn
    Sida jibin dhinbilo kulul
    Ama danab dhanbala ridey
    Ama dhibic gudgude wado
    Dusha maan ka soo dhaco
    
    Hadday dhooftay nabaddii
    Cirka looga xero dhigay
    Dhoonbir maan ku soo rogo
    Hadday ceel dhexdiis taal
    Dhiigba maan ku soo guro
    
    Dhambaalkaasi waa baaq
    Dhawaaq weeye joogta ah
    Dhahay oo haddana dhahay
    Dhigay oo haddana dhigay
    Hadba dhinac ka soo diray
    Hadba midab u dhalan rogey
    Nin dhegaystey fara badan
    Ninse dhuuxay sheekada
    Wax ka dheegtey mooyaan
    Anna dhaawac igu gaadh
    Dhimashiyo hed mooyee
    Suugaanta dhacanta leh
    Dhibba haygu noqotee
    Inaan dhaafo lama sugo
    
    Ma intaan dhitinayee
    Arrintayda dhilayee
    Dhebigeeda qorayaa
    Bahalkii dhabbacan jirey
    Iga galay dhufayskii
    
    Dhayalsigu lur weeyee
    Ma dhabbiibyey nabarkaan
    Dusha sare ka dhayi jiray
    Dhulka iyo dadkiisii
    Intay dhiillo saarayd
    Toban iyo ma dhawr baa
    Dhaqaaq joogsigaygii
    Sannad kale dib may dhigay
    
    Intaan hawlo kala dhiman
    Dhirin-dhiris ku foognaa
    Maygu dhalatay Jiitami
    Dhaylo dubato caawana
    Ma ku iiddey dheel-dheel !!!
    
    Goobtu dhaygag badanaa
    Meydna waa dhex-yaallaa
    Dhiigna waa qulqulayaa
    Dhabataala cunayaa
    Dhamac baa la tuban yahay
    Dheella waa la tumayaa
    
    Ma bishii dhabcaalkiyo
    Dhaar jiidhka fuleyga ah
    Dharaar-maalka tuugga ah
    Nin gumeysi dhaansado
    Taladii u dhiibtaa? !!
    
    Ma bishii ma dheregtada
    Iyo dhaysa weyntii
    Gobanimada dhaawacay
    Nimaan dheefta mooyee
    Dhiska qaran ku hawshoon
    Dheeraadka siisaa
    
    Ma bishaan dhoweystee
    Dhololee ku dhololee
    Dhawraayey sebenkee
    Sugey dhalashadeedee
    Dhiciddeeda raadshaa
    
    Ma bishaan ku dhaatee
    Dhidibkeeda taagee
    Dhismaheeda ficilkiyo
    Dhudhunkiyo laxaadkiyo
    Ku dhabeeyey kaarkee
    Dhoobadeeda ciidda ah
    Dheecaanka seeddiyo
    Ku waraabshey dhididkee
    Dhaxan igu bannaysaa
    
    Ma bishaan u dhacartee
    U kal tiriyey dhaaxee
    Dhiilkeeda tolayee
    Ceeryaamo dhacantiyo
    Dhedo lagu hungoobiyo
    Dhalanteedka beenta ah
    Dhibicdeedu noqotee
    Dhicisee is nuugtee
    Waxba dhiiqi weydaa
    
    Ma bishii dhallaankiyo
    Dhallinyariyo waayeel
    Dhaddig iyo lab labadaba
    Dhammidood qalqalatee
    Waxba dhaafi weydaaa
    
    
    Ma bishii dhaqaaliyo
    Dhaqankii burburisee
    Isku dhuuqday labdaa
    
    Ma bishii dhadhamadiyo
    Dhafan-dhaafka hogoshiyo
    Wax la mariyo dhuuntiyo
    Qaran lagu dhillaystiyo
    Dharabbada u xilatee
    Dhulka lacag ku gadatee
    Dhirta wada arradisee
    Dalku dhaxal wareegaa
    
    Ma bishii la dhuuntee
    Sida eeri dhabankii
    Dhabbadiyo jidaashiyo
    Lagu jiitay dhoofkee
    Dalka laga dhuyaalaa
    
    Ma bishii dhanqalankiyo
    Dhawa-welanka hooggiyo
    Xabbad dheelli socotiyo
    Qabri laysku dhacanshiyo
    Xabsi lagu dhabriiriyo
    Dhaca iyo colaaddiyo
    Dhagartiyo shirqoolkiyo
    Dhimashada jideysaa
    
    Ma bishii laf dhabarkiyo
    Afarteeda kala dhigan
    Udubkiyo dhigtiisii
    Dhoomihii is celin jirey
    Dhaayihii is tebi jirey
    Gacal wada dhaqnaan jirey
    Hilbihii is wada dhalay
    Dab dhexdooda gelisee
    Dadku kala dhaqaaqaa
    
    Dhugucdada xajiinta leh
    Waxa loo dhab dhabayaa
    Toddobaatan iyo dhowr
    Ama boqol dharaarood
    Ama tiro wax sii dheer
    Nafta loogu dhibayaa
    Dadka loogu dhacayaa
    Dhaxan loogu joogaa
    Dhafar iyo hurdo la'aan
    Dibad loogu dhaxayaa
    Dalka oo dhan nuurkiyo
    Dharka loogu xidhayaa
    Dhaanto loogu tumayaa
    Dhaldhalaalka beenta ah
    Ayaan dhuux ka hoosayn
    
    Dheeha muuqa guudkaa
    Nuxur looga dhigayaa
    Hadii ay dhabeel tahay
    Dadka lihi ku dhaataan
    Wuxuu dheefa lagu qabo
    Dhag dhag iyo durbaan iyo
    Dharba looma baahdeen
    
    Ninka dhacanta jiitow
    Dharka ceebta qariyaa
    Hadal iyo dheh maahee
    Dhaqan suubban weeyaan
    
    Dhimashadu xabaashiyo
    Kafan laba dhudoodiyo
    Rubaddoo ku dhaaftiyo
    Iil dhexdiisa maahee
    Dhilashada jidhkaagiyo
    Sharafkoo dhantaalmiyo
    Dheg xumaanta weeyaan
    
    Haddaad dhuuxday bawdyaha
    Miyaa dhawrsi kuu hadhay
    Ma xanuun la dhaadoo
    Lala dheellintaa maqan
    
    Dhib waxaanku marinlaa
    Adigaa dhammaystee
    Haddii dhoof ku soo galo
    Adigaan is dhalan rogin
    Ama dhuuman saas yeel
    
    Haddii mawdku kugu dhego
    Dhabaqsigu ku sii hodo
    Dhamme kuugu soo galo
    Dhakhso iyo si kedisa ah
    Isha oo ku dhugatoo
    Ku dhalliisha mooyee
    Dhoonbirkaygu kuma geyo
    Nabar geesi kaa dheer
    Birsol kaa dharaarow
    Kuma darin dhallaankiyo
    Dhasha oo ku ximisoo
    Dheesha maarrarowga ah
    Kugu jiidha dhoohnaan
    Iyo dhoobo digasha ah
    
    Dhinbilaha I shidayaa
    Dhiciddaada maahee
    Dhulluxaad abuurtiyo
    Dhidhkaad reebtay baa badan
    Dhiilladaydu waa taas
    
    Hadal iyo dhammaantii
    Bal aan dhaarsho heestee
    Waxay dhaabadii tahay
    Marka dhamac la huriyee
    Dhuxul iyo dab ololee
    Dhirta nooli gubataa
    Gari dhaaya furataa
    Dhafoor taabashada qaar
    Ha is dhigan nin diidow
    Ha u dhuran waraabii
    Laftuu dhuuxay eersaday
    
    Adoo dhiibey hayntaa
    Dhaxdin iyo dalkii huray
    Adigoo dhashaadii
    Dhawaqiyo codkoodii
    Ku dhaqaajin waayeen
    Yaan ninkii ku dhaxal tiray
    Adoo caara dhuubtiyo
    Dhulka nabarku kaa yaal
    Dhaxan kaaga daba iman
    Dhillistiisa kugu dilin
    Yaan lagaaga soo dhicin
    Dhinacaan is bixin Karin
    Dhacadiid iska ogow
    Dhagartana is weheshada
    
    Hayska dhiman sidii neef
    Horta dhiig ku faraxalo
    Dhudhun kaa hor jeedaa
    Ku dhirbaaxi maayee
    Dhumucdaadu waar hooy
    Dhumucdaadu yay hooy
    Dharab-roorka kugu jebin
    
    Inantaada dhege culus
    Dhiidhiibso kula tali
    
    Gacan baa wax dhalisee
    Ha dhur sugin ayaamaha
    Hana dhawrin maalmaha
    Dheeshu xeego maahee
    Waa dhabiiltan gobanimo
    Dhidar fule gashaantida
    Boqorkiyo dhaclaa xidhan
    Yaanu kaaga dheerayn
    
    Baadi dhiilka buuxsamey
    Dhici guusha maganta ah
    Nidarkiina dhaqan geli
    
    
    
Jacayl Dhiig   Dib U laabo
    
    
    Jacayl dhiig ma lagu qoray
    Weli dhuux ma loo shubay
    Qofna saanta dhabarkiyo
    Ma u dheegey feedhaha
    Dhabanada cad laga jaray
    Hadalkii ma lagu dhigay
    Xinjir aan is dhalan rogin
    Midabkeedu dhiin yahay
    Laga dhuray halbowlaha
    Weli dhiil ma lagu shubay
    Laba mays dhansiiyeen
    Sida dhayda xoolaha
    Dhag dhag maw wadaageen
    
    Weli laba is dhaarsaday
    Beryo dhacan nasiib iyo
    Dhul ku kala cillaalaa
    Subax dharabku kowsadey
    Dhedaduna cuddoon tahay
    Cidla aan dhir mooyee
    Wax dhaqaaqayaa jirin
    Jabaq maysku dhaadeen.
    
    Kulankii dhabta ahaa
    Riyo dhiifi keentiyo
    Dhalanteed ma moodeen
    Sida ay dhadhabayaan
    Dhawr jeer ma seleleen
    Af dhabaan dhab jamashada
    Ma ka dhoofay hadalkiii
    Bal dhaqaaq na kay tahay
    Dhihidii ma waayeen
    Ma ka dhabaqday xaajadu
    
    Ilma dhalatay xiisuhu
    Sida dhibic ma hiigaan
    Ma ka qubatay dhaayaha
    Ma ku qoyey dharkoodii
    Naxariis ma dhidideen
    Iyagoo dhanqalankii
    Dheel dheelli mooyee
    Dhegna aanay kaga jirin
    Kolba erey dhex roorkiyo
    Dhumucdii ka maqantahay
    Dhitinaaye keligii
    Ka dib tooban dharaarood
    Carrabkiyo dhanxanagii
    Dhirindhirid ma ku heleen
    
    Laba guul u dhalatoo
    Isu dhiganta weeyee
    Dabadeed dhabeeshii
    Hanadkii ku dheeraa
    Dhudi mays bariidsheen
    Dhubbad qaadka sheekada
    Qofba dhagarta caashaqa
    Wixii dhaaxo soo maray
    Ma dhex galay kalkiisii
    Ma akhriyey dhambaalkii
    Warka maysu dhiibeen.
    
    Kalgacayl dhito ahaa
    Dhamac iyo dab huriyeen
    Dhuxuliyo ladh soo kacay
    Hadba dhoon ma buuxsheen
    Kolba dhacan ma jiideen
    Dhacdadiyo u jeedada
    Qofba dhaadashada guud
    Qofka kale dhankiisii
    Inaan looga soo dhicin
    Ma ku dhaabadeeyeen
    Sannad mays dhegeysteen
    
    Ma dhalaalay waagii
    Dhag ma tidhi cadceedii
    Intay soo dhaqaaqeen
    Iyagoon ka dheeraan
    Dhaqankiyo xishoodkii
    Dhaymana u jeel qaba
    Iyadoo dhexdoodii
    Dhulka suxul banana yahay
    Dhibta maysla taageen
    Wax intaa ka sii dhow
    Ma ku dhiiran waayeen
    Dhayal laysu taabtiyo
    Dhallinyaro habkeedii
    Ma ka dhega adaygeen
    Dhadhansiga miliilica
    Isha mayska dhawreen
    
    Dhabbaday is taageen
    Qofba dhaabaddiisii
    Sara joog dhankiisii
    Kun habeen ma dherernaa
    
    Dhudhummada aboorkii
    Dhulka hoose kaga baxay
    Dhilashada jidhkoodii
    Ma dhanbalay sartii guud
    Ma dhammeeyey hilibkii
    Xidididada ma dhaawacay
    Ma u dhaafay seedaha
    Lafta hoose maw dhacay
    
    Dhiilluu ku geliyaa
    Ama waad dhalliishaa
    Dhagartiyo wedkaagee
    Dhimashada kal iyo laab
    Ma ku soo dhaweeyeen
    Dhoollaha ma ka qosleen
    
    Ubax dheelka subaxdii
    Naxariis ku dhaashtoo
    Afka dhiin cas mariyoo
    Dhaddigiyo labkisii
    Laba dhude isugu maran
    Ma is dhaafsadeenoo
    Dhaxal maysu siiyeen
    Dhuuni kawlka caashaqa
    Maysu sii dhadhamiyeen
    Ereygii dhinaa hadal
    Dhegta maysu saareen
    
    Dhafan dhaaf aboorkii
    Ma dhufsaday cammuudii
    Ma u qaatay dhoobada
    Dhab-dhabkiyo kabkabidii
    Labadaba ma dhalan rogey
    Dhismo kale ma soo baxay
    Ma ka dhigay wax yaabliyo
    Dudun dherer ku caanoo
    Dhumuc iyo laxaad weyn
    
    Dhalan dhoolka maantii
    Dadku dhacarta jiilaal
    Ma dhasaday dharaartii
    Ma ka dheelmay galabtii
    Iyadoon la dhaadayn
    Sheekada dhabteediyo
    Dhabar weyntan hooska leh
    In dhexdeeda laba ruux
    Runta kaga dhur sugayaan
    
    Haddaan laysu dhamanayn
    Nafta laysu dhiibayn
    Ama dhaxal tis qaadiyo
    Dhismo aqal la taagiyo
    Ubad iyo dhaqaaliyo
    Dhaqan reer la kala sugin
    Dhunkashiyo u jeedadu
    Tahay dhaayo guudkood
    Waabay la dhabaqsado
    Dhereg iyo markaas qudha
    Ama sida dhurwaayada
    Hilbo gabadh dheg roonoo
    Higlo loogu dhuuntoo
    Dhakhso loogu kala baxo
    
    Ninba waxa dhabbacashada
    Dabinkiisa ugu dhaca
    Dhidar iyo xabaashii
    Sharaf lagu dhabcaaliyo
    Dhawrsooni laga tegey
    Dhalanteedka beenta ah
    Bulshadaa u dhaawacan
    
    Hab jacayl u dhaqan galo
    Ma holladay ka ugu dheer
    Maamuusna ugu dhow
    Mise weli wax baa dhiman
    
    
    
    
Ka rogoo hadana saar   Dib U laabo
    
    Ka rog oo haddana saar
    Sabkax oo haddana seed
    Seemman oo haddana sulan
    Sidkan oo haddana sagan
    Sahlan oo haddana sudan
    Sal leh oo haddana sigan
    Sillan oo haddana sugan
    Subkan oo haddana solan
    Af Somaligaygow
    Wax sawaaban noqotee
    Maxay kuu sameeyaa?
    
    Ka rog oo haddana saar
    
    Waa lagu sugayoo
    Lagu saadinaayee
    Cabdiyow ma socotaa?
    Xeebaha sintoodiyo
    Ninka Saylac joogow
    Sagalkiyo daruuraha
    Wararkaagi saaraa
    Xamar bay bishii soon
    Saxal-qaaddu keentoo
    Sahankaagi noo yimi
    Sahaydiina noo keen
    Xagayaga sareediyo
    Waa Seer-ma weydee
    Maxaad saaka joogtaa?
    
    Ka rog oo haddana saar
    
    Tiro siman sagaal tuur
    Soddon keen sided hoo
    Waxa hadhay bal suuree
    Ma so'baa ma saan baa
    Saddex iyo shan waa kee
    Sakalaha ha laga guro
    Laba sulub ha lagu daro
    Guryo samo ha lagu furo
    
    Ka rog oo haddana saar
    
    Siinleyda maansada
    Haddii saami loo dhigo
    Dadku uma sinaadoo
    Suuganta hadalkiyo
    Cabdiyow sargooyada
    Lagu kala sed roonoo
    Rabbi wuxu ka siiyiyo
    Sida ay la noqotuu
    Ninba seylad keennee
    Ha saluugin Riiraash
    Ina Saalax haw dudin
    Af-qallooc ha saamayn
    
    Soomaali weyn baa
    Xaajada la socotoo
    Iyagaa ka seegiyo
    Ka sugaaya garanoo
    Kala sooci doonee
    Laba seeble yeelkii
    Ha ku lumo sursuuraha
    Sixirkiyo shan xuubluhu
    Ha ka dhaco sallaankee
    Xidho saanadaadoo
    Sulufkiyo colaadaha
    Samaydaadu yay jabin
    
    Ka rog oo haddana saar
    
    Badadheena Saaqiyo
    Samawada ku magac dheer
    Rag Saluugla ula baxay
    Marna Suuban lagu yidhi
    Sumaddeedu waa caan
    Kula siistay Baaruud
    Adna haygu sara tegin
    Waa Saxarla sheekadu
    
    Ka rog oo haddana saar
    
    Hararada sal iyo baar
    Lagu taxay sitaacee
    Loo soohay baarkiyo
    Saddexlaha ujeedaa
    Dhigta loogu saabboo
    Marti sama falkeedaa
    Koramada sagaal jirey
    Loo sudhay hoggaankoo
    Sooryaa la hurayaa
    Safar baa la furayaa
    Sumallaa la qalayaa
    Xididkiyo sokeeyaha
    Laga seexan maayee
    Salliyada xariirta ah
    Socotada u kala roga.
    
    Ruuxii saboolow
    Xilku saari maayee
    Saca maatada u godol
    Saadaal ku noolow
    Samirkana ha moogaan
    Ruuxaan wax sidinoo
    Shirka soo salaamow
    Adigaa wax sugayee
    Sarar iyo leg iyo badhi
    Kee baan ku siiyaa
    Sacabkaagu qaadaa?
    Iimaan sed weeyee
    mid haddaad saluugtana
    saddexdaba bal iga hoo.
    
    Ka rog oo haddana saar
    
    Sidig maqan ninkeedii
    Talo waw sar go'ay tahay
    Jid-Siraad korkiisiyo
    Suudaa la marayaa
    Sanadaa la dhaxayaa
    Sahay lagama maarmee
    Ha la jiro sibraarada.
    
    Ka rog oo haddana saar
    
    Saanteena guudkiyo
    Suntu hilibka dhaaftoo
    Sal waxay ku leedahay
    Saableyda uurkiyo
    Sambabada dhexdoodoo
    Maal baa la sarayaa
    Selel looma baahnee
    Kii seedayow toos.
    
    Ka rog oo haddana saar
    
    Soodhkiyo billaawaha
    Sinta midig ha lagu xidho
    Faraskana silsiladdiyo
    Seetada ha lagu furo
    Seefaha ha lala baxo
    Seeraa la furayaa
    Saryan baa la dabayaa
    Wiyil baa la sabayaa
    Xaajada sal fudud iyo
    Sakatiga ha laga jiro
    Sahwi yaanu kala ridin
    Sahal yaan wax loo odhan
    Dhulku waa sanqadhayaa
    Cagta saari maynee
    Socodkeenu xeel iyo
    Ha ahaado laba suul
    Sirna yaan la faallayn
    Murtidana ha saafina
    
    Ka rog oo haddana saar
    
    Maansadu ha socotoo
    Sida daad mahiigaan
    Dhulka haw sabbaysoo
    Kolba sabo ha gaadhoo
    Culimada salaaxdaa
    Senge hawgu joogtoo
    Ninba subax ha maalee
    Ruuxii suldaarow
    Garo inad sabool tahay
    
    Soddoh weeye xeedhadu
    Ragna waa u siman tahay
    Ninka suunka taabtee
    Ka sal gaadhi waayow
    Garo inaad sabool tahay
    Waa gabadh su'aal iyo
    Halxidhaale sidatee
    Ninka Abu sarnaantiyo
    Saddex qayda boqorka leh
    Kaga fura si-dalagtee
    Male kaga sinaystow
    Garo inaad sabool tahay.
    
    
    
Mulya   Dib U laabo
    
    Muliya saaseey
    Hay saasey
    Muliyaa saasey
    Hay saasey
    Muliyay saasaa
    Hay saasaa
    Mulliyay saasaa
    Hay saasaa
    
    Yaa mullaaxda galool
    Maydhax looga jaraa?
    Yaa masaarriyo Hawd
    Maadha looga guraa?
    Yaa mageyno irmaan
    Dhasha looga maraa?
    Yaa hadhuub madaleed
    Moroh looga tolaa?
    Yaa maraa hadh qabow
    Maydal loogu xidhaa?
    Yaa marleyda haween
    Taan maqaarka lahayn
    Looga maarmi karaa?
    Qurux aan masanuun
    Male loogu tegeyn
    Yaa macnaysan yaqaan?
    
    Miyireey dhibtaydiyo
    Meeraysigaygii
    Dhegahaad ka maratoo
    Hadal mooyi keliyaad
    Ma huraan ka dhigatoo
    Maya baad ku koobtoo
    Il mugged wax joogiyo
    Midig baad ka talisee
    Hawraar magooshoo
    Ubax iyo man bixisaan
    Kugu meherin-laayoo
    Marriinkaaga hees iyo
    Maahmaaho yaabloo
    Nin magtii ka culus iyo
    Murti baan ka dhigillaa
    
    Mudan baan u noqonlayd
    Dumarkiyo marleydoo
    Masallaha jacaylkaad
    Maamuli lahaydoo
    Gabaygaan madhxinayee
    Hore ugu masuugaan
    Kugu madhin lahaayoo
    Cidi kulama maasheen
    Maskaxdaydan curatoo
    Malyan kula gudboonoo
    Muuqaaga aragoo
    Maqlay sheekadaadaa
    Ku majeeran-laayoo
    Inta gabadh is mooddaa
    Masayr kuugu iman layd
    
    Murankaagu duniduu
    Maan dhaaf ku ridi-laa
    Kuwa maqasha raaciyo
    Ma-kastaa ku baranlayd
    Jidka waxad ku marilayd
    Sacab iyo mashxaradoo
    Miyi iyo magaalaad
    Maamus ka heli-layd
    
    Midabbada dhabeesha ah
    Qurux daadan maydhee
    Rabbi kugu manaystaan
    Hadba meel ka sari laa
    Madaxuu ku socon laa
    Mar qofkii dhegeystaa
    meexaanahaygoo
    Midho laysku baantaan
    Kuu marin lahaayoo
    Muqdishiyo Hargaysaan
    Madadaalo waayeen
    
    Hadba mahadnaqaagaan
    Mirta dhexe la kicl laa
    Gacalkiyo mataanaha
    Wedka kala muquunshiyo
    
    Haddii mawdka geeridu
    Iga kaa hor mariyaan
    Kama aad maqnaateen
    Maankayga gelinoo
    Magic baad ka dhiman layd
    Marti soorka Eebbiyo
    Inta melg ag-joogtiyo
    Marwadii Rasuulkaad (S.C.W. )
    Magan kaaga dhigi laa
    
    Qabrigaaga maansiyo
    Murugiyo xasuus iyo
    Mahadhaan ku qori laa
    Maka iyo Madiiniyo
    Halka Maxamed yaallaan. (S.C.W.)
    Calan kuugu mudi laa
    
    Muliyaa saasey
    Hay saasey
    Cishqi baan miraayoo
    Kolba mayracayoo
    Muddo dheer isagaan
    Majaraa u hayoo
    Guntii soo murdiyoo
    Kal gacaylkan madow
    Aan murwaadka lahayn
    Ninkii meel u hayee
    Ku muraadsanayow
    Hoo muftaaxa jacayl
    
    
    
Quduro   Dib U laabo
    
    Cabdi Aadab Qaysow
    Qoffi soconayaan ahay
    Qaro iyo laxaad iyo
    Qoton waa halkoodii
    Ul qallalan umaan dhalan
    Qurux kama madhnaan jirin
    Hana qaad filkaygiyo
    Ka da'weyni qayrkay.
    
    Hilbahayga qoonmiyo
    Qayaxnaanta jaahiyo
    Sida qaansadii godan
    Joogaan soo qandood sadey
    Qurubsiga tallaabada
    Qalqalloocan igu dhacay
    Ma lahayn qallaafee
    Qoontayda hoosiyo
    Waxa qaabkan iga dhigay
    Qisadaas ma haysaa?
    
    Maxaa iga qabyo ah hawl
    Wax ka qabashadeeduna
    Qayrkay ku xidhan tahay
    
    Maxaa qalinku sheekiyo
    Qubanaha dharaartiyo
    Kolba qodob la yaabliyo
    Mahadhooyin qorayaa!
    
    Maxaa feedho qaaxiyo
    Qulub kala kexeeyeen
    Qoomammadu damqaysaa
    
    Maxaa ciin la qooshiyo
    Waabay qadhaadhoo
    Dacar lagu qasaasiley
    Iyo quudhsi dabayaal
    Afar aan is qabannoo
    Cabsi loogu qumayaa
    
    Qamuunyada dibnaha iyo
    Qacda labada fool iyo
    Maxay qaawinta ilkuhu
    Qanja barar isku hayaan
    
    Maxaa qiiro hoosiyo
    Ilmo qubatay gocashadu
    Ha I qarin ku leedahay
    Isaguna qabaal iyo
    Qaba dheer ku shubayaa
    
    Maxaa ruux qaldhebayoo
    Qormadii rugtiisiyo
    Qudha laga toleeyoo
    Misna quusan waayoo
    Nafta quudhi waayoo
    Qarandida sideedii
    Qodanaaya booraan
    Godka meel qarkiisa ah
    Qoobley ordaysiyo
    Fardo qaxay ku jiidheen
    
    Maxaa seefo qawliyo
    Gudmo lagu qadhaabtaa
    Damal adag qarqooreen
    
    Dadku dhagar qaboobaa
    Qaantoodu fududaa
    Qarqarsigu ku adakaa
    Ninka qoofashee yidhi
    Qoorta hoos u wada roga
    Qoontooda badiyee
    
    Iyagoo qiyaamiyo
    Bad qaloonbiyeysiyo
    Ku dhex jira tog qawlay
    Qoyanaanta diidaan
    
    Iyagoo qaldhebayoo
    Qatannoo arradanoo
    Gabaddano qadhqadhayoo
    Nolol qaawan joogay
    Burka qaraf ka dhawraan
    
    Qawdan waa nin keliyee
    Haddaan qaybta loo burin
    Wiyil qoodh ah laga dhigin
    Qaran kuma hoggaansheen
    Qaadhaan gumaystiyo
    Qalle lagu hungoobiyo
    Qalam jalam hadoodilan.
    
    Ma lafaa qandoodiyo
    Saadaal qallalanoo
    Lagu qiil banaystiyo
    Riyo qabaxtankeediyo
    Qaadaa dheggeediyo
    Qashar iyo salool baan
    Qalalaasahaan gabay
    Ii gumiya leeyahay
    
    Ma quruumo ciiddiyo
    Qawlallada aboorkiyo
    Inta dulin qadhaabtiyo
    Qablantadu ku kulantee
    Canka lagu qadhiidhiyo
    Qabri lagu ducaystay
    Qabyaday ku xidhan tahay
    
    Ma qorshaa badheedhkiyo
    Quxub lagu hirgeliyee
    Qori tuurka Saadooy
    Lagu kala sed qaatay
    Qadder dhacay u haystaan?
    
    Jidku qarar xidhiidhiyo
    Qodax iyo dhib badanaa
    Qaringaynu joogniyo
    Qard-jeex yays baray?
    Dadka yaa qareenkiyo
    Qolo qolo u kala raray?
    Qoqobbada dhex yaalliyo
    Tolow qalada yaa baray?
    Qorannimada waa tii
    Qoor-gooyo laqan iyo
    Qaryad weer cad xidhatiyo
    Lagu helay qisaastee
    Hadmaa qaabkan loo roggey?
    Bulsho qudha la saanyadey
    Qaydar iyo galool iyo
    Qansax miidhan laga dhigay?
    
    Qandigiyo mareegtaay
    Qalwadiyo sursuurtaay
    Iyadoo qaskaagiyo
    Raggii aad qalqalatee
    Qawlaha u loogtee
    Tidhi qaybi dacawada
    Qoyan tahay raqdoodii
    Qummanii degaankiyo
    Qadhadheytiydiisii
    Qumayada dabkeediyo
    Lagu shiilay qaxankee
    Qunbeyaasha lagu shubay
    Adigoo qudhqudhiyoo
    Ku qubeystey dhiiggii
    Iyadoo qalfoofkiyo
    Hadhadoodu quban tahay
    Haddaad soo quturan tahay
    Ama weli qor kuu hadhay
    Qoysku waa hadhiinoo
    Qabku maaha beentaa
    
    Qudha loo kal tiriyaa
    Qusur kama fogaatee
    Ina Qayte yeelkii
    Ha qudhqudhiyo caanaha
    Qadda ruuxna haw dhamo
    Hadaan qaamudkay gelin
    Anigiyo rag ila qaba
    Qoomaasha murugada
    Qodkan bixiyey laamuhu
    Dabna wuu u qolof dhici
    
    Qaybdiid haddii uu
    Qado wadari leedahay
    Qoondaystay keligii
    Gaariyow nin qadanaa
    Qiimeeya noloshoo
    Weligii qadderiyee
    Qaska iyo colaaddiyo
    Kama naxo qulqulaadaha
    Qarfihiyo abaaraha
    Rati qooqan baan ahay
    Maskaxdaydu qayliyo
    Qiiq baa ka baxayoo
    Bulsho qawqab diidaan
    Bal inay qamaamaan
    Qabqabaha u tumayaa
    Nin qab ii dhigaayaan
    Anna qool u xidhayaa
    Qoortaydu waa iib
    Wax ka qaaya-weynoo
    U qalmaan u hurayaa.
    
    
    
Shan Ubaxlay   Dib U laabo
    
    
    Ugubey ma seexdoo
    iintaada hoosaan
    Uur-baadhayaayoo
    Toddobada ayaamood
    Kolba ood ka rogayaa.
    Meel uurku tebayoo
    Ergo kuugu maqantahay
    Indhahaagan haystaad
    Ku illowdey ruuxaan
    Cidi kula arkayn iyo
    Eegmadan jacalkiyo
    Ilmadaadan qubatee
    Dhabannada ordaysiyo
    Dhirtanaad arradisee
    Ubaxii ka madhisiyo
    Waxan kaa ambaday baan
    Indhashooda waayee,
    Arrintaada gabadh yahay
    Udubkeedu dheeraa !
    
    
    Waxaad tahay qof uguboo
    Iimaanku buuxoo
    Sidan qabo Allaylehe
    Aqalkaad ku dhalatiyo
    Gurigaad ku ababtaa
    Alla lagu xusaayoo
    Awliyadu ku kulantaa.
    
    Badi wuxuu arooraa
    Arday macallinkiisee
    Edebtiyo xishoodkana
    Idil hooyadaabaa
    Kugu tidhi adkeeyoo
    Malaa aammusnaantana
    Iyadaad ka wadataa.
    
    Sida ruux abwaaniyo
    Waaya-arag da'weyn baad
    Arartiyo tilmaamaha
    Kolba madax unkaysaa
    Hadba dhinac aabyeysaa,
    Malaa aabbahaa baa
    Taliyoo arrimiyoo
    Gabadhyahay af-tahamada
    Isagaadka wadataa.
    
    
    Timahaagan adhaxdiyo
    Ka arooray dhabarkee
    Garbahaaga ootaan
    Erey lagu tilmaamiyo
    Hadal lagu ammaaniyo
    Wax asteeya waayoo
    Afartaada waaxood
    Indhal baysu haysoo
    Luquntaadu inanyahay
    Waa aaran geriyoo,
    Sanku waa abuurtii
    Fardo Adari joogiyo
    Ashkirkii Nugaashoo,
    Indhahaagu ruuxii
    Sal-fudayd ku eegay
    Ashqaraar ku ridayaan.
    
    Afkaan midabka luulka leg
    Mahadhada ilka furan
    Labadaba Allaylehe
    Ninka eeday waa ani.
    
    Dadkanuu Ilaahay
    Ka abuuray ciidee
    Goblantada adduunyadu
    Ka idlaysay dheehee
    Dhaxantiyo awaaruhu
    Araggooda doorsheen,
    Oday lama wadaagtide
    Ma cadceed arooryoo
    ]sagal oogadeediyo
    agagaarka geesaha
    kaga taxay aleelaad,
    uur wada gasheenoo
    ma cir-jiidha oogtiyo
    xiddigaha iftiimaad
    dhalad kula aroortaa.
    
    Ma hadlaa af-saarkiyo
    Indha saabka qaatiyo
    Amran xuural-cayntaad
    Isir hilib wadaagtaan?
    
    Ubaxley shan ubaxley
    Magacaagu waa udub
    Gacmahaagu eegmada
    Waa laba ulooddoo
    N.F.D ku yaalloo
    Unuunkaagu waa Xamar
    Adhaxdaadu waa Hargeysiyo
    Obokh bay ku beermeen
    Abtirsiimadaaduna
    Afrikoo dhan weeyaan.
    
    
    
    
Saxarla   Dib U laabo
    
    Ku sinaan dharaartii
    la sargooyey dunidee
    Rabigaay sameeyee
    cirka sare u taagee
    xiddigaha siraatiyo
    dayax suudi meeriyo
    lagu sugay cadceeddee
    sagalkiyo daruurtiyo
    lagu xidhay sitaacee.
    Dhulka gogol laseexdiyo
    sabo lagu negaadiyo
    laga dhigay sin-dadabkee
    buuraha la saaree.
    Dhirta samayda ciidiyo
    salka loogu joojee,
    saddexlaab badiyo webi
    lagu yidhi sabbeeyee.
    Dabadeed la saanyee
    qofba meel la siiyee
    saldhigeedu qaydnaa.
    Cidi uma sinnaynoo
    dadku ruux sabooloo
    saranseer ku raagiyo
    guryosamo nin yaalloo
    sidka dhalay ku haystoo
    heley seermawaydiyo
    laba kala sadroonbaa
    subax noolba joogee.
    
    
    Waan soo socdaa kowdhe
    waxna waan sidaa labo dheh
    samir yeelo weligaa
    Saxarlaay ha fududaan.
    Salfudaydku Xaawuu
    jannadii ka saaree
    ruuxaad sugaysoo
    maqan waa la saadshaa
    sahan waa la dhowraa.
    Ha sahwiyin ha salelin
    sarka-dhaban ha noqonnin,
    ha saluugin qaybaha
    qalinbaa saxeexee.
    Waxaan Saatir kuu qorin
    ha u suul-dhabaalayn.
    
    Kala saar run iyo been
    kala garo sir iyo caad.
    In salaadu weligeed
    kala tahay sunniyo faral
    u ogow saxiyo maan.
    
    Inaad saamo jiiddiyo
    sanqadhtirasho kala daa.
    Naf jacayl sawaaboo
    sanka kuu dalooshoo
    kuu sudhay hoggaan baad
    u siddaa maqaarkee,
    haku daba-saqlaysee
    ha gaabin seetada
    sogsogtiyo cadaaddiyo
    ha ku saydhin laamaha.
    
    Waan soo socdaa kowdhe
    waxna waan sidaa labo dheh
    samir yeelo weligaa
    Saxarlaay ha fududaan.
    
    
Todobaatan Midablay   Dib U laabo
    
    Dadka muuqa guudiyo
    Magac kala sinnaadaay
    Marwo dumar garaystiyo
    Marta kala sinnaadaay
    Doqontana masayrkiyo
    Mukur kala sinnaadaay
    Miidaamo dhegalaay
    Badda mawjadeedaay
    Kolba maayad keenaay
    Ruuxaan malayayn
    Dhiigiisa miirtaay
    Maasaar afweyney
    Mindi lagu qadhaabtaay
    Marti uma shidheeyaay
    Magan kuma hagoogtaay
    Mahadhooyin reebaay
    Maahmaahda yaabkaay.
    
    Maandeeq irmaanoo
    Maraqeeda xoortoo
    Nacabkeedu maaloon
    Maqasheeda korinneey
    Mayey iyo hillaaceey
    Miiraale roobaan
    Manjaroor biyeyneey.
    
    Maydali fardoodeey
    Ashkiraan murkucanneey
    Madow iyo casaanneey
    Maariin dhallaalaay
    Magarkii la sheegaay
    Todobaatan midabeey
    
    Geedaan magool iyo
    Midho iyo caleen iyo
    Ubax iyo man dhalinoo
    Aan maydhax laynoo
    Lagu oodan maalkoo
    Milic laga hadh gelinneey
    
    Maartii dhalaashee
    Aan moodey dahabkee
    Milantee caddaatee
    Isku miir dillaacdaay
    
    Meydyohow qoslaayee
    Milgihii xishoodkiyo
    Maamuuska weydaay
    Manjihii ku daaloo
    Madaxaad ku socotaa
    Meelaad ku nooshiyo
    Muslinka iyo Gaalada
    Midka aad la dhaqantahay
    Mooyaan adduunkoo
    Ma huraanka aakhiro
    Madhax kuuma yaalloo
    Maantay xisaabtiyo
    Miisaanka joogtee
    Naftu kugu muduci tahay
    Maanlay afkaagaa
    Kugu marag furaayee
    Sawtaad I mudatee
    Igu muusannawdaan
    Fartan malabka kuu daray
    Sawtaad melmelateed
    Murdisada ka leefteed
    Mahad iigu celiseed
    Igu tidhi macaannaa
    
    Ma filayn abaal laay
    Maxrashoon kaliileed
    Ama maangad iyo hawd
    Waxa kuu maleegtee
    Danahaaga maamulay
    Muran inaad ka keentoo
    Midiggeys u baydhoo
    Moqorraysi baratee
    
    Mugdigaan u heesaay
    Gudcurkaan majeertaay
    Maansooyinkaygiyo
    Murtidayda lumiyaay
    Madadaalo beeneey
    Maaweeladaaddii
    Meexaanahaagii
    Iyo muhashadaydii
    Maankaan ka saaroo
    Kaa maydhay laabtoo
    Masallii jacaylkiyo
    Kuu dhigay maqaarkaad
    Maydhaamanaysoo
    Nafta kaa maquunshee
    
    Ruuxii merganayaa
    Miyir qaata soortee
    Laba midig ku daaqaay
    Kola miigan mayside
    Caawa yaad miraysaa
    Tolow yaad ku maqan tahay
    Cidhibtee ku mudan tahay
    Micyaha ku haysan.
    
    
    
Togdheer   Dib U laabo
    
    Ninba waxuu ku taamaa
    ama hees ka tiriyaa
    tixo gabay ku sheegaa
    halka lagu talaalee
    hawadiisu taallee
    uurkiisu tebeyee,
    dumar taan ka sahansaday
    waa gabadh Togdheeroo
    Maxamuudi tooxwayn
    saddex-qayd ka tolatoo
    tusbax luqunta gelisoo
    tafta daraya-muuskii
    taakiyo badh muuqdoo
    dhaxalihii tarraxayoo
    sida boqorad taash xidhan
    hadalkeeda tirisoo
    hadba erey tukubisoo
    todobaatan jeerbaan
    soo toosay xalayoo
    
    
    Sidaan timo haldhaaleey
    ugu tebey hurdada xalay
    anigaba Togdheerbaa
    tusku iiga muuqdaa.
    
    Ninba wuxuu ku taamaa
    ama talal ku sheegaa
    ama gacan ku taabtaa
    halka lagu taftaafee
    Burco waxay ku taalaa
    xididdada tin iyo cidhib
    tebinaaya dhiigee
    hadba dhan u talowshee
    dayax taabba-qaadoo
    toban iyo shan joogiyo
    xidigaha tartamayee
    isku taxay dushiisaa
    tahan iiga hirayoo
    Tusmo barashadeediyo
    taltallaabsigeediyo
    taratarinta laafyaha
    meeshay i turuqdiyo
    tawstey i gelisaa
    igu sii tarmaysoo,
    
    sidaan timo haldhaaleey
    ugu tebey hurdada xalay
    anigaba Togdheerbaa
    tusku iiga muuqdaa.
    
    
    Tuke bari ka yimibaan
    tusay boogahaygoo
    u tilmaamay beeshoo
    tebi idhi dhambaalkii;
    taarkii ma geynoo
    isma tarin dedaalkuu
    u tabaabulshaystoo
    taab-gaabnidiisey
    naftu xadhiga towseed
    ugu turunturootoo
    latawaacaysaa.
    Miyuu tuuray hadalkii?
    Miyuu tiray jacaylkii?
    Mise tulud raqdeeduu
    ugu taaganyahay geed?
    Mise wuxuu tukanayaa
    faral iyo Taraawiix?
    Mise wuxuu taraarkii
    kala dhacay Tabciyo Sheekh?
    
    Sidaan timo haldhaaleey
    ugu tebey hurdada xalay
    anigaba Togdheerbaa
    tusku iiga muuqdaa.
    
    
    
Taawilo   Dib U laabo
    
    Takri fale ma maqasheen
    Afkii toori dhooblaha
    Markuu gacan togaalaha
    Ku madhsaday tigaadii
    Tusmadiisa gogashiyo
    Tuugeysi kaga baxay
    Xagashada tammuuxdii
    Gujadiyo tantoomada
    Kaga tuujey mililkee
    Sida qalin tahliileed
    Tutuwaha cantuugee
    Yidhi "toojo wiilkaa
    Tooggadiisa kaa waa
    Isna tuurin kuu qorey
    Hadba tiisa kugu maal
    Taana waa naqaannaa
    Toobbadayna yeelkaa"
    
    Isagoo tigtiganoo
    Tawan oo werwerayaa
    Teelifoon ku soo dhacay
    Wahan tooxan loo dhiib
    Teneg iyo qabqaba maqal
    Taammilooyinkii dhawr
    Ka taweli astaamaha
    Wuxuu yidhi "tartiib hoos
    Igu timi cadceeddaan
    Toban guuraheedii
    Iyo weliba taartaar
    U tumaayey saantoo
    Waanigan tin iyo cidhib
    Tifta dhididka hooree
    Alleylehe tus baa jira"
    
    Wuxuu taa ku sii daray
    Weedhayda tooxnayd
    Warankaygi toosnaa
    Tubihii qorshaysnaa
    U tallaabi waayoo
    Tabahaygi maalmahan
    Togog soo rogmadey baa
    Dib u soo tufaayee
    Maxaa toobiyii helay?
    
    Wuxuu taa ku sii daray
    Tarmi weydey beentaan
    Taabba geli is idhiyoo
    Tiradaydu meel bay
    Ka takoorantahayoo
    Marka aan toddoba jeer
    Toban toban u geeyaba
    Taf kalaa furmaysoo
    Wadar aanan filanayn
    Iska kay tusaysee
    Bal tabaaladaa daya!
    
    Wuxuu taa ku daray
    Tahar aan liq idhi baa
    Igu turunturrootoo
    Waxay taagan tahay meel
    Taladeedu dhimatee
    Tolow yaa farreeya ah
    
    Wuxuu taa ku sii daray
    Wakhtigii tin laga goo
    Wax tashiilo igu yidhi
    Anna taawintaydii
    Idhi hay tafaafulin
    Isagayga toosnaa!
    
    Gaarriyow tareenkii
    Lagu tacab khasaaree
    Taabka riixi waayee
    Tamartiisu guuxiyo
    Tallan qudha ku koobnayd
    Mar horuu tolweynii
    Guradiisa tuurraa
    Tarab tarab u daadshee
    Tun ku shaashlayaashay
    Hasha wada tadcaarteen
    Ninba toogti garangari
    
    Tawstii bacaadkaa
    Teedkii hoggaankiyo
    Taxanaha wereeggiyo
    Tolommada burbirsoo
    Tayo socod ka dhimatee
    Biro wada tafiir go'ay
    Wuxu soo tukubiyaba
    Markuu taagi hoos yimid
    Toolmoonayaashiii
    Tuugna aanu xadi jirin
    Inuu daafta kaga tago
    Ayay sheekadii timi
    
    Waxay ugu tiraabeen
    Dhaxaanu tiirkiyo
    Tiska culus Samaalow
    Kaa tiirinaynee
    Hanna tuurin jaallow
    
    Wuxu yidhi "maxaan tari
    Ama idinku taakulin
    Iyadaygu turatoo
    Ina kala taxaabtee"
    
    Wuxuu taa ku sii daray
    Waxaa toogta feleggiyo
    Toommantiyo guhaankiyo
    Tusbaxaygu igu yidhi
    Xiddiggaagu tuuxee
    Toommo oodan buu galay
    Galbashada ku tiigaal
    Kula dhacan taraarkii
    Waad is tukhun tukhaysee
    Ama taarka kala goo
    Ama tab iyo xeeshaa
    Ka tallaabso oodaha
    
    Taxanaha awaalkiyo
    Toyashada ayaamaha
    Taawilooyinkaygii
    Runta iigu tudhi jirey
    Toddobaad ma gaadhay
    Tafta iigu laabeen
    
    Wuxuu taa ku sii daray
    Haddii yoolka lays tubo
    Na�f taada weeyee
    Anba waxaan hor taagnahay
    Taariikh I neceboo
    Qayrkayba taashkiyo
    Billadaha u tiriyee
    Haddii aad tasawdeen
    Anba tegey sidiinnee
    Maxaa igu tuhmaysaan?
    Bal tafeenahaygiyo
    Taagtayda milicsada
    
    Aniguba tib culus iyo
    Tukubaan cuskanayaa
    Kuma taagni lugahee
    Haygu tiirsan Laangadhe
    
    Dhan kalay ka taabteen
    
    Ninkii taarta Libaan
    Uma tooggo qumiyee
    Ma tix gelin dhegoolee
    Talan taalli laafyaha
    Cag jiidka taran tari
    
    Wax la yidhi tin caarow
    Looxa waad ku taallaye
    Haddii Alifki kaa tiray
    Ta'da yaa u magac dhaban?
    
    Wuxu yidhi sir baa taxan
    Tartankay ka mudan tahay
    Taban taabshaheeduna
    Nin tar sheegta ma oggola
    Waxes teeyo lagu dhaqay
    Halaan awrba loo tu'in
    Ninkii tuudiyaa falan
    
    Wax la yidhi "Tinniixow
    Tu Allaba ku biirsoo
    Xaggee taadu sudhan tahay
    Warka nooga tibix sii?
    
    Wuxu yidhi "tibaaxdiyo
    Toyashadu gar weeyee
    Hadday tuludi caadkeed
    Takar dhabasho badan tahay
    Nin turxaan ka filayaa
    Ka tabaabulshaystee
    Miyaan laba tagoogood
    Garashada u taba baray?
    
    Boqorkii tilmaannaa
    Mar labaad tareenkii
    Tooc tooci keligii
    Hadba dhinac u tooree
    Tabca saar qalfoofkii
    
    Markuu tiiradii horay
    Ayaa taayir boodoo
    Tafan toofe waa kaas
    Dib u soo taaraaree
    Alla taako yaw dhiga.
    
    Isagoo tarwadhayoo
    Tarshaduhu sitaan buu
    Tan-tannida ka soo degey
    Tacsidii dad baa yimi
    Tiiq tiiqsi digashada
    Turqe meydka weli nool
    
    Wax la yidhi "gol taahiyo
    Tiic tiica murugada
    Adigaa tallaashoo
    Tiiraaanyo beeree
    Ka cantuug tif yo daran
    
    Adigays taftaafee
    Ha ku taamin shaalkii
    Taabka aad ku haysee
    Siduu kaaga tegey sheeg?
    Tub hayowna aashaa
    Ha is taawin keligaa
    Waannu kaa tab haynaa
    Bulshadaa tixraaciyo
    Taladiyo gudoonka leh
    
    Wuxu yidhi " tawaawacay
    Turubkana sukaan degey
    Wax kaloon tammediyoon
    Tobanlaha ku waabshaa
    Taabkayga kuma hadhin
    Tuur tuurka geba gebo
    Toddobaale igu dhiga
    Lixle dhiirran igu tuma"
    
    Boqorkii tilmaannaa
    Taagtiisa kibiryoo
    Qayrkii ku tanaxwee
    Tagganaan ku raacdee
    Inay tiisa noqotee
    Tartankaa ku dheeraa
    
    Wuxuu tiigsanaayiyo
    Tuun-tuunsigiisii
    Taabba qaadi waayoo
    Tafa xaydadkiisii
    Labadaba tukaa cunay.
    
    Duni toocsi mooyee
    Ninna taab ku qaban waa
    Qofba wuxuu ka taransaday
    Teel teel ku noqotoo
    Inkastuu ku talax tago
    Wuxuu tabanayaa badan
    Tagtadiisa xiise
    Tiisa joogta haaraan
    Kaga daran timaaddadu
    Tixdu waa abbaartaas.
    
    
Sidi Qabax   Dib U laabo
    
    Saaxiibkay Qaysow
    Marka hore salaan guud
    Marka xiga sedkaagiyo
    Waxa aad ku sugan tahay
    Waa inaad na siisaa
    Marka xiga silsiladii
    Murtidaadi soocnayd
    Subciyoo dhameeyoo
    Solayoo bisleeyoo
    Dabadeedna siistee
    Saaxiib ma nabad baa?
    
    Sumaddeedu waxay tahay
    Roob saaka da'ay baa
    Sar-ka dhaban la yimiyoo
    Anna seexan maayee
    Saaxiib ma nabad baa?
    
    Sumadeedu waxay tahay
    Heestaydu waa siin
    Sidig weeye dihinoo
    Waxa loo saddexa maray
    Dadka haw sinnaatoo
    Ruuxii sabooli
    Caanaha ha saydhee
    Saaxiib ma nabad baa?
    
    Heestaydu waa siin
    Waa sooryo xididoo
    Saxar laga ilaashoo
    Laa sugay bidhiiqoo
    La saluugi maayee
    Saaxiib ma nabad baa?
    
    Sumaddeedu waxay tahay
    Saxan-saxo ma roob baa?
    Seed geel ma hilib baa?
    Seko adhi ma xoolaa?
    Far-dhexaad ma suul baa?
    Sakaraad ma lool baa?
    
    Biyo sare u jeedaa
    Halka ay sul-dhigayaan
    Sahan raacay weydii
    
    Sumaddeedu waxay tahay
    Cabdiyow sabeenii
    Way sumal-xadeenoo
    Midi haysa sidatee
    Saddex dhalay warkoodiyo
    Waxay saaka joogaan
    Xogta aan ku siiyoo
    Sarta kaaga jeexee
    Saaxiib ma nabad baa?
    
    Sumadeedu waxay tahay
    Sheekadu sal-fududaan
    Ama socodka qaarkiis
    Kuma sama-falaysoo
    Cabdiyow ka saan weyn
    Suxullada la gaadhoo
    Sinta waxay ku haysaa
    Subulaha galbeedoo
    Ninka saylac joogaa
    Sanqadheeda mooyee
    Ma yaqaan sirteedoo
    Orgi sarara weynoo
    Sogoboo dhufaaniyo
    Inay tahay ri'seenyoon
    Kala saari maayoo
    Haddii looga sacab tumo
    Salmihii Gurracaneed
    Selel kama baxaysee
    Ha la boodin seeftee
    Saaxiib ma nabad baa?
    
    Sumadeedu waxay tahay
    Inta waranka sooyaan
    Samaydii ka maqan tahay
    Inta laba su'aalood
    Sakaluhu dhex yaalliin
    Inan dunida saabkiyo
    Laga saarin tiirkoo
    Qorraxdana siraadkiyo
    Laga siibin nuurkoo
    La afuufin suurkaan
    Rabbigay ka sugayaa
    
    Sumadeedu waxay tahay
    Ninka ootay seeraha
    Saxarlana ku guursaday
    Haddii uu nin sare yahay
    Aan laga sed qaadayn
    Saadaasha mooyee
    Si kalaan ka yeelaa
    Suuroobi maysee
    Aniguna sidaydaba
    Soddohaa rag kale qabo
    Kuma toobbad seegee
    
    Sumaddeedu waxay tahay
    Sidi-qabax shan maalmood
    Sahay loogu talo galay
    Soddon laguma gaadhee
    Hadal lama sudhnaadee
    Saaxiibkay Qaysow
    Waxaad Suuban leedahay
    Saca Faarso nacayow
    Sagaal beri adoo qaday
    Samsam iyo Bullaalaa
    Saarkaagu kaa hayn
    Saxarlaay ma kula tahay?
    
    
Suleekha   Dib U laabo
    
    Idaa subag laga lulaa
    Lo'baa saan laga baxshaa
    Geel baa sidig loo ogaa
    Sengaa orod lala ekayn
    Sareedo Illaahay baa leh
    Hablaa Soomaaliyeedna
    Haddaan quruxdooda saanyo
    Haddaan miisaanka saaro
    Sagaal tobankii adaa leh
    
    Suleekhaay araggaagu
    Nafta waw samir-siiso
    Saddex bay ku qaddaaye
    Ha ka goynin salaanta
    
    Sansaankaagiyo jaaha
    Sara joogiyo tooska
    Dhexda soohane tooxda
    Sayn fardoodda ka dhuuban
    Biixiyaa isa saran
    Gaaraara kala soocay
    Sanqaroorka la dhiibshaa
    Nafta aan sasabaayo
    Somal-haad gelinaaya
    
    
    Suleekhaay araggaagu
    Nafta waw samir-siiso
    Saddex bay ku qaddaaye
    Ha ka goynin salaanta
    
    Saatirkii ku abuuree
    Saluuglaay indhahaaga
    Saldhiggooda qorsheeyee
    Saxarkii ka daboolee
    Baalashooda ku saabshee
    Suunniyaa ku hadheeyee
    Hareeraa kaga seeraa
    Hibo gaara ku siiyoon
    Cidna kuula sed qaybin
    
    
    Suleekhaay araggaagu
    Nafta waw samir-siiso
    Saddex bay ku qaddaaye
    Ha ka goynin salaanta
    
    Saatirkii ku abuuree
    Qoortan aad samay mooddo
    Cabbaadhyaa ku sargooyiyo
    Sidrigaagiyo laabta
    Timahaagan ku seexdee
    Kolka aad doc u saydho
    Sararaa ka degaayee
    Sabarkaaga tegaayaan
    Samayskooda la yaabay
    
    
    Suleekhaay araggaagu
    Nafta waw samir-siiso
    Saddex bay ku qaddaaye
    Ha ka goynin salaanta
    
    Saaray baanad ahayne
    Saancad weeye jacaylku
    Surradaan la dhigaynin
    Heeryo weeye ku saran
    Soodh halbowlaha gooya
    Seef ku guud sudhan weeye
    Nin ka saahidey oonta
    Aawadaa uga soomay
    Saymo looma horseedee
    
    
    Suleekhaay araggaagu
    Nafta waw samir-siiso
    Saddex bay ku qaddaaye
    Ha ka goynin salaanta
    
    
Rag Siyaasi wada Noqoy   Dib U laabo
    
    
    Suugaan ka hadalkiyo
    suradiyo murida culus
    hadalada sadexa maran
    halka laga sameeyaa
    kolba laga salaamaa
    
    Duniyahay sabool diid
    siyayaaba badanleey
    majaray ku socotaa
    xumo lagaga saahiro
    
    sulax noolba waa guul
    laga helo sax iyo maan
    qofka xiga samaantay
    agihiisa sudhantahay
    
    ma ogola suldaameyn
    iyo diro ku sabashada
    Hadba sarakaceediyo
    sababaha ka dhacayaa
    
    nafta lagu sargooyaa
    labadeeda saanqaad
    marba kii sokeeyaa
    nafta lagula seexdaa
    
    dadku sogordaheediyo
    siraheeda culus buu
    u su,aalo badanyahay
    saridiyo rogrogidiyo
    
    marba saab kabixintaa
    hanku ugu sitiriyaa
    Sugidaa leh maahmaah
    iyo sawracgobanimo
    
    hiyi baa leh saadaal
    iyo saami lagu qado
    marba sadadu waa meel
    sabirkaa la qaataa
    
    badhna qaybtu waa sarar
    inaan suuska digashada
    Marka saacu gudhanyahay
    Waxa seeto laga dhigay
    
    dadku inay ku soomaan
    xilka sabanku leeyahay
    iyo weedha saaloon
    Sacab madhanba loohayn
    
    Sadarada laqaybka ah.
    Qof saluuga mooyee
    hadda cadaygu waa soor
    sirta waa ka dhigashada
    
    marka aan si kale jirin.
    Sange orod la dabagalo
    salyar buu u necebyahay
    codka salalka bayrtiyo
    
    Dadka qaar sacsacanoo
    sirqa ba,an ku noqotoo
    marba suuf ku dedayoo
    sawirkeeda necebyahay.
    
    Rag siyaasi wada noqoy
    wada furay silsiladaha
    hadba taanu suurayn
    Yidhi anigu aan saxo
    
    Sarif hadal ku daaldaal
    Marwo dumar ku noqooy saxal
    subkeey heeganteedii
    silicana ku keli yeel
    
    suxulada habaaska leh
    sabadiyo rugtiisii
    sarajoog ku laablaab
    ama jiif ku siigee
    
    nina seeg ku noqon waa
    xil sariirta kaligeed
    adna hooyo saxarlaay
    surin kugu banaanaa
    
    Aqalada xiimraa sudhan
    sigashay ku baridaa
    dadku sabanka maantii
    sahwi bay ku joogaan
    
    saqda dhexe habeenkii
    sardhadii ku lulanyahay
    surmi bay ku hurudaa
    ama ciil la kala socoy
    
    ama cadho la kala suur
    Dhasha saxalku hayn waa
    Surbacaadka raacraac
    Lagu qaad far iyo suul
    
    Mar salaada jiidh-jiidh
    Marna umalka seeraar
    Si sawaaban yeel yeel
    Dadku segeger moodmood
    
    Sunbo loogu yeedh-yeedh
    Dulucduna ka samarkiyo
    Nin waxsaaray maahee
    Sinji hirashadiisiyo
    
    Saameynta wadartiyo
    Xogta garashada aan sulin
    Sumad baanay weli hayn
    Cidna la gula saayido
    
    Mar hadday sirgacan tahay
    Dadku saangab wada yahay
    Sanadaha ku kala weyn
    Lixdan iyo sagaal kulul
    
    Kuma kala sareeyaan
    Kula mada sa waxanka leh
    Suti muranka yaaliyo
    Salowgooda baxayaa
    
    Suruq buu dugsanayaa
    Derejaan la kala sidan
    Kala soocda laba ruux
    Haki iyo sed baan jirin.
    
    Dhulka suur ku yeedh-yeedh
    Bulsho loo sanqadho badi
    Sac sac raaca loo diid
    Sakaraad lawada noqooy.
    
    Dhaqan lagu sariigtiyo
    Barigii sodohaleey
    Saranseer kadaba yimi
    Dadku wada salfududaa
    
    Sanifaada wada baray
    Iyo saarka tumashada
    Baday seef la boodkii
    Sunta qoosh la kala dhaxal
    
    Sahan iyo baxnaaniyo
    Noloshuba sansaan
    Ma dhexyaal sureerkii
    Haddaan soohdin kale jirin
    
    Waxaan suuragalin karin
    Dadku inuu sidalagtiyo
    Afka suuq ku kala baxo.
    Rabi samafalkiisiyo
    
    saka weeye garashadu
    lgu saanto xigatada
    Satiyada aqoontiyo
    noloshana sal iyo baar
    
    waxaa looga simanyahay
    waa siraad kadhigashada
    hadba tii ku seegtoo
    waxa laysu siiyaa
    
    salka lagu fadhiistiyo
    inaan seesku dheeliyin.
    Hadday saancad dunidii
    adoo sayn cad kugu tahay
    
    saymaheedu meel buu
    Ilaa saaka kuuyiil
    haddaan sooryo waayeel
    sanku neefle kuu hayn
    
    cid baan saaf la dheegtiyo
    xadhig soohan kaahayn.
    Haddii duul ku sahashado
    ama sebi xaq kugu luro
    sed kamaqan tirsanayaa
    
    sumalhaadka shidayaa
    waa saruurad haysee
    selel yaanay kugu ridin
    
    
    
Sirta Nolosha   Dib U laabo
    
    Saaxiibkayow heedhe
    Safar baan ka imi dheere
    Marka hore salaan diirrran
    Marka xiga samow heedhe
    Ha ka nixin si-dalagtayda
    Sacab fara-madhnaantayda
    Suugaanta yaabkeeda
    Salka iyo fadhaa keena
    Marka xiga sugnaanteeda
    Socodkiyo falkaa sheega
    Xeerkeedu waa saase.
    
    Saaxiibkayow heedhe
    Anba saaka qaybteeda
    Sirsirraan ka joogaaye
    Xadhiggiyo bal eeg suunka
    Iyo sabarka gaadiidey
    Iyo salabka ii qaaran
    Iyo suudha guudkayga
    
    Hilaygiyo waxaan saabka
    U gilgiley Samaw haanta
    Subag inay ku dhiiqdaaye
    Saasay ku badisaaye
    Sannad weliba xeeshiiye
    Kol hadday silloonaato
    Samaheedu waa dhiige
    Sumuc talada loo dhiibye
    Sida sida sidaas weeye
    Si la yeeli jirey weeye
    
    Marka xiga Samaw heedhe
    Talo sibiq dhaqaaqeeda
    Soof-daran habawgeeda
    Sal-fudaydka hooggiisa
    Bal sallaankan fuul laalan
    Iyo sagabtan heensaysan
    Dhulka saas u jeedaali
    Sidan iyo sidaas fiiri
    Sidan iyo gadaal dheeho
    
    Raqda solan lafaa soogan
    Bal su'aal u celi meydkan
    Sababtuu u go'ay raadi
    Bal dhegeyso saylaanka
    Iyo salowga beer-qaadka
    Iyo sebiga yeedhiisa
    Waxaad aragtay oo saasa
    Waxaad maqashayoo saasa
    Maxaad odhan lahayd Suudi?
    
    Samalaho furfuriddooda
    Godka seer-ma weydaanka
    Marka ay sabbuux gaadho
    Si kalaan u dhigi taase
    Saaxiibkay Waayaale
    Suurtuu dhalaay heedhe
    Heedhee Sahraay heedhe.
    Waxaan adiga kuu saantay
    Dadka kaaga soo soocay
    Sahra kuugu yeedh-yeedhay
    Siduu aabbahaa heedhe
    Samo ii faraan heedhe
    Kuu siinayaa heedhe
    Sooyaalka taariikhdu
    Iyadaan salguurayne
    Murtidaan Sahraay heedhe
    Sadar kuugu qorayaaye
    Heedhee Sahraay heedhe
    Curad suubbaneey heedhe
    Summadii Rashiid yeelo
    Iyo weynidii Saado
    Iyo sawracii hooyo
    Sinjigii hablaa geeska
    
    Subaxdii indhaa kuulo
    Tintu saqafta yay waayin
    Iyo diibka loo saaro
    Subko oo xayaabayso
    Korka siigo yey taaban
    Ku illaali saabuunta
    
    Dharku siifad yuu yeelan
    Suyac iyo bar gaasheysan
    Ku ilaali saahoodka
    
    Garashadu Sahraay ruuxa
    Sed u gaara weeyaane
    Hadduu saamigaas yeeshay
    Qurux ma leh saluuggeedu
    Dadku siigga dida maaha
    Sogob iyo ri'weyn maaha
    Sumal iyo laxdiis maaha
    Rati iyo sabeen maaha
    Falka iyo sugnaantiisa
    Socodkiyo abbaaartiisa
    Dhaqan sida xishoodkiisa
    Dabar iyo silsilad haysa
    Iyo suun ma dhaafaan ah
    Wuxuu soofka xoolaaba
    Kaga soocan yahay weeye
    
    Waxan uga socdaa heedhe
    Naftu seeto yey waayin
    Hana falin sidaad doonto
    
    Hadalkana sar weedhiisa
    Una saaf qofkii waaya
    Ha ka tegin sarbeebtiisa
    Hana gelin sursuur oodan
    Hana lumin sargoyntiisa
    Hana liqin sangaabtiisa
    Ha ku saxan badheedhkiisa
    Runta sogordoh haw yeelin
    Ha suldaarin dooddiisa
    Sisibaa wadaaggiisa
    Sababee abbaartaada
    Hana badin su'aashiisa
    Sarrifkiyo tilmaantiisa
    Saddex erey halkii dooni
    Soddon yaanay kaa qaadan
    Siddi-qabaxi yay raacin
    Sare haw dhig-dhigin luuqda
    Gacantana ha saydh-saydhin
    Hana odhan wax sawliila
    
    Heedhee Sahraay heedhe
    Sarta hilibka dheehaaga
    Samaydaada dhererkaaga
    Sarajooga muuqaaga
    Sanqaroorka jaahaaga
    Dahab iyo xariir saran
    Uma baahna saantaadu
    Hadda silis ha xidhan maaha
    Luquntana ha sudhin mahaa
    Waxan uga socdaa heedhe
    Marka aad sunuud hayso
    Waxa suuq mug-weyn yaalla
    Ha la simin kitaab weeye
    
    Hurdo iyo Sahraay jiifka
    Marka hore sariir raadi
    Salli iyo furaash dayday
    Saddexdaba hadaad weydo
    Lama seexan kari waayo
    Hadda saantu qodox maaha
    Suugaantu gogol weeye.
    
    Ninku qaday Sahraay tiisa
    Hadduu seed liqliqiddeeda
    Ku saruurad goyn waayo
    Subag iyo baruur doono
    Sidu jecelyahaa been ah
    
    Dhadhan iyo sibraar kayda
    Sidig caanaheedaa leh
    Badar iy sarreen shiidan
    Iyo sixin ku iidaaman
    Wax la cuno sabiib baa ah
    Nin samaystay baa faan leh
    Waxaad haysataa saasa ah
    Ka sokow intaan sheegay
    Hadda soortu dacar maaha
    
    Dharku Saadhi qudha maaha
    Saylooni garan maaha
    Iyo sabarandaa giiran
    Mana aha surwaal biid ah
    Haddaan saarku kuu diidin
    Saddex-qaydu ceeb maaha.
    
    Heedhee Sahraay heedhe
    Sar daruuran oo maasa
    Mar Abu Sarmaantiiya
    Dhacle baarka loo seesay
    Boqor wada xiyaakhaysan
    Sildiyaal jiljila dhiibsan
    Tusbax dhawr sagaal laaba
    Iyo qool sunaar dheehan
    Subeciyad xiddiyo laaf leh
    Adigoo siddeeddaas hal
    Iyo timaha oo soohan
    Ku darsaday sifaa guudka
    Garashiyo sarriig sheegtay
    Ma qofkaa sitaa jooga.
    
    Hadda salamadhlow gaabi
    Ha ku jabin saqlaa waalan
    Sallow ololka hoy jooji
    Ha saloolan xayndaabka
    Ha ku bixin saloognaanta
    Ha sarriiran waayeelka
    Sakatiga ka daa beesha
    Saha iyo af kala qaadka
    Ha ka nixin hiddaa suubban.
    
    Gabdhayahow sidee waaye
    Ilbaxnimadu saas maaha
    Hadba suf karkaro maaha
    Sararaha bannee maaha
    Qorqor suunniyaa maaha
    Dhabanada sibbaaq maaha
    Sanka oo la mudo maaha
    Sakhrad iyo xashiish maaha
    Sawir iyo riyaaq maaha
    Filin iyo sarcaad maaha
    Saxan reer galbeed maaha
    Kabo sookal dheer maaha
    Suuriyo durduro maaha
    Salsalaw cid kale maaha
    Qof silloon ku dayo maaha
    Wax sawaaban noqo maaha
    Sinta iyo lafaa duudka
    Saddex goor jejebi maaha
    Dhaqankaaga saydh maaha
    Soomaali diid maaha
    Sidaad doonto yeel maaha
    Dhulka oon ku sidi waayin
    Samadoo la koro maaha
    
    Xilliyada wax saareenka
    Iyo saacadaa reebban
    Sabbadiyo rugtay joogtey
    Gabadh timi ma saalloona
    Ku salliya Rasuulkiina (C.S.W)
    Salka dhiga guryaa seexda.
    
    Sunsun falan siddaha feyda
    Sati fudud salaan sheegan
    Indha suhub af geed saarrey
    Hadba surin ka sheekeeya
    Sidan iyo sibaas yeela
    Ereyada saluuuggoo dhan
    Kuma lihid Sahraay meella.
    
    Sunbo iyo maraadaa leh
    Inta sibiq dhaqaaqdaa leh
    Sagan daaqa jiitaa leh
    Inta marinka seegtaa leh
    Waxba aan sugeyn baa leh
    Inta sharafta saydhaa leh
    Suuraafta maqan baa leh
    Xadhig lama sitaan baa leh
    Saca Faarsa nacay baa leh
    Barni sumal xadkeedaa leh
    
    Heedhe Sahraay heedhe
    Suugaantu iib maaha
    Erey iyo sunnee maaha
    Hugun iyo sitaad maaha
    Siddi iyo I daya maaha
    Sadho iyo xajiin maaha
    Laba saaq ku gado maaha
    Waxan seylad gelin weeye
    Sahdi iyo dareen weeye
    Bulsho saaasaheed weeye
    Samaheeda mudan weeye
    Sawdkeeda diga weeye
    Sacabkeeda kulul weeeye
    Marna baadi sooc weeye
    Sahan iyo tilmaan weeye
    Dhaxal soo jireen weeye
    Wax ku saabsan meel weeye
    So'da iyo ka guro dhuuxa.
    
    Heedhee Sahraay heedhe
    Sirta noloshu xoog maaha
    Dhagar iyo suryee mahaa
    Surma seegto dedan maaha
    Sibqi iyo hunguri maaha
    Sacab iyo ka leef maaha
    Sukhrad iyo fal xumo maaha
    Hadba seeb u rogo maaha
    Salfo iyo ku faan maaha
    Damac iyo sandaho maaha
    Derejiyo saldano maaha
    Saro io dhalaal maaha
    Sidan iyo sidaas maaha
    Hadda sadadu lacag maaha
    
    Heedhee Sahraay heedhe
    Bulsho saami loo tuurtay
    Shan siyood wax loo yeelay
    Samir inay xigtaan maaha
    Surka inay dhigtaan maaha
    Sas inay didaan maaha
    Inay suudalaan maaha
    Sardho inay galaan maaha
    Sixir inay dirtaan maaha
    Inay kala saftaan maaha
    Nin I sugayayow heedhe
    Anigoo ku sugey heedhe
    Maxaad ii sugtaa heedhe?
    
    Heedhee Sahraay heedhe
    Marka haaddu socod deyso
    Dhirta sare tukuu fuulo
    Gorayadu sanqadha reebto
    Adna soonka xidho maaha
    Mugdi talada sii maaha
    Berri iyo siday doonto
    Sug cadceedda maqan maaha
    Saqda dhexe habeen soocan
    Gudcur simay adduunkeenna
    Wax siraata noqo weeye
    
    Heedhee Sahraay heedhe
    Saran seerka jiilaalka
    Surbacaadka jaahweynta
    Sumal-haadka roob waaga
    Iyo solanka daaduunka
    Cirka oo sabaad guurey
    Dhulka oo huwadey siigo
    Iyo dogobbo soogsoogan
    Marka beladu sooyaanto
    Saadaashu beenowdo
    Saca nuguli kaa leexdo
    Adna sebenka raac maaha
    
    Inan sabadu duugoobin
    Sayax iyo ugbaad waayin
    Sudda iyo degaankaagu
    Surmi iyo harraad leeyan
    Ama saacu guur-guurin
    Sohda ceelku dheeraannin
    Adaa yeeli kara saasba.
    
    Heedhee Sahraay heedhe
    Saxariirka aafaadka
    Saxallada kal-meerkooda
    Sambabkuba col weeyaane
    Marka saymo loo iisho
    Ama soofku jaan qaado
    Ushu way sabooshaaye
    Ha ku dagan sidsidadkeeda
    Qalinkaa wax suureeya
    Kugu sima halkaad doonto
    Saaxiib kal furan weeye
    Sunto fara ku hayntiisa
    Weligaa ha sii deynin.
    Sisin iyo ku beer muufo
    Iyo laanta saytuunka
    Ku qotomi sungaan waarta
    Iyo nabadda seeskeeda
    Samo iyo ku doon heedhe
    Dunidiyo sinnaanteeda
    Ku dawee sawaaceenka
    Iyo siica daacuunka
    Ku burburi sarbaa mooska
    Iyo soohdimaa meersan
    Ku midee samuud raaca
    Midabada la sooc soocay
    Dadkan tobanka saamood leh
    
    Weligaa ha tumin seefo
    Iyo sabaradaha mowdka
    Dar samaysan baa yaalla
    Sancayahan gaboobaa leh
    Sahankaynu diranaa leh
    Nin sokeeyeheenaa leh
    Ninka sida xilkeennaa leh
    Ka sarjara heddeennaa leh
    Salab ciiddu hayn weydey
    Ninka sudhay xiddigahaa leh
    Nin sabuul la aayaysto
    Dhulka siib ku ridin baa leh
    Nin Sahraay adduunkeenna
    Sacad gubi karaa haysta
    Ninka sigay kun jeer baa leh
    Waxa nolosha saameeya
    Sako nimaan ka bixin baa leh
    Nafta saawa-saawaysan
    Santi nimaan ku furan baa leh
    
    Nin aqoonta soorkeeda
    Sida kale u rogey baa leh
    Ninka sulubka maadhiinka
    Ugu roon saboolkaa leh
    Nin samaa ku adag baa leh
    Sannadkaynu caydhowney
    Kaynu suus ka weynaa leh
    Naftu waa sir xeel dheere
    Nimaan suubin Karin baa leh
    Wedka qudha sameeyaa leh
    
    Sulda iyo xanuunkeeda
    Shalay iyo sadaaddeeda
    Iyo saawihii hoogga
    Naxdintii badh baa suuxsan
    Selelkii badh baa waashay
    Dad sawaaban baa buuxa
    Dumar waayey saygooda
    Hengashii sidaa muuqda
    Ololkii badh baan seexan
    Sarihii dumaa jiifa
    Qabrigii sinmaa jeexan
    Waxa saaka joogow ah
    Surrad baa I guud taalla
    Salabkii horaa tuuran
    Samadiyo dhulkaa buuxa
    Baddu waa sakalo miidhan
    Qalab suruc leh baa laalan
    Sanqadhuhu hub kacay weeye
    Sabarkii dadkaa baahan
    Saantii dadkaa qaawan
    Weli talo ma saalloona
    Waxa soo socdaa yaab leh
    Wershed suufiyaa daaran
    Waxay soo siddaa geeri
    Midhaheedu waa saymo
    Belo aan fan seeraarka
    Saxar loo mar-maran weeye
    Waxan ahay qof cayn saaban
    Deldelaad u sudhan jeebka!
    
    Allow yaa wax suureeya
    Salka dunida yaa dhawra
    Iyo seeska jiriddeeda
    Wacanaa sansaankeedu
    Badanaa sudaaddeedu
    Saxanaa hannaankeedu
    Allow yaan sugnaanteeda
    Saymiyo u rogin duullan
    Subax noolba dhiig daata
    Xadhig iyo silsilad shiilan
    Allow yaan sinnaanteeda
    Ku beddelin saraar oodan
    Iyo seere wiil qaytey
    Dadka saran guudkeeda
    Yaan ka dhigin sabool qaawan
    Iyo soobir caydh jooga
    Erey sami wuxuu gooyo
    Allow yaan ku jarin soodhka
    Garashada ka dhigan seefo.
    
    Allow yaa su'aashaasi
    Sida ay u tahay yeela.
    
    Heedhee Sahraay heedhe
    Dhulka iyo wixii saran
    Sare iyo wixii laalan
    Inta sudan intii seemman
    Waxa jira sir iyo caadba
    Rabbi qudha sax weedhiisa
    Sida uu ku yidhi buuxi
    Waxa hadhay salka iyo baarka
    Inta sool qarsoon joogta
    Inta seel xidhxidhan jiifta
    Inta saydha waabayda
    Maroodiga siddaa dheer leh
    Wiyil iyo sahboodkeeda
    Inta laga subxaanaysto
    Kolay tahay libaax sayn leh
    Marka aad Sahraay meel fog
    Uga suul-dhabaaleyso
    Deg-deg inay sujuuddaada
    Suxullada dhigtaan weeye!
    Sidashada awooddaasi
    Sahal io wax fudud maaha
    Qofba waa si garadkiisa.
    
    Heedhee Sahraay heedhe
    Badda iyo sulaaqeeda
    Iyo buurta saysaaban
    Onkodkiyo sawaxankiisa
    Salowgiyo jibaadkiisa
    Danabkiyo salsalihiisa
    Sarka dhabanka duufaanka
    Ha ka didin sawaxankooda
    Duni kuu sakhiran weeye
    Sayid baad u tahay caana
    Suubaali oo layli
    Ku sasabo aqoontaada
    Senge iyo ka dhigo doonni
    Sallo iyo ka dhigo oori
    Gabadh weeye caad saran
    Badi saayiraadeeda
    Iyo laab salaaxeeda
    Guro saadka guudkeeda
    Iyo sahayda uurkeeda
    Kordhi noole soorkeeda
    Iyo baahi saarkeeda
    Hubi nabad sugnaanteeda
    Iyo sabo negaanteeda
    Ha ku deyin xannun saaqa
    Ha ku badin saqaaf ciiddan
    Suluf iyo colaad waarta
    Ha ku saaxin naabaalka
    Iyo sulubka baaruudda
    Ha ku didin sabbeeyaanka
    Sabareynka boodbooda
    Iyo sukhula naareedka
    Ha la dhicin sawaariikhda
    Iyo saanadaa miiggan
    Ha sumayn macaankeeda
    
    Salabaha ha marin doogga
    Ha burburin sansaankeeda
    Quruxdiyo sureerkeeda
    Ha sadhayn hagoogteeda
    Sagalkiyo daruurteeda
    Ha sukuumin uunkeeda
    Saryankiyo ugaadheeda
    Ha furfurin sin-dadabkeeda
    Ha ka rogin dul saarkeeda
    Udubbada ha siibsiibin
    Ha afuufin suurkeeda
    Subax qudha ha duuduubin
    Sakaraadka taaheeda
    Uga xilo samaanteeda
    Sacabkiyo mashxaraddeeda
    Garashadu mid soofaysa
    Ha ka dhign sadqaynteeda
    Ha ku solo wanaaggeedu
    Ku sin inan-dumaalkeeda
    Kuwa saadanbee laalan.
    
    Heedhee Sahraay heedhe
    Seben tegey xusuustiisa
    Raad raaca Siinleyda
    Socod barashadii doodad
    Saxarliyo abbaarteeda
    Anigaan wax saaraynin
    Sannad iyo garaadkiisa
    Saadaashu been weeye
    Waxba samir ma liileeyo
    Ha sarwicin qof kaa jeeda
    Hana sugin nin kaa maarmay
    Hana sigan mar mooyaane.
    
    Nin ku siray ha faallaynin
    Sababana ha weydiinnin
    Ha u seeta dheeraynin
    Hana sidin culayskiisa
    Siriq iyo ku qabo baydo
    Hana falin siduu yeelay.
    
    Nin ku yidhi anaa saasa
    Ha ku odhan sidaas weeye
    Sida uu ku yidhi heedhe
    Haddii ay siniin weydo
    Ama sarin sanaan weydo
    Waxa furan sidaas maaha
    
    Qof saluugey maankiisa
    Ama suufay muuqiisa
    Ka sal kacay xaqiiqdiisa
    Qabku saami ladha maaha
    
    Nin sitaba bar baa saran
    Ninka sii sitaa jooga
    Raggannimada sooceeda
    Adigoo sagaal buuxshey
    Hal ku seegay baa yaalla.
    
    Sogotiga qof tegayaa leh
    Si hadday u dhici weydo
    Si kalaa u waan waan ah
    Dunidaa sidaas yeesha.
    Sooryana qof yimi baa leh
    Si hadday u noqo weydo
    Si kalaa u waaceen ah
    Dad horaa sidaad yeelay.
    
    Nin salaad u kacay oogan
    Sahwi galay xalaaleeye
    Adna sahankan beel loogan
    Ha ka dhigin socdaal baada
    
    In halkii sal hayn waayo
    Laga saba rogtaa doora
    In su'aal jawaabteeda leh
    Lala sara kacaa fiican
    
    Nin ku yidhi sinnaan mayno
    Adna buri sarrayntiisa
    Sidka waa wadaagtaane
    Ma sagaashan baa tiisu.
    
    Selelkaba hurdaa keenta
    Haba seexan goor baas leh
    Han sareedo loo waayey
    In saraayo loo daayo
    Sida aan u idhi weeye
    Bela saacaddeed joogta
    Sabti nabada haw riixin
    
    Subax dhalatay caadkeeda
    Ha ka bogan wax saarkeeda
    Adiguba samee maanta
    Berritona sargoo heedhe
    Noloshaba inaad saafto
    Qaabayso saabkeeda
    Waxaan suura gelin maaha
    
    Garashiyo sugnaan hoyso
    Falka sami ha kuu raaco
    Mana jiro sed kaa baaqday
    Ilbaxnimadu saas weeye
    Sirta noloshu taas weeye.
    
    Weriyaha   Dib U laabo
      
      Weriyaha socdaalkaan
      Ka hayaa war subaglee
      Weeye weeye ii dhaha
      Wanankii mid baa jaban
      mid kalaa wad-wadataa
      la walwaal Siyaadoo
      shan wasiir la socotaa
      laga wacay xabaashoo
      wefdi baa baxaayoo
      waaleed u kacayee
      ku dhakhsada waraaqaha
      wararkiyo farriimaha
      
      Dogobyohow walhanayaa
      malaa saaka waayuhu
      ma sitaan wanaaggii
      shalay iyo wacnaantii
      wakhtigaaga buuxsamey
      haddii weel ceshaa jiro
      weynayso xeedhada
      wadhidaada dib u dhigo
      dawliskii Walwaleed
      inaan waarna kuu hadhin
      bal dadkoo dhan weydii
      wir haddaad sal adag tahay
      iska waabi geerida
      wedka adiga kuu qoran
      ku wareeji qayrkaa
      inaad waarto goormaa
      waxyi kuugu soo degey
      haye dee wadaadkow
      xil wareejintii hoo
      iga qabo waliinjada
      anba waalli heensaday
      wadwadkeeda geeddee
      adna sii walaandee
      
      In Wilwilo ciyaar tahay
      Is waraari badan tahay
      Wiglo iyo hab leedahay
      Marna walax dagaal tahay
      Warmo iyo hub leedahay
      Wejigeedu laba yahay
      Waayeelba noo sheeg
      
      Wallee iyo Billaan maray
      Iyo wacad Illaahay
      Wershadaa saboolkiyo
      Wadhatada la qaybsaday
      Wiilay dhashaan ahay
      Weeraarta hoosiyo
      Waaheel rug sare furan
      Marka laysu kala waco
      Ninka labada waaxood
      Danyar weheshadaan ahay
      Waayo waayadeed dee
      Sow geel ma wadi jirin
      Weris caano kama dhamin
      Walacsiga nin hodaniyo
      Sow wiirsi kuma korin
      Sow aabbe weydiyo
      Waxma hayste ima dhalin
      Ina Walanwal maan ihi
      Hurre lama walaal ihi
      
      Derejooy wid lagu yidhi
      Wid widaanwid lagu yidhi
      Walahaana kugu raran
      Hantiyeyna kuma waco
      Woohowna kuma dhaho
      Weligeyna kuma sugo
      Wed haddaanad celinayn
      Nin ku sheegtay waarayn
      Maxaan kuu warsanayaa?
      
      Waxaad aniga ii huri
      Kuwa kugu werdiyayee
      Sida weli ku caabuda
      Ku wanaaji qayrkay
      
      Is wanneehintaadiyo
      Wadha hayla soo gelin
      Weysada ha iga jabin
      
      Alle weger haddana weger
      Weger iyo ka waaweyn
      Weger iyo ka waasacan
      Ma wadiiqo lulatiyo
      Waaq laan ku dhabar jabay
      Ma wartaan jidka ahayn
      Ma lugtaa wakala jedan
      Ma warkaan tilmaanayn
      Ma dhegtaan wax shubanayn
      Waar hooydu badatee
      Xaajadu wajaqanaa
      Ma waraabihii baa
      Wadhan iyo ka ciyey Togan
      
      Walbahaarka gocashada
      Iyadoo wash iga tidhi
      Waxa dhacay Cabbaasow
      Ila wabax tarareen
      Duni iyo wacaasheed
      Iyo werinta dhiilladu
      Wadnahayga shidayaan
      Ku wahsadey su'shaas
      Wydiinna kuma maqan
      Garashiyo war-celinteed
      Ayaa waaya waayaha
      Webiyada aqoontiyo
      Wacdaraha adduunyada
      Wixii laysla soo maray
      Waayaale hagar baxay
      Wacyigayga koriyaan
      Waddo ii jideeyaan
      
      Waayahay Diktoorkow
      Hadday weedhu muuniyo
      Walanqiyo dux leedahay
      Anba sow walaalow
      Wadar kela ma kaashado
      Sow wawga jiiftada
      Dadka waayahoodiyo
      Wejigooda kama qoro
      Anigoo werwerayoo
      Talo iga wansiixdoo
      Wana waani lulatoo
      Wiswis leexadiisii
      Igu weehanaysoon
      Wadha reer galbeedkiyo
      Weysaaqa Naatoo
      La walaac asqooboo
      Welwel jiifi waayoon
      Sida wiira wiirada
      Warwareeg ku lumayoo
      Hadba way ku kacayaa
      Warac meel ka ciidmaa
      Wax la yaable geystaa
      Wahad laydho keenaa
      Walwal soo afyeeshaa
      Waaceeni dhalataa
      
      Anigoo wadeecada
      Wantataca gumeystaha
      Wakinaaya socodkoo
      Wiiwiida dumarkiyo
      Weehaadka maatada
      La wareer sahsahayaa
      Dhulka waax madoobeyd
      Inta waa ku sara kaco
      Qorrax Gaandi weheshaa
      Wac ku soo tidhaahdaa
      Bulsho weerka xoortaa
      Aniguna wajiiniyo
      Waqal igu gadoodaa
      Wahabkii I saarraa
      Waanwaani dhaxashaa
      
      Dunidoo wajaqantoo
      Cagta lagu walaaqoo
      Inta weerayaal iyo
      Bahal iyo wareentiyo
      Kun waraabe boobeen
      Shan walleys u taliyeen
      Dad wanaag ku ledey xalay
      Inta weerar lagu furay
      Lagu galay war ma qabtada
      Shil ku waabariistoo
      Wadhantooda haaddii
      Ku wishiirriyaysoon
      Anna wadhida dhiillada
      Murugada wahwahayaa
      Weyrax meel ka toosaa
      Senge waalan fuulaa
      Isticmaar la wiiqaa
      Wabar lagula ciiraa
      Waydiisa taahaa
      Anigana wajaaf iyo
      Warmo layga siibaa
      
      Hadba laba is weydoo
      Kala weecanaysoo
      Nacab kala wareejoo
      Weji dadab is dhaaftiyo
      Sac warraaqa jiilaal
      Weyshiisa diidoo
      Weydaartey xeradaan
      Waanwaan dhex dhigayaa
      
      Hadba duul wahsanayoo
      Inta waayir lagu xidhay
      Wadhaaf lala hor joogoo
      Wanshax meel la jiifaa
      Wacdigaygu sooraa
      
      Hadba wadar la dhacayoo
      Inta ay wisiisidey
      Warmaheeda gurataan
      Ina wadiya leeyahay
      
      Hadba wiilal baxayoo
      Wacad qabe bahdiisii
      Wallihii ku baajoo
      Waddadiii ka leexdiyo
      Nin wabiina doontoo
      Wisin maqan ku duuliyo
      Waqle jiibka saaraan
      Wararkooda sugayaa
      Walamsade la tuuriyo
      Wadal lagu gadoodiyo
      Hadba meyd la wacay baan
      Digashada waddaacayaa
      
      Hadba wacal la toogtiyo
      Dadqal cayn wareegoo
      Inta wegeradkii go'ay
      Waabay kabbaday baan
      Warqaddiisa jarayaa
      
      Hadba waaq la ridey baan
      Weylaalistiisii
      Wilgaduu fadhiyi jirey
      Wasakhdii ka dhaqayaa
      
      Hadba damal wacnaayoo
      Webigii Ganaaniyo
      Salka gacanka Waaheen
      Waraqyada ku fidiyoo
      Inta wahan ka daba yimi
      Wiriqyada u bixiyoo
      Wakhti soo qandoodshoo
      Walcan go'a lalmanayoo
      Wegdihiisa laabtaan
      Ubaxii ku waabnaa
      Maqal weyd la togantiyo
      Waxaraha u tumayaa
      
      Hadba Shaah la waayiyo
      Boqor weer cad goostoo
      Inta wish la sara tegey
      Waaq waaq ka ridey baan
      Taajkiisa warasiyo
      Hanti shacab wadaagiyo
      Waqaf guud ka dhigayaa
      
      Hadba Janan wanjalanoo
      Dhulka laga wandaafshoo
      Cirka looga webiyoo
      Cidla dhex walhanayoo
      Wedku deydeyaayaan
      Waxa lumay ku darayaa
      
      Hadba feleg wareegiyo
      Yididiilo walacliyo
      Saadaal wil furatiyo
      Waaleeyo curataan
      Weelkeeda culayaa
      
      Wiyil dabarka goysiyo
      Hadba umal wallacay baan
      Werdigooda rogayaa
      Libin fool waliishiyo
      Hadba maalin weyn baan
      Wanankeeda loogaa
      
      Xinjir wararacdeediyo
      Hadba guul washiranoo
      War wareeg ku dhalataan
      Walqasheeda tiriyaa
      
      Onkodkiyo wannaaniga
      Iyo dhibicda weedhka leh
      Walanwalinta maansada
      
      Walwallaynta geenyada
      Wanqaraarka jiiftada
      Waxa looga jeedaa
      Ama loo wacwacayaa
      Wacdaruhu u dhacayaan
      Lugta waarrinaysiyo
      Isha waabanaysaa
      Ha ku waano qaateen
      Wegenkiyo colaadaha
      Nin dulmani ha weheshado
      
      Waddammada adduunyada
      Afarteeda waaxood
      Dhibta iyo wax yeellada
      Inta ila wadaagtaay
      Aan heeso weriyee
      Kici weerarkaagii
      I waraabsha geedkii
      Waxyigaygu saarraa.
      
      Xamareey Ma Nabad baa   Dib U laabo
        
        Xayaabkii cir da'ayeey
        Daruur shalka xayddaay
        Xulad geenyo ugubeey
        Darmaan xoosh u dhalataay
        Xil-dhibaanka nabaddaay
        Xajkii Geeska Bariyeey
        Cadceeddoo xab-bururtaay
        Marna xabag barsheeddii
        Nafta xiisa gelisaay
        
        Xudduntii dhulkaygaay
        Xaruntii dadkaygaay
        Xamareey ma nabad baa?
        
        Xiddigtii bahdeediyo
        Xubnaheeda kala maqan
        U ahayd xusuustee
        Sumaddooda xaynkiyo
        Shanta gees u xidhataay.
        
        
        Xudduntii dhulkaygaay
        Xaruntii dadkaygaay
        Xamareey ma nabad baa?
        
        Laamaha xorriyaddiyo
        Xayn-daabka calankee
        Xejinaaya dhalashada
        Xididkay ka beermaan
        Xinjir laga waraabshaay.
        
        
        Xudduntii dhulkaygaay
        Xaruntii dadkaygaay
        Xamareey ma nabad baa?
        
        Carra-edeg xanteediyo
        Xaska weli dhex-yaalliyo
        Xaskulaha in laga guro
        Danahooda xigashiyo
        Xagal-daac in laga jiro
        Tii loo xil-saaraay.
        
        Xudduntii dhulkaygaay
        Xaruntii dadkaygaay
        Xamareey ma nabad baa?
        
        Isticmaarku xeel iyo
        Xanaf iyo wax-yeelliyo
        Xanan iyo dhibaatiyo
        Xadhko miidhan weeyoo
        Sida geed xajiinluu
        Xagxagtaa kor kaagee
        Xadantada gumeystaha
        Xaram lagaga maydhaay
        
        
        Xudduntii dhulkaygaay
        Xaruntii dadkaygaay
        Xamareey ma nabad baa?
        
        Danta inay xaraashaan
        Dembi inay xambaartaan
        Ama sharafka xooraan
        Isticmaar la xididaan
        Ama xeer la yeeshaan
        Nimankii ka xila-furay,
        Naftu waxay u xilataa
        Dhegta xeerinteedee,
        Nolol aan xarrago wadan
        Nimankii xanuunkiyo
        Xabsiyada ka door-biday
        Gobannimo xaq weeyee
        Inta geesi loo xidhay
        Ama xawda laga jaray
        Geerida xalaasha ah
        Nimankii xantoobsaday
        Halka lagu xormeeyaay
        
        
        Xudduntii dhulkaygaay
        Xaruntii dadkaygaay
        Xamareey ma nabad baa?
        
        Shinnida Xumbaaliyo
        Sida xaydha-weyntii
        Nimankay Xawaashiyo
        Xaab-qaaddu keentee
        Xagga sare ka soo degey
        Dhulka xaabadii tiil
        Nimankii xambaartee
        Dhirta xaalufka u rogey
        Dunidaan is-ximinnoo
        Xasillooni loo yaal
        Dadku kala xishoodaan
        Nimankii xaduurkiyo
        Xadaafiirta geliyee
        Inta ay xifaaliyo
        Xumo iyo colaad iyo
        Xiisadaa ku kiciyeen
        Xolad daba ku olosheen
        Xadhkaheeda kala furay
        Xidid iyo tol wada yaal
        Nimankii hub xoogliyo
        Xakamaha ku kala raray
        Kala xaday walaalaha
        Marwadii xanjeerrayd
        Nimankii xabbaadhee
        Xawawaray dhasheedii
        Kuwa midabka ximiyee
        Xaqlahana addoonsada
        Xistigiyo gumeystaha
        Birta looga xiiriyo
        Halka lagu xabaalay
        
        
        Xudduntii dhulkaygaay
        Xaruntii dadkaygaay
        Xamareey ma nabad baa?
        
        Sida xuur wedkeedii
        Xan ahaa ku maqashaan
        Amba xiisahaagii
        Xamarey la dhuubtoo
        Xalay waxan baraarugey
        Iyadoo xiddayseey
        Inta xaysku kuu da'ay
        Dhulku wada xareed iyo
        Xamash iyo ugbaad iyo
        Xilli yahay barwaaqoo
        Dayaxaagu xaynkiyo
        Xuubkii dillaacshoo
        Inta uu xanjaadkiyo
        Xagal qudha la soo baxay
        Dusha sare xinnaystoo
        Dhallinyaro xariiriyo
        Halbo Xuural-caynii
        Isasoo xusheenoo
        Xeebtaada yaabka leh
        Inta ay xaraaraha
        Laba laba u xaadheen
        Xusullada dhigteenoo
        Xeerkii kal-gacalkiyo
        Lagu jiro xisaaboo
        Xantu hoos u socotoon
        Aniguna Xayaad iyo
        Xiddigtii jacaylkee
        Shanta xaraf mid lagu daray
        Xog-waraysanaayoon
        Kolba xaada cududdiyo
        Xaradhkiyo garaaraha
        Il-badhkeed ku xadayee
        
        Xudduntii dhulkaygaay
        Xaruntii dadkaygaay
        Maxaad aniga oo xidhan
        Lahashada xanuunka leh
        Ii xusuusinaysaa?
        
        
      Dhulgariir   Dib U laabo
        
        
        Maansadii Dhulgariir.
        
        Axmedow nin dheeraad sitoo dhiibsan baad tahay
        Tukalaad u dhaaftaa kolkaad dhaliso tii roone
        Dhalintii caleemaha lahayd waygu dheertahay
        Dhawr iyo shan dhawr iyo haddana dahwrarba jiraa
        Haddaan beegsi kala soo dhexbaxay, tooda meel dhigay
        Labadii dhallaanimo lahayd ways dhar urisaa
        Berberaawi dhuub iyo ka dhuub waysu dhurannaa
        Ilhaamay dhiggaagiyo hablaha dhuude falanqee
        Hadduu dhaguxu kala hayb tirsado dheemman baad tahay
        Suugaantu waa dhaqan haddana waa sud iyo dhiib
        Dhidib iyo lud bay leedihiyo dhaabad iyo meel
        Dhuuxuu ka eegaa ninkii dhilan yaqaanaaye
        Qofba waa dhankuu ka arko iyo meesha uu dhigo
        Dadka dhiiri iyo qawl sanbaa lagu dhacsiiyaa
        Sida loo dhahaabu khalqigu ugu dhegtaagaa
        Dhunkaal iyo xajiin lama marshiyo dhuumatiyo sheel
        Sida dhuuni qaataha murtida looma dheehtiro
        Dhiidhiga nin laasimay hadduu dheegto waa halis
        Dheeldheelligaa laga jiraa waa la dherersha
        Dhexrooriyo waxa lagu hojaa weliba dhaad dhaad
        Dhoomaha waxaa laga xushaa teeda dhumucweyn.
        Hadalkana nin yidhi waa dhigaa siidhehbaa dilay
        Inaan dhaabadeeyaan rabaa dhawr kal dabadeed
        Dhaxalkeeda nimankii lahaa way dhebaandhebi
        Iyagaa dharaarba intaan dhaafay sii odhan
        Gabaygani dhambaal buu sidaa waayo soo dhaxay
        Dhulgariirna waa kii la baxay dhalashadiisii
        Dhawdhawda qaadkiyo ka culus dhaan wadaa yidhi
        Kana dheer is yeelyeelka iyo ii dheh iyo faan
        Qof dhabcaala mooyee nin kale waw dhadhamayaa
        Xaajada halkaasaan dhigoo dhaabad baw dihin
        In la sii dhaqaajay rabtaa dhaygag badanley
        Oo loola dhaadhaco halkay dhuux ka leedahay
        Waxaa lumay dhudhumintii runtiyo dheeli tirihii
        Inta samaha dhuxulayn kartaa waa dhif iyo kow
        Dhalool bay isugu biirtay iyo tii dharjo ahayd
        Dhulka wuu ku soo badanayaa baal ku dhooruhu
        Dhan-xiiradu haddii ay maqlaan ways dhufanayaan
        Sinnaantay dhaliil moodayaan tii ilaah dhigay
        Dhinacay ka joogaan sharciga waa dhis foorara
        Marka ay dhanaaniga gashiyo dhiibta kala guurka
        Dhiillaha nin buuxshaa ma jiro dhacart jiilaal
        Dhirin-dhirintu waa shay sanoo lagu dhabriiraa
        Hal dhabaalahaa awgaayow tii dhamayd geliye
        Hays dhigan nin nooloow hiddadu waysu dhimataa
        Hadalkana nin yidhi wa dhigaa siidhehbaa dilay
        Inaan dhaabadeeyaan rabaa dhawr kal dabadeed
        Dhaxalkeeda nimankii lahaa way dhebaandhebi
        Iyagaa dharaarab intaan dhaafay sii odhan.
        Laan dharab ka toostiyo hibooy dhool cas baad tahay
        Dhalankaagu waa luulka iyo dhirahay yaaquu
        Malaa roob la dhaca waad taqaan dhiinka jookha leh
        Dhalankiisa shaygaa gobta ah waad u dhigantaaye
        Dhibic iyo cadceed looshan iyo dheel gu�baad tahay
        Qurux iyo dheg baad leedihiyo dhaabad iyo sees,
        Dherer iyo laf baad leedihiyo dhaygag iyo yaab
        Dhebi heeg u baxay baad ka tahay dhoobo jiifyada
        Dhul fog baad ka laacdaa sidii dheenta laalida
        Ruuxii ku dhawraa si buu kuugu dhegayaa
        Dhabeelnimana way kugu jirtaa dhab iyo misaan
        Dhiidhiibsigaagiyo haddana dhuda wanaagaaga
        Dheehaaga maahee shishaad dhuux u leedahaye,
        Dhulka lagama soo qodin dadkee aadan baa dhalay
        Adiga iyo hablaa dhinaca kale waysu dhigantaan
        Dhud qudhaa ka wadda beeranteen dhaadashada guud
        Dhab-dhab baad ku kala leexateen adiyo joog-dheer
        Dhawaweylanka waxa kuugu wacan amase dhoohnaanta
        Dhab-darrooyinkoodaa qalbigu dhaawac dumayaa
        Dhimir bay ku sareen dabool baali kaa dhigay
        Dhafoor taabadkoodaa qod-qoday dhabannadaadiiye
        Dhaqaaq joogsiggaagiyo wejiga dhaxanta saar-saaran
        Dhadhansiga dareenkaa ka culus buuro soo dhacay
        Intaad adigu dhiilaysan tahay taydu waa dhicis.
        Hadalkana nin yidhi wa dhigaa siidhehbaa dilay
        Inaan dhaabadeeyaan rabaa dhawr kal dabadeed
        Dhaxalkeeda nimankii lahaa way dhebaandhebi
        Iyagaa dharaarab intaan dhaafay sii odhan.
        Dhaf dhaf iyo hal hays beena baa soo dhab dhabateene
        Dhugatiyo cad xaaraan ah iyo dhoohan may cunin
        Dhamaas lagu takooriyo ma jirin caado dhaaf kale
        Dhab cad iyo ma haysaan daliil meel la sii dhigay
        Dhaqankaas canbaarayanayaa saaray dhiillada
        Labadii hiyiga dheehi jirey way ka dheertahay
        Weligood dhibaadada aduun looma soo dhixin
        Dhaan dhaano maahee kashaa dhooli dmood tahaye
        Intii aad dhisnaydeen iyagu waa dhur sugayeen
        Dhufaannimo hagooglay intaas kula dhex joogeene
        Dharaar uun in waa kale beryey dhawrayeen abide
        Dhegahay intaas la hadlayeen waa dhab may odhan
        Dhibaatadana way eegayeen dhaayihii jirey
        Cishaday dhanaan tahay haddii laysu dholol fayto
        Dhab u dirirka waa lagu yiqiin dhaanto iyo shiishe
        Ragg hadduu dhabiiltamo naftay dhigi yqiineene
        In kastuu xiniin dhaafyuhuu dhiirinimo sheegto
        Mar haddaan dhalliil lagu gudbayn dhgalsho mooyaane
        Dareenkiisu wuxuu dhaadayaa hoos in loo dhigay,
        Dhar-dhaarray ahaayeen intaa dheri lahaydeene
        Dhaddig iyo labkoodaa ka kale dhinacyo taagnaaye
        Ninka ay dhisaan baan isagu tooda dhaydhayin
        Gudmahay dhabeeyeen ka badan lag iyo dheeraade
        Hadday dhigan lahaayeen mid uun maalba may dhaqane
        Dhaxalkiisa may soo xarayn dhogorta xoolaaye
        Weligood dhalaal subag ah iyo dhaashi may heline
        Dhay iyo karuur labada wel dhoosha may geline
        Hadday dhami lahaayeen miduun dhiilba may tolanne
        Dhegahooda maag baa qabsaday shayna may dhimine
        Sibaa loo dhaliilaa haddana ruuxna may dhibine
        Dhuyaal iyo kudaal bay damceen dhiigna may galine
        Dhulka waa ka sii guuraayaan ruuxna may dhicine
        Dhoof bay ku daasteen inay sibiq dhaqaaqaane
        Dhalashada nay dooriyaan bay u dhowdahay
        Dhagar inay galaan bay damceen dhaarse may marine
        Dhaxaan ogsoonaa halyey dhuuntay keligii
        Hadalkana nin yidhi wa dhigaa siidhehbaa dilay
        Inaan dhaabadeeyaan rabaa dhawr kal dabadeed
        Dhaxalkeeda nimankii lahaa way dhebaandhebi
        Iyagaa dharaarab intaan dhaafay sii odhan.
        Godka dhidarka beelaha qotow dhowr kal baa hadhaye
        Hadduu dhiillo leeyahay dulmigu waad ka dheregteene
        Intaad weel manno ah dhaamiseen waa dheg weyntahaye
        Dhanihii bad weyntiyo yuryuran waydinkiii dhuraye
        Ulihii dharkaynkiyo cayada waydinkii dhilaye
        Dhamacdiyo dabkaad quudateen maahadhalanteede
        Dhayl maaha maalmaha intaad guulo dhigateene
        Sabirkiina dheer iyo xaqaa tiina soo dhicine,
        Adduunyada ninkii dhalad yaqaan   waw dhab tiriyaaye
        Dhibaatiyo waxaa lagu yaqaan teeda dhinac taale
        Markaasay is dhaaf dhaasiaa\ labada dhoomoode
        Meel dhowna wuu kula kulmaa kay ka dheertahaye
        Meel dheerna way kala taagan kay ku dhowdahaye
        Nin xaqiina meel hoos dhigay tiisu waa dhedo,
        Xumaantana wanaag baa dhaxlee wayda haw dhimane
        Naftu dhaaba dhaabaha hiyiga way ku dhacantaaye
        Kol haddii dhabbada loo qorqoro way ku dhilantaaye,
        Mar haddii qalbiga ciil dhufasado dhaaftay taladiiye
        Sidxa dhooddi meerkii taleex haw dhaqaaqina
        Dhirbaaxooyinkii quudhsigaa dhuunta yuurura�e
        Haddii dhagar inaad gaysataan laabtu dhigi waydo
        Sidaad dhaab u soofaysateen haw dhabaynina
        Cishadaad wax dhiilayn kartaan dhaafa tii culus
        Dhanka eebahay xiga adduun wayska dhalanteede.
        Hadalkana nin yidhi waa dhigaa siidheh baa dilay
        Inaan dhaabbadeeyaan rabaa dhawr kal dabadeed
        Dhaxalkeeda nimankii lahaa way dhebaan-dhebi
        Iyagaa dharaaraba intaan dhaafay sii odhan.
        Dhab dhabluhu markuu yimi arlada may dhammayn talo
        Waatay dhufaannadu khalqiga soo dhex geliyeen
        Waa kii dhammaastiyo falkiyo keenay dhallanteede
        Waa kii dhibaabada la yimi dheegga dheegaha
        Waa kii dhufaysyada qotee dhoombir soo rogaye
        Maatay dhankaas iyo dhankaas baahday dhiilladu
        Markay dhabaqday waa kii shacbigu soo dhalaashadaye
        Waataad dhadhaabtiyo budkiyo dhagaxa boobteene
        Gobannimada waa tii dhagdhago dhaanto loo tumaye
        Dharaartaana waad wada jirteed dhiiftu kululayde
        Waa loo dhammaa maalmihii laysu dhaarsadaye
        Hayeeshee ma sii dhugan caqligu teeda dhinac tiille
        Dhiilladu halkay weeran tahay looma faal-dhigine
        Waa tii la dhaawacay markay dhalatay guushiiye
        Weligeed dhan baa qaawanaa dhidibadeediiye
        Xaajadu intay dhowdahay dhaymo leedahaye
        Shinkeedii markay dhaaftay bay keentay dhabandheebe
        Dhab-darro uma tgoosine nabsigu wuu dharaarsadaye,
        Dhacan baa la saaraa halkuu eel ka dhowdahaye
        Markaasay dhurwaagiyo colkiyo dhawrta celisaa
        Nin dhug lihiba wuu garanayaa suul dhabaalaha
        Dhabbadaad u xaadheen ninkii soo dhus layn jiraye
        Dhextaalkeeda goortuu hubsaday soo dhabacateeye
        Dhalliilaha markuu sahansaduu meel ka soo dhacaye
        Dhawaaq toosiyow baxay lugtii dhaaftay jeeniga
        Waa kaas dhaqaaliyo hub iyo dhoof u soo helay
        Dhuxul hoos ka nool iyo dabbaa soo dhabiib kici
        Dhacadiidka xaajada gashiyo dhabano hayskeeda
        Markii aan dhab deyey baan is idhi dhacanta sii saare
        Af dhabaan-dhabkeedii haddana waan ku dhiiradaye
        Dhanbaalkii digiintaan is idhi caawa yuu dhixine,
        Dheehda rashiidow mar baan neefka loo dhigine
        Magaceeda oo laba kordhaban yey dhawelantaa
        Marka dhiilka lala hoos galay meelo dhugtaaye,
        Ummadyahay dhabbaa loo hadlaa waa is dhigateene
        Dulmigii lafaa dhuuxaybaad dib-u-dhar-dhaarteene
        Ummad baad xaqeedii dhammaa dhababka saarteen
        Gunaadkii naftii weli ma dhigin waase dhiig baxaye
        Garaadkiinu waa dhaafsan yahay dhiilka buuxsamaye
        Maantana waxaa idin dhex taal tii dib loo dhigaye
        Caaway u dhowdahay haddaa dhugasho siisaane
        Haddaan dhaymo loo helin xujada mooyi tii dhici.
        Hadalkana nin yidhi waa dhigaa siidheh baa dilay
        Inaan dhaabbadeeyaan rabaa dhawr kal dabadeed
        Dhaxalkeeda nimankii lahaa way dhebaan-dhebi
        Iyagaa dharaaraba intaan dhaafay sii odhan.
        Dhillow yahaynku waa geed ka baxa dhuunta geed kale�e
        Iminkuu dhabbada soo hayaa dhaankii reer Yurube
        Nin kaastoo is dhoob-dhoobi jiray dhigaha loo laabye
        Dheweraad hadday kala lahayd laysu soo dhuraye
        Markii dhuuni loo rogay arlada dhoorku wada daalye
        Dhalliinyaradu way dayriyeen dhalashadoodiiye
        Waa taa ninkii dhowrsanaa qaad ku soo dhacaye
        Waa taa dhabeeshii hiddaha dhaylo loo dubaye
        Dhuuq-dhuuqlayaashii batiyo heen dhalaashuhu
        Dheribay wada foortaa diidan dhaqankii
        Dhaddigiyo labkeedii waqtigudhaal isugu keen
        Ummaddii dhiraa kala lahayd ways dhex hurudda
        Dheg dhegiyo lafaa dhuubtay iyo dhogor xumaantooda
        Qaraamaad markay wada dhantaa dheehu doorasamay
        Hadday dhoojo wada yeelatiyo dhiico iyo tuure
        Haddii dhawrasaan lagu yiqiin dhimay hankeedii.
        Dhibaatada xilkeedii horaa ugu dhabcaasheene
        Maantana sidii dhagax dixeed hawgu sii dhegin
        Inta shay la dhawrtiyo haddaan diinta kugu dhaarsho
        Haddaan dhaar carriyo caaggan iyo dhaar cas kugu dhaarsho
        Inta gabay dhaf leeyahay haddaan kaaga dhira fuulo
        Haddaan dhaho haddaan dhigo haddaan weli dhiib-dhiibo
        Anigoon wax kuu dhimin haddaan dhegaha kuu buuxsho
        Dhaq-dhaqaaqa ma kaa iman karaa dhiillo lagu baajiyo.
        Dhabtuun baa khalqigu diidayaa meesha dheer tegaye
        Dhulgariirka waa laga baqaa waayo soo dhaxaye
        La dhex joogi mayo arlada dheelmashow qorane
        Qofba wuxuu dhigtaa baa u yaal dhiilka aakhiro
        Ninkii dhiiri sheegtow is furo waa dhanaan tahaye.
        
      Awaal Tiris   Dib U laabo
        
        
        Awaal Tiris
        
        waa Maanso uu tiriyay Abwaan Maxamed Ibraahim Warsame(Hadraawi)
        waxa uu sammeeyay Muddo imika laga joogo Laba Bilood.
        Waxa ay si gaar ah uga hadlaysaa Dhibaatada Qaadka iyo...
        
        Maansadan waxa tiriyay Abwaan Maxamed Ibraahim
        Warsame(Hadraawi) waxa uu sammeeyay Muddo imika
        laga joogo Laba Bilood. Waxa ay si gaar ah uga
        hadlaysaa Dhibaatada Qaadka iyo Hagardaamooyinka
        uu Dhaxal siiyo Qof kasta oo Cunidiisa Caadaysta.
        Waxa aanay si gaar ah ula hadlaysaa Ragga ay Balwadaasi dishootay.
        Macnaha iyo Ujeeda dhabta ah marka aad si wacan u
        akhrido ayaad aad u sii fahmi doontaaye Shifo ku af saara,
        Sharna idiin ma leh.
        
        
        
        1. Uub baad ku jirtaa qarsoone,
        2. Ka soo baxa iilka Qaadka,
        3. Adduunka ragoow mar kaalay,
        4. Abuurtiyo heega daawo,
        5. Awoodaha saaran daawo,
        6. Falaadkiyo alabbadeeda,
        7. Ilaah samihiisa daawo,
        8. Udbaha iyo teedka daawo,
        9. Aloolka ku jeeran daawo,
        10. Hagoogta aslaysa daawo,
        11. Cadceedda ifaysa daawo,
        12. Ilwaadkiyo nuurka daawo,
        13. Abaabul-caddaanta daawo,
        14. Ummuuraha toosay daawo,
        15. Dayaxa ishin-buuxasankiisa,
        16. Aashaa socodkiisa daawo,
        17. Cir-jiidhiyo ololka daawo,
        18. Rugaa afo-gaalladiisa,
        19. Laxaa iyo ururka daawo,
        20. Aleelaha guudka daawo,
        21. Habeenka amuuman daawo,
        22. Shareerkiyo aqalladiisa,
        23. Haddana ashqaraarradiisa,
        24. Ardaayada gogosha taalla,
        25. Ammuuraha seexday daawo,
        26. Haddaanu arbeebigeedu,
        27. Ku barin abtirsiimadeeda,
        28. Inbiig ku dhex joogi maysid;
        
        29. Ugaas bokhran baad ahayd�e,
        30. Irdaha noloshaad ahayd�e,
        31. Ilayska dhulkaad ahayd�e,
        32. Ragoow indho-beelistaada,
        33. Asaayo maxaa ka beermay!
        34. Halkaad ku lahayd astaanta,
        35. Maxaa umal soo fadhiistay,
        36. Maxaa gudcur soo af yeeshay,
        37. Naftaada markaad illowday,
        38. Bal soo tiri aafadaada,
        39. Wixii lumay aynabkaaga,
        40. Bal daawo inkaarahaaga!
        
        41. Unuunka dhirtaad ka goysay,
        42. Aahdeeda bal soo dhegayso,
        43. Hashii iyo awrka geela,
        44. Abaaludda loo dareershay,
        45. Ureenkiyo tiinka daawo,
        46. Rasaasta alwaysa daawo,
        47. Oomaarkiyo dhiigga daawo,
        48. Areerinka meydka daawo,
        49. Islaan curadkeeda weyday,
        50. Asayda la saaray daawo;
        51. Habliyo ubixii dalkeenna,
        52. Markay Ingiriis u xiistay,
        53. Markii Inglan looga yeedhay,
        54. Wedkay ku aroortay daawo;
        55. Uneexada gabanka xoortay,
        56. Abaydinka dooxa yaalla,
        57. Abkiisa la sheegi waayay,
        58. Aboodigu boobay daawo;
        59. Addoonka addoonka maagay,
        60. Ku yidhi isku Aadan miihin,
        61. Gabooye agtiisa yaalla,
        62. Walaalnimadii ka ootay,
        63. Aayaadkiyo diinta qeexan,
        64. Sidaas kaaga aayo beelay,
        65. Halkuu illin mooday daawo;
        66. Cirkii onkodkiyo hillaaca,
        67. Daruuraha alabaskooda,
        68. Cuslayn jiray alalagtiisa,
        69. Bal daawada uummigiisa;
        70. Dhulkii ubixiyo caleenta,
        71. Ugbaadkiyo doogga laaca,
        72. Ilwaadkiyo nuurka sheegtay,
        73. Awaaraha jiifa daawo;
        74. Basaastiyo oonka daawo,
        75. Geyiga umal-toobankiisa,
        76. Ayaayurantiisa daawo,
        77. Bal dhawr laba-eefiddaadu,
        78. Waxay af-dhabaandhab keentay!
        79. Garaadka abloobay daawo,
        80. Adduunyadu baadi maaha,
        81. Mudkeediyo bulad ammaanka,
        82. Afkii cunay quusan waaye,
        83. Hadduu laba-aabudh saaray,
        84. Hadduu ugubkeeda leefay,
        85. Muxuu ka dhex joogi uuska.
        
        86. Ugaasadu meeday? hee dhe,
        87. Dorraato miyaan la aasin,
        88. Miyaan kafan loo amaahan,
        89. Miyaan axan loo yaboohin,
        90. Markii araggaa la waayay,
        91. Miyaan jinku qaylo oogsan,
        92. Miyaan insigii gadoodin,
        93. Miyaan ollogeenu yaabin!
        
        94. Ishaaro san kaama hayno,
        95. Shidaad naga oollin maysid,
        96. Ogaal nagu caymin maysid,
        97. Itaal nagu xoojin maysid,
        98. Qudhaanjo afuufi maysid,
        99. Dalool naga awdi maysid,
        100. Xashiish nala ururin maysid,
        101. Aqool nala seesi maysid,
        102. Aqoon nagu biirin maysid,
        103. Xilkaagana oofin maysid,
        104. Afkaagana dhawri maysid,
        105. Sidii gabadhii Ayaan�e,
        106. Ayaan-Hooday dhahaan�e,
        107. Abwaannimo sheegan maysid,
        108. Aroor qudha toosi maysid,
        109. Dhiggaagiyo aynigaaga,
        110. Adduunka la qaybsan maysid,
        111. Iskaaba xusuusan maysid,
        112. Wixii Rabbi kuu abuuray!
        
        113. Intaydu ku deeqi mayso,
        114. Intaada ku biirin maysid,
        115. Hantida arladoo dhan taalla,
        116. Haddaad irbad nooga keento,
        117. Ducaa ku asqayn lahayd�e,
        118. Inkaar naga waayi maysid;
        
        119. Ufiyo bacad baan fadhiistay,
        120. Anfaaciga aad cunayso,
        121. Ilaaqda raggaan ku keenay,
        122. Waxaan u adkaystay maagis,
        123. Amaah iyo qaylo joogta,
        124. Uurkayga waxaan ku haysto,
        125. Afkayga ka sheegi maayo,
        126. Asluubtana qoomi maayo,
        127. Awaashiyo waayahayga,
        128. Ka daalaco oogadayda.
        
        129. Haddaad na ilaalin weydo,
        130. Axsaanta ku laaban weydo,
        131. Abaal nagu yeelan maysid,
        132. Ammaan naga dhowri maysid,
        133. Anigu kugu faani maayo,
        134. Dharaar kugu aarsan maayo,
        135. Adiga kuu uunsan maayo,
        136. Agtaydana jiifi maysid,
        137. Haddaan beri kuu il-duufay,
        138. Haddeer ku abaysan maayo;
        
        139. Markay ajashaada gaadho,
        140. Cidina kuu ooyi mayso,
        141. Ilaahay ka dhuuman maysid,
        142. Jannada ku aroori maysid,
        143. Cadaabta ka oolli maysid,
        144. Godkaaguna waa aboor,
        145. Abeesiyo waa ciqaab.
        
        146. Ragoow amarkaaga weyni,
        147. Haweenka uleeya maaha,
        148. Dhibtooda ku iida maaha,
        149. Ufaan uf qadhiidha maaha,
        150. Albaabbada kheyrku seegay,
        151. Caqaar ku aroosta maaha,
        152. Asaasaq ku gaadha maaha,
        153. Ku aakhiro-seega maaha.
        
        154. Ragoow irdho qaadan maysid,
        155. Ugaadhsi ka seexan maysid,
        156. Abeerka badbaadin maysid,
        157. Ugeybkana dhaafi maysid,
        158. Haddaad cunto aayahaaga,
        159. Xulkooda haddaad abbaarto,
        160. Unuunka haddaad ka goyso,
        161. Areebo sidaad ka yeeli?;
        162. Sabeen inanteennu maaha,
        163. Adeeri ka sii mug weyn�e,
        164. Asoolka hablaa ka daaya!
        
        165. Abaartiyo roobka dhoofay,
        166. In waalan, intiinna dhoohan,
        167. In qaawan, intii sawaaban,
        168. Dhammaan ifafaalayaasha,
        169. Ka muuqda adduunyadeenna,
        170. Ragoow ubadkaaga leexday,
        171. Islaamnimadii ka baydhay,
        172. Agoonnimadooda buuxda,
        173. Dhashiinna ku aabbo weyday,
        174. Asmay ku calool galeen�e,
        175. Ammaanada boodhka taalla,
        176. Ragoow ololaynta Jaadka,
        177. Haddaad kaga ood fogaatay,
        178. Maxaa arrin kuu dambeeya!
        
        179. Ragoow ka adkoow xilkaaga,
        180. La saayira ooryihiinna,
        181. Irmaanta xaqeeda siiya,
        182. Ragoow ubadkaaga toosi,
        183. Wixii arrin kaa daboolan,
        184. Iimaanka ku baadi-doona,
        185. Afeefna ka yeesha xaajo,
        186. Ilaashada baylahdiinna;
        
        187. Alhuumadu way fiddaaye,
        188. Haddaad ummad liil ka weydo,
        189. Hadday ahab yeelan weydo,
        190. Waayeelku hadduu ab-guuro,
        191. Hadduu odaygeedu waasho,
        192. Hadduu la anbado xilkiisa,
        193. Hadduu runta aamusiiyo,
        194. Hadduu kolba eed xanbaarto,
        195. Asuulkiyo xeerka soohan,
        196. Hadduu marba oof-daloosho,
        197. Hadduu laba-eef caddaysto,
        198. Iimaanka hadduu xaraasho,
        199. Hadduu wacadkiisa iibsho,
        200. Araadi hadduu ku doono,
        201. Ilaahay ka yaabi waayo,
        202. Hadduu kolba iin� caddaysto,
        203. Hadduu umal saaqa yeesho,
        204. Sidii abris qooqan guuxo,
        205. Hadduu sida awr xunbeeyo,
        206. Hadduu abur xoor leh saydho,
        207. Hadduu ilko jiira yeesho,
        208. Hadduu noqdo aadun huursan,
        209. Abeesada meel la daaqo,
        210. Aqoonta qofkii ku dhaama,
        211. Hadduu asaraar ku beensho,
        212. Dhirtuba kala ayni weeye,
        213. Hadduu Garan-waa� abuuro,
        214. Hadduu kala geeyo uunka,
        215. Hadduu marba qayb la ooyo,
        216. Hadduu marba iil banneeyo,
        217. Hadduu yahay uur-ka-gaal,
        218. Wanaagga ku aabi badan;
        
        219. Aleelo hadduu ku waasho,
        220. Islaan iyo foox karaarsan,
        221. Agtooda hadduu fadhiisto,
        222. Ijaabo ka baadi-doono,
        223. Ibliiska hadduu la showro,
        224. Hadduu marba ood ka boodo,
        225. Ishaaro xun baa qarsoon;
        
        226. Haddaanay astaan lahayn,
        227. Abbaar iyo nuxur lahayn,
        228. Aroor iyo raad lahayn,
        229. Ammaaniyo qawl lahayn,
        230. Asluub iyo dhaqan lahayn,
        231. Islaamnimo sheeganayn,
        232. Hadday wada eexo tahay,
        233. Hadday asaroorin tahay,
        234. Asaasiran lagu bursado,
        235. Hadday dabin aasan tahay,
        236. Shil iyo wada eeso tahay,
        237. Hadday wada aano tahay,
        238. Hadday agaraadam tahay,
        239. Addoonsigu diin u yahay,
        240. Hadday orgobaysan tahay,
        241. Iimaanku ka qooman yahay,
        242. Hadday Arraweelo tahay,
        243. Hadday abnawaasad tahay,
        244. Af-duub iyo beeno tahay,
        245. Axsaantu ka maydhan tahay,
        246. Hadday orgi iyo ri� tahay,
        247. Or iyo wada qaylo tahay,
        248. Hadday adhiyaysi tahay,
        249. Hadday adhax-tuujin tahay,
        250. Ilduuf iyo jeeble tahay,
        251. Hadday wada �Aniga� tahay,
        252. Siyaasadi aabbe ma leh.
        
        253. Ku daalka abaabulkeeda,
        254. Alooskiyo baanaheeda,
        255. Ujeeddo ka keeni maysid!!!
        
        
        
      Kala Maan   Dib U laabo
        
        
        
        Sidii maansha loo yidhi
        Allahayow mariiqiyo
        Aanu maanku naga tegin
        Miyirow na kaalmee
        Dhaxan baa melmelatee
        Dabka aan malkadiyee
        Madagtiyo usha i sii.
        Muqdishiyo Hargeysaay
        Kol haddii mar iyo laba
        Muudaa ku gaadiyo
        Maalooti qaxayaa
        Muska kaaga soo dhacay,
        Kol haddii mar iyo laba
        Makri iyo xaqaagii
        Khasab lagu maroorsaday,
        Kol hadduu mar iyo laba
        Kula tegey mahiigaan
        Kol haddii mar iyo laba
        Maxlal lagugu qaybsaday,
        Kol haddii mar iyo laba
        Moqorraysi lagu baday,
        Kol haddii mar iyo laba
        Mooyi mooyi lagu yidhi,
        Kol haddii mar iyo laba
        Muurmuurris dala �siya
        Muhmal lagugu soo wadey,
        Kol haddii mar iyo laba
        Mashqac lagugu deydeyey,
        Kol haddii mar iyo laba
        Bir-ma-geydadaadii
        Iyo mudanahaagii
        Lagu diley kas iyo maag,
        Kol haddii mar iyo laba
        Cudud lagugu meersaday,
        Kol haddii mar iyo laba
        Haanraawe kugu mamay
        Sida malabka doocaan
        Miish-miishad kugu liqay,
        Libta kaa murkucatiyo
        Gobanimada kaa maqan
        Maal baad ku furatoo
        Meyd baad ku bixisoo
        Midnimaad ku dhalisee,
        Kol haddaanad moogeyn
        Masalooyinkaas dhacay
        Muddaduna ka badan tahay
        In sidii ma-yeedhaan
        Isha miirta laga dhigo,
        Maxaa weliba kuu hadhay!
        Alla magane sheekadu
        Si kastaba u murugtoo
        Muggeed dhaaftay xaajadu.
        Haddii layska dhega maro
        Runta kugu mudduciga ah
        Murugaa ku dhaxashoo
        Saqda dhexe ku miratoo
        Sharafiyo marwaad dhimey.
        Noloshaan milga lahayn
        Horaa looga maarmee
        Muqdishiyo Hargeysaay
        Muruqiyo laxaadkaan
        Kala maarmi jirinow,
        Taariikhdu waa marag
        Waxay maanta joogtaa
        Yaa maalijirayeey,
        Ama waa la muuqdaa
        Ama waa la maqan yahay,
        Labadaasna kala miyo.
        Haddaan lays maqmaqashiin
        Midho hore u caan baxay
        Qorigiyo masaartana
        Madfac loogu jilib dhigin
        Maahmaahna lagu darin
        Maya,Maya-na lagu odhan
        Ninka cunay magtaadii
        Maandeeq la soo dhicin,
        Anuun baa mataanaha
        Mooyaha u tumayee
        Madiixayga luuqdiyo
        Masafada gadooddiyo
        Malahaygu waa been,
        Sidaan moodayaan jirin.
        Muqdishiyo Hargeysaay
        Cirka meelo ka onkodey
        Milliqsiga hillaaciyo
        Hanqarkiyo mardaaddiga
        Meexaana carashada
        Majaraha ha dherersado
        Maanshaynta gobollada
        Maadhiinka gaaxdiyo
        Miyi sumuca haw xidho
        Ha ku fido magaalada
        Dalka subax ha wada maro
        Ha ka maydho daafkiyo
        Meegaarka qaybtiyo
        Waabayda lagu mudey
        Mirta hawgu kuur galo
        Habartii masayrrey
        Halka macandideediyo
        Maxasteedu yaalliin
        Ha jabsado misciriraha
        Ha dhufsado mareegaha
        Maqashana ha kala tago
        Iyadana ha maraqsado.
        Muqdishiyo Hargeysaay
        Mukhawigu ha kaashado
        Maaweeladiisii
        Wuxuu maalintaa falo
        Dadka hawga marag dhigo
        Kolba dhagar ha mehersado
        Ha ka dhigo marriinkana
        Mucsur iyo waxba la �aan,
        Ha ka dhigo minxiiskana
        Murugiyo jar soo dumey;
        Ha ka dhigo mashxaraddana
        Muusannawga ooryaha
        Martidana hadhkiisiyo
        Ha ka dhigo malluugaha
        Muunaynta xididkana
        Ha ka dhigo macsiyo dhiig.
        Mahwi laysu soo baxay
        Madal iyo shir lays wacay
        Marta hayska wada furo
        Hayska dhigo mudh iyo gacan
        Heesaha maraadka ah
        Ha ku marin habaaboo
        Masanuunka beenta ah
        Musaraarka selelka ah
        Murugada shallayga ah
        Hawadiisa meydka ah
        Meermeerka quusta ah
        Falka meehannawga ah
        Hanka mala awaalka ah
        Ha ku maararrooboo
        Runta muran ha geliyee
        Makallaha u saynsaab
        Sakalaha u maydhaan
        Mindiyaha u soofee
        Maddanaha dabkaw geli
        Nabarkana u miisaan
        Madhaxii u yiilliyo
        Dhiilashii milaallaa
        Ha maggaabiyee sii,
        Dabadeeto meeshaas
        Inay maalintii tahay
        Madmadowgu kaga jirey
        Adna macallinkeediyo
        Tahay mudanaheedii
        Hadal miiggan ugu sheeg.
        Wallee maadi waa meel
        Qabsoo waana meel dhow
        Cagtan maagi weydee
        Malafsiga ku dhacantee
        Manka tiigsanaysiyo
        Sida mool u qodan-yahay
        Waxay muujinaysaa
        Sida aynu Moogow
        Kala maan u kala-nahay.
        Madaddaala beenlow
        Muhashada ku haysiyo
        Macal saad u baratiyo
        Macaluusha kuu taal
        Waxay muujinaysaa
        Sida aynu Moogow
        Kala maan u kala-nahay.
        Xadhkahaad maleegtiyo
        Sidaan kuugu meel deyey
        Waxay muujinaysaa
        Sida aynu Moogow
        Kala maan u kala-nahay.
        Waxa aan mag iyo qaan
        Gashi magac leh oo jira
        Iyo xoolo kugu maqan
        Isu soo minguurshiyo
        Sida aad u madhan tahay
        Waxay muujinaysa
        Sida aynu Moogow
        Kala maan u kala-nahay.
        Waxan anigu maagiyo
        Waxaad mooye qooqaar
        Ku malaysanasaa
        Waxay muujinaysaa
        Sida aynu Moogow
        Kala maan u kala-nahay.
        Laabtayda milantiyo
        Magligaan afaystiyo
        Guntigaan maleegtiyo
        Maydalkaan jaraystiyo
        Sida Moora duugow
        Martu kaaga furan-tahay
        Waxay muujinaysaa
        Sida aynu Moogow
        Kala maan u kala nahay.
        Wakhti baa muddaysnaa
        Musku waa sanqadhayaa
        Masna waa ka urayaa
        Miciyaanay ku ogtahay
        Meel dheerna kama jiro
        Mundulkuna kor iyo hoos
        Mugdi oodan weeyaan,
        Habartuna mandheer iyo
        Marjo weeye naafa�a
        Muslin-yohow islaantii
        Malmal-li �ida haysiyo
        Wedka hoos marmarayaa
        Mashaqiyo dhib badanaa!
        Gabay waa mullaaxoo
        Mergi weeye leexdoo
        Adigoo midhcaanyiyo
        Maygaag u jeedaa
        Moxor loogu dhuuntaa
        Micnahaan gurracayaa
        Xaalku waa maqaar saar
        Midho dahab haddaad tahay
        Maar baan shillalayaa
        Marso aanad geyin baa
        Hal-qabsigu i mariyee
        Gaarriyow miliilica
        Marba daad rogmanayaa
        Igu soo mir kacayee
        In yar Maxamed ii noqo.
        �Maxaan kugu idhaahdaa?
        Ma wax aanad odhanood
        Hore ugu masuugtood
        Ila maagtay baa jira?�
        �Mayee taas la soo dhaaf
        Hadday maanso dacar tahay
        Suugaantu milil iyo
        Tahay maal qarsoon iyo
        Nabar adiga kugu mudan
        Hadal madhey Suldaanow
        Lagu yidhi muggaagii,
        Mid se aanan falinoo
        Marar hore i seegtoon
        Kula maagay baa jira.�
        �Ku maqlaye bal soo daa
        Waxa igaga kaa maqan.�
        �Marka diriro hooraan
        Dhulka oo mucsur ahaa
        Gobannimo marriimaan
        Dhirtu wada magool iyo
        Ubax iyo man saaraan
        Miiraale gaaxdiyo
        Mayay godol la sara-kacay
        Rugta dhibic ku miisaan
        Alla magane sawtii
        Kuwa maqasha raacaa
        Muxubbada riyaaqada
        Yididdiilo milicsiga
        Muunsoodka faraxa ah
        Maadays ku odhan jirey,
        Aannu madida foosha ah
        Morohyada u culanee
        Ka bax minanka jiilaal�
        �Xaalku waa maldahanyahay
        Mugdi baa igaga jira
        Mana garan ujeeddada.�
        �Haddii mawdku kedis yahay
        Naftu way ka maagtaa
        Godka lagu muquunshoo
        Maaray ka dhigataa
        Inay maahda caal waa
        Meermeerka badisoo
        Marmarsiinyo keentee,
        Hugunkaad maqlaysiyo
        Maroodiga cartamayaa
        Maatadaad dhufaantiyo
        Waa midiidinkaagii,
        Muuqa kuu warramayaa
        Ninkaad mooddey weeyaan.�
        �Sida aad milshi la�aan
        Mudha iigu soo tidhi
        Muran bay i gelisee
        Meesha aynu joognaa
        Marka hore xaggay tahay?�
        �Meeshu meeshi weeyaan
        Meegaarki weynaa
        Ciidankii majiirraa
        Kugu meersanaayeen
        Madaxtooyadaadii
        Iyo mooradii baas�
        �Hadday meeshu meeshii
        Tahay aan ka magan galay
        Inta midab shar leeyahay
        Mudantaan u hagar baxay
        Xaggee baa la soo maray?�
        �Mawjadaa ka soo lalay
        Iyo maayad xoog weyn.�
        �Gartu waa maroortaa
        Xaajadu mutuxanaa
        Mirta yaa isku ogaa?�
        �Mirta waxa isku ogaa
        Xilligiyo mudducigii
        Muddadiisu laallayd:�
        �Maxaa kuu darnaa, sheeg?�
        �Anaad ii macsuun tahay.�
        �Marti-qaad wakhtigan jira
        Waa lagu mergenayaa
        Waxba hay macaaneyn
        Meleggiyo heddeydee
        Muraadkaaga ii sheeg:�
        �Maraan kuu sidaa, hoo!�
        �Taasi waa muddaahano
        Iyo lama maleeyaan
        Waa musuusuqaagii
        Iyo geed is marintii
        Miyaan anigu Jaallow
        Maryo kaaga baahnahay?�
        �Tani waa ma dhaafaan
        Ma-huraanki weeyaan
        Meel baanay kuu tiil
        Waana lagama maarmaan
        Madaxiyo minjaha geli
        Waa meerto duniduye
        Miiddiiba shubatee
        Miidaddawso huubada
        Muudmuudso gocashada
        Murdi weelka godob yahay
        Ma-hadhooyin reebtee
        Yaanay maadi kaa hadhin!
        U danbaynna meydkow
        Madi tegaya waw door
        Inuu meeris duugliyo
        Duluc madhaxle reebee
        Hal-muceed yadaadii
        Rabbi kugu mannaystiyo
        Maahmaahahaagii
        Bal xusuus mid iyo laba
        Miisaan leh ii sheeg
        Maxaan kaa guntaa hadal?�
        �Maqal waxan ku haystaa
        Muslinkiyo waraabaha
        Madmadowgiyo tuhunkiyo
        Mashaqada dhex taallaa
        Inay tahay is maan-dhaaf
        Muudaaga xooluhu
        Marka ay la kulantee
        Muuqiisa aragtay
        Lugaheeda maashaa.
        Isna wuxuu majiiraha
        Uga daba maleegtaa
        Celi maganta baadida,
        Is maqiiqiddiisiyo
        Mintidkiyo dedaalkaa
        Hadba muruq u siibtaa;
        Dee muxuu sameeyaa
        Ilkahaa u midigoo
        Micidaa u gacanee.
        Aniguna mudducigow
        Waxaan meel la joogaa
        Muran li�i dhurwaagaas.
        Muddadii xilka lahayd
        Haddii maamulkaygii
        Malaa kadeed iyo
        Mixnad iyo shil laga dhigay
        Maankayga garashada
        Maaraynta hawluhu
        Siday iigu muuqdeen
        Waxba inanan maandhaw
        Ku masuugin baanfuray
        Inta maqanna gaadhsii.�
        Gudbey MaxamedXaashow
        Mahadsanidna lagu yidhi
        Maamuusna kugu ladhay
        Masalooyin xidhan baan
        Meelayn u deyayoo
        Mayalkaan xejinayee
        Hadda kuguma maakumin
        Ninka aad la magac tahay.
        Miyir iyo xilqaad iyo
        Malko iyo hufriaan iyo
        Milgo iyo xishood iyo
        Madal iyo gar-soor iyo
        Maskax iyo aqoon iyo
        Mintid iyo dedaal iyo
        Mabda� iyo falaad iyo
        Murti iyo tusaaliyo
        Inta mudan adduunyada
        Marinnada hal-doorka ah
        Sina uma midowdaan.
        
        
    Galangal   Dib U laabo
      
      �Galangal� waa gabay uu tiriyey Abwaan Maxamed Ibraahim Warsame (Hadraawi) 1970kii.
      Waxa uu Hadraawi gabaygan ku muujiyey taageerada ay ummada Soomaaliyeed u haysay
      shucuubta Indoo-Jayna (Fiitnaam, Laa�us, Kaamboodiya), kuwaas oo dagaal 20 gu�ood
      jiitamayey (1955 � 1975) libin u diiday quwadaha reer Yurub iyo Maraykanka.
      Gabaygani gorfayn uma baahna, oo isaga ayaa is furfuraya, taariikhdana si wacan
      u sunkaya. Sidoo kalena, Abwaanka ayaa ka warramaya dulucda uu gabaygu ka duulayo,
      iyo waliba ahmiyada heer-abwaannimo ee uu gabaygu u leeyahay Abwaan Hadraawi.
      Dhagayso, dhugo, akhrisona gabayga �Galangal�:
      
      galbis dhacay dadweynahan gabradey, gaafka igu meersen
      qurux ganac leh gole dheehaniyo, bilicdan gaasheesay
      gargarraanta nuurkiyo shacniga, la isku googgooyey
      shirgobeedka guurtida fadhida, garangar waaheelan
      marti gacala mudan laysu guray, gulufka heensaysan
      goloolada mashxaradaysa iyo, sacabka guugaabo
      gallada iyo raynraynta iyo, gooha dami waayey
      iyadoo gorfayntiyo la taxay, doodda gudaheenna
      guddi werisayaa iyo nin kale, gooni hadalyaaba
      qofba kaalin goorteeda buu, gaar u leeyahaye
      Anna tayda ii go�an haddaan, galo abbaarteeda
      ma gunaanadaayee haddaan, jaro garraarkeeda
      gayaaxaa haddii aan ka furo, madida ii gaaxsan
      godolqaad hadday labada law, dib u yar gaalgaasho
      gaawwaha hadday buuxisoo, waliba gaash daato
      ganuunkeeda xoorka le haddaan, madalka gaadhsiiyo
      Anigiyo garaadkay haddaan, idin guddoonsiiyo
      geestayda waa iga dhanyahay, galangalkaygiiye
      gadaashay ninkii odhanayow, gacanta ii haadi
      
      afartaasi waa gogaldhigiyo, maanso gedeheede
      godkaan degay warkaas guud haddaan, kor uga sii guuro
      xaajada gondaha laaban iyo, godanka hooseeya
      gunta iyo salkeediyo haddaan, saro gunaadkeeda
      gawdiyo ujeeddada ladhkiyo, caawa iyo goobtan
      
      nimanyahow gantaalaha subkaye, gamaska dhiigeeyay
      nimanyahow galkiyo seefta yidhi, gees u kala leexda
      nimanyahow sidii awr gurgura, caynku gubi waayey
      nimanyahow garbaha buuxsadee, raray gardaadkooda
      nimanyahow gadoodiga bartiyo, galow la soojeedka
      nimanyahow habeenkii gudee, guura-bahaleeyay
      nimanyahow gadiidkii socdee, meel hadh gali waayey
      nimanyahow sariir lagu gam�iyo, gogal ka dheeraaday
      nimanyahow guryaha diiday iyo, gaari lala seexdo
      nimanyahow gasiinkii ka tagey, gaws wax lagu qaato
      gudcur dama cirkoo gibil xidhoo, dhibic is gaadhsiiyey
      nimanyahow gudgude soo curtiyo, guuxu kari waayey
      gabadannada nimanyow dugsadey, goorad laga hoyday
      nimanyahow gabboodkiyo dugsiga, gellina hayn waayey
      gudguduudka waagiyo saq-dhaxe, maalin kala guurtay
      mugdi gaba� cadceed gaasa-baxa, waaga galacdiisa
      nimanyahow gumaystaha ku jaray, gaadmo iyo weerar
      miinada gumaadkiyo xeryaha, gaadhka lagu meershay
      nimanyahow sidii aarka guda, guudka kaga booday
      nimanyahow guddoonsadey inaan, godobtu duugoobin
      nimanyahow ma guurtada xuska le, geliyey taariikhda
      haddaydaan adduunyada gilgilin, xil i ma guuleene
      laabtayda kama soo go�een, tix iyo geeraar e
      gocashada dareenkiyo murtida, amase guurowga
      waxad gaysateen buu ku yimi, gabayga joogaaye
      
      taariikhda guunka ah haddaan, gelin wax weydiiyey
      Allaylahe Galbeed wuu ku jabay, goballadiinaase
      Indoo-Jayna geeraw-ga qoran, guuldarriyo hooge
      Biyanfuu gulcubihii dhiciyo, galalki dhiigoobay
      Faransiiska wiishkii la go�ay, saw la garan maayo!
      
      maantana geddii baa dhacdiyo, tii gafkii hore e
      gal dad liqa ul baa lagu dayaa, lagu gurraacaaye
      garka xadhigga loo daadshey iyo, gedefka loo saaray
      gaaggaabnidiiniyo malaa, gibil basaaskiinna
      is gamaarintiinnii miyuu, gorodda soo dhiibtay!
      
      iyagays gunaanada intay, qawl is geliyaane
      garannuugta laacii hodaa, goodir tiigsadaye
      gashigii maqnaa buu is yidhi, gooshkan soo celiye
      Baariis dabkii lagu gubaa, Waashintoon galaye
      geyigiinna oo idil illaa, gooddi iyo gooddi
      gargoor baa la moodaa timaa, ciidda guud-qubane
      gallaydhyeys waaraabiina xoor, gorofki caydheede
      rag baruurtu goobtiyo lagiyo, goolalbaw qalane
      gudur iyo badhaadhiyo mudiyo, goonji buu cunaye
      intaad gawracdeen iyo intii, goobo lagu laayey
      gorgor iyo intii baylahnimo, haad ku gabasleeyey
      garba-duub intaa ugu xidheen, galalka liileysan
      way galabsadeen ciilka ay, golongol tiiceene
      goldallooladay jecelyihiin, ciday galaaftaane
      gelin qudha ma daayaan ninkay, gaatir ku arkaane
      gacma hoorsi kaagama tagaan, kumana guuraane
      geesaa bay yeeshaan haddaan, waranku giirrayne
      dhagahay gufeystaan haddaan, geesiyaal heline
      garta ay dhagaystaanba waa, gumuc rasaaseede!
      
      gujaduu ku maalaa ninkii, geda-yaqaanaaye
      gudin iyo warmuu kaga furtaa, gaadhi shaaximane
      gurracnaanta iyo maagga iyo, laba-gar-daymoodka
      gaffuurtaagga iyo tookha iyo, higilka gawdiidka
      gabgabtiyo is-waalkiyo saskiyo, gooddigiyo faanka
      galoof-ololka wey leeyihiin, qabiyo guulguule
      dagaal laysu soo galay haddii, gaylanku is-dhaafo
      galaayuus qaboonada horray, gabarrucleeyaane
      hadhow bay sidii guunyo nugul, gebidhacleeyaane
      marka runi-runteed gaydo way, gamashi dhiiqaane
      gagsi ma le haddii loo cuskado, taniyo gaalleefe
      haddii laysu sii giijo way, galangalcoobaane
      gadaal bay u laabtaan haddii, good ku soo baxa e
      
      waligoodba guul kalama tagin, meel garaad jiro e
      gubniyada la soo daadsheyee, gaatin caranaaya
      gurmad raabaraabiyo coliyo, guuto iyo guuto
      wixii gaasas soo degay wixii, geesh is-daba joogey
      ee tirada ay gaadhayaan, ruuxna garanwaayay
      laf galluuban mooyee haddaan, goosan laga haynin
      maraakiibta goonyaha baddiyo, gaafka hoganaysa
      diyaaraadka gawdaa hayiyo, galacda baaruudda
      dabbaabadaha goobyaalayee, gurada loo buuxshey
      garangarinta naabaalka iyo, gabaxda riigaanka
      gaaraabidhaankiyo dabkiyo, gugaca yeedhaaya
      galayaxa is-dhaafiyo higtiyo, guuxa iyo reenka
      gudban iyo waxay tuurayeen, goosatada reebban
      waxay gaaxsadeen iyo waxay, godal ku keeneenba
      godanadda Kamboodiya taniyo, Laa�us gudaheeda
      Fiidnaam galkeediyo intii, godanka Saygoona
      Indoo-Jayna gees iyo ka gees, guudka iyoo hoosta
      hub wixii galaabaxay haddaa, meelna lagu gaadhin
      ninkiinnii gurguurtiyo intii, naafo gabalgaashey
      ninkii gudungurcoodkuu dhaliyo, gacaladiis waayey
      nin goblamay nimaan gaban u hadhin, gaar nin keligiisa
      gallad qubatay xooliyo dadiyo, garangar duugowday
      gocoshiyo xanuun ma leh wixii, guud ahaan lumaye
      gobanimada waa loo dhintaa, gooriyo ayaane
      ummad gadata mooyee nin kale, waa ka garannuuge
      ma gabloosho beertii xabiyo, dhiig ku goraraaye
      damalkii la gooyaba midbaa, soo gadaal baxa e
      guri laga baroortaba aroos, gaafan baa xiga e
      
      haddaan loo garraadayninoo, waayo lagu guulin
      way gaaggaxdaa talada aad, gola-ka-fuushaaye
      garab-qaadka faylkiyo dhismaha, oodda guriddeeda
      gudintiyo hangoolkiyo habkiyo, gees-u-wada-jeedka
      gadhwadeenka xeerbeegtidiyo, gaanka wadartiinna
      gabadhiyo marwada heeganta�a, ee gambada xooray
      gashaantida maryaha faydatee, gayfan diriraysa
      gaashaan dhiggiiniyo qorshaha, amma go�aankiinna
      guddoonkiinna hoosiyo illaa, guniyo-baarkiina
      galdalloolo kama muuqatiyo, gobor la sheegaaye
      
      xaajadu gun bay leedihiyo, xeedho sii godan e
      farriin laysu geeyiyo ka culus, guubis iyo baaqe
      bulshadii gadooddaa midbay, dhiilla gelisaaye
      markay gibisha xoortaa ta� kale, dabarka goysaaye
      gobolkii xoroobaa mid buu, gama� ka toodshaaye
      jidkaasaa go�doonkii maraa, geeddi mariyaaye
      gabbashada intii diiddanee, gaylan diriraysa
      galladiinu inay nuur u tahay, galiya maankiinna
      
      waxba arartu yey ila gudbine, waxan ku soo gooyey
      gaar kuma tihiin hawsha iyo, goonidiin qudhahe
      gar-naqsiga badheedhkiyo runtiyo, godolka maahmaahda
      golaa baanistiisiyo intii, geed inagu raacda
      gumaystaha intii diiddan baa, gacal wadaagtaane
      gammaan baynu wada saarannahay, gu� iyo jiilaale
      nolosha iyo geerida dirkaba, waw gudboonahaye
      dhul guduudan geediyo ugbaad, ubax ku guud yaala
      xareed galac le galal buuxa iyo, webiyo guurreeya
      ido gorod madow iyo fardiyo, lo� iyo geel foofa
      aar gooha gooliyo shabeel, haramcad guuxaaya
      goobyaalka deerada mankiyo, gurata maanjeeta
      gari jeenya dheeriyo biciid, goray-haldhaa qooqay
      wiyil gees leh farow gaadda-weyn, goodirkiyo cawsha
      maroodiga Ganaanee mirtee, gacanka laadlaadsha
      shimbiraa galooliyo maraa, buul ka wada goostay
      umad goba gabraartana u daran, gebi ahaantiisa
      oo waxad gashaaniyo ogsoon, guurtinamadiina
      gacmo furan salaam gaara iyo, gogal idiin taalla
      iyo guusha oo dhaw haddaan, goorna laga seexan
      galabtaas ninkii jooga iyo, guri-yagleelkeeda
      
      
    Kala Guran   Dib U laabo
      
      
      Hargeysa, October 19, 2011, (Weedhsan) �
      Abwaan Maxamed Ibraahim Warsame (Hadraawi) ayaa curiyay maanso
      cusub oo ka warramaysa nolosha, taas oo uu galabta ku soo
      bandhigay Jaamacadda Hargeysa.
      Tixda uu Hadraawi soo bandhigayo oo ka kooban in ka badan
      600 oo sadar ayaa waxa loogu wanqalay, KALA-GURAN, iyada
      oo maansadu si qoto fog uga warramaysa nolosha iyo sida
      ay u lammaan tahay ee ay xumaan iyo samaanba u leedahay.
      Haddaba Maansadan oo uu Abwaanku si khaas ah u soo gaadhsiiyay
      Mareegaha WEEDHSAN (www.weedhsan.com), waxa qoray, isla
      markaasna qoraalkeeda tifaftiray Maxamed Saleebaan Cumar
      oo ah Agaasimaha Xarunta Suugaanta Hadraawi, Center for
      Hadraawi Literature � Kala xidhiidh faahfaahin dheeraad
      ah, + 252 2 4160271 ama halabuur@hotmail.com,
      mohamed.omar@hadraawi.org ama contact@weedhsan.com.
      (Saxaafaddu way xigan kartaa, laakiin isha xigashada waa in la muujiyaa).
      Maansadu waxay soo if baxday May 27, 2010,
      waxaanay ku ibo-furatay:
      
      
      Qof hadduu kal-gudan yahay,
      Birmageydo sudan yahay,
      Gorka iyo saliilkiyo,
      Dacartiyo gubnoodkiyo,
      Gudur laguma sooree,
      Ama waa ganuun sii,
      Ama galax ku sooryee,
      Ama xagal u geedee.
      Hadday gaajo kulushahay,
      Asaan gowska loo hayn,
      Murti guun ah deeqsii.
      
      Sida Gaannigii Cumar,
      Ama Gun iyo Baar eeg,
      Hibo loo gabbala tiri,
      
      Cali Jaamac guur guur,
      Falfaloosta guux dheer,
      Bari iyo Galbeed saar,
      Lix god buu mar wada degey,
      
      Goof iyo xabaaliyo,
      Xarbi geeri badatuu,
      Gocashada la sara kacay;
      
      Kama tegin galaydhkii,
      Kasha nool gilgili jiray,
      Gabay Maxamed Nuur Fadal,
      Gunnimuu ku diidee,
      Miyuu gaaxshay hawraar?
      
      Ismaaciil Miraa goor,
      Yidhi kibirku waa gaas,
      Xolod beelo lagu gubo;
      
      Gudbantii Ugaas Nuur,
      Ee gurada weynayd,
      Goorba waa la weriyaa;
      
      Ninkii gooha dheeraa,
      Gaadaalihiisii,
      Garri Tima-caddaa siday;
      
      Sida fiinta galabeed,
      Ama galawga jiilaal,
      Gama� Cali Xuseen diid;
      
      Samo lagu gudboon yahay,
      Iyo gaasas wada yaal,
      Gartaas Saahid baa naqay!
      
      Godol maanka Yawlaa,
      Intuu goorba sahansado,
      Hadba soo ged-kici jiray;
      
      Goleyaasha Iidaan,
      Gudgudkiyo mirtiisii,
      Weli waa gal shiran tahay;
      
      Afay Galayaxiisii,
      Iyo goolli-baadhkii,
      Gocashadu dul saarnayd,
      Hadba soo gudguda-noqoy,
      
      Cabdillaahi garangari,
      Maansada gar-dhaladka ah,
      Hadba gooddi kala bixi.
      
      Gedgeddoonka Laanjeer,
      Gubashada xiniinta leh,
      Weligii ma gamashiyin,
      
      Gorti loo badheedhiyo,
      Cabdi Bucul ma gaasirin,
      Gelin qudha rugtiisii,
      
      Maxamuud gandoodkii,
      Wuxuu geydh la sara kacay,
      Manjo-goror ku taar taar.
      
      Aflow gooli baadhkii,
      Gololada sarbeebta ah,
      Gararkuu ku tixi jiray,
      Iyana waa ma guuraan.
      
      Abwaan Qaasim guul guul,
      Goodaadsigiisii,
      Hadba geenyo heensee,
      
      Xasan Muumin gaad gaad,
      Hadba soo gedgeda-celi,
      Garka iyo taraaraha,
      
      Nin Gahayr la odhan jiray,
      Goolaaftankiisii,
      Guntiguu ku sidan jiray.
      
      Bulxan goobo dirireed,
      Afar-geeslihiisii,
      Geyigoo dhan saamee,
      
      Af-Qallooc gargara-baxa,
      Iyo geeddi-nololeed,
      Hadba gaawe saameel,
      
      Gaashaan nin sidan jiray,
      Iyo hibada geesiga,
      Gabayguna u fududaa,
      Faraskana la golongolay,
      Ruuxii gartow sheeg?
      
      Isna Maydhax-Gumareed,
      Guntigiisa baadhbaadh,
      Gurrac jira ka sheekee,
      
      Ina-Baasaraciyo godob
      Isba golongolkiisii,
      Garashada ag taalluu,
      Kaga diday gumeystaha!
      
      Heedhee Gammuutoow,
      Darbadaaley geydhii,
      Gooshoorradeedii,
      Nin da� weyni soo gaadh.
      
      Abshir-Bacadle gubashada,
      Jiilaalka gahangaha,
      Laaskiisu kama gudhin,
      
      Rafad gololadiisii,
      Googgoosyadiisii,
      Geeduu ku dari jiray.
      
      Afcad goolli-baadhkii,
      Iyo laba-garlayntii,
      Faras buu u gedo-baray.
      
      Ina Raage galabada,
      Gooreynta ficillada,
      Hawaduu ka garan jiray!
      
      Gudmo biyo cas, Gacan-sheyliyo, Gaacir iyo Soomo,
      Guutada halkaas lagu yiqiin, gororinteedii dheh!
      
      Intani goosan weeyee,
      Guutiyo shan guutiyo,
      Weli gaasas baa maqan!
      Galabtana rag baa nool,
      Gurmadna waa dambeeyaa;
      Haddaan geeri loo badan
      La afuufin geeskii,
      
      Ragna guud ahaantii,
      Wada geed lab maahee,
      Geeri baa dhammaysee,
      Guurtidii xulka ahayd,
      Gadh-madoobayaashii,
      Iyo guud cirroolii,
      Dhirta geedka ruudda ah,
      Midhihiisa guran jiray,
      Murtideenna gaanka ah,
      Gurgurshaa ku rari jiray,
      Waxay guulo hooyeen,
      Ma iska gole ka fuul baa?
      
      Dadyow geeddigeennii,
      Beryo lagu galoollaa,
      Ma dhammaan ka guur baa?
      Ma astaan gabowdaa?
      Garka iyo hoggaankiyo,
      Ma xadhkaha u goo baa?
      
      Aaway gumaradeennii,
      Hiddihii gobta ahaa,
      Mayska galab carrow baa?
      Guurtidii xulka  ahayd,
      Golihii aftahammada,
      Geyigeenna beri jiray,
      
      Waxay goob fadhiisteen,
      Waxay gaaf wareejeen,
      Waxay meel ku guuleen,
      Waxay goosan xulashiya,
      Isu soo min guursheen,
      Waxay laan galooliyo,
      Dhebi gaar ah diireen,
      Hadba weedh ma guurto ah,
      Waxay gaassa bixiyeen,
      Godan iyo har buuxsheen,
      Intay geedsan beereen,
      Waxay gaasas laylyeen,
      Ma gamaad abaaddiyo,
      Gacmo madhan ka joog baa?
      Arrinteennu gocashiyo,
      Galgal iyo fudaydiyo,
      Ma galoof la olol baa?
      Ma samaha ka guur baa?
      Gabgabteennu xiisiyo,
      Ma gabiib istaagbaa,
      Galgalkiyo xig xigashadu,
      Ma Galbeed-ku-dayashaa,
      Iyo gaal isu ekayn?
      
      Taladeennu  gubashiyo,
      Mayska gees lo�aad baa?
      Ma habeen gadood baa?
      Dabadeed gar waa� baa?
      Nolosheenna goofkiyo,
      God madow ku tuur baa?
      Gurdan-raaca ubadkiyo,
      Gulufkeenna kala lumay,
      Gashigeenna weli maqan,
      Horta godobta yaa qaba?
      Dhaqan-garaca yaa siday?
      Hadmuu beesha soo galay,
      Go�nay go�ina weynnoo,
      Gurrac bayna daashee,
      Gawdiidka lagu jabay,
      Galabsiga maxaa dhalay?
      
      Maxaa geydha yoontiyo,
      Gabayooxa ina baday?
      Mici good ma fududee,
      Maskaxdaa gidaadoo,
      Gudhay oo basaastoo,
      Damqashada ka guurtee,
      Lafa-geriba jebinnee,
      Goormaa la talantalay?
      Gunnimayna haysee,
      Miyaynaan gob noqon karin?
      
      Alleylehe gu� tirisadu,
      Gedmataye Dun-wacanoow,
      Yaa awaashan kala gura!
      
      In adduunku gamashiyey,
      Goblan tahay aqoontii,
      Golihii aftahammadu,
      Gebogebo ku dhow yahay,
      Nin gu� weyni faallee,
      Galabta iyo sheekada,
      Noloshiyo garkeedii;
      
      Hadba gabaygu meel fuul,
      Guur guur ku dheeraa,
      Garab-daarku faro baday,
      Inkastay badh guran tahay,
      Garashadu ma sii deyn,
      Godadkiyo xiddigiskii,
      Galabtana min baa baxay,
      Weli lama gunaanadin!
      
      Gobanimada yaa yidhi,
      Hayska gaaxsanaatee,
      Garanwaa ku oodee,
      Hasha Garow la leeyahay,
      Dadku Gaydho ula baxay,
      Gabankii wadwadi jiray,
      Lagu yidhi ku gaagixi,
      Afar goor dharaartii,
      Gorofna yaan la hoos qaban,
      Gabran baa dillaacdee,
      Waa maxay go�doonkani.
      
      Gaadh-kama-degaa yidhi;
      Anigu waxaan garaadsaday,
      Iyadoo gayaxa maran.
      
      Dacar wuxuu ku gaabsaday;
      Waa goorma goorteed,
      Godol iyo abla-ablayn
      Iyo gaawaheedii,
      Ka gabowday Maandeeq.
      Booshari ka goodii,
      Laba laba u geedii,
      Laba laba ka goodie,
      Markii ay garraadaha,
      Gacmihii ku daaleen,
      Wuxu yidhi galaalooy,
      Waa maxay guhaankani?
      
      Gabadh baa iyana tidhi;
      Googgaa raggaygow,
      Intayada garayskiyo,
      Garbo-saarta xidhataa,
      Weli waan gudaynaa,
      Gudin baannu weynee,
      Girif giriftu waa tii,
      Hadaad geel cas weydeen,
      Aynu wada gumownoo,
      Gees dheerta dumarkiyo,
      Rida Garo dhammaanteed,
      Aynu wada gujaynee,
      Xera adhiga soo gala!
      
      Guuguule wuxuu yidhi;
      Cabdallaa gurracantiyo,
      Ka gar-naqa la-yaabkoo,
      Halka loo gol leeyahay,
      Xogta sii god raacee,
      Galabtiyo ogaalkiis,
      Nin ka gura u doon doon,
      Keyse guusha loo daa,
      Isna wuxu war gaadhsiin,
      Xerta gacan-togaalaha!
      
      Noloshu waa gun iyo baar,
      Iyo laba is garab yaal,
      Ma gudboona weligeed.
      
      Seban loo gabbalo deyey,
      Gobanimadu noolayd,
      Geyigeenna waxa jiray,
      Aqal kebed galooliyo,
      Googoos ku xidhan yahay,
      Oo daawashada guud,
      Gunbur togan ka sheed dheer,
      Oo gumaro taal taal,
      Gudihiisa shuunka ah,
      Gogol lagu cawaystiyo,
      Salliyada gargaranta ah,
      Gunti lagu furtaa jiray;
      
      Waa goorba goorteed,
      Kala-guranta sii raac,
      
      Gedgeddoonka noloshiyo,
      Hadana gooshkan maanta ah,
      Gurmo-go�an dhig laga jaray,
      Udub geed xun laga qoray,
      Dhirta inan-gumeedka ah,
      Aqal-gaabka soo baxay,
      Bac guduudan lagu xidhay,
      Guro yare ku magac dheer,
      Fadhi lagu gurguurtiyo,
      Lagu galo dhabbacashada,
      Gudihiisa jaqaftiyo,
      Gurgur caagadood iyo,
      Lagu bilay garaabada;
      Gole lagu caweeyiyo,
      Ka arradan gob caadkeed,
      Marka geeddi lagu jiro,
      Lagu qaado garabkiyo,
      God waraabahaa jira!
      
      Ragna guurti weeyaan,
      Gartu nimay u magan tahay,
      Iyo geedka damalka ah;
      Ama dhaadashada guud,
      Gacan iyo nin deeqsiya,
      Gogol iyo nin hirasha leh,
      Gurigiisu madal yahay;
      Ama waa nin gedo weyn,
      Gadh cas buu ku caan yahay,
      Garabkiisa waxa sudhan,
      Gal kitaab ku nabad yahay,
      Guubaabshe weeyaan,
      Garab-daar ku ladhan yahay,
      Wuxuu gaar u leeyahay,
      Dadku guri danbeedkiyo,
      Godka inay xasuustaan.
      
      Ama geesi lagu jabay,
      Marka gorodda lays daro!
      Galayaxa rasaastiyo,
      Marka gumaca daallani,
      Iska gelin danbeedsado,
      Ha iska gola fardoodee,
      Gabbashada dhufaankiyo,
      Marka fule gabgabo dhigo,
      Waxa guul la hadhi kara,
      Goobaha naf waaga leh,
      Ninka geeri weheshada!
      
      Kala guranta sii raac,
      Dhan kale gar-daymood;
      
      Gododlaha shan caynka ah,
      Gudhantiyo madduunka ah,
      Gacal lama caweeyaha,
      Cirro gocor ku taal taal,
      Giiryaale weligii,
      Aan goobna lagu tebin,
      Majin lagu gumaystiyo,
      Gaafeedh shaxaadaha,
      Gadhku laba farraar yahay,
      Guri kama fogaadaha,
      Ganbo dumar ku jiifaha,
      Gunti dheerahaa jira!
      
      Hasha geela madida ah,
      Gura-joogta laaska ah,
      Godalkeedu baxan yahay,
      Marka doobi lala galo,
      Hadii xoor is laba guray,
      Intuu jiidho gaawaha,
      Marba gaash dhulka u dhaco,
      Gobi waxay tidhaahdaa,
      Marti goor xun socotiyo,
      Gacal maqan ha lala sugo!
      
      Dhan kale gar-daymood,
      Kala-guranta sii raac;
      
      Geelna maaha sibir godan,
      Wada goodir maahee,
      Gabanteed ma korisiyo,
      Candho-suufta gidirta ah,
      Gocosada cayuunta ah,
      Gaanyada dhegaa weyn,
      Gabno xoox la oloshiyo,
      Waxa jira ged-geda badan
      Iyo goojo beenleey.
      
      Awrka gooni loo raro,
      Gur-gurshaaga higilka ah,
      Bacadlaha gardaadkiyo,
      Guradiisa maqashiyo,
      Gabannadu ka oriyaan,
      Wed hadduu gondaha jaro,
      La goblamo dharaartaa,
      Gobi waxay tidhaahdaa,
      Hilbihiisa lama geyo!
      
      Dhanka kale gar-daymood,
      Kala-guranta sii raac;
      
      Qoor-gaabka cilinka ah,
      Af-gamuurka nugulka ah,
      Nirig gaajo korisoo,
      Marka caynka lagu gubo,
      Hadba gorof ku jiifsada,
      Goonbaari raratiyo,
      Gasle layliyaa jira!
      
      Awrka geela lagu daray,
      Hadduu goonni joog yahay,
      Gudcurrada daboolka leh,
      Bahalaha gudgudayaa,
      Gabbashada ku dhaafaan,
      Hadduu gaydha aarkiyo,
      Galow-didiso leeyahay;
      Hadduu maalin gebogebo,
      Iyo guluf dardaro kulul,
      Galab weerar kediso ah,
      U daruuro gaashaan,
      Nafta geed iskaga xidho,
      Gardarrada hor joogsado,
      Ku guntado amaanada;
      Hadduu hawl la golangolo,
      Galabtuu is hubin jiray,
      Hadduu geela urursado,
      Il bannaan isugu guro,
      Luquntiisa geriga ah,
      Gondihiyo jilbaha dhigo,
      Hadduu doob gulgulo kulul,
      Kaga nixiyo gooraan,
      Taltallaabsi gododliyo,
      Hadduu laafyo kala guran,
      La dhex maro gun iyo baar,
      Hadduu gaaso baxa rimay,
      Goojada ka wada simo,
      Gobi waxay tidhaahdaa,
      Neefku gaado badanaa,
      Janan gaasas jebiyiyo,
      Lib garoomo sidatiyo,
      Ma galaydh washiran baa?
      
      Dhan kale gar-daymood,
      Kala-guranta sii raac;
      Waxa jira gaabaaxuur,
      Kushkushlaha gulaalka ah,
      Karinlaha gar-dhaafka ah,
      Geela tiisa rimayda ah,
      Qaalmaha gol-madhanta ah,
      Ku kufsada gelgelimaha!
      
      Gammaan-duulka cududda leh,
      Waxaa goonni loo cugay,
      Faras-geriga huudka ah,
      Mas-galaalka caanka ah,
      Iyo goobo tobanlaha,
      Garba daylka fiinka ah,
      Iyo gorayga fiigga ah,
      Fan-garaadku shuban yahay,
      Jilbo-giirka coonka ah,
      Geel-qaadka hibada leh,
      Gurdankiisa fooriyo,
      Gabaddano ka dhalatee,
      Dhiillo-gelinta caan ku ah,
      Hadduu gaada-gaadiyo,
      Ged-la-soo-bax leeyahay,
      Gurxan iyo salsalisiyo,
      Garbin iyo wahwahan iyo,
      Gur-ka-nixiso leeyahay,
      Hadduu geed is maris yahay,
      Guulguulka cadowgiyo,
      Guddo iyo sas leeyahay,
      Gabbashada ku caan yahay,
      Hadduu gaasas ku onkodo,
      Baqashada ku daba galo,
      Marba goosan kala hadho,
      Gar-tallowga ku hubsado,
      Guutadii dabka lahayd,
      Garankeeda laga kaco,
      Guul-darrooyinkuu dhigay,
      Markuu soo gunaanado,
      Hadduu faano-gurashada,
      Iyo faan-gilgilashada,
      Hadduu goobta dhimashada,
      Iyo meesha lagu go�ay,
      Intuu geesta uga baxo,
      Ka sanqadhiyo gawsaha,
      Birta godad ka wada dhigo,
      Hadduu gaada-miratada,
      Iyo laabta ganatada,
      Iyo goobo tirisada,
      Midba goonni ugu jiro,
      Gabay iyo tix leeyahay
      Markuu guusha maragga leh
      Gacantiisa ku hubsado,
      Haddii dayrta iyo gu�ga,
      Galaan miida lagu shubo,
      Gobi waxay tidhaahdaa,
      Garo oo Bullaaloow,
      Geesigaad is raacdeen,
      Isaga looma geed tirin.
      
      Kala guranta sii raac;
      Dhanka kale gan waynaha,
      Gubadlaha qadhoonka ah,
      Baqal-garaca cooshka ah,
      Gunta wada caweerka ah,
      Gabax lagu shakaal iyo,
      Guluf kuma hirtaa jira!
      
      Hadduu qaaje godan yahay,
      Shalmad dhabaq-guduudiyo,
      Gedef iyo qardhaasiyo,
      Gashan baal laglaga dheer,
      Heensihiisu gaar yahay,
      Gole iyo shir magac-liyo,
      Gelbisyada u tabobaran,
      Iyo gaaf toddoba baxay,
      Hadduu goolli-baadhkiyo,
      Goleyaasha dhaqankiyo,
      Goble-jire ku caan yahay,
      Danan gooxa dhaliyiyo,
      Garri iyo raxraxan iyo,
      Cod ganaanan leeyahay,
      Gobi waxay tidhaahdaa,
      Talow gabadh ma siinnaa!
      
      Gibishiyo daruuraha,
      Iyo godolka raarida,
      Cir galgaalay jiilaal,
      Hadduu keeno guulguul,
      Gilgil iyo fad daalacan,
      Marka godolku buuxsamo,
      Hadduu yeesho gooraan,
      Iyo goorba diga rogan,
      Iyo gooha qalanjada,
      Dhan galbeed riddada hore,
      Gocomaale ka onkado,
      Golawguna la saro kaco,
      Gedihii la fili jiray,
      Haduu goon-dhabaalaha,
      Iyo goorba carashada,
      Gudban iyo taxtaxan iyo,
      Saba-haran gondaha dhigo,
      Hadba galangal soo rogo,
      Carrigana gal iyo daad,
      Galayaxa ka wada dhigo,
      Durba gogasha laga kaco,
      Hadduu guuraguuraha,
      Gali iyo ladh yoontiyo,
      Gudgud iyo mir leeyahay,
      Gama� lagaga saahido,
      Hadduu gaafan iyo hawd,
      Marsin iyo Gar loo gubay,
      Gaaroodi degeshado,
      Jirde-gooye dogobbo leh,
      Manja gororshe taag taag,
      Gudcur maararaw le ah,
      Gelin dhexe is jiidhaan,
      Wax la-yaab leh geystaan,
      Garamaale sahansaday,
      Guban iyo ka dhaadhaco,
      Goballada saraareed,
      Gulus iyo cal iyo buur,
      Guulaamo kaga tago,
      Dabadeed gondaha dhigo,
      Geriyaad basaas weyn,
      Geyigoo dhan maanshiyo,
      Guryo samo ka wada dhigo,
      Oo gaasas baalliyo,
      Garawooyin heesaa,
      Shinbiraha goleeyaa,
      Marba goosan yeedheen,
      Oo gooha kala rogan,
      God-xariirro seeseen,
      Gaaraa-bidhaankiyo,
      Roob la soo dhac goosh yimi,
      Marba goob xoraystaan,
      Sida beri gobaysane,
      Gu�gu magacyo leeyahay
      Dadka guurtidiisii,
      Garashada aftahammadu,
      Hadba garangar jeexaan,
      Golayaasha fiidkii,
      Codka goolli-baadhka ah,
      Guur-doon isugu tego,
      Dumar gaaridoodii,
      Saablayda gocoyada,
      Haamaha gal waynta ah,
      Marba gees u dhigayaan,
      Hasha caano gubayaan,
      Gabanteeda hoos taal,
      Naasuhu ku gororaan,
      Guulaha Allaa lehe,
      Mahaddaas gun dheerta ah,
      Nin galaan darsanayaa,
      Gooshaash rogrogashiyo,
      Gabay waa u fudud yahay,
      Gobi waxay tidhaahdaa,
      Galladaha Illaahay,
      Kibir laguma gaasiro!
      
      Dhanka kale gar-daymood;
      
      Gabadhlaha kaliileed,
      Gododlaha jartaalaha,
      Tumay guuxa kugu sira,
      Fadal-weyne galabeed,
      Hogal dhaan ma gaadhiyo
      Gawlgawlka caydhka ah
      Shuux goror yar baa jira.
      
      Kol hadduu gun leeyahay,
      Garashadu u sahan tahay,
      Guurka waa la mahadshaa,
      Gabadhi waa ta hooda leh,
      Tobankii gu� wada kaca,
      Golaladu mid weeyaan,
      Iyada geeda lab baa dhala,
      Iyo qoys gargara baxay,
      Nin golyeed la jecel yahay,
      Iyo gaari magac weyn,
      Qaryad geel ku maqan yahay,
      Maryaheedu giir ma leh,
      Gayngaynna kuma dhaco,
      Waa garays xidhxidhan tahay,
      Wayna guudad bilan tahay,
      Dhexdu waa gurguran tahay,
      Gar cas bay ku xidhan tahay,
      Golxo iyo harharan iyo,
      Garbo-roganna loo daa
      Waana foolal garan tahay,
      Indhaheedu waa good,
      Fuleygey ku guushaa,
      Miyirkeeda lama garan,
      Sida loogu gacan-baxay,
      Gole-joogga xulashada,
      Geenyo weeye tabobaran,
      Waa gashaanti heeg dheer,
      Hilbaheeda kala guran,
      Gabay laguma soo helo,
      Hayal lagu gardaadshiyo,
      Hanku waa u gaadiid,
      Hiyigu waa u gaashaan,
      Gobanimana wow meel,
      Gol-daloolo qoontiyo,
      Gurrac iyo turxaan ma leh,
      Marka geeddi lagu jiro,
      Marka garangar loo dego,
      Iyadu waa ka gaar dumar,
      Is-galaaliddeediyo,
      Is-gadhoodhinteeduba,
      Labaduba ma guuraan,
      Midba goonnidiisuu,
      Biyo goror u leeyahay,
      Ma taqaanno gocashada,
      Gar-darrada sokeeyaha,
      Uma gooro tirisee,
      Gogol bay u fidisaa,
      Ma gidaaddo weligeed,
      Ma gumeeyo jiilaal,
      Seban xumi ma gaasiro,
      Hadalkeedu waa guun,
      Waana gaabis badan yahay,
      Gelinkiiba waa weedh,
      Xadhig aan bir lagu goyn,
      Garka iyo wadnaha badha,
      Ayay laan galooliyo,
      Ganta adag ku leedahay,
      Gedeheeda waayeel,
      Waa ta guuto-koristiyo,
      Ganba weynta noqotee,
      Gudida beesha lagu daro;
      
      Dhanka kale gar-daymood,
      Kala guranta sii raaac;
      
      Guumaysta xananka ah,
      Doqontiyo gol-weynta ah,
      Martu dhinac u guran tahay,
      Goonbaarta fiinta ah,
      Gaaraa-yucuunta ah,
      Gungunuusta weligeed,
      Gocondhada xajiinta ah,
      Gurigeed ma jiratada,
      Hadba gees u socotada,
      Gashan kabaha weligeed,
      Gaadh-gaadhka lagu falay,
      Gocosada basarida ah,
      Jiif dheerta goborta leh,
      Garashadu ka maqan tahay,
      Iyo goor xun hadashada,
      Geesaasta weligeed,
      Madhantiyo garraafta ah,
      Geed baas is marisada,
      Wejigeedu gudhan yahay,
      Dhillis guur ma dayatiyo,
      Waxa jira gabaarrey!!
      
      Gebi-dhaca xisaabtiyo,
      Guulguulka naartiyo,
      Kasha golongolkeediyo,
      Manjo-gorarka daalka leh,
      Gasariirka fara badan,
      Gulcubaha is daba yaal,
      Weji gabaxa muragada,
      Isma garato qoysiyo,
      Gacal kala irdhooboo,
      Gabbashadu dhex taalliyo,
      Dhanka lagu gaboobiyo,
      Ninka guul hadhsanayaa,
      Midba gaar u faalloo;
      
      Gebegebada maantaas,
      Kala-guurka food saar,
      Marka laysku kala guro,
      Gubniyada la kala diro,
      Dadku labada geesood,
      Midba guri u kicitimo,
      Waa gunaanad xaajadu!
      
      Dhammaad.
      
      
      
      
    Af ku siran   Dib U laabo
      
      MAANSADII AFKU SIRAN EE ABWAAN HADRAAWI
      Posted by: ADMIN | on July 19, 2010
      Maanta waxaanu idiin dooray Maansadii Afku siran ee abwaan MAXAMED IBRAAHIM WARSAME (HADRAAWI). Maansadaasi waxay soo baxday 06/04/1997 – LONDON, Waxay ku tusaysaa Balaaqada iyo Qaninimada suugaanta Abwaanku heerka ay gaadhsiisan tahay
      
      Bismillaahi oohow!
      Runtu aydin maahee
      Bal adeentideedii
      Oohow! Ka oohow!.
      
      Dhulku waa ammaanee
      Abbaan-duulihiisow
      Adhi raacistiisii
      Ma-Orgaad ka tahay weli
      Asaraarka maantii
      Ka il nugul habeenkii?
      
      Bogashada iddiisiyo
      Wax ka maqan asaaggii
      Nin ku helay il-duufkow
      Hadba doqon-aroorkiyo
      Hadba oon-ku-fuliddiyo
      Indha-garashadeediyo
      ILLowgeeda badan baa
      Gelin qudha intaadiyo
      Kugu baray er’erigee,
      Haddaad aammin-doon tahay
      Eedahaaga biiraa
      Aqal maaha laga galo
      Arrin lagugu leeyahay.
      
      Marba waxay aslaysaa
      Asal lagu-xumeeyee
      Asliddeeda mooyee,
      Isu eeddo weeyoo
      Arbacaa ka werisoo
      Waxay tidhi Isniintii
      Ku idlaatay xagashadu;
      "IL-baxnimadu waa yaab,
      Maanta iibsadeediyo
      Axaddeedu badanaa!
      Weli waa ayaantii
      Lagu cunay ayaankee
      Immisaa ka hadhay tolow
      Berritiyo amaahdii
      Lagu qoray albaabada?"
      
      Afo waa ninkeediyo
      Arbe dheelli tiri kara,
      Aarna waa dhiggiisiyo
      Oori laysku dherersado,
      Aragtida midaysiyo
      Dadna urur ku qaan gaadh.
      
      Wacashada Ibleyskaa
      Indha-beelka sidatee
      Dhulka obolos baa shilay,
      Waxa lagu agaasimey
      Asaroorintiisoo
      Erayada tix-gelintiyo
      Ummadaynta ficilkiyo
      Innagaa ka madhatoo
      Hadba inan qolaystiyo
      Isagaa ku badatoo
      Magacyada Ukulidiyo
      Alabbada fal-tuuggiyo
      Anigaa ku tarantoo
      Asma lagu xabaaliyo
      Werwer bay ku aaseen.
      
      Dhal Aboodi weeyoo
      Intatabo ma weydee
      Adhaxday ka jiiftaa
      Addinkay ka tahay maya
      ILLinkaa fal kaga jabay
      Cabsi bay ku oodeen.
      
      Waa adduunyo teedii
      Ifafaalayaashii
      Aammanuun ka soo yiil.
      
      Waa iliilaheedii
      Agankiyo lurkeedii,
      Waa Aroosanteedii
      Indhal-furashadeedii.
      Marna Ayro-jookhiyo
      Ula-dhabanta soofkiyo
      Amba-qaadka jaantaa
      Kasha lulan ilaysoo
      Tabashada ob-siisoo
      Ha ekaatadeedaa
      Af-yaqaanku seesaa.
      
      Marna waxay ku ururtaa
      Agagaarka calalkiyo
      Raqda eegideediyo
      Ubbadeeda dacarta ah,
      Ajo-weerarkeedaa
      Arammidu qunbacataa.
      
      Marka lagu akeekimo
      Marka lagu ormeeyee
      Falan lagu af-duubee
      Marba eel ku gororee
      Hirashadu asqowdee
      Ulashadu hungowdee
      Asalkeedu guuree
      Ambisadu xidh-xidhatee
      Babbisadu ku orisee
      Is ahaanta kelinnimo
      Dadku wada-ammaantee
      Odeygeedu waashee
      Ina belo ka taliyee
      Lagu amarro-qooqee
      La-ILaahyo sheegtaa
      La-awoodo beenshaa.
      
      Marka laga dul ooyee
      Asaydeedu badatee
      Alwadkiyo hayaaydiyo
      Kolba aah! ku firidhaa
      Axdigeeda nabadeed
      Lagu aammusiiyaa,
      Bixisada ku oloshiyo
      Agaraa-damteedaa
      Ifisadu ka beridaa.
      
      Waa ammaaraddeedii
      Ardal loo qab-qaban jirey.
      Waa astaamaheedii
      Marka laga inaabsado
      Shimbirkeedu iman jirey.
      Waa awaaleheedii
      Allaheedu furan jirey
      Runta lagu asturi jirey.
      Waa Arooryadeedii
      Al-aloosku dhalan jirey.
      Waa Islaaminteedii
      Marka aadun laga dhigo.
      Waa abaabulkeedii
      Askarteeda lagu yidhi;
      "Xadhko harag Abeesiyo
      Urta bahalka hoosiyo
      Abur beena lagu dedey
      Usha ba'an ku sii daa"
      Waa ummuuraheedii
      Itixaanku saarnaa.
      Waa abraaraheedii
      Lagu kala astaysnaa.
      Waa ardaa-dhiggeedii
      Ninka aabo xidhatiyo
      Xasan Guure odhan jirey;
      "Mar hadday or'orod tahay
      Ragannimo abkeedaa
      Lagu iil-bannaystaa"
      
      Xil adduunyo waa qool
      Labadeeda aadka ah
      Waxa laysku aadshaa
      Marka labada aadka ah
      Midba dhinac ku aad yahay
      Laba dhinac ku aadaan.
      
      Orrob lagu bariistiyo
      Marka eexo-dirashada
      Lagu gabo arbeebbiga
      Af-ku-siran cad loo rogo
      Ereyguna ku madi yahay
      Alleylehe nin baa yidhi;
      "Arartaa gun noqotoo
      Kuma aaddo hawshay
      Dadku odhan lahaayeen
      Alle mahaddi weeyaan"
      
      Dadka oof dalooshiyo
      Ammin baa sugaysoo
      Waa ayaamo jiratee,
      Orka Gabay nin sugayow
      Irbad baa wax humisee
      Wax ku soo dar aammiin.
      Anda-qaadka hubantidu
      Qofba wuxu ishaartiyo
      Idan lagu cawaystiyo
      Ha ahaato maahoo
      Ficil baa ansixiyee
      Imminkaba garaadow!
      Arrimaha dad lagu yahay
      Ha ku xadin Allow sahal.
      
      Naftu weyska oydaa
      Marka aammuskeedii
      Cunto loogu iibshoo,
      Waxay eersi badataa
      Markay iimo badatoo
      Fadhigaa arradiyoo
      Baryadaa awaadhee,
      Haddaan aano loo haeyn
      Anafada masayrka ah
      Cidi kuma irdheysoo,
      Kol hadday asturan tahay
      Cidi kama adkaatee,
      Halka aa 
      
      
    Maanso   Dib U laabo
      
      
      
      
    Maanso   Dib U laabo
      
      
      
      
      
                   
      Dib U laabo
      
      Soo bandhige: Fu,aad Sh. (Bahda Mareegta Farshaxan)
      Xigasho: Mareegta Hoyga Suugaanta
           Mareegta Aftahan
      Mareegta Kaydka Suugaanta
      
      
      Copyright �2003- Mareegta Raadraac ee Farshaxan.
            All Rights Reserved.